«Новое время».-

«Ժառանգութեան» յաւակնութիւնները դէմ են

Հայաստանի ազգային շահերին



Դեկտեմբեր 13, 2010 09:06
Պարբերականը մեկնաբանելով Ժառանգութիւն կուսակցութիւնը նախաձեռնութիւնը` ճանաչել Լեռնային Ղարաբաղի Հանրապետութեան անկախութիւնը` հարցադրում է անում, թէ ինչու է Ժառանգութիւնն ակնյայտ ձախողման հեռանկարով պնդում այդ օրինագծի քւէարկութիւնը, որը տեղի ունեցաւ Արցախի անկախութեան հանրաքւէի 19-ամեակի նախօրէին:
Այդ օրինագծի շուրջ հէնց սկզբից բազմաթիւ վէճեր կային: Դրա ժամանակավրէպ լինելու մասին խօսում էին խորհրդարանական եւ արտախորհրդարանական բոլոր ուժերը: Ժառանգութիւնն իր նախաձեռնութեամբ լիովին միայնակ էր, բայց, բնականաբար, ոչ այն պատճառով, որ բոլոր միւսները չեն ուզում Արցախի անկախութիւնը: Խորհրդարանական մեծամասնութիւնը եւ Դաշնակցութիւնը բազմիցս յայտարարել են, որ օրինագիծը վտանգում է ԵԱՀԿ Մինսկի խմբի շրջանակում ընթացող խաղաղ կարգաւորման գործընթացին, որ ԼՂՀ-ի ճանաչումը կարող է հիմք տալ Ադրբեջանին պատերազմ սկսել:
Իրականում ոչ միայն քւէարկութիւնը, այլեւ օրինագծի քննարկումը ցանկալի չէր, քանի որ պատգամաւորական կորպուսը յայտնւում էր երկիմաստ վիճակում: Նախաձեռնութեան դէմ իւրաքանչիւր ձայնը կարող էր գնահատւել որպէս ԼՂՀ-ի անկախութեան ճանաչմանը դէմ ձայն, ինչը չի համապատասխանում իրականութեանը:
Եթէ խորհրդարանական մեծամասնութիւնն ու փոքրամասնութիւնը կարողանային պայմանաւորւել` գործը չէին հասցնի մինչեւ քննարկում: Բացի այդ, կար երկու կողմերի համար ընդունելի տարբերակ. օրինագիծն ընդգրկել օրակարգում եւ հետաձգել մինչեւ այն պահը, երբ քաղաքական տեսանկիւնից նպատակայարմար կլինէր դրա քննարկումը:

Լուրեր Հայաստանից - NEWS.am

0 Պատգամ: