Վրացիները հայահալած քաղաքականութԻւն

են իրականացնում հայերի

ձեռքով


«Իրավիճակն աւելի վատ է, քան Ստալինի և Բերիայի իշխանութեան տարիներին»

«Վրացերէնը պէտք է սովորել վրացերէնի, այլ ոչ թէ Հայերէնի դասաժամերին»

Հայ երեխան Ջաւախքի դպրոցում սկսում է վրացական
լեզւամտածողութիւն դրսևորել, ինչը միջազգային նորմերի կոպիտ խախտում է»

«Վրաստանի իշխանութիւնների քաղաքականութիւնը պատահական չէ, ունի յստակ ու պետական կարգաւորում»


12:40 • 15.12.10
Ջաւախքում Հայահալած և այդ ճանապարհով Հայաթափման քաղաքականութիւնը շարունակւում է։ Այսօր լրագրողների հետ հանդիպման ժամանակ այս մասին ահազանգեց ՀՀ ԱԺ պատգամաւոր, «Ջաւախք» հայրենակցական միութեան նախագահ Շիրակ Թորոսեանը։
Ըստ նրա՝ Վրաստանում ստալինա–բերիա–կան ռեժիմ է ստեղծւել, իրավիճակն աւելի վատ է, քան Ստալինի և Բերիայի իշխանութեան տարիներին։ Տասնեակ Հայ ակտիւիստներ քաղաքական հայեացքների համար հեռացել են Ջաւախքից։ Ցաւալին, ըստ Թորոսեանի, այն է, որ հայահալած քաղաքականութիւնը Վրաստանի իշխանութիւններն իրականացնում են ՏԻՄ մարմինների և իրաւապահների ձեռքով, որոնց աշխատակիցների մեծ մասը հայեր են։ Նման «հայ» պաշտօնեաներին
Թորոսեանը խամաճիկներ անւանեց։
Թորոսեանի խօսքով՝ թէև Հայ–վրացական բարեկամութեան ամրապնդման պաշտօնական յայտարարութիւններ են հնչում, սակայն իրականում առաջընթաց չկայ։
«Շարունակւում է սրւել սահմանի խնդիրը։ Եթէ նախկինում միայն Բավրայի հատւածում էր սրւած, ապա այս տարի Տավուշի և Լոռու տարածաշրջանների սահամանային կէտերում լուրջ խնդիրներ առաջացան վրացի իրաւապահների ոչ իրաւական քայլերի արդիւնքում»,– նշեց Թորոսեանը։
Պատգամաւորը նշեց, որ այս տարի Ջաւախքի կրթական համակարգում բացասական նոր դրսևորումներ են առաջ եկել։ Առաջինը Ջաւախքի դպրոցներում Հայերէն դասաժամերի կտրուկ նւազեցումը և դրա հաշւին վրացերէն առարկաների դասաաժամերի կտրուկ աւելացումն է։
«Վրացերէնը պէտք է սովորել վրացերէնի, այլ ոչ թէ Հայերէնի հաշւին։ Հայ երեխան Ջաւախքի դպրոցում սկսում է վրացական լեզւամտածողութիւն դրսևորել, ինչը միջազգային նորմերի կոպիտ խախտում է»,– ընդգծեց բանախօսը։Այս ուսումնական տարում Վրաստանի իշխանութիւնների հրահանգով Ջաւախքի դպրոցներից հեռացւել են մեծ թւով Հայոց լեզւի և Հայոց պատմութեան ուսուցիչներ։ Նրանց թւում են նաև Շիրակ Թորոսեանի ծնողները։
Թէև ՀՀ ԿԳ նախարար Արմէն Աշոտեանի՝ Վրաստան կատարած այցի ընթացքում համաձայնութիւն էր ձեռք բերւել Ջաւախքի դպրոցներում վերականգնել հայագիտական առարկաների դասաժամերի քանակը, սակայն, ըստ Թորոսեանի, Վրաստանի ԿԳ նախարար Դմիտրի Շաշկինը հարցին լուծում չի տւել՝ տեղափոխելով այն յաջորդ տարի։ «Վրաստանի իշխանութիւնների քաղաքականութիւնը պատահական չէ, ունի յստակ ու պետական կարգաւորում»,– ընդգծեց Թորոսեանը։ Նա յիշեցրեց Վրաստանի ԱԳ նախարարի խօսքերը, որոնք հնչեցւել էին Երևանում։ Լրագրողի՝ Ջաւախքի վերաբերեալ հարցին Գրիգոլ Վաշաձէն պատասխանել էր. «Ես չգիտեմ՝ ինչ է Ջաւախքը։ Նման տարածք քարտէզի վրայ գոյութիւն չունի»։
Շիրակ Թորոսեանը նաև նշեց, որ վրացական իշխանութիւները Ջաւախքի խնդիրները կոծկելու քաղաքականութիւն են իրականացնում։ Պատգամաւորը նաև մեծ խնդիր է համարում այն, որ Վրաստանի հայկական եկեղեցիները չվերադարձւեցին Հայ առաքելական եկեղեցու վրացահայոց թեմին, Հայ Առաքելական եկեղեցուն Վրաստանում իրաւական կարգավիճակ չտրւեց, չստացւեց Ամենայն Հայոց Կաթողիկոսի այցելութիւնը Վրաստան։ Թորոսեանը տեղեկութիւններ ունի, որ Վրաստանի հոգևոր առաջնորդն իր առողջական խնդիրների պատճառաբանութեամբ անընդհատ ձգձգում է Ամենայն Հայոց Կաթողիկոսի այցելութիւնը Վրաստան։ «Մինչդեռ մենք հետևում և տեսնում ենք, որ նա շատ առոյգ է և այցեր է կատարում Վրաստանի մարզեր»,– նշեց Թորոսեանը։




Tert.am






0 Պատգամ: