Եգիպտոսում Քրիստոնեաները երդւել

են խաչը պաշտպանել

արեամբ և հոգով



14:03 • 05.01.11
Եգիպտոսի Ասիւտ քաղաքում երէկ մօտ 500 քրիսատոնեայ փողոց է դուրս եկել՝ բողոքի ակցիայի: Այս մասին յայտնում է Associated Press-ը:
Բողոքի ակցիայի մասնակիցները հաւաքւել են Ասիւտում՝ իշխող կուսակցութեան գրասենեակի առջև: Ցուցարարները երդւել են խաչը պաշտպանել «արեամբ և հոգով»: Նրանք կառավարութեանը նաև մեղադրել են քրիստոնեայ Ղպտիներին պաշտպանելու համար ոչ բաւարար միջոցառումներ ձեռնարկելու համար: Նշենք, որ քրիստոնեայ Ղպտիները կազմում են Եգիպտոսի բնակչութեան տասը տոկոսը:
Բացի այդ, քրիստոնեայ Ղպտիները ոստիկանների վրայ քարեր են նետել: Տուժածների մասին սակայն տեղեկութիւն դեռևս չկայ:
Յիշեցնենք, որ Եգիպտոսի նախագահ Հոսնի Մուբարաքը օրեր առաջ ամանորեայ պատարագի ժամանակ ղպտիական եկեղեցում տեղի ունեցած ահաբեկութեան համար մեղադրել էր օտարերկրեայ կազմակերպութիւններին, սակայն հետաքննութեան նախնական տւեալների համաձայն, ահաբեկութեան ետևում կանգնած են տեղի ծայրայեղականները: Կասկածեալների թւում է իսլամական «Սալաֆիա» խմբաւորումը:
Հետաքննութեան վարկածով՝ահաբեկութեան կազմակերպիչների վրայ հաւանաբար ազդել է «Ալ Ղաիդա» ահաբեկչական ցանցը:

Tert.am

0 Պատգամ: