Հ. Յ. Դաշնակցութիւն.–

Արցախն այսօր ունի համայն հայութեան
աջակցութեան կարիքը

«Այսօր արդէն պէտք է սկսել ԼՂՀ արտաքին քաղաքականութեան
հայեցակարգի ձեւաւորումը»
Յուլիս 24, 2010թ. 16:20
Արցախի Հանրապետութեան խորհրդարանի «Հ. Յ. Դաշնակցութիւն» խմբակցութեան ղեկավար Արմէն Սարգսեանը կարծիք յայտնելով Հաագայի դատարանի կողմից Կոսովոյի անկախութիւնը ճանաչելու որոշման առնչութեամբ ասել է.«Որոշման դրական կողմն այն է, որ միջազգային ծիրի մէջ մի որոշում եւս ընդունւեց` յօգուտ անկախութեան»:
Խօսելով Ղարաբաղեան հիմնախնդրի կարգաւորման բանակցային գործընթացի մասին նա մէկ անգամ եւս հրապարակեց Հ. Յ. Դաշնակցութեան այն կարծիքը, որ Ղարաբաղեան հիմնախնդրի կարգաւորմանն իր մասնակցութիւնը պէտք է ունենան ոչ միայն Ղարաբաղն ու Հայաստանը, այլեւ` ողջ հայութիւնը, քանի որ դա համահայկական հարց է:
«Ղարաբաղը պէտք է լինի բանակցային կողմ, իսկ Հայաստանը պէտք բանակցութիւններին մասնակցի յստակ ընդունւած իր իրաւունքների շրջանակում` որպէս Ղարաբաղի անկախութեան եւ անվտանգութեան երաշխաւոր»,-շեշտել է Ա. Սարգսեանը:
Հ. Յ. Դաշնակցութեան անդամ Արմէն Սարգսեանը նոյնպէս այն կարծիքին է, որ պէտք է սկսել ԼՂՀ ճանաչման գործընթացը, բայց չի ակնկալում, որ միջազգային դատարանի վերոնշեալ որոշման հրապարակմանը կը յաջորդի որոշ երկրների կողմից Ղարաբաղի անկախութեան ճանաչումը, քանի որ գտնում է, որ դրա համար լուրջ աշխատանքներ են անհրաժեշտ:
«Ղարաբաղը չի կարող հանգիստ նստել ու ակնկալել, որ իր անկախութիւնը կը ճանաչեն: Նման բան չի լինում»,-այս միտքն արտայայտեց ՀՅԴ անդամը, աւելացնելով, որ այսօր արդէն պէտք է սկսել ԼՂՀ արտաքին քաղաքականութեան հայեցակարգի ձեւաւորումը, որի հիմնական ծանրաբեռնւածութիւնը լինելու է հէնց ԱԺ քաղաքական ուժերի վրայ:
ArmAr.am

0 Պատգամ: