Sunday, July 25, 2010

վարչապետ.–

վարչապետ.–
Ձւի խնդիրը Հայաստանում լուծւած է
14:34 • 24.07.10
Այս տարի Հայաստանում կտրուկ աւելացել է ձւի արտադրութիւնը, և շուկայում ստեղծւած աժիոտաժային իրավիճակը պայմանաւորւած է հէնց այդ հանգամանքով։ Ինչպէս հայաստանեան հեռուստա–ընկերութիւններին տւած հարցազրոյցում ասել է ՀՀ վարչապետ Տիգրան Սարգսեանը, բնականաբար, մրցակցութիւնն այդ դաշտում կտրուկ մեծացել է։ «Բոլորս արձանագրեցինք գների կտրուկ նւազում, գների տատանողականութիւն այդ շուկայում, ինչը վկայում է, որ մրցակցութիւնը սրւել է, և դրանից էլ բխում է այն հանգամանքը, որ նաև խօսակցութիւններ կան, թէ լինելո՞ւ են կլանումներ, թէ՞ ոչ»,- նշել է նա։
Ըստ վարչապետի՝ այսօրւայ միտումները վկայում են այն մասին, որ այդ ոլորտում կատարւել են լուրջ ներդրումներ, որի արդիւնքում էլ արտադրողականութիւնը բարձրացել և արձանագրւել է ծաւալների 30% աճ։ Դա, ըստ վարչապետի, նշանակում է, որ ձւի խնդիրը Հայաստանում լուծւած է, ձւի արտադրութեան խնդիրը լուծւած է։
«Հիմա պէտք է հետևենք, որպէսզի լինի արդար և ազնիւ մրցակցութիւն, որպէսզի չլինեն գերշահոյթներ, իսկ դա արդէն Տնտեսական մրցակցութեան յանձնաժողովի անմիջական աշխատանքն է»,- ասել է վարչապետը՝ նշելով, որ ոլորտը գտնւում է յանձնաժողովի ուշադրութեան կենտրոնում։
Tert.am

0 Պատգամ: