Ջաւախքում նման իրավիճակի ստեղծման

հարցում մեղաւոր է նաև Հայաստանը

«Մենք 100 օր կորցրել ենք միայն այն պատճառով, որ Հայաստանում չենք

կարողացել գտնել տեղ, որտեղ կարելի է խօսել Ջաւախքի խնդիրների

մասին»


«Չախլեանի դատավարութիւնն անցել է խայտառակ պայմաններում, անգամ

չի չթոյլատրւել, որ պաշտպանութիւնն իրականացնի նրա ֆրանսահայ

փաստաբանը»


13:58 • 23.12.10

«Երբ կկտրատէք ամանօրեայ խոզի բուդը, մի պահ յիշեք, որ մեզնից մի քանի ժամւայ ճանապարհի վրայ բանտում է ջաւախքահայ գործիչ Վահագն Չախալեանը»,- այսօր ջաւախքահայութեան խնդիրներին նւիրւած համաժողովի ժամանակ ասաց «Սարդարապատ» նախաձեռնութեան անդամ, կինոռեժիսոր Տիգրան Խզմալեանը:
Նա շնորհակալութիւն յայտնեց ԳԱԱ Պատմութեան ինստիտուտի տնօրէն Աշոտ Մելքոնեանին՝ ջաւախքահայութեան խնդիրների վերաբերեալ համաժողովի անցկացման համար ինստիտուտի դահլիճը տրամադրելու համար: Խզմալեանը տեղեկացրեց, որ իրենք այսօրւայ համաժողովն անցկացնելու համար երեք ամիս շարունակ տարբեր դռներ են թակել, սակայն որևէ մէկը դահլիճ չի տրամադրել: «Մենք 100 օր կորցրել ենք միայն այն պատճառով, որ Հայաստանում չենք կարողացել գտնել տեղ, որտեղ կարելի է խօսել Ջաւախքի խնդիրների մասին»,- ասաց Տիգրան Խզմալեանը:
«Երկիր» միութեան համակարգող Ռոբերտ Թաթոեանը ներկայացրեց Վահագն Չախալեանի դէմ յարուցւած քրգործի, դատավարութեան պատմութիւնը՝ յիշեցնելով, որ դատավարութիւնն անցել է խայտառակ պայմաններում, անգամ չի չթոյլատրւել, որ Չախալեանի պաշտպանութիւնն իրականացնի ֆրանսահայ փաստաբանը: «Այն ցինիզմը, որ այս գործի նկատմամբ դրսևորւեց, մենք չէինք սպասում»,- ասաց Ռոբերտ Թաթոեանը՝ աւելացնելով, որ պէտք է բոլոր ատեաններում բարձրաձայնել այս խնդիրների մասին:
«Ջաւախքը պատմականօրէն հայկական բարձրաւանդակի անբաժան մասն է կազմել: Հայերը եղել են այդ շրջանի բնակչութեան ջախջախիչ մեծամասնութիւնը: Այսօր ևս հայերը Ջաւախքի բնակչութեան մեծամասնութիւնն են: Ջաւախքն անգնահատելի նշանակութիւն ունի Հայաստանի անվտանգութեան համար»,-յայտարարեց համաժողովին մասնակից, «Սարդարապատ» նախաձեռնութեան անդամ Ալէք Ենիգոմշեանը: Նա նշեց, որ այսօր հայութեան առջև դրւած հիմնական խնդիրը Ջաւախքի հզօրացումն ու «հայկականութեան ապահովումն է»:
Ենիգոմշեանի խօսքով, այն որ Վահագն Չախալեանն այսօր բանտում է, նրա ընկերներն ու հարազատները հետապնդւում են, նշանակում է, որ Ջաւախքում հայերի նվազագոյն պահանջները չեն բաւարարւում և նրանց իրաւունքները ոտնահարւում են վրացական իշխանութիւնների կողմից: Միաժամանակ, Ջաւախքում նման իրավիճակի ստեղծման հարցում, Ենիգոմշեանի խօսքով, մեղաւոր է նաև Հայաստանը:


Tert.am


0 Պատգամ: