ՏՐԱՄԱԳԻԾ

Ադրբեջանցիները կրկին Հայ զինւոր են սպանել

2011-04-29T08:26:00.001+04:30

Ադրբեջանցիները կրկին

Հայ զինւոր են սպանել

Ապրիլ 28, 2011 | 22:35
Լեռնային Ղարաբաղի եւ Ադրբեջանի զօրքերի շփման գծի հարաւարեւելեան (Մարտունու) պաշտպանական ուղղութեամբ տեղակայւած դիրքերից մէկում ադրբեջանական կողմից արձակւած գնդակից Հայ զինւոր է վիրաւորւել։ Ինչպէս NEWS.am-ին տեղեկացրին ԼՂՀ պաշտպանութեան բանակի լրատւութեան բաժնից, ապրիլի 28-ին, ժամը 16:15-ի սահմանում, գլխուղեղի շրջանում հրազէնային մահացու վիրաւորում է ստացել ՊԲ ժամկէտային զինծառայող, 1992թ. ծնւած Վազգէն Կառլէնի Բախշեանը: Դէպքից անմիջապէս յետոյ, զինւորական հիւանդանոց տեղափոխւելու ճանապարհին վիրաւորը մահացել է: Միջադէպի հետ կապւած մանրամասները ճշտւում են:

ԹՈՒՐՔԻՈՅ ՀԱՆՐԱՊԵՏՈՒԹԵԱՆ ՆԱԽԱԳԱՀ ՊԱՐՈՆ ԱՊՏԻՒԼԼԱՀ ԿԻՒԼԻՆ

2011-04-23T18:26:00.001+04:30

ԹՈՒՐՔԻՈՅ ՀԱՆՐԱՊԵՏՈՒԹԵԱՆ ՆԱԽԱԳԱՀ

ԱՊՏԻՒԼԼԱՀ ԿԻՒԼԻՆ

ԴԻՄՈՒՄ

Փարիզ, 18 Ապրիլ 2011 թ.

Պարոն Նախագահ,

Արեւմտեան Հայաստանի Ազգային Խորհուրդը եւ Արեւմտեան Հայաստանի Հայերու Համագումարը (արձանագրուած՝ ՄԱԿ-ի հետեւեալ յանձնախումբերուն, WIPO - World Intellectual Property Organisation, EMRIP - Expert Mechanism on the Rights of Indigenous Peoples եւ ECOSOC - Economic and Social Council), ինչպէս նաեւ Արեւմտեան Հայաստանի Վտարանդի Կառավարութիւնը, նստավայր ունենալով Փարիզ, ՖՐԱՆՍԱ՝ սոյն պաշտօնական նամակագրութեամբ կը պահանջէ Թուրքիոյ Հանրապետութեան Կառավարութենէն՝ պաշտօնապէս ճանչնալ 1894-1923 թթ. օսմանեան, երիտթուրքական եւ քեմալական կառավարութիւններու կողմէ՝ հայութեան եւ հայկական քաղաքակրթութեան դէմ կատարուած շարունակական ոճրագործութիւնը, այսինքն՝ հայերու դէմ կատարուած ցեղասպանութեան փաստը:

Թրքական կառավարութիւններու կողմէ նախապէս ծրագրուած եւ իրականացուած ոճրագործութիւններու առ ի հետեւանք, հայութիւնը ունեցաւ մօտ երկու միլիոն նահատակ: Իսկ բռնագաղթի, հայրենազրկման եւ ուծացման ենթարկուեցան աւելի քան մէկ միլիոն հայ:
Այսօր, որպէս բնիկ ժողովուրդ, մօտաւորապէս տասը միլիոն հայեր, Թուրքիոյ Հանրապետութեան վարած հայատեաց քաղաքականութեան հետեւանքով՝ կ՛ապրին իրենց հայրենիքէն դուրս ու կ՛ենթարկուին ձուլման եւ ոչնչացման՝ առանց իրենց ազատ, նախօրոք եւ լուսաբանված համաձայնութեան:

Արեւմտեան Հայաստանի Ազգային Խորհուրդը եւ Վտարանդի կառավարութիւնը կտրականապէս կը մերժէ Հայոց ցեղասպանութեան հարցի քաղաքականացուած կեդրոնացումը միայն 1915 թուականի վրայ:
Ցեղասպանութիւնը սկսուած է 1894 թուկանէն Սասունի ջարդերով, որու նպատակով 1891 թուականէն նախապէս կազմուած էին համիտեան գունդերը:

Արեւմտեան Հայաստանի Ազգային Խորհուրդը եւ Վտարանդի կառավարութիւնը Թուրքիոյ կողմէ իրականացուած ցեղասպանութեան փաստը կը բաժնէ երեք ժամանակաշրջաններու.
1. 1894 - 1896 թթ. Ապտիւլ Համիտ Բ-ի կողմէ կատարուած ցեղասպանութիւնը,
2. 1909 թ. Հայկական Կիլիկիոյ՝ Ատանայի ջարդերը, երիտթուրքերու կողմէ կատարուած ցեղասպանութիւնը,
3. 1915 - 1923 թթ. երիտթուրքերու եւ քեմալական կառավարութեանց կատարած ցեղասպանութիւնը:

Ըստ այնմ, Թուրքիոյ Հանրապետութեան կառավարութենէն կը պահանջուի 1894 - 1923 թթ. հայերու դէմ պետականօրէն ծրագրուած եւ իրականացուած ցեղասպանութեան փաստի ամբողջական ճանաչումը, հիմնուած պատմական-իրաւական արխիւային հետեւեալ փաստաթուղթերու հիման վրայ.
- «1915 թ. մայիս 24-ին Երրեակ Համաձայնութեան տէրութիւնները՝ Մեծն Բրիտանեան, Ֆրանսան եւ Ռուսաստանը, առաջինն էին, որոնք հանդէս եկան Օսմանեան կառավարութեան կողմէ հայերու բնաջնջման քաղաքականութեան դէմ համատեղ մէկ յայտարարութեամբ, որով Օսմանեան կառավարութեան կողմէ հայերու նկատմամբ ի գործ դրուած բռնութիւններն ու ջարդերը որակեցին իբրեւ «Թուրքիոյ նոր ոճիրները ընդդէմ մարդկութեան եւ քաղաքակրթութեան»:
- 1919 թ. Կ. Պոլսոյ Ռազմական յատուկ ատեանի վճիռները:
- 1965 - 2010 թթ. հայերի ցեղասպանութիւնը դատապարտած պետութիւններու ցանկը:
- 1984 թ. ժողովուրդներու մշտական ատեանի վճիռը:
- 1985 թ. ՄԱԿ-ի Մարդկային իրաւանց ենթայանձնախումբի որոշումը:
- 1987 թ. Եւրոպական Խորհրդարանի որոշումը:
- 2007 թ. «Բնիկ Ժողովուրդներու իրաւունքներու մասին» Հռչակագիրը:
- 2011 թ. Արժանթինի Գերագոյն ատեանի վճիռը:

Արեւմտեան Հայաստանի Ազգային Խորհուրդի Նախագահ՝

Պրն. Արմենակ ԱԲՐԱՀԱՄԵԱՆ

Արեւմտեան Հայաստանի Վտարանդի Կառավարութեան Վարչապետ՝

Պրն. Տիգրան ՓԱՇԱԲԵԶԵԱՆ

I am an Armenian...

2011-04-19T10:08:00.002+04:30

I am an Armenian...

by Նժդեհ Անդրէասեան Blog

I'm an Armenian, as old as Ararat;

My shoes were wetted by the waters of the Flood.

Beside these shining peaks where Noah sat

My sword once drew

the dread Bel's evil blood.

These boulders overgrown with moss since time

Beyond remembrance, my hand hewed to lie

In the foundation of an ancient shrine

Which my own blood I shed to sanctify.

One morning here, in Ararat

's green valley

My hammer and my pick aside I flung

And lit a fire on the Chaldean altar.

Those days both Ararat and I were young.

Then crimson every valley-flower was dyed;

All we had sown in it through ages past

Grew on the blood of countrymen who died.

Beneath each hillock killed Armenians rest.

With trusty shield I met attacking hordes,

Suffering countless wounds from countless swords.

I'm an Armenian, as old as Ararat.

High as the hills I bear my head. My story's sad:

Each century that passed brought grief to me.

My sons throughout the whole wide world were scattered;

With bloody showers Ararat was spattered.

My ploughlands crops of misery would yield.

I lived and breathed among my burned-out fields

On wasteland rubble, ashes steeped in gore.

But now, with my own blood revived once more,

Again the holy altar-lights burn bright,

Warming my heart and gladdening my sight.

New ploughshares out of rusted swords I forged;

Our fathers' heritage to my children I gave back.

Our sorrow fills my verse with hot blood gorged.

A twentieth century Gregory Narek

I'm an Armenian, as old as Ararat.

Beneath my sorrows Ararat itself would bow.

Any ill-omened, blood-thirsty Attila that

Arose in history, would deal me his first blow.

Inured to massacres, I lived in thrall for ages.

An orphan, in the fight for life I'm steeled.

My thousand-year-old grain, preserved by hearts courageous,

Sown in new times, sprouts in my virgin fields.

Blessed be my roots, whose strength is marvelled at!

A homeless outcast once, a motherland have I.

I'm an Armenian, as old as Ararat.

I hold my head as high as eagles fly.

By Gevorg Emin

Մեծարանքի երեկոյ՝ ի պատիւ Հանրի Սաբիի

2011-04-18T21:18:00.001+04:30

Մեծարանքի երեկոյ՝

ի պատիւ Հանրի Սաբիի

18 ԱՊՐԻԼԻ 2011

Սոյն թւականի ապրիլի 14-ին Ֆրանսիայի Թուլուզ քաղաքի Հօ Գարոնի Նահանգային խորհրդի շէնքում, ներկայութեամբ նահանգային խորհրդի նախագահ ընկերվարական Պիէր Իզարի, Ֆրանսիայում ՀՀ դեսպան Վիգէն Չիթեչեանի ձեռամբ ՀՀ նախագահի կողմից շքանշանով պա
րգեւատրւեց հայ ժողովրդի երկար տարիների բարեկամ Հանրի Սաբին:
Ֆրանսիացի նախկին եւրոպատգամաւոր Հանրի Սաբին ծնւել է 1933 թւականին՝ Ֆրանսիայի Թուլուզ ք
աղաքում: Եւրոխորհրդարանի անդամ է ընտրւել ֆրանսիական Ընկերվարական կուսակցութեան ցանկերում՝ 1981 թւականից մինչեւ 1994 թւականը:
Նա յաջորդաբար եղել է Եւրոխորհրդարանի ֆրանսիացի ընկերվարականների պատւիրակութեան նախագահ,
Զարգացման եւ համագործակցութեան յանձնաժողովի նախագահ, Աֆրիկայում, Կարայիբեան-Խաղաղական յանձնաժողովի փոխնախագահ եւ Նախագահների յանձնաժողովի նախագահ: Նա նաեւ այլ բազում պաշտօններ է վարել եւ անդամակցել է բազմաթիւ յանձնախմբերի:
Եւրոխորհրդարանի կողմից Հայոց Ցեղասպանութեան 1987 թւականի յունիսի 17-ի ճանաչման գործում Հանրի Սաբին առաջնորդ դերակատարութիւն է ունեցել, եւ իր ջանքերի միջոցով ընկերվարական խմբի տարբեր երկրների պատւիրակութիւնները պաշտպանել են 1987 թ. բանաձեւը եւ ի նպաստ քւէարկել:
1988 թւականի Արցախեան շարժման սկսւելուց յետոյ՝ Հ. Սաբին Եւրոխորհրդարանում մեծապէս նպաստել է արցախահայութեան իրաւունքներին ի նպաստ բանաձեւերի ընդունման, աշխատանքային այցելութիւններ է տւել Հայաստան եւ Արցախ, ու 1990 թւականին Երեւանի քաղաքապետարանի կողմից պատւոյ քաղաքացու կոչման է արժանացել:
2007 թւականի հոկտեմբերին Եւրոխորհրդարանի կողմից Հայոց Ցեղասպանութեան ճանաչման 20-րդ տարելիցի առիթով Եւրոպայի Հայ Դատի յանձնախմբի կազմակերպած Եւրոպահայութեան 2-րդ համաժողովը նրան պարգեւատրեց, ինչպէս նաեւ՝ 1987 թւականի ճանաչման միւս դերակատարներին:

Հ. Յ. Դ. ՄԱՄԼՈՅ ԴԻՒԱՆ

«ԱԼԻՔ»

ԻԻՀ-ում ՀՀ դեսպան Գրիգոր Առաքելեանը հանդիպեց ԻԻՀ մշակոյթի եւ իսլամական կողմնորոշման նախարար Սէյէդ Մոհամմադ Հոսէյնիի հետ

2011-04-16T07:19:00.001+04:30

ԻԻՀ-ում ՀՀ դեսպանութեան հաղորդագրութիւնը

ԻԻՀ-ում ՀՀ դեսպան Գրիգոր Առաքելեանը հանդիպեց ԻԻՀ մշակոյթի եւ իսլամական կողմնորոշման նախարար Սէյէդ Մոհամմադ Հոսէյնիի հետ

14 ԱՊՐԻԼԻ 2011

Ս. թ. ապրիլի 12-ին ԻԻՀ-ում ՀՀ արտակարգ եւ լիազօր դեսպան Գրիգոր Առաքելեանը մի շարք մշակութային հարցերի քննարկման նպատակով՝ հանդիպեց ԻԻՀ իսլա

մական կողմնորոշման եւ մշակոյթի նախարար պրն. Հոսէյնիի հետ:

Փոխադարձ ողջոյններից յետոյ՝ դեսպանը կարծիք յայտնեց, որ երկկողմ քաղաքական յարաբերութիւնները գտնւում են բարձր մակարդակի վրայ, որոնք լայն հնարաւորութիւններ են ընձեռում երկու երկրների եւ ժողովուրդների մշակութային յարաբերութիւնների ամրապնդման եւ ընդլայնման համար: Հանդիպման ընթացքում դեսպանն անդրադարձաւ առաջիկայ մի շարք մշակութային միջոցառումներին, մասնաւորապէս 2010 թւականին ընդառաջ՝ Երեւանը ԻՒՆԵՍԿՕ-ի կողմից որպէս գրքի համաշխարհային մայրաքաղաք հռչակւելուն նւիրւած համատեղ միջոցառումների շարքում Թեհրանի գրքի միջազգային ամենամեայ ցուցահանդէսին Հայաստանի ակտիւ մասնակցութեանը, ինչպէս նաեւ այս տարի ՀՀ անկախութեան 20-րդ տարեդարձի առթիւ Թեհրանում ՀՀ մշակոյթի օրերի կայացմանը եւ դրանց շրջագծում երկկողմ մշակութային համագործակցութեան խորացմանն ու ամրապնդմանը:

Իր հերթին, պրն. Հոսէյնին նշեց, որ երկու երկրների միջեւ ձեւաւորւած սերտ քաղաքական յարաբերութիւնները մեծ հնարաւորութիւններ են ընձեռել երկու երկրների ժողովուրդների մշակութային առնչութիւնների խորացման համար, որոնց ձեւաւորումն ունի հազարամեակների պատմութիւն՝ կարեւորելով այս տարի հոկտեմբերին Երեւանում ԻԻՀ մշակոյթի օրերի կայացումը:

Վերջինս շեշտեց, որ ԻԻՀ մշակոյթի եւ իսլամական կողմնորոշման նախարարութիւնը տարիների ընթացքում թէ՛ Երեւանում ԻԻՀ դեսպանութեան համապատասխան կենտրոնի, եւ թէ՛ Թեհրանում ՀՀ դեսպանութեան հնարաւորութիւնների օգտագործմամբ՝ կարողացել է բաւական լուրջ աշխատանք ծաւալել՝ մշակութային յարաբերութիւններն ամուր հիմքերի վրայ դնելու համար:

«ԱԼԻՔ»

Firat

2011-02-05T12:36:00.001+03:30

Firat.–

Օջալանը Եգիպտոսի օրինակով

Թուրքիայիքրդերին ապստամբութեան

կոչ է անում.

12:02 • 05.02.11

Թուրքիայում ցմահ բանտարկութեան դատապարտւած Քիւրդստանի բանւորական կուսակցութեան (PKK) առաջնորդ Աբդուլլահ Օջալանը իր փաստաբանների հետ հանդիպման ժամանակ համոզմունք է յայտնել, որ երբ Դիրաբեքիրը վերածւի Եգիպտոսի, այդ ժամանակ միայն խաղաղութիւն կտիրի։ Այս մասին յայտնում է քրդական Firat («Ֆըրաթ») գործակալութիւնը։ Հանդիպմանը Օջալանը խօսել է Եգիպտոսի վերջին իրադարձութիւնների և քրդական հարցի լուծման մասին։
«Եթէ Դիարբեքիրի ժողովուրդն օրերով փողոցներից տուն չգնայ, ինչպէս դա անում է Եգիպտոսի ժողովուրդը, առաջ քաշի իր պահանջները, ահա այդ ժամանակ խաղաղութիւն կտիրի։ Կտեսնենք՝ արդեօ՞ք «Արդարութիւն և զարգացում» կուսակցութիւնը կկարողանայ դիմակայել։ Եւ հէնց այդ ժամանակ Էրդողանն ինքը կպահանջի խնդրի (քրդական հարցի,- խմբ.) լուծումը»,– յայտարարել է քուրդ առաջնորդը։
Դիրաբեքիրում բնակչութեան ճնշող մեծամասնութիւնը քրդեր են։ Այստեղ պարբերաբար տեղի են ունենում զանգւածային ցոյցեր, որոնց մասնակիցները Թուրքիայի իշխանութիւններից պահանջում են ինքնավարութիւն։
Յիշեցնենք, որ անցած տարի թուրքական դատախազութիւնը հետաքննութիւն էր սկսել Դիարբեքիրի քաղաքապետ Օսման Բայդեմիրի նկատմամբ՝ Դիարբեքիրին ինքնավարութիւն շնորհելու մասին նրա հայտարութեան առնչութեամբ։
«Ի՞նչ կլինի, եթէ մեր քաղաքապետարանի վրայ տեղադրւած թուրքական դրօշի հետ մէկտեղ փողփողայ դեղին, կարմիր, կանաչ մեր դրօշը»,- յայտարարել էր Բայդեմիրը` նկատի ունենալով` Քիւրդստանի դրօշը:

Tert.am

گران شدن خانه و عرضه در آن زمان اميدي واهي است

2011-02-05T12:24:00.001+03:30

خانه‌هاي خالي در انتظار يك تصميم*

گران شدن خانه و عرضه در آن زمان اميدي واهي است
Դիտել Պարսկերէն Բաժաում.–

http://vartandav.blogspot.com/2011/02/blog-post_05.html

Սփիւռքահայերը պատրաստ են պատգամաւոր դառնալ, սակայն մինչ այդ պէտք է ամէն ինչ «մանրամասն հաշւարկել»

2011-02-05T10:40:00.002+03:30

Սփիւռքահայերը պատրաստ են պատգամաւոր

դառնալ, սակայն մինչ այդ պէտք է

ամէն ինչ «մանրամասն հաշւարկել»

Փետրւար 04, 2011 15:57
Հայսատանը ոչ միայն Հայաստանում ապրող հայերի, այլ նաեւ աշխարհի բոլոր հայերի հայրենիքն է։ Փետրւարի 4-ին տեղի ունեցած մամուլի ասուլիսի ժամանակ այս մասին յայտարարեց հայկական ծագումով շւէդ ձեռնարկատէր Վահան Զանոյեանը՝ աւելացնելով, որ դրանով պայմանաւորւած՝ աշխարհի բոլոր հայերը պէտք է հնարաւորութիւն ունենան մասնակցել երկրի պետական կառավարման աշխատանքներին:
Խօսելով Հայաստանի սփիւռքի նախարար Հրանուշ Յակոբեանի կողմից բարձրաձայնւած, երկրի Սահմանադրութեան մէջ փոփոխութիւններ կատարելուց յետոյ Հայաստանում երկպալատ խորհրդարան ստեղծելու գաղափարի մասին՝ գործարարը նշեց, որ գաղափարն, ընդհանուր առմամբ, դրական է։ «Պէտք է մանրամասն քննարկել եւ որոշել, թէ ո՞րն է ապագայ կառոյցի առաքելութիւնը, ի՞նչ կերպ այն պէտք է աշխատի։ Հզօր հայ համայնքի օգտագործումը արդիւնաւէտ կլինի»,- ասաց Զանոյեանը:
Ասուլիսին ներկայ միւս բանախօսը՝ ամերիկահայ գործարար Վահագն Հովնանեանը եւս համաձայնեց, որ պէտք է կենտրոնանալ այս գաղափարի իրագործման վրայ։
Նշենք, որ Հայաստանի նախագահ Սերժ Սարգսեանի՝ երկպալատ խորհրդարան ստեղծելու գաղափարի մասին բարձրաձայնել էր սփիւռքի նախարար Հրանուշ Յակոբեանը՝ Կալիֆորնիայի հայ համայնքի կառոյցների ղեկավարների հետ հանդիպման ժամանակ:

Լուրեր Հայաստանից - NEWS.am

محورهاي استيضاح حميد بهبهاني

2011-02-03T12:48:00.001+03:30

محورهاي استيضاح حميد بهبهاني

Դիտել՝ Պարսկերէն Բաժնում.–

http://vartandav.blogspot.com/2011/02/blog-post_03.html

Մէկ գրութիւն եւ երկու արձագանգ

2011-02-03T12:37:00.002+03:30

ՄԱՄԼՈՅ ԱՆԴՐԱԴԱՐՁ

Մէկ գրութիւն եւ երկու արձագանգ

Ստորեւ նեկայացւող երկու յօդւածներում արդէն պարզաբանւած է, թէ հարցն ինչումն է: Դրանք արտատպելով՝ մեկնաբանութիւնը, ինչպէս միշտ, վերապահում ենք սիրելի ընթերցողներին: Ասենք նաեւ, որ «Մոհաբբաթ նիւզ»-ի ու դրա նման կայքերին (հայաստանեան թէ իրանական) չէինք իսկ անդրադառնայ, եթէ դրա արձագանգները չհնչէին Հայաստանից: Այլապէս՝ «Մոհաբբաթ նիւզ»-ի հրապարակմանը դեռ մինչ այդ ծանօթ լինելով՝ մե՛ր արձագանգը եղել էր սոսկ քմծիծաղ, առաւելագոյնը՝ ժպիտ...

ԽՄԲ.

Իրանահայութեան «Ալիք» օրաթերթը ծախւե՞լ է Իրանի իշխանութիւններինԻրանի քրիստոնեաների «Mohabat News» լրատու ցանցը յունւարի 26-ին հրապարակւած մի գրութեամբ խիստ քննադատել է իրանահայութեան «Ալիք» օրաթերթի, նրա խմբագրի եւ Իրանի հայոց թեմի առաջնորդ Սեպուհ արք. Սարգսեանի դիրքորոշումները՝ Իրանում քրիստոնեաների դէմ ծաւալւած բռնութիւնների առնչութեամբ:
Կայքը գրում է. «Պարզւում է, որ Իրանի հայերի մի փոքրիկ խումբ փորձում է ծառայել Իրանի իշխանութիւններին՝ արդարացնելով նրանց վարած քաղաքականութիւնը: Իսլամական յեղափոխութիւնից յետոյ՝ հայերի դէմ սահմանւած սահմանափակումների արդիւնքում՝ իրանահայերի ստւար մի մասը արտագաղթել է երկրից, եւ յիշեալ համայնքի թիւը 250 հազարից հասել է մօտ 65 հազարի:
Իշխանութիւնները հայերին չեն թոյլատրում նոր եկեղեցիներ կառուցել ու ամէն քայլափոխի ճնշում են: Բայց, պարզւում է, որ հայկական համայնքի մի փոքրիկ խումբ որոշել է ծառայել Իրանի իշխանութիւններին ու նրանց քաղաքական գիծը տարածել իրենց համայնքում: Օրեր առաջ իրանահայութեան թեմի առաջնորդ Սեպուհ արք. Սարգսեանը, այցելելով Թեհրանի կենտրոնական բանտ, փորձեց գնահատել Իրանի իշխանութիւնների վարած քաղաքականութիւնը՝ քրիստոնեաների նկատմամբ, ինչը յարուցեց Իրանի քրիստոնեայ համայնքի զարմանքը:
Այս ընթացքում իրանահայերի «Ալիք» օրաթերթն էլ հրապարակեց «Open doors» (Բաց դռներ) կազմակերպութեան հրապարակած զեկոյցը եւ այն երկրների ցանկը, որտեղ ճնշւում են քրիստոնեաները: Զարմանալին այն էր, որ օրաթերթը այդ ցանկից հանել էր Իրանի անունը, որը գտնւում էր երկրորդ հորիզոնականում: Այնուհետեւ թերթը մտահոգութիւն էր յայտնել Թուրքիայում ապրող քրիստոնեաների վիճակի մասին, թէեւ յիշեալ կազմակերպութեան հրապարակած ցանկում Թուրքիան գտնւում է 30-րդ հորիզոնականում:
Ինչպէս ժամանակին «Ալիք» օրաթերթի խմբագիր Դերենիկ Մելիքեանն է ասել իր հարցազրոյցում, «Ալիք» օրաթերթը Իրանի իշխանութիւններից նիւթական ու ֆինանսական օգնութիւններ է ստանում: Նախապէս էլ իրանահայութեան այլ լրատւամիջոցներ «Ալիք» օրաթերթին քննադատել էին իր ոչ-անաչառ եւ Իրանի իշխանութիւնների քաղաքականութեանը սատարող լրատւութեան համար:«Ալիք» օրաթերթի պահւածքն ու Սեպուհ արք. Սարգսեանի խօսքերն ապացուցում են, որ Իրանի իշխանութիւնը փորձում է իր վերահսկողութեամբ պետական կրօնի հասկացողութիւնը մտցնել հայկական համայնքի մէջ:
Մենք յոյս ունենք, որ հայկական մամուլն ու մեր հայ հայրենակիցները ուշադիր կը լինեն Իրանի անվտանգութեան ծառայութիւնների լարած այդ թակարդի դէմյանդիման եւ գիտակցաբար կը վերաբերւեն դրանց»:

www.1in.am«ԱՌԱՋԻՆ ԼՐԱՏՒԱԿԱՆ»
ԵՐԵՒԱՆ
«Առաջին լրատւական»-ում ապուշնե՞ր են նստածԿարծիքն այս հաստատող փաստեր դեռ չունենք, իսկ կասկած յարուցող մի հրապարակում «Առաջինն» արդէն ունի: Տայ Աստւած՝ դա լինի վերջինը, քանզի յաջորդ նման քայլն արդէն մեր կողմից կը դիտւի ոչ միայն որպէս պարզունակ ապուշութիւն...
«Առաջին լրատւական»-ը, պարզւում է, պատկերացում անգամ չունի, թէ ինչ է տեղի ունենում մեր հարեւան երկրի շուրջ: Հաւանաբար կը հետաքրքրւէր, եթէ նեղութիւն քաշէր եւ լսէր ՀՀ նախագահի վերջին հարցազրոյցը, որ նա տւել է «Էխօ Մոսկւի» ռադիոկայանին (տեսնել կից սիւնակում.-
«Ա.): Սերժ Սարգսեանի յայտնած մտահոգութիւնը, թէ յարաբերութիւնները Իրանի հետ վատացնել նշանակում է փակել մեր շնչափողը, երեւի մտահոգւելու առիթ տւեց բոլորին, բացի յիշեալ լրատւականից, որի շնչափողը, հաւանաբար, Հայաստանի հետ ընդհանրապէս կապ չունի: Ինչեւէ:
Հայաստանեան սոյն լրատւամիջոցը, յունւարի 26-ին, պեղելով Իրանի քրիստոնեաների «Mohabat News» լրատու ցանցը, «միանգամայն պատահաբար» յայտնաբերել է, որ այնտեղ հրապարակւել է մի գրութիւն, որտեղ խիստ քննադատութեան են ենթարկւել իրանահայութեան «Ալիք» օրաթերթի, նրա գլխաւոր խմբագրի եւ Թեհրանի հայոց թեմի առաջնորդ Սեպուհ արք. Սարգսեանի դիրքորոշումները՝ Իրանում քրիստոնեաների դէմ ծաւալւած բռնութիւնների առնչութեամբ:
Յայտնաբերել է ու, առաջինը լինելու մարմաջով, նոյնութեամբ շրխկացրել է հայաստանեան մասմեդիայի երկնակամարում: Օպերատիւութիւնը լաւ բան է, իհարկէ, բայց խելքը միանգամայն այլ բան, ինչի դեֆիցիտն «Առաջին»-ում կարծես զգալի է: Նախանձելի օպերատիւութիւն ցուցաբերելուց առաջ, յարգելիներս, ո՞վ պէտք է մտածէր, թէ ներկայ պահին ում է ձեռնտու հայութեանը Իրանի օրւայ իշխանութիւնների դէմ գրգռելը:
Եւ ապա՝ ո՞րն է Հայաստանի Հանրապետութեան համար այն ամենազգայուն կէտը, որի վրայ մատը դնելով, մի երրորդ ուժ կը կարողանայ դժւարութիւններ առաջացնել Հայաստան-Իրան յարաբերութիւններում: Վստահ ենք՝ երեւի «Առաջինը» մտածէր այս հարցերի շուրջ, եթէ նրա շնչափողն իրօք կապ ունենար ընդհանրապէս Հայաստանի հետ...
Համահայկական խնդիրների այս աստիճան մակերեսային դիտարկումները, կասկածելի կազմակերպութիւնների հրապարակումների վրայ յենւելով՝ սփիւռքահայութեան կազմակերպութիւններին օտար երկրների իշխանութիւնների դէմ գրգռելը, հայ գաղթօջախի խնդիրներին անտեղեակ լինելով՝ նրանց առաջնորդներին պիտակաւորելը, չենք կարծում, թէ կարող են պատիւ բերել հայաստանեան որեւէ լրատւամիջոցի կամ կազմակերպութեան: Աւելին՝ դա մի վտանգաւոր ընթացք է, որ կարող է ընդհանրապէս ի չիք դարձնել թէ՛ սփիւռքահայութեան ձեռքբերումները, եւ թէ՛ վտանգաւոր զարգացումների տանել Հայաստանի եւ տւեալ երկրի յարաբերութիւնները:
Իսկ որ «Առաջին լրատւական»-ը հէնց այդպիսի մի գործով է զբաղւած, երկու կարծիք լինել չի կարող: Այսպիսի մի հարց մեր «Առաջիններին»՝ ի՞նչ գիտէք Իրանի տարածքում ապրող քրիստոնեայ ժողովուրդների մասին, ո՞ր ժողովուրդներն են դրանք եւ դրանցից ո՞րն ունի իր պետական կազմաւորումը: Բարի եղէք նաեւ մեզ ասել, թէ Իրանի տարածքում ապրող քրիստոնեայ ժողովուրդներից էլի որոնք թերթ ու դպրոց ունեն, մարզա-մշակութային կենտրոն ու եկեղեցի ունեն, այդքան մեծ գրահրատարակչական աշխատանք են իրականացնում:
Իսկ գուցէ մտածում էք, որ օտարալեզու «Mohabat News»-ն աւելի կարեւոր գործ է անում իրանահայութեան համար, քան հայատառ «Ալիք» օրաթերթը, նրա գլխաւոր խմբագիր Դերենիկ Մելիքեանն ու իրանահայութեան թեմի առաջնորդ Սեպուհ արք. Սարգսեանը միասին վերցրա՞ծ:
Եթէ հասկանալի է Արեւմուտքից հեռակառավարւող «Mohabat News»-ի վրդովմունքը, որ «Ալիք» օրաթերթն ինչ-ինչ անցանկալի ցուցակից հանել է Իրանի անունը, ապա միանգամայն անհասկանալի է հայաստանեան լրատւամիջոցի այդ լուրը շտապ տեղ հասցնելու մարմաջը, որ նա դրսեւորում է՝ առանց ինքն իրեն հարց տալու, թէ իր գոյութեան ընթացքում «Mohabat News»-ը, սեփական շահն արհամարհելով, այդ ե՞րբ է գոնէ մի փուշ հանել իրանահայութեան մատից: - Տեսէք-տեսէք՝ Իրանի միւս քրիստոնեաներն աւելի մտահոգ են հայ համայնքի թւի նւազումով,- փորձում է համոզել «Առաջին»-ը:

Իսկ ո՞վ մտահոգ չէ: Երեւի հէնց նոյն «Առաջինը», ում իրականում յայտնի չեն Իրանից արտագաղթի բուն պատճառները: «Առաջին»-ին, հաւանաբար, յայտնի չէ նաեւ, որ Իրանի Իսլամական յեղափոխութիւնից յետոյ այդ երկրից միլիոնաւոր մարդիկ են արտագաղթել, որոնց մեծ մասը մահմեդականներ են: Եթէ իմանար, հաւանաբար չէր միանայ ինչ-որ «Mohabat News»-ի եւ «Open doors»-ի կասկածելի հեղինակութիւնը մեծացնելու այս արշաւին եւ Իրանի իշխանութիւնների դէմ հայութեանն ու Հայաստանի Հանրապետութեանը գրգռելու փոխարէն՝ կը զբաղւէր շատ աւելի կարեւոր գործով, օրինակ՝ ի՞նչ անել, որ Իրանում մնացած 65 հազար հայերի վիճակը մի փոքր աւելի բարելաււի, թէկուզեւ Իրանի իշխանութիւնների աջակցութեամբ, բայց բարելաււի:

ԷԴԻԿ ԱՆԴՐԷԱՍԵԱՆ

ՀԱՍԱՐԱԿԱ-ՔԱՂԱՔԱԿԱՆ ՄԵԿՆԱԲԱՆ,

ԵՐԵՒԱՆ

«ԱԼԻՔ»

Մահափորձ է ծրագրւում Թուրքիայի գլխաւոր ազգայնականի դէմ

2011-02-03T12:09:00.001+03:30

Մահափորձ է ծրագրւում Թուրքիայի

գլխաւոր ազգայնականի դէմ

10:40 • 03.02.11

Թուրքիայի իրաւապահները զգուշացրել են «Ազգայնական շարժում» կուսակցութեան առաջնորդ Դևլեթ Բահչելիի և կուսակցութեան խորհրդարանական խմբակցութեան ղեկավար Օքթայ Վուրալի դէմ հնարաւոր մահափորձի մասին։ Այս մասին տեղեկացնում է թուրքական Milliyet օրաթերթը։
Թերթի փոխանցմամբ՝ Անկարայի ոստիկանութեան բաժանմունք են հրաւիրւել Բահչելիի թիկնապահները, որոնց տեղեկացրել են այն մասին, որ «Ազգայնական շարժում» կուսակցութեան առաջնորդի, ինչպէս նաև Օքթայ Վուրալի և կուսակցութեան միւս բարձրաստիճան ներկայացուցիչների անունները տեղ են զբաղեցնում իրաւապահների կողմից յայտնաբերւած Յեղափոխական ժողովրդական ազատագրման ճակատ (DHKP/C) կազմակերպութեան ցուցակում։
DHKP/C Թուրքիայում համարւում է ահաբեկչական կազմակերպութիւն։Նշւում է, որ այդ նախազգուշացումից յետոյ Բահչելիի թիկնազորը մի քանի անգամ ուժեղացւել է։

Tert.am

حميد بهبهاني از وزارت راه رفت

2011-02-03T11:30:00.002+03:30

با راي نمايندگان مجلس؛

حميد بهبهاني از وزارت راه رفت

Դիտել՝ Պարսկերէն Բաժնում.–

http://vartandav.blogspot.com/2011/02/blog-post.html

Խոշոր հրդեհ Երեւանի կենտրոնում. Մէկ զոհ, երկու վիրաւոր

2011-02-03T11:04:00.002+03:30

Խոշոր հրդեհ Երեւանի կենտրոնում.

Մէկ զոհ, երկու վիրաւոր

Փետրւար 03, 2011 02:01
Երեւանի Վարդանանց փողոցի 5/ա շէնքի 44 բնակարանում փետրւարի 2-ին, ժամը 23.40-ի սահմաններում հրդեհ է բռնկւել: Ինչպէս դէպքի վայրից NEWS.am-ին յայտնեց ֆոտոլրագրող Գագիկ Շամշեանը, հրդեհի վայր են ժամանել Հայաստանի արտակարգ իրավիճակների նախարարութեան 5 հրշէջ մեքենաներ, որպէսզի մարեն 10 յարկանի շէնքի 6-րդ յարկում բռնկւած հրդեհը:
Դէպքի վայրում աշխատանքներ են իրականացրել նաեւ Հայաստանի փրկարար ծառայութեան յատուկ ջոկատի փրկարարները: Բնակարանի դուռը կոտրելու միջոցով հրշէջներին յաջողւել է մուտք գործել եւ մէկ ժամ տեւած աշխատանքներից յետոյ մարել կրակը: Բնակարանում գտնւել է 90-ամեայ Սեդա Թամրազեանի այրւած դին:
Մարման աշխատանքի ընթացքում տարբեր աստիճանի այրւածքներ են ստացել նաեւ 2 հրշէջներ` Դաւիթ Միրզոեանն ու Վիտալի Միրզոեւը: Նրանք տեղափոխւել են ռադիոլոգիայի եւ այրւածքաբանութեան կենտրոն:
Դէպքի վայր են ժամանել նաեւ Հայաստանի արտակարգ իրավիճակների նախարար Արմէն Երիցեանը, ԱԻՆ փրկարար ծառայութեան պետ Սերգէյ Ազարեանը, Երեւանի ոստիկանութեան կենտրոնականի բաժնի պետ Աշօտ Կարապետեանը, կենտրոնականի բաժնին կից Նորք-Մարաշի բաժանմունքի պետ Մերուժան Ստեփանեանը: Այս պահին հրշէջները մեկնել են դէպքի վայրից հրշէջ մաս: Ոստիկանութեան քննչական գլխաւոր վարչութեան կենտրոնականի քննչական բաժնի քննիչները փորձագէտ հրշէջների հետ քննչական աշխատանքներ են կատարում: Քննիչների ցուցումով դէպքի վայր է մեկնել դիակ տեղափոխող մեքենան` այրւածի դին տեղափոխելու: Շամշեանի փոխանցմամբ, հրդեհը չի հասցրել տարածւել հարեւան բնակարաններ:

Լուրեր Հայաստանից - NEWS.am

Սերժ Սարգսեան. Հայաստանի եւ Ղարաբաղի բնակչութիւնը չի ցանկանում Ադրբեջանին թէկուզ մէկ սանտիմետր հող վերադարձնել

2011-01-27T09:07:00.003+03:30

Սերժ Սարգսեան.-

Հայաստանի եւ Ղարաբաղի բնակչութիւնը

չի ցանկանում Ադրբեջանին թէկուզ

մէկ սանտիմետր հող վերադարձնել

«Հակամարտութեան կարգաւորման միակ տարբերակը, դա խաղաղ կարգաւորումն է , եւ միակ ուղին՝ Լեռնային Ղարաբաղում հանրաքւէի անցկացումը»

Յունւար 26, 2011 23:33

Հարաւային Կովկասում ամենախոշոր եւ ամենահեղինակաւոր խաղացողը Ռուսաստանն է: Այս մասին «Էխո Մոսկվի» ռադիոկայանին տւած հարցազրոյցում ասել է Հայաստանի նախագահ Սերժ Սարգսեանը: Նրա խօսքով, Ռուսաստանը կարող է այնպէս անել, որպէսզի տարածաշրջանում խաղաղութիւն եւ բարեկեցութիւն լինի:
«Ես պէտք է իմ շնորհակալութիւնը յայտնեմ Ռուսաստանի նախագահին, որ նա զբաղւած է խաղաղ կարգաւորման ակտիւ որոնումներով: Ռուսաստանը լիովին ունակ է զսպել ե՜ւ սպառազինութիւնների մրցավազքը մեր տարածաշրջանում, ե՜ւ ռազմական գործողութիւնների վերսկսումը: Պատահական չէ, որ հէնց սկզբից Ռուսաստանը ներգրաււեց բանակցային գործընթացում: Երբ ռազմական գործողութիւնները դադարեցնելու վերաբերեալ առաջին համաձայնագիրը ստորագրւել է հէնց Ռուսաստանի միջնորդութեամբ: Իսկ դրանից եւս երկու տարի անց, նոյնպէս Ռուսաստանի ակտիւ մասնակցութեամբ ստորագրւեց համաձայնագիր վստահութեան միջոցների ամրապնդման մասին: Հաշւի առնելով, որ Ռուսաստանը նման կշիռ ու նման հնարաւորութիւններ ունի մեր տարածաշրջանում, մենք շատ բան ենք սպասում նրանից»,- ասել է Սերժ Սարգսեանը:
ԼՂ խնդրի կարգաւորման հարցում Հայաստանի դիրքորոշման մասին հարցին ի պատասխան, ՀՀ նախագահը նշել է, որ այդ առումով շատ կարեւոր է կողմերի պարտաւորութիւնը ռազմական գործողութիւնները չվերսկսելու մասին: «Վերջին 1,5-2 տարում պատերազմի եւ ռազմական գործողութիւնները վերսկսելու մասին խօսակցութիւնները սովորական են դարձել: Դա շատ վատ է, որովհետեւ երբ ղեկավարը, կամ սովորական մարդը խօսում է ինչ-որ խնդրից շատ երկան եւ վստահ, ինչ-որ պահի նա սկսում է հաւատալ իր խօսքերի ճշմարտացիութեանը: Եւ եթէ կայ հնարաւորութիւն, մեծ գայթակղութիւն է առաջանում: Բայց ես վստահ եմ, որ հնարաւոր է խուսափել պատերազմից:
Հակամարտութեան կարգաւորման միակ տարբերակը, դա խաղաղ կարգաւորումն է , եւ միակ ուղին՝ Լեռնային Ղարաբաղում հանրաքւէի անցկացումը, կամ 1991 թւականի հանրաքւէի արդիւնքների ճանաչումը, որն անցկացւել է ԽՍՀՄ օրէնքների եւ միջազգային իրաւունքի համապատասխան։ Հարցը կարող է լուծւել միայն փոխզիջումային տարբերակով։ Ես ոչ մի նոր բան չեմ ասում»,- ընդգծել է նախագահ Սարգսեանը՝ յիշեցնելով, որ 2007 թ.-ին ԵԱՀԿ Մինսկի խմբի համանախագահները մի փաստաթուղթ են առաջարկել, որը հետագայում ստացել է Մադրիդեան սկզբունքներ անունը, որոնք հակամարտութեան լուծումը ենթադրում են հէնց փոխզիջումային տարբերակով։
«Այնտեղ երեք սկզբունք կայ։ Առաջինը, դա տարածքային ամբողջականութեան սկզբունքն է, երկրորդը՝ ազգերի ինքնորոշման, երրորդը՝ ուժի կամ սպառնալիքների չկիրառման։ Հասկանալի է, թէ ինչ է նշանակում տարածքային ամբողջականութիւնը, ինչ է նշանակում ինքնորոշումը. երրորդ սկզբունքն էլ լաւ հասկանալի է։ 2007թ.-ին ե՜ւ մենք ե՜ւ Ադրբեջանը, երկար մտորումներից յետոյ համաձայնեցինք լուծել հակամարտութիւնը հէնց այս սկզբունքների հիման վրայ։ Բայց ինչքան ժամանակ անցաւ, այնքան Ադրբեջանն աւելի շատ սկսեց սեփական մեկնաբանութիւնները տալ այդ սկզբունքների վերաբերեալ։ Եւ երբ խօսքը գնում է ազգերի ինքնորոշման իրաւունքի սկզբունքի մասին, նրանք ասում են՝ այո, բայց Ադրբեջանի կազմում։ Հասկանալի է, որ նման ինքնորոշումը կարելի է անւանել միայն «ոչ լիարժէք ինքնորոշում», եթէ ընդհանրապէս այն կարելի է այդպէս անւանել։ Եւ երկրորդ, իբր, ուժի չկիրառման սկզբունքը այն դէպքին է վերաբերում, եթէ պետութիւնը չունի օկուպացւած տարածքներ։
Ամէն անգամ ցանկութիւն է առաջանում յիշեցնելու, որ, նախեւառաջ. 1994 թ.-ին մենք հրադադարի պայմանագիր ենք ստորագրել, որի նպատակն էր հարցի կարգաւորումն ու խաղաղութեան հաստատումը։ Դեռ ոչ-ոք այդ պայմանագիրը չեղեալ չի համարել, եւ ոչ ոք չեղեալ չի համարել երկրորդ պայմանագիրը։ Ցանկանում եմ յաւելել, որ այն տարածքները, որոնք այժմ գտնւում են Լեռնային Ղարաբաղի զինւած ուժերի վերահսկողութեան տակ, դրանք պարզապէս ռազմական գործողութիւնների արդիւնք են, եւ այդ գործողութիւնները Ղարաբաղցիները չեն սկսել»,- նշել է Հայաստանի նախագահը։
Խօսելով հայկական կողմի հնարաւոր փոխզիջումների մասին Սերժ Սարգսեանը նշել է, որ եթէ Հայաստանի ժողովրդի եւ Ղարաբաղցիների կարծիքը հարցնեն, ապա, բնականաբար ոչ-ոք նոյնիսկ մէկ սանտիմետր չի ցանկանայ վերադարձնել։ «Բայց, միւս կողմից, մենք իսկապէս պէտք է հասկանանք, որ ցանկացած որոշում պէտք է երկարատեւ խաղաղութիւն բերի։ Եւ այդ պատճառով փոխզիջումներն անհրաժեշտ են, բայց, իհարկէ, երաշխիքներ են անհրաժեշտ, որ իրականում նման երկարատեւ խաղաղութիւն իսկապէս կհաստատւի, այլ ոչ թէ ադրբեջանցիների պատկերացրածի պէս, որ ասում են՝ թող Ղարաբաղը վերադարձնի ամէնն ինչպէս կար, եւ դրանից յետոյ կխօսենք Ղարաբաղի ճակատագրի մասին։ Այդպէս չի լինում»,- ընդգծել է Հայաստանի նախագահը։

Լուրեր Հայաստանից - NEWS.am

Մեզ յաջողւեց Ցեղասպանութեան խնդրի շուրջ բանավէճը տեղափոխել Թուրքիա

2011-01-27T08:26:00.002+03:30

Մեզ յաջողւեց Ցեղասպանութեան խնդրի

շուրջ բանավէճը տեղափոխել Թուրքիա

«Թուրքիայի նախագահի շեշտադրումը ևս մէկ անգամ վկայեց, որ Թուրքիան Հայաստանի հետ յարաբերութիւնների կարգաւորման համար նախապայմաններ է առաջ քաշում»

14:43 • 27.01.11
ՀՀԿ–ական պատգամաւոր Գագիկ Մինասեանը երէկ լրագրողների հետ հանդիպման ժամանակ, անդրադառնալով Հայ–թուրքական յարաբերութիւններին, կարծիք յայտնեց, որ գործընթացը գտնւում է պասիւ փուլում, սակայն այն դեռ ամբողջութեամբ իրեն չի սպառել։ Պատգամաւորի խօսքով՝ Հայ–թրքական յարաբերութիւնների կարգաւորման գործընթացը թէև պասիւ փուլում է, սակայն արդէն այսօր այդ գործընթացին կարելի է երկու գնահատական տալ։
«Նախ մեզ յաջողւեց այս գործընթացի արդիւնքում ցեղասպանութեան խնդրի վերաբերեալ բանավէճը տեղափոխել Թուրքիա։ Հարց, որը տասնամեակներ մեզ չէր յաջողւում իրականացնել»,– ասաց Գագիկ Մինասեանը՝ աւելացնելով, որ այսօր արդէն թրքական իշխանութեան ամէնաբարձր օղակներում, մշակութային, կրթական համակարգերում բանավէճ է ծաւալւում ոչ միայն ցեղասպանութեան փաստի, այլև դրա դատապարտման վերաբերեալ։
Պատգամաւորը համոզւած է, որ այդ յաղթարշաւը հնարաւոր չի լինելու կասեցնել։ «Դա մակընթացութիւններով կամ տեղատւութիւններով, արագ կամ դանդաղ տարածւելու է թրքական ողջ հասարակութեան մէջ։ Դա ցեղասպանութեան փաստի բանավէճի տեղափոխումն է թրքական հասարակութեան մէջ»,– ասաց նա։
Հայ–թրքական չարաբերութիւնների կարգաւորման գործընթացի մասին պատգամաւորի երկրորդ գնահատականն այն է, որ նշւած գործընթացի արդիւնքում Հայաստանը կարողացաւ միջազգային հանրութեանը պատշաճօրէն ներկայացնել, որ ինքը բաց է քննարկումների համար, ունի ընկալելի մօտեցումներ և պատրաստ է առանց նախապայմանների յարաբերութիւններ ստեղծել Թուրքիայի հետ: Միաժամանակ, ըստ ՀՀԿ–ական պատգամաւորի, ժամանակը ցույց տւեց, որ Հայաստանի այս մօտեցումը, որն ընկալելի է բոլոր քաղաքակիրթ երկրների, այդ թւում՝ ԱՄՆ–ի և Եւրամիութեան համար, ընկալելի չէ Թուրքիայի համար, ինչը Թուրքիային դնում է մի իրավիճակում, որում ոչ մի երկիր երբէք չի յաղթել։
«Եթէ որևէ երկիր գնում է միջազգային զարգացումների ընդահանուր տրամաբանութեանը հակառակ, ապա վաղ թէ ուշ այդ երկրում առաջանում են ուժեր, որոնք փորձում են երկրին բերել միջազգային զարգացումների ընդհանուր տրամաբանութեան հունի մէջ։ Շատ երկրներ այս պարագայում ուղղակի տրոհւում են։ Ես չեմ ցանկանում ասել, որ այդ ամէնը սպառնում է նաև Թուրքիային սակայն ընդհանուր տրամաբանութիւնը հէնց դրա մասին է խօսում»,– յայտարարեց Մինասեանը։
Անդրադառնալով ԵԽԽՎ–ում Թուրքիայի նախագահ Աբդուլլա Գիւլի ելոյթին՝ Գագիկ Մինասեանը նշեց, որ «ադրբեջանական տարածքներն» ազատելու մասին Թուրքիայի նախագահի շեշտադրումը ևս մէկ անգամ վկայեց, որ Թուրքիան Հայաստանի հետ յարաբերութիւնների կարգաւորման համար նախապայմաններ է առաջ քաշում։

Tert.am

Լեռնային Ղարաբաղի Պաշտպանութեան Նախարարութիւն. Ադրբեջանը շարունակում է ապատեղեկատւութիւն տարածել

2011-01-26T19:54:00.002+03:30

Լեռնային Ղարաբաղի Պաշտպանութեան Նախարարութիւն.-

Ադրբեջանը շարունակում է

ապատեղեկատւութիւն

տարածել

«Երէկ եւ անցած գիշեր ադրբեջանական զինւած ստորաբաժանումները 14 անգամ խախտել են հրադադարի ռեժիմը»

Յունւար 26, 2011 13:02

Լեռնային Ղարաբաղի պաշտպանութեան նախարարութիւնը հերքել է ադրբեջանական լրատւամիջոցների տարածած տեղեկութիւնը, թէ հրադադարի խախտման արդիւնքում ադրբեջանցի սպայ է զոհւել:
«Լեռնային Ղարաբաղի Հանրապետութեան պաշտպանութեան բանակի առաջապահ ստորաբաժանումները շարունակում են յարգել հրադադարի ռեժիմը: Դա ադրբեջանական քարոզչութեան հերթական ապատեղեկատւութիւնն է»,- NEWS.am-ի թղթակցի հետ զրոյցում նշել է ԼՂՀ ՊՆ մամուլի քարտուղար Սենոր Հասրաթեանը: Աւելին, ըստ Հասրաթեանի՝ ադրբեջանական կողմն է պարբերաբար խախտում հրադադարի ռեժիմը. «Օրինակ երէկ եւ անցած գիշեր ադրբեջանական զինւած ստորաբաժանումները 14 անգամ խախտել են հրադադարի ռեժիմը»:
Նշենք, որ Ադրբեջանի ՊՆ մամուլի ծառայութիւնը տեղեկութիւն էր տարածել, որ 26-ամեայ սպայ Զամին Մամեդովը նախօրէին զոհւել է հայկական կողմից հրադադարի ռեժիմի խախտման արդիւնքում: Միջադէպն, իբր, տեղի է ունեցել Աղդամի շրջանի Ջաւահիրլի գիւղի մերձակայքում:

Լուրեր Հայաստանից - NEWS.am

ايران‌چك‌هاي 100 هزار توماني از چرخه

2011-01-26T16:46:00.001+03:30

ايران‌چك‌هاي 100 هزار توماني

از چرخه مبادلات حذف نمي‌شوند

خبرگزاري فارس: درحالي كه رئيس كل بانك مركزي چندي پيش از آغاز فرآيند جمع آوري ايران چك‌هاي 100 هزار توماني از 5 بهمن ماه خبر داده بود امروز روابط عمومي اين بانك با صدور اطلاعيه‌اي اعلام كرد كه هدف از ابلاغ بخشنامه ياد شده حذف ايران چك يك ميليون ريالي از چرخه مبادلات كشور نبوده است.

Դիտել Պարսկերէն Բաժնում.–

http://vartandav.blogspot.com/2011/01/100_26.html

Կարմիր Խաչը հանդիպել է Ադրբեջանում պահվւող Հայ ռազմագերիներին

2011-01-26T16:32:00.002+03:30

Կարմիր Խաչը հանդիպել է Ադրբեջանում

պահվւող Հայ ռազմագերիներին

Յունւար 26, 2011 11:31

Կարմիր Խաչի միջազգային կոմիտէի ներկայացուցիչները յունւարի 25-ին հանդիպել են Ադրբեջանում պահւող Հայ ռազմագերիների եւ քաղաքացիական անձանց հետ: Այդ մասին NEWS.am-ին յայտնել է Կարմիր խաչի միջազգային կոմիտէի (ԿԽՄԿ) հաղորդակցման ծրագրերի ղեկավար Աշօտ Աստաբացեանը:
Նա նշել է, թէ ըստ աշխատանքային գաղտնապահութեան սկզբունքների, չի կարող որեւէ տեղեկութիւն յայտնել Ադրբեջանում գտնւող հայերի առողջական վիճակի վերաբերեալ: Կարմիր Խաչի ներկայացուցիչը նշել է, որ կազմակերպութիւնը պատրաստ է կրկին իր միջնորդական առաքելութիւնն առաջարկել Հայ ռազմագերիների եւ քաղաքացիական անձանց հայրենադարձման գործում:
Նշենք, որ ըստ ադրբեջանական լրատւամիջոցների՝ Կարմիր Խաչի ներկայացուցիչները այդ անձանց առողջութեան մոնիտորինգ են անցկացրել, իսկ նրանցից մէկին նամակ են յանձնել՝ իր ընտանիքից:
Ներկայումս Ադրբեջանում են գտնւում 7 Հայ ռազմագերիներ եւ մէկ ընտանիք՝ բաղկացած 5 անձից: Ադրբեջանի տարածքում են գտնւում Եղիշէ, Ռուզաննա, Ալֆրէդ, Գայեանէ եւ Պետրոս Գէորգեանները, որոնք ադրբեջանական սահմանն անցել են անցած տարւայ յունւարին:
Ադրբեջանական գերութեան մէջ են գտնւում նաեւ զինծառայողներ Հրանտ Մարկոսեանը, Ալիկ Թեւոսեանը, Արթուր Սարգսեանը, Օհան Յարութիւնեանը, Գէորգ Թովմասեանն ու Կարէն Յարութիւնեանը:
Ադրբեջանական լրատւամիջոցների պնդմամբ, Հայաստանում են գտնւում զինծառայողներ Անար Հաջիեւն ու Ռոման Հոսէյնովը:

Լուրեր Հայաստանից - NEWS.am

Երգիչները մշակոյթի նախարարութեան որոշումը «անվայել» են որակում

2011-01-26T08:36:00.002+03:30

Երգիչները մշակոյթի նախարարութեան

որոշումը «անվայել» են որակում

17:08 • 25.01.11

Երևանի էստրադային և ջազային արւեստի պետական քոլեջը, համաձայն կառավարութեան համապատասխան որոշման, որոշւել է կցել Երևանի մշակոյթի պետական քոլեջին, որն այսուհետ դառնալու է ջազային քոլեջի իրաւայաջորդը:
Որոշմանը դէմ է քոլեջի ամբողջ կոլեկտիւը, որը շուրջ մէկ շաբաթ առաջ հրաւիրւած ասուլիսում դժգոհել էր մշակոյթի նախարարութեան որոշման դէմ:
Այսօր Երևանի էստրադային և ջազային արւեստի պետական քոլեջին իրենց աջակցութիւնն էին եկել յայտնելու քոլեջի նախկին սաներն ու դասախօսական անձնակազմի անդամները` Արմէն Սարգսեան, Անչոկ, Նաիրա, Արմանուշ Յակոբեան, Գայեանէ Յովհաննիսեան: Նրանց խօսքով` իրենց կոլեգաներից շատերը ևս ցանկութիւն ունէին իրենց միանալ, սակայն հիւանդութեան ու քաղաքից բացակայելու պատճառով չկարողացան գալ: Երաժիշտներն իրենց վրդովմունքը յայտնեցին մշակոյթի նախարարուեան որոշման կապակցութեամբ` այն անւանելով «անվայել»:
Երգչուհի Նառան, ներկայացնելով 30-ամեայ քոլեջի տնօրէն Ակսել Բակունցի աւանդը ջազային քոլէջի կայացման գործում, ասաց, որ իր խնդրանքն այն է, որ «վերանայւի այս հարցը»: «Եթէ նորը կայ, պէտք չէ ոտնակոխ անել հինը»,- վրդոււած ասաց երգչուհին:
Ջազային քոլեջի երկարամեայ դասախօս Արմանուշ Յակոբեանը ևս ցաւով նշեց, որ պէտք չէ անտեսել Ակսել Բակունցին` մարդու, որը «շատ մեծ աւանդ ունի այս ստուդիայի կազմաւորման ու ընդհանրապէս նրա աճի գործում»: Երգիչները խօսեցին նաև մշակութային այս երկու կազմակերպութիւնների տարբերութիւնների մասին` շեշտելով դրանց անհամատեղելիութիւնը: «Չարժէ, որ խառնւի, այդ ամէնը միացւի»,- պնդեց վերջինս` ասելով, թէ իրենք դէմ են այդ «անվայել» որոշմանը:

Tert.am

Եւրախորհրդարանը դատապարտել է քրիստոնեաների հալածանքները

2011-01-26T07:56:00.002+03:30

Եւրախորհրդարանը դատապարտել է

Քրիստոնեաների հալածանքները

Յունւար 25, 2011թ. 09:55

Ստրասբուրգում` Եւրոխորհրդարանի նստաշրջանում, ընդունւել է քրիստոնեաների հալածանքները դատապարտող բանաձեւ: «Եւրոմիութիւնն այլեւս աչք չի փակի ողջ աշխարհում քրիստոնեաների հալածանքների վրայ», իր ելոյթում յայտարարել է ԵՄ արտաքին գործերի եւ անվտանգութեան քաղաքականութեան գծով գերագոյն ներկայացուցիչ Քաթրին Էշթոնը:
Փաստաթուղթը Եգիպտոսում, Նիգերիայում, Պակիստանում, Ֆիլիպիններում, Կիպրոսում, եւ Իրաքում քրիստոնեաների հանդէպ վերջերս ձեռնարկւած բռնարարքների արձագանքն է: Բանաձեւում ընդգծւում է, որ Եւրոպայում առկայ են կրօնական ազատութեան խախտման եւ խտրականութեան օրինակներ: Այդ մասին հաղորդում է Ինտերֆաքսը, վկայակոչելով Մոսկւայի պատրիարքարանի արտաքին եկեղեցական կապերի բաժնի կայքը:
Գրում է «Ազգ» օրաթերթը:

ArmAr.am

«Դոմոդեդովոյի» ահաբեկութիւնից վիրաւորւած երկու հայերի վիճակը ծանր է

2011-01-25T22:05:00.002+03:30

«Դոմոդեդովոյի» ահաբեկութիւնից

վիրաւորւած երկու հայերի

վիճակը ծանր է

17:28 • 25.01.11

«Ռուսաստանի «Դոմոդեդովո» օդանաւակայանում երէկ տեղի ունեցած ահաբեկութեան ժամանակ վիրաւորւած 4 հայերից երկուսի վիճակը ծանր է։ Այս մասին Tert.am–ին տեղեկացրեց ՀՀ ԱԳՆ մամուլի քարտուղար Տիգրան Բալաեանը՝ նշելով, որ ծանր վիճակում գտնւող հայերից մէկը 65 տարեկան Գուրգէն Վարդանի Խաչատուրովն է, միւսը` 59տ. Անատոլի Աշոտի Պօղոսբեկովը։
ՀՀ ԱԳՆ–ն փորձում է ճշտել, թէ ահաբեկութիւնից վիրաւորւած հայերը որ երկրի քաղաքացիներ են։ Ամենայն հաւանականութեամբ, չորսն էլ Ռուսաստանի Դաշնութեան քաղաքացիներ են։
Յիշեցնենք, որ «Դոմոդեդովօ» օդակայանում երէկ, Մոսկւայի ժամանակով ժամը 16.32–ին պայթիւն է տեղի ունեցել։ Նախնական տւեալներով՝ 5 կիլոգրամ տրոտիլային համարժէք հզօրութեամբ պայթուցիկ սարքը գործի է դրել դիմաւորողների բազմութեան մէջ գտնւող մահապարտ ահաբեկիչը։

Tert.am

Թուրքիայի արտգործնախարարը խոստովանել է, որ Հայաստանի հետ խօսել է նախապայմանների լեզւով

2011-01-25T21:13:00.002+03:30

Թուրքիայի արտգործնախարարը

խոստովանել է, որ Հայաստանի

հետ խօսել է նախապայմանների

լեզւով

Յունւար 25, 2011 01:02

Թուրքիայի արտգործնախարար Ահմեթ Դաւութօղլուն բացայայտ հաստատել է, որ Հայ-թրքական յարաբերութիւնների կարգաւորման ձախողումը պայմանաւորւած է Ղարաբաղեան հակամարտութեան չլուծւած լինելով: Այդ մասին NEWS.am-ի թղթակցի հետ զրոյցում ասել է ԱԺ Եւրաինտեգրացիայի հարցերի յանձնաժողովի նախագահ, ԵԽԽՎ-ում հայկական պատւիրակութեան անդամ, «Բարգաւաճ Հայաստան» կուսակցութեան պատգամաւոր Նաիրա Զոհրաբեանը:
«Ես նրան հետեւեալ հարցն ուղղեցի. «Պարոն նախարար, Ադրբեջանի ուղղակի եւ չքողարկւած ճնշման տակ ձեր երկիրը Հայ-թրքական յարաբերութիւնների նորմալացման գործընթացը մտցրեց փակուղի: Ինչ երաշխիքներ կարող էք տալ, որ Թուրքիան, գլխաւորելով Նախարարների կոմիտէն, չի առաջնորդւի եւրոպականներից տարբեր սկզբունքներով եւ չի անտեսի ժամանակակից արժէքները», ինչին նա ուղղակի չպատասխանեց եւ սկսեց «ջուր ծեծել», սակայն իր խօսքում միանշանակ հասկացրեց, որ Հայ-թրքական արձանագրութիւնները ստորագրելիս Թուրքիան հետապնդում էր երեք նպատակ` սահմանների բացում, երկու ժողովուրդների պատմական հաշտեցում եւ Ղարաբաղեան հակամարտութեան լուծում», - յայտնեց Զոհրաբեանը` աւելացնելով, որ Ահմեթ Դաւութօղլուն իր խօսքում ասել է նաեւ հետեւեալը. «Ի վերջոյ, Ադրբեջանի տարածքի 20 տոկոսն օկուպացւած է»: «Նա խոստուանեց, որ Թուրքիան յենւում էր նախապայմանների վրայ», - ամփոփեց Նաիրա Զոհրաբեանը:
Նշենք, որ 2010թ. նոյեմբերի Եւրոպայի խորհրդի Նախարարների կոմիտէի նախագահութիւնն անցել է Թուրքիային:
2009թ. աշնանը Հայաստանն ու Թուրքիան յարաբարերութիւնների կարգաւորման փորձ արեցին, սակայն այդ յարաբերութիւնները Ղարաբաղեան կարգաւորման հետ կապելու Թուրքիայի ձգտման պատճառով պաշտօնական Երեւանը ստիպւած եղաւ սառեցնել յարաբերութիւնների նորմալացման բոլոր ջանքերը:
Յարաբերութիւնների հաստատման Հայ-թրքական արձանագրութիւնները ստորագրւել են 2009թ. հոկտեմբերի 10-ին Ցիւրիխում:

Լուրեր Հայաստանից - NEWS.am

Ազնաւուրը պատրաստ է կեանքի գնով դիմակայել Սարկոզիին

2011-01-25T09:39:00.001+03:30

Ազնաւուրը պատրաստ է կեանքի

գնով դիմակայել Սարկոզիին

Յունւար 25, 2011 02:04

Աշխարհահռչակ ֆրանսահայ շանսոնյէ Շառլ Ազնաւուրը պատրաստ է վտանգել իր կեանքը եւ առճակատման մէջ մտնել Նիկոլա Սարկոզիի հետ, եթէ նախագահը չկատարի Ֆրանսիայի հայերին տւած նախընտրական խոստումները:
Le Dauphiné Libéré (ledauphine.com) պարբերականին տւած հարցազրոյցում Ազնաւուրը Ֆրանսիայում հայկական հարցի հետ կապւած լուրջ անհանգստութիւն է արտայայտել:
«Նախագահ Սարկոզին որոշակիօրէն ուրացել է ընտրութիւններին ժամանակ տւած խոստումներին: Նա ճիշտ չէ, քանի որ Ֆրանսիայի հայ համայնքը թուրքական համայնքի համեմատ ներկայացնում է մարդկանց զգալի քանակ: Հայ ժողովուրդը պատասխանատու է եւ համարձակ: Այն արիւնն է տւել իր երկրի համար: Առաջին անգամ եմ ես խօսում այս մասին, բայց եթէ նախագահը չփոխւի` ես կօգտւեմ նրա ձայներից, երբ գա ժամանակը», - յայտարարել է Ազնաւուրը:
Նա նշել է, որ Ֆրանսիայում առնւազն 400 000 - 500 000 Հայ կայ: «Հայկական ծագում ունեցող իւրաքանչիւր ֆրանսիացի կաջակցի ինձ: Եթէ այսպէս շարունակւի, ես ամբողջովին կնւիրւեմ այս գործին: Ես քաղաքականութեամբ չեմ զբաղւում, բայց ես ունեմ զգալի քաղաքական ուժ: Ես գիտեմ, որ վտանգում եմ իմ կեանքը` ասելով սա: Բայց իմ տարիքում, վերջիվերջոյ, ինչ է նշանակում կեանքը ռիսկի տակ դնել», - ամփոփել է 86-ամեայ Ազնաւուրը, որը Շւէյցարիայում Հայաստանի դեսպանն է:
Ազնաւուրն այս կերպ պատախանել է WikiLeaks հերթական բացայայտմանը, որի շնորհիւ հասարակութեանը յայտնի դարձաւ, որ Նիկոլա Սարկոզին Թուրքիային խոստացել է Օսմանեան կայսրութիւնում 1915-1917թթ. հայերի ցեղասպանութեան հերքման համար քրէական պատասխանատւութիւն սահմանող ֆրանսիական օրինագիծը «թաղել Սենատում»: Նախընտրական փուլում Սարկոզին ֆրանսահայերին խոստացել էր աջակցել օրինագծի ընդունման հարցում: Ֆրանսիայի հերթական նախագահական ընտրութիւնները 2012-ին են, եւ հնարաւոր է Սարկոզիի մասնակցութիւնը:
Նշենք, որ Ազնաւուրը վերջին շրջանում քաղաքական առաջնորդներին բազմաթիւ կոչեր է անում: Նախօրէին նա Իսրայէլին կոչ էր արել պաշտօնապէս ճանաչել 1915թ. Հայոց Ցեղասպանութիւնն Օսմանեան Թուրքիայում:
Յունւարի 23-ին Փարիզում Երուսաղեմի համալսարանի միջազգային մրցանակը ստանալիս Ազնաւուրը յայտարարել էր, որ միայն վերջին տարիներին է բացայայտւել Թուրքիայի «քարանձաւային հակասեմականութիւնը»: Ազնաւուրը յիշեցրել է, որ Թուրքիան մերձաւոր արեւելեան բոլոր հիմնախնդիրների վերաբերեալ որդեգրել է հակաիսրայէլական դիրքորոշում:

Լուրեր Հայաստանից - NEWS.am

ԹԱՒՐԻԶ - ՀՕՄ-ի «Ծերունի Գասպարեան» մանկապարտէզ-նախակրթարանի ամանորեայ հանդէսը

2011-01-24T23:06:00.003+03:30

ԹԱՒՐԻԶ -

ՀՕՄ-ի «Ծերունի Գասպարեան»

մանկապարտէզ-նախակրթարանի

ամանորեայ հանդէսը

Հովանաւորութեամբ Ատրպատականի հայոց թեմի կաթողիկոսական փոխանորդ Տ. Եղիշէ ծ. վրդ. Մանճիկեանի, նախագահութեամբ թեմի Թեմական խորհրդի եւ նախաձեռնութեամբ ՀՕՄ-ի Թաւրիզի մասնաճիւղի, թւականիս յունւարի 13-ին, երեկոյեան ժամը 8-ին, Թաւրիզի «Հ. Ոսկանեան» ազգ. սրահում, ներկայութեամբ Տ. Եղիշէ ծ. վրդ. Մանճիկեանի, Պատգ. ժողովի եւ Թեմական խորհրդի անդամների, Թաւրիզի ծխատէր Տ. Ներսէս քհնյ. Պասիլեանի, ազգային մարմինների եւ միութիւնների ներկայացուցիչների եւ մանկական հանդէսներին սիրով մասնակցող հանդիսատեսների, տեղի ունեցաւ ՀՕՄ-ի «Ծերունի Գասպարեան» մանկապարտէզ-նախակրթարանի ամանորեայ հանդէսը, որն սկսւեց Իրանի Իսլամական Հանրապետութեան հիմներգով:

Օրւայ հանդիսութեան սկզբում, յանուն ՀՕՄ-ի Թաւրիզի մասնաճիւղի վարչութեան, բացման խօսքով արտայայտւեց նոյն վարչութեան նախագահուհի Անահիտ Մարգարեանը: Նա իր խօսքում շնորհաւորեց Նոր տարւայ եւ Ս. Ծննդեան տօները՝ բոլորին մաղթելով յաջողութիւններ: Տկն. Մարգարեանը իր խօսքում անդրադառնալով տօնական օրերին՝ մատնանշեց, որ այս օրերը երեւի լաւագոյն ժամանակներն են յետադարձ հայեացք ձգելու մեր անցնող տարւայ գործունէութեանը, թէ ինչ ձեռքբերումներ ու բացթողումներ ենք ունեցել եւ այս տարի առաւել եռանդով փորձենք հասնելու նոր յաջողութիւնների եւ շտկելու անցեալի թերութիւնները:

Նա իր խօսքն աւարտեց՝ շնորհակալութիւն յայտնելով բոլոր նրանց, ովքեր որեւէ կերպ օժանդակել էին օրւայ հանդիսութեան աշխատանքներին կամ էլ տարբեր առիթներով նեցուկ էին հանդիսացել ՀՕՄ-ի Թաւրիզի մասնաճիւղի վարչութեանը:Բացման խօսքից յետոյ, երբ բացւեց բեմի վարագոյրը, ամանորեայ զարդարուն բեմում «Ծերունի Գասպարեան» մանկապարտէզ-նախակրթարանի փոքրիկ սաները Նարինէ Սայեադեանի «Եղեւնուն» երգով սկսեցին պարել եւ ուրախ-խանդավառ մթնոլորտ ստեղծել սրահում, իսկ հանդիսականները բուռն ծափերով ողջունեցին փոքրիկ աշակերտներին:

Այնուհետեւ ծրագրի հաղորդավար Նարինէ Սայեադեանը ողջունելով հանդիսատեսին՝ շնորհաւորեց 2011 թւականի սկսման կապակցութեամբ, ապա ներկայացրեց մանկապարտէզ-նախակրթարանի երգի ուսուցիչ Կարէն Սարգսեանին, որի նւագակցութեամբ էլ փոքրիկ աշակերտները հանդիսատեսին ներկայացան Նոր տարուն, Կաղանդ պապին եւ տօնածառին նւիրւած խմբերգերով ու մեներգութեամբ: Երգերին մէջընդմէջ փոքրիկները բեմ ելան նաեւ արտասանութիւններով:

Նրանք երբ երգեցին «Կաղանդ պապան ուշ է, ուշ է մնացել...», արտայայտեցին, թէ ի՜նչ անհամբերութեամբ են սպասում իրենց սիրելի Ձմեռ պապիկին, իսկ երբ այդքան սպասւած պապիկը, պարկը շալակին, սրահ մտաւ եւ բեմ բարձրացաւ, ծափերը արատայայտեցին մանուկների ուրախութիւնը, որը անմիջապէս տարածւեց նաեւ սրահում: Փոքրիկ աշակերտները պարեցին Ձմեռ պապիկի հետ, իսկ նոյն ժամանակ Նարինէ Սայեադեանը իր հիանալի մեներգութեամբ պահերը դարձրեց առաւել տօնական...

Մանկական հանդէսներին իրենց մասնակցութեամբ ու դերակատարութեամբ շունչ ու ոգի պարգեւող Նարինէ Սայեադեանը թէ՛ որպէս երգչուհի, եւ թէ՛ որպէս հաղորդավար եւ Առլէն Բադալեանը, որպէս Կաղանդ պապա, բուռն ծափերով գնահատւեցին հանդիսատեսի կողմից, իսկ ծրագրի վերջում բեմ հրաւիրւեց Տ. Եղիշէ ծ. վրդ. Մանճիկեանը: Հայր Սուրբը բարձր գնահատեց մանկական ամանորեայ այդ հանդէսը՝ շեշտելով, որ կարճ, սակայն բովանդակալից էր կազմակերպւած միջոցառումը, ուր երեւան եկան փոքրիկ աշակերտները՝ իրենց ամբողջ քաղցրութեամբ ու կարողութեամբ:

Հայր Սուրբը յատուկ շեշտադրում կատարեց հայ նոր սերունդներին լաւագոյնս կրթելու եւ դաստիարակելու կարեւորութեան վրայ՝ մատնանշելով, որ թէեւ քիչ են մեր փոքրիկները, սակայն քանակը չէ էականը: Մենք պէտք է մեր բոլոր ճիգերը լարենք այս սերունդի դաստիարակութեան ի խնդիր, քանի որ վաղը մեր ժողովրդին ղեկավարելու եւ պատասխանատւութիւններ ստանձնողները լինելու են հէնց այսօրւայ նոր սերունդը: Չպէտք է մոռանալ, որ մէկ հոգին էլ մեծ եւ ճակատագրական դերակատարութիւն է ունենում որեւէ ազգի կեանքում:

Տ. Եղիշէ ծ. վրդ. Մանճիկեանի խօսքից յետոյ՝ հանդիսութեան Ձմեռ պապիկը մնաս բարով ասելով թէ՛ փոքրիկներին, եւ թէ՛ աւագներին ու երէցներին թողեց սրահը, իսկ մանկապարտէզ-նախակրթարանի փոքրիկ աշակերտները ստացան ոմն բարերարի կողմից Նոր տարւայ առիթով իրենց համար գնւած նւէրները եւ ուրախ ու զւարթ հեռացան սրահից:

Այսպիսով՝ աւարտւեց ՀՕՄ-ի «Ծերունի Գասպարեան» մանկապարտէզ-նախակրթարանի ամանորեայ հանդէսը:

ԹՂԹԱԿԻՑ

(ԹԱՒՐԻԶ)

«ԱԼԻՔ»

Պայթիւն «Դոմոդեդովոյում». Կան զոհեր ու վիրաւորներ (թարմացւում է, տեսանիւթեր)

2011-01-24T22:03:00.004+03:30

Պայթիւն Մոսկւայի «Դոմոդեդովոյ»

օդակայարանում

Կան զոհեր ու վիրաւորներ

(թարմացւում է, տեսանիւթեր)

18:26 • 24.01.11

Մոսկւայի «Դոմոդեդովո» օդանաւակայանում պայթիւն է տեղի ունեցել։ Ինչպէս յայտնում է РБК-ն՝ վկայակոչելով ՌԴ առողջապահութեան նախարարութեանը, այս պահին պաշտօնապէս զոհերի թիւը 31 է, վիրաւորներինը՝ 130։ 51 վիրաւոր հիւանդանոց են փոխադրւել, որից 35-ի վիճակը ծայրայեղ ծանր է։ 10 վիրաւորների վիճակը գնահատւում է միջին ծանրութեան։
Բլոգներում ինֆորմացիա է տարածւել, որ զոհերի թիւը մօտ 70 է։Իրաւապահ մարմինների աղբիւրը «Ինտերֆաքսին» յայտնել է, որ պայթիւնը տեղի է ունեցել միջազգային թռիչքների սրահում, որտեղ ազատ մուտք ու ելք են անում ոչ միայն ուղևորները։ Նախնական տւեալներով՝ տեղի ժամանակով ժամը 16։40-ին ռումբը գործի է դրել մահապարտ ահաբեկիչը։
Փաստի առթիւ յարուցւել է քրէական գործ ՌԴ ՔՕ 205 յօդւածի յատկանիշներով՝ ահաբեկութիւն։ Իրաւապահ մարմինների աղբիւրն «Ինտերֆաքսին» յայտնել է, որ ահաբեկութեանը մասնակցութեան կասկածանքով հետախուզում է յայտարարւել 3 անձանց նկատմամբ։ Կասկածեալները որոշ ժամանակ ապրել են Մոսկւայի շրջանում։
Իրաւապահ մարմինները երթադրում են, որ ահաբեկութիւնն իրականացրել են Հիւսիսայի Կովկասի տարածքում գործող զինեալները։ Ուժայինները նման եզրայանգման են եկել այն բանի հիման վրայ, որ ահաբեկութիւն իրականացրած մահապարտը նման է եղել հիւսիսկովկասցու։
Մոսկւայի ոստիկանութիւնն այս պահին ստուգումներ է իրականացնում մետրոյի կայարաններում և մարդաշատ վայրերում՝ հնարաւոր նոր պայթիւնները կանխելու նպատակով։
«Դոմոդեդովոյի» փոխարէն չւերթները կընդունի «Շերեմետևօ» օդակայանը։ Այժմ այնտեղ ուժեղացւել են անվտանգութեան միջոցառումները։ «Դոմոդեդովոն» շարունակում է չւերթներ ուղարկել։
ՌԴ նախագահ Դմիտրի Մեդվեդևը պայթիւնի առնչութեամբ գլխաւոր դատախազութեան, տրանսպորտի նախարարութեան և Քննչական կոմիտէի մասնակցութեամբ արտակարգ խորհրդակցութիւն է հրաւիրել։

Tert.am

Տեսանիւթերը դիտէք.–

http://www.youtube.com/watch?v=BdA9rk_pXQk&feature=player_embedded

http://www.twitvid.com/F72W5

Իսրայէլցի զինւորականները թալանել եւ սեռական ոտնձգութեան են ենթարկել թուրքերին

2011-01-24T21:39:00.002+03:30

Իսրայէլցի զինւորականները թալանել

եւ սեռական ոտնձգութեան են

ենթարկել թուրքերին

Յունւար 24, 2011 17:18

Իսրայէլ զինւորականների կողմից նախորդ տարի թուրքական «Մաւի Մարմարա» նաւի դէմ իրականացւած գործողութիւնը հետաքննելու համար ՄԱԿ-ի պահանջով ստեղծւած հետաքննական յանձնաժողովի միջանկեալ զեկոյցում իսրայէլցի զինւորականների նկատմամբ ծանր մեղադրանքներ են տեղ գտել։
Թրքական «Անադոլու» գործակալութեան փոխանցմամբ՝ զեկոյցում նշւել է, որ Գազայի հատւած օգնութիւն տանող նաւերը ճանապարհ են ընկել՝ համապատասխան անվտանգութեան միջոցառումներից եւ անձնագրային ստուգումներից յետոյ։
Զեկոյցում ասւել է, որ օգնութիւն տանող նաւերի մօտ 600 ուղեւորները իսրայէլցի զինւորականների կողմից ենթարկւել են դաժան վերաբերմունքի, զրկւել ջրից, սննդից, զուգարան գնալու հնարաւորութիւնից։
«Նաւերի ուղեւորների տառապանքները շարունակւել է նաեւ Աշդոդի նաւահանգստում, որտեղ ուղեւորներին թողել են ձեռնաշղթաներով, խուզարկել եւ թալանել են։ Կին ուղեւորները իսրայէլցի տղամարդ զինւորականների կողմից ենթարկւել են ստորացուցիչ սեռական ոտնձգութեան։ Կին լրագրողներից մէկին այնպիսի խուզարկութեան են ենթարկել, որը հակասում է թէ՜ իրաւական, թէ՜ բարոյական սկզբունքներին»,-նշւել է զեկոյցում։ Նշենք, որ Իսրայէլը նախորդ օրը եւս հրապարակել էր ուսումնասիրութիւնը, որտեղ իրաւաչափ է համարւել իսրայէլցի զինւորականների գործողութիւնները։
Յիշեցնենք, որ 2010-ի մայիսի 31-ին Իսրայէլի զինւած ուժերը գործողութիւն են իրականացրել Գազայի հատւած օգնութիւն տանող նաւատորմի նկատմամբ, որի ընթացքում թուրքական «Մաւի Մարմարա» նաւի վրայ սպանւել է 9 թուրք։
Թուրքիան Իսրայէլից պահանջում է ներողութիւն խնդրել թուրք ժողովրդից եւ փոխհատուցել զոհւածների եւ վիրաւորների ընտանիքներին, ինչին իսրայէլական կողմը դէմ է արտայայտւում։

Լուրեր Հայաստանից - NEWS.am

Շառլ Ազնաւուր. Թուրքիան վարակւած է «քարանձաւային հակասեմիտիզմով»

2011-01-24T14:29:00.003+03:30

Շառլ Ազնաւուր.-

Թուրքիան վարակւած է «քարանձաւային

հակասեմիտիզմով»

Յունւար 24, 2011 10:43

Հռչակաւոր ֆրանսիացի շանսոնյէ Շառլ Ազնաւուրը Իսրայէլին կոչ է արել պաշտօնապէս ընդունել Հայոց Ցեղասպանութիւնը, հաղորդում է «Կոլ Իսրայէլ» ռադիոկայանը:
Ելոյթ ունենալով Երուսաղեմի համալսարանի միջազգային մրցանակի յանձնման արարողութեանը, որը կայացել է յունւարի 23-ին Փարիզում, Ազնաւուրը յայտարարել է, թէ միայն վերջին տարիներին է ի յայտ եկել Թուրքիայի «քարանձաւային հակասեմիտիզմը», եւ այդ երկիրը ակնյայտ հակամարդկային դիրք է զբաղեցրել բոլոր մերձաւորարեւելեան խնդիրներում, հաղորդում է Nashe.orbita.co.il-ը:

Լուրեր Հայաստանից - NEWS.am

Էրդողանի կուսակցութիւնն առաջիկայ ընտրութիւններում Հայ թեկնածուներ է առաջադրելու

2011-01-24T07:55:00.002+03:30

Էրդողանի կուսակցութիւնն առաջիկայ

ընտրութիւններում Հայ թեկնածուներ է

առաջադրելու

Յունւար 24, 2011 00:02

Թուրքիայում 2011-ի յունիսի խորհրդարանական ընտրութիւններում 50 տարի անց կրկին պայքարի մէջ կմտնեն պատգամաւորի Հայ թեկնածուներ: Այս մասին, NEWS.am-ի թղթակցի հետ զրոյցում յայտնեց Ստամբուլի հայկական «Ակօս» թերթի գլխաւոր խմբագիր Ռոբեր Քոփթաշը:
«Ակօս»-ի գլխաւոր խմբագիրն անդրադառնալով Թուրքիայում առաջիկայ խորհրդարանական ընտրութիւններին, նշեց, թէ խօսակցութիւններ կան, թէ այդ ընտրութիւններում Հայ թեկնածուներ են առաջադրւելու: «Ստամբուլի երեք ընտրատարածքներից մէկում, որտեղ ապրող հայերը մեծ թիւ են կազմում, հնարաւոր է մեծամասնական կարգով անկախ պատգամաւորի Հայ թեկնածու առաջադրւի: Անունները դեռ յստակ չեն, եւ ամէն ինչ յստակ դառնալու դէպքում այդ մասին կյայտարարւի»,-նշեց Ռոբեր Քոփթաշը:
Ըստ «Ակօս»-ի գլխաւոր խմբագրի՝ Էրդողանը պատրաստւում է իր կուսակցութեան կողմից եւս պատգամաւորի Հայ թեկնածուներ առաջադրել՝ փորձելով ցոյց տալ իր ուշադրութիւնը ազգային փոքրամասնութիւնների նկատմամբ եւ աւել քւէներ ստանալ:
Անդրադառնալով Հայ-թրքական յարաբերութիւնների կարգաւորման ձախողւած փորձին, Ռոբեր Քոփթաշը յոյս յայտնեց, որ այն 2011-ի յունիսի խորհրդարանական ընտրութիւններից յետոյ կվերսկսւի: «Թուրքական իշխանութիւնները չէին սպասում, որ Հայ-թրքական արձանագրութիւնների ստորագրումը նման բուռն հակազդեցութիւն առաջ կբերի Ադրբեջանի եւ թուրք ազգայնականների մօտ: Սա տեսնելով, Էրդողանն ընթացք չտւեց Հայ-թրքական յարաբերութիւնների կարգաւորման գործընթացին, քանի որ նրա համար շատ կարեւոր է ներքին քաղաքական իրավիճակը եւ իր կուսակցութեան վարկանիշը»,-շեշտեց «Ակօս»-ի խմբագիրը:
Ռոբեր Քոփթաշն անտեղի համարեց միտքը, թէ Էրդողանը Թուրքիան տանում է իսլամացման ճանապարհով: «Ոչ, նման բան հնարաւոր չէ: Ալկոհոլի օգտագործման սահմանափակման մասին նրա վերջին յայտարարութիւնների պէս յայտարարութիւններ ամբողջ աշխարհում էլ հնչում են: Դուք Ստամբուլի փողոցներում շրջել եւ տեսել էք, թէ ինչպէս են հագնւում եւ ապրում այսօրւայ թուրքերը, այնպէս որ վերադարձը իսլամին՝ հաւանական չէ: Էրդողանը քաջ գիտակցում է դա եւ չի դիմի նման քայլի»,-ընգծեց Ռոբեր Քոփթաշը:

Լուրեր Հայաստանից - NEWS.am

خروج ايران‌چك‌هاي 100 هزار توماني از پنجم بهمن

2011-01-23T21:53:00.001+03:30

خروج ايران‌چك‌هاي 100 هزار توماني از پنجم بهمن

Դիտել Պարսկերէն Բաժնում.–

http://vartandav.blogspot.com/2011/01/100.html

Wikileaks: Ադրբեջանը հերօինի տարանցման երկիր է

2011-01-23T21:42:00.002+03:30

Wikileaks:

Ադրբեջանը հերօինի տարանցման երկիր է

Յունւար 23, 2011 02:03

Ադրբեջանն Իրանից Եւրոպա հերօինի առաքման տարանցիկ երկիր է: Թմրանիւթերի տարանցումն ապշեցնող աճ է ունեցել, գրում է իրանալեզու Parsdailynews կայքը` յղում անելով Wikileaks-ի հրապարակումներին:
2009թ. յունիսի 12-ին այդ տեղեկութիւնները ՄԱԿ-ի Թմրանիւթերի դէմ պայքարի բաժին է փոխանցել Ադրբեջանում ԱՄՆ դեսպանատունը, գրում է Analitika.at.ua-ն:
Դեսպատան հաղորդագրութեան մէջ ասւել է.
«Ադրբեջանի մաքսային ծառայութիւնը թմրանիւթերի ապօրինի շրջանառութեան դէմ պայքարի համար չի ձեռնարկում բաւարար քայլեր: Ադրբեջանցի մաքսայինները կամ ի վիճակի չեն դա անել, կամ չեն ցանկանում ստուգել երկիր մտնող աւտո–տրանսպորտը: 2006-ին Ադրբեջանի մաքսայիններն առգրաւել են ընդամէնը 20 կիլոգրամ հերօին: Նախկինում Եւրոպա առաքւող թմրանիւթի տարանցման երկիրը Թուրքիան էր, սակայն քուրդ ապստամբների եւ թուրքական բանակի բախումների պատճառով մաքսանենգները տարանցման երկիր են դարձրել Ադրբեջանը»:

Լուրեր Հայաստանից - NEWS.am

Գիւլը ԵԽԽՎ-ի ամբիոնից կխօսի Հայ-թրքական գործընթացի մասին

2011-01-23T21:08:00.002+03:30

Գիւլը ԵԽԽՎ-ի ամբիոնից կխօսի

Հայ-թրքական գործընթացի մասին

13:19 • 23.01.11

Յունւարի 24-26-ը տեղի է ունենալու Եւրոպայի խորհրդի Խորհրդարանական վեհաժողովի (ԵԽԽՎ) այս տարւայ առաջին լիագումար նիստը, որին հրաւիրւած է նաև Թուրքիայի նախագահ Աբդուլլահ Գիւլը:
Թուրքական Sabah օրաթերթի փոխանցմամբ` ԵԽԽՎ լիագումար նիստի շրջանակում Աբդուլլահ Գիւլը հանդէս է գալու ելոյթով, որից յետոյ պատասխանելու է եւրախորհրդարանականների` Հայկական և քրդական հարցերին, կիպրական հիմնախնդրին, թուրքական արտաքին քաղաքականութեանն ու Թուրքիային առնչւող մի շարք խնդիրների վերաբերեալ հարցերին:
Բացի այդ, զեկոյցով հանդէս կգայ Թուրքիայի արտգործնախարար Ահմեթ Դաւութօղլուն, ով կներկայացնի Թուրքիայի կողմից Եւրոպայի խորհրդի Նախարարների կոմիտէի նախագահութիւնը ստանձնելուց ի վեր իրականացւած միջոցառումները:
ԵԽԽՎ նստաշրջանին յատուկ հրաւիրեալի կարգավիճակով ներկայ են գտնւելու նաև Ռումինիայի ու Սերբիայի նախագահները և Ալբանիայի վարչապետը:
Յիշեցնենք, որ 2007թ. Աբդուլլահ Գիւլը ելոյթով հանդէս էր եկել ԵԽԽՎ լիագումար նիստում, որի ընթացքում խօսել էր քրդական հարցի, Թուրքիայում կանանց իրաւունքների և «Ակօս» շաբաթաթերթի խմբագրապետ Հրանտ Դինքի սպանութեան մասին:

Tert.am

Ուրմիայի հայոց ազգ. «Նայիրի» մանկապարտէզի ամանորեայ հանդէսը

2011-01-23T20:45:00.004+03:30

Ուրմիայի հայոց ազգ. «Նայիրի»

մանկապարտէզի ամանորեայ հանդէսը

ՀՕՄ-ի հովանաւորութեան տակ գտնւող Ուրմիայի հայոց ազգ. «Նայիրի» մանկապարտէզի սաները, 2010 թ. չորեքշաբթի, դեկտ. 29-ի երեկոյեան ժամը 4։30-ին, Ուրմիայի հայոց ազգ. «Արամ Մանուկեան» սրահում, շրջանում ուրախ մթնոլորտի բացումը կատարեցին ամանորեայ հանդէսով եւ Ձմեռ պապիկի դիմաւորման ծրագրով՝ նախագահութեամբ Ուրմիայի հոգեւոր հովիւ Տ. Ստեփանոս վրդ. Փաշայեանի, ներկայութեամբ Ուրմիայի Պատգամաւորական կազմի, Գործակալական խորհրդի, ինչպէս նաեւ Հայ օգնութեան միութեան վարչութեան անդամ-անդամուհիների, ծնողների, սաների եւ հոծ բազմութեան։

Ելոյթը, որ պատրաստւել էր մանկապարտէզի ուսուցչուհի Օֆելիա Սայեադեանի ջանքերով, պաշտօնապէս սկսւեց բացման խօսքի փոխանցմամբ՝ յիշեալի միջոցով։ Ծրագրի անդրանիկ բաժնում նորածաղիկների միջոցով տեղի ունեցաւ աղօթք։ Ծրագիրը բաղկացած էր արջի ու եղեւնիների մասին բեմադրութիւնից, մեներգից, խմբերգերից ու պարերից։

Ծրագրի շարունակութեամբ հանդէսին ներկայ գտնւելով՝ Ձմեռ պապիկը առաւել ճոխացրեց ու զարդարեց բեմը։ Ծրագրի աւարտին բեմ հրաւիրւեց ՀՕՄ-ի նախագահուհի Սեդա Մեջլումեանը, որը ներկաներին ուղղեց օրւայ խօսքը եւ ջերմ շնորհաւորանքները, ապա իր հերթին բեմ հրաւիրւեց Ուրմիայի հոգեւոր հովիւ Տ. Ստեփանոս վրդ. Փաշայեանը։

Հայր Սուրբը շնորհաւորելով ու բարձր գնահատելով սաների կատարած իւրաքանչիւր արարքը՝ բոլորին նախապէս շնորհաւորեց եւ մաղթեց, որ առաջիկայ տարին լինի առաւել բարգաւաճ տարի, յատկապէս՝ շրջանում, եւ իր հետ աշխարհին բերի խաղաղութիւն, արեւշատ ու բախտաւոր օրեր եւ բոլորին իղձերի իրականացում պարգեւի։ Հայր Սուրբը ծնողներին յիշեցրեց, որ առաջիկայ տարին իւրաքանչիւր ծնող պարտականութիւն ու պարտաւորութիւն ունի իր զաւակին առաւել եւս ուշադրութիւն դարձնել՝ հայկական օջախներում դաստիարակելով, մանաւանդ երբ յիշեցրեց Կիլիկիոյ Ս. Աթոռի գահակալ Ն.Ս.Օ.Տ.Տ. Արամ Ա Վեհափառ Հայրապետի հայրապետական պատգամը՝ 2011 տարին հռչակելով որպէս ՀԱՅ ՄԱՆՈՒԿԻ ՏԱՐԻ։

Աւարտին «Պահպանիչ»-ով փակւեց միջոցառումը։Վերջում երեխաները Ձմեռ պապիկից ստացան իրենց նւէրները եւ բոլոր հիւրերը շատ ուրախ ու բարձր տրամադրութեամբ թողեցին սրահը։

«ԱԼԻՔ»

Սփիւռքահայերին կոչ կարւի ներդրումներ չկատարել Հայաստանում օտարալեզու դպրոցների բացման գործում

2011-01-23T09:18:00.001+03:30

Սփիւռքահայերին կոչ կարւի`

«Ներդրումներ չկատարել Հայաստանում

օտարալեզու դպրոցների բացման գործում»

12:04 • 21.01.11

«Մենք դէմ ենք օտարալեզու դպրոցների վերաբացմանը» նախաձեռնութիւնը պատրաստւում է շարունակել իր գործունէութիւնը երեք ուղղութիւններով այն բանից յետոյ, երբ Սերժ Սարգսեանը ստորագրեց Ազգային ժողովի ընդունած «Լեզւի մասին» ՀՀ օրէնքում լրացում կատարելու մասին և «Հանրակրթութեան մասին» օրէնքները, որոնք նախատեսում են Հայաստանում օտարալեզու դպրոցների բացում։
Ինչպէս Tert.am–ի հետ զրոյցում ասաց նախաձեռնութեան անդամ Արամ Ապատեանը, նախաձեռնութեան պայքարի առաջին ուղղութիւնն այն է, որ իրենք պատրաստւում են բողոքարկել յիշեալ օրէնքների օրինականութեան ու համապատասխանութեան հարցը թէ՛ Հայաստանի, թէ՛ միջազգային օրէնքներին։ Արամ Ապատյանի խօսքով՝ յիշեալ օրէնքները չեն համապատասխանում Հայաստանի Անկախութեան հռչակագրին, որտեղ շեշտւում է կրթութիւնը հայերէնով կազմակերպելու սահմանումը։ Նրա խօսքով՝ տւեալ օրէնքները հակասում են նաև ՄԱԿ–ի կոնվենցիային։
«Երկրորդ ուղղութիւնը, որի հետ կապւած մենք կշարունակենք մեր աշխատանքները կապւած են այլ պետութիւնների հետ։ Մենք նախատեսում ենք դիմել այլ պետութիւնների կառավարութիւններին՝ կոչ անելով օտարալեզու դպրոցների բացման փոխարէն քայլեր ձեռնարկել մեր երկրում իրենց լեզուների դասաւանդման մակարդակն ու որակը բարձրացնելու ուղղութեամբ»,– նշեց Արամ Ապատեանը։
Երրորդ տարբերակը, ինչի մասին մտածում է «Մենք դէմ ենք օտարալեզու դպրոցների վերաբացմանը» նախաձեռնութիւնը, կապւած է Սփիւռքի հետ։ Նրանք պատրաստւում են դիմել սփիւռքահայերին՝ կոչ անելով ներդրումներ չկատարել մեր երկրում մասնաւոր օտարալեզու դպրոցների բացման գործում։
Ինչ վերաբերում է հրապարակային ակցիաներին և գործողութիւններին, նախաձեռնութիւնը մօտ ժամանակներս նման բան չի նախատեսում, բայցև չի բացառում։ «Հրապարակային միջոցառումներ մենք անում ենք ըստ անհրաժեշտութեան և եթէ հարկ լինի, նաև նման միջոցառումներ կկազմակերպենք»,– ասաց նա։

Tert.am

Սաակաշվիլին հայերին խորհուրդ է տալիս խօսել անգլերէն

2011-01-23T09:03:00.001+03:30

Սաակաշվիլին հայերին խորհուրդ է

տալիս խօսել անգլերէն !!!

16:48 • 22.01.11

Այսօր «Սինոփսիս Արմենիա» ընկերութիւնում հայ-վրացական առաջին աշակերտական առարկայական օլիմպիադայի յաղթողներին պարգևատրելուց յետոյ աշխատանքային այցով Երևանում գտնւող Վրաստանի նախագահ Միխեիլ Սաակաշվիլին սկսեց խօսել վրացերէն։
Նա շտապեց տեղեկացնել՝ Վրաստանում առաջին օտար լեզուն արդէն անգլերէնն է։ «Նման պոտենցիալ կա նաև Հայաստանում։ Ես համոզւած եմ, որ անպայման պէտք է խօսենք մեր մայրենի լեզւով, բայց պէտք է սովորենք նաև օտար լեզու»,- նշեց նա։
Սաակաշվիլին խորհուրդ տւեց կարևորել անգլերէնը՝ նշելով, որ տեղեկատւական տեխնոլոգիաների լեզուն հէնց անգլերէնն է։
Սաակաշվիլիի ելոյթը յաջորդել էր ՀՀ կրթութեան և գիտութեան նախարար Արմէն Աշօտեանի ելոյթին, ով խօսել էր ռուսերէն։ Սաակաշվիլիի ելոյթից յետոյ Սերժ Սարգսեանը խօսեց հայերէն։

Tert.am

نظرات فقهي درباره حجاب، كروات و رنگ لباس بانوان

2011-01-23T08:45:00.002+03:30

نظرات فقهي درباره حجاب، كروات و رنگ لباس بانوان

وظيفه حکومت إسلامي دربارة حجاب غير مسلمانان

(ذمّي و غيرذمّي و مهمان به کشور) چيست؟

Դիտել Պարսկերէն Բաժնում.–

http://vartandav.blogspot.com/2011/01/blog-post_5464.html

«Անի» միութեան 30-ամեակի տօնակատարութիւն

2011-01-23T08:04:00.005+03:30

«Անի» միութեան 30-ամեակի

տօնակատարութիւն

Հինգշաբթի, յունւա րի 13-ի երեկոյեան, Հ. Ուս. «Չհարմահալ» միութեան «Յ. Թումանեան» սրահում, նշւեց «Հայ կին» միութեան կից Թեհրանի Սարդարապատ (Հեշմաթիէ) քաղաքամասում գործող «Անի» միութեան հիմնադրութեան եւ գործունէութեան 30-ամեայ յոբելեանը:

Յոբելեանական միջոցառմանը ներկայ էին՝ Թեհրանի հայոց թեմի առաջնորդ Տ. Սեպուհ արք. Սարգսեանը, Իրանում Հայաստանի Հանրապետութեան արտակարգ եւ լիազօր դեսպան Գրիգոր Առաքելեանը, դեսպանութեան խորհրդական Սուրէն Գասպարեանը, Իրանի Հայ Կաթողիկէ Եկեղեցու առաջնորդ Տ. Նշան արք. Գարաքեհէեանը, Իրանի Հայ Աւետարանական Եկեղեցու հոգեւոր հովիւ Վեր. Սերգէյ Շահվերդեանը, Սարդարապատ քաղաքամասի ծխատէր Տ. Մաշտոց քհնյ. Խաչատրեանը, Թ. Հ. Թ. Պատգամաւորական ժողովի ու Թեմական խորհրդի եւ միութիւնների ներկայացուցիչներ, վերջերս կայացած հոգեւոր եւ կոմիտասեան երգերի համերգի կատարողներ՝ Գէորգ աւ. սրկ. Հաճեանն ու Տաթեւիկ Արթինեանը եւ այլ հրաւիրեալներ:

Ծրագրի սկզբում ցուցադրւեց «Անի» միութեան 30-ամեայ գործունէութիւնը ներկայացնող տեսաժապաւէն, որից յետոյ միութեան նախագահուհի Նազիկ Մանասեանը հակիրճ կերպով ներկայացրեց միութեան նպատակներն ու 30-ամեայ անցած ուղին: Ձեռնարկի գեղարւեստական բաժնում նախ «Էլեգիա», «Ալագեազ», «Ախ Նարօ» եւ «Արցախ» պարերով ելոյթ ունեցան Հ. Ուս. «Չհարմահալ» միութեան յարկի տակ գործող «Ակունք» պարախմբի սաները՝ Կարինէ Մանուչերեանի գեղարւեստական ղեկավարութեամբ, այնուհետեւ Հ. Մ. «Սիփան» միութեան «Նոր դար» ասմունքի խումբը, Անժէլ Մինասեանի ղեկավարութեամբ, երաժշտութեան համադրութեամբ, հանդէս եկաւ հայոց լեզւին վերաբերող ասմունքների շարանով, «Կռունկ, բարով դառնաս», «Արցախեան ղօղանջներ», «Հայաստան» ու «Հայուհի» խմբերգերով ելոյթ ունեցաւ «Հայ կին» միութեան կից «Անահիտ» միութեան «Զւարթնոց» երգչախումբը՝ Էդիկ Թամրազեանի ղեկավարութեամբ. վերջին երգը՝ ղեկավարի մեներգութեամբ:

«Իմ Անի» երգը կատարեցին երգչախմբի մեներգիչներ՝ Էմինէ Մելքոմը, Էլենա Շահնազարեանը, Անիտա Մանուկեանը եւ Անի Նարթինեանը:Գեղարւեստական բաժինը եզրափակւեց Անիա Շիրւանեանի դաշնամուրային կատարումով, որը նւագեց Շոպէնի համար երկու վալսը եւ Մոցարտի ռէ մինոր ֆանտազիան: Գեղարւեստական կատարումներին մէջընդմէջ իրանահայ բանաստեղծներ՝ Ալմինի եւ Էլսօ Գարեանի «Անի» միութեան 30-ամեայ յոբելեանին ձօնած բանաստեղծութիւններն ասմունքեցին հերթաբար՝ Մինէ Նազարեանը եւ Աննա Զարգարեանը:

Միջոցառման ընթացքում հաղորդավարներ՝ Արգին Արիստակէսեանի եւ Աննա Զարգարեանի միջոցով ընթերցւեցին օրւայ թեմային համապատասխան գեղարւեստական տեքստեր, որոնք պատկանում էին բանաստեղծ Ալմինի գրչին: Ընթերցւեցին նաեւ միութեան 30-ամեայ յոբելեանի առթիւ յղւած ուղերձներին մի քանիսը:

Միջոցառման վերջում իր օրհնութեան ու շնորհաւորական խօսքն ասաց Սրբազան Հայրը՝ բարձր գնահատելով «Անի» միութեան 30 տարիների օրհնաբեր գործունէութիւնը՝ իրանահայ համայնքում, ի մասնաւորի՝ Սարդարապատ քաղաքամասում:Ծրագրի աւարտին տեղի ունեցաւ ընդունելութիւն, որի ընթացքում հատւեց միութեան 30-ամեակի տորթը:

ԹՂԹԱԿԻՑ՝ Ա. Դ.

«ԱԼԻՔ»

Ամենայն Հայոց Կաթողիկոսը վիրահատւել է. Հեռացւել է նրա լեղապարկը

2011-01-22T14:57:00.002+03:30

Ամենայն Հայոց Կաթողիկոսը

վիրահատւել է.

Հեռացւել է նրա լեղապարկը

Յունւար 22, 2011 11:20

Օրերս ԱՄՆ Նիւ Եորք քաղաքում վիրահատութեան է ենթարկւել Ամենայն Հայոց Կաթողիկոս Ն.Ս.Օ.Տ.Տ Գարեգին Երկրորդը։ Լապարոսկոպիկ մեթոդով հեռացւել է նրա լեղապարկը։ Այդ մասին NEWS.am-ի թղթակցի հետ զրոյցում ասաց Մայր Աթոռ Սուրբ Էջմիածնի տեղեկատական համակարգի ղեկավար Տէր Վահրամ քահանայ Մելիքեանը։
Նա նաեւ յայտնեց, որ վիրահատութիւնից մի քանի ժամ անց Վեհափառը եղել է աշխատունակ վիճակում։ Երէկ Գարեգին Բ-ն նախագահել է Հայ Առաքելական Եկեղեցու ԱՄՆ Արեւելեան թեմի թեմական խորհրդի նիստը։

Լուրեր Հայաստանից - NEWS.am

طرح جديد زوج و فرد خودروها در هفته جاري

2011-01-22T10:32:00.002+03:30

طرح جديد زوج و فرد خودروها در

هفته جاري اجرايي مي‌شود

Դիտել՝ Պարսկերէն Բաժնում.–

http://vartandav.blogspot.com/2011/01/blog-post_5975.html

Հայաստանում հաւերն աւելի շատակեր են, քան արտասահմանում

2011-01-22T08:32:00.001+03:30

Հայաստանում հաւերն աւելի շատակեր են,

քան արտասահմանում

Յունւար 22, 2011 00:28

2010 թ. 9 ամսում Հայաստան է ներկրւել 26 հազար տոննայ թռչնի միս։ Նախորդ տարւայ նոյն ժամանակահատւածի համեմատ թռչնի մսի ներկրումն աւելացել է մօտ 24 տոկոսով։
Սակայն այստեղ կարեւոր է ուրիշ հանգամանք։ Թէեւ Հայաստանում խոշոր թռչնաբուծական տնտեսութիւններ կան, սակայն թռչնի մսի պահանջարկի երկու երրորդը բաւարարւում է ներմուծման հաշւին։ Նշենք, որ ըստ Ազգային վիճակագրութեան կազմած պարէնային հաշւեկշռի՝ տարեկան մեր երկրում սպառւում է մօտ 40 հազար տոննայ թռչնի միս։
Սա հէնց այն բնագաւառներից մէկն է, որտեղ տեղական արտադրութեան հաշւին կարելի է փոխարինել ներմուծումը։ Ի՞նչն է ուրեմն խանգարում մեր արտադրողներին՝ բաւարարել թռչնի մսի նկատմամբ տեղական պահանջարկը։
Հիմնական խոչընդոտներից մէկը ներմուծւող թռչնամսի ցածր ինքնարժէքն է։ Ըստ հայրենական արտադրողների միութեան նախագահ Վազգէն Սաֆարեանի ներկայացրած տւեալների՝ ներմուծւող հաւի մսի ինքնարժէքը 400 դրամ է՝ 1 կիլոգրամի համար, այնինչ տեղական արտադրութեան հաւի մսի ինքնարժէքը 1000 դրամից աւելի է։
Սաֆարեանն իր այդ տեղեկութիւնները ստացել է անմիջապէս արտադրողներից։ Թէ որքանո՞վ դրանք օբյէկտիւ են՝ դժւար է ասել։ Թռչնաբուծական տնտեսութիւնները մսի ինքնարժէքի թանկութիւնը բացատրում են կերի թանկացմամբ, որը նոյնպէս ներմուծւում է։ Բայց դա այնքան էլ համոզիչ բացատրութիւն չէ, քանի որ բրազիլիական թռչնաֆաբրիկաներում հաւերին հաստատ սոված չեն թողնում, իսկ բրազիլական հաւի միսը 2 անգամ էժան է հայկականի համեմատ։
Հնարաւոր է՝ հայկական թռչնաֆաբրիկաները տուժում են այն պատճառով, որ կերային յաւելումներ չեն օգտագործում։ Սա կարեւոր հանգամանք է, քանի որ Հայաստանն այն փոքրաթիւ երկրներից է, որտեղ դեռ կարելի է հանդիպել «բնական» կէրով սնւած հաւերի։ Սա ինչ որ չափով արդարացնում է այն գնային տարբերութիւնը, որն առկայ է ներմուծւած եւ տեղական թռչնամսի միջեւ։
Հնարաւոր է՝ հայկական արտադրութեան թռչնամիսն աւելի էժանանայ, եթէ թռչնակերի արտադրութիւնը կազմակերպւի անմիջապէս Հայաստանում։ Դա միանգամայն հնարաւոր է, պարզապէս գիւղացիները շահագրգռւած չեն կերաբոյսերի մշակմամբ՝ ցածր արժէքի պատճառով։ Թէեւ նշենք, որ թռչնակերը հանդիսանում է մի շարք կերային բաղադրիչների խառնուրդ։
Աշխարհում թռչնակերի արտադրութեան բիզնեսը շատ զարգացած է։ Միայն զարմանալ կարելի է, որ Հայաստանում, որտեղ 5 խոշոր թռչնաֆաբրիկաներ կան, թռչնակերի արտադրութեան ոչ մի գործարան գոյութիւն չունի։ Դրա առկայութիւնը մեզ նաեւ կապահովագրի անորակ ու գենետիկօրէն մոդիֆիկացւած թռչնակերի օգտագործումից։

Սամւէլ Աւագեան
Լուրեր Հայաստանից - NEWS.am

Չեղեալ է համարւել Երեւան-Ստամբուլ աւտոբուսային ուղերթների մեծ մասը

2011-01-22T08:21:00.002+03:30

Չեղեալ է համարւել Երեւան-Ստամբուլ

աւտոբուսային ուղերթների մեծ մասը

Յունւար 22, 2011 00:04

Աւտոբուսների մեծ մասը, որոնք շաբաթական մէկ անգամ (ամէն շաբաթ օր) ուղեւորներ ու բեռներ են տեղափոխում Հայաստանից Թուրքիա եւ Թուրքիայից Հայաստան, այս շաբաթ դուրս չեն գայ Երեւանից: Երեւան-Ստամբուլ ուղերթների չեղեալ համարումը կապւած է Թուրքիայից Հայաստան բեռնափոխադրումների մաքսային ծախսերի բարձրացմամբ: Այս մասին NEWS.am-ի թղթակցին յայտնել են բեռնափոխադրում իրականացնող ընկերութիւններում:
Ընկերութիւններից մէկում մեզ նոյնիսկ խորհուրդ տւեցին հետաձգել Ստամբուլ մեկնելը մէկ շաբաթով, որի ընթացքում պարզ կդառնայ, թէ որքան կկազմեն Թուրքիայից ներկրւող հագուստի մաքսային ծախսերը:
Բեռնափոխադրումներ իրականացնող մէկ այլ ընկերութիւնում մեզ ասացին, որ յունւարի 22-ին Թուրքիա աւտոբուս չի մեկնի, քանի որ ընդամէնը մի քանի առեւտրական են ցանկութիւն յայտնել մեկնել Ստամբուլ, սակայն եթէ անհրաժեշտ լինի, իրենք կարող են կազմակերպել մեր մեկնումը մեկ այլ ընկերութեան աւտոբուսով:
«Առեւտրականներն ուղղակի սպասում են մաքսային ծառայութիւնների վերջնական որոշմանը, սակայն եթէ դուք անպայման ցանկանում էք Թուրքիա հասնել, մենք կարող ենք դա կազմակերպել, թէեւ խորհուրդ չենք տալիս դա, եթէ, իհարկէ, մեկնում էք առեւտրի նպատակով»,- ասացին ընկերութիւնում:
Աւելի վաղ NEWS.am-ը յայտնել է, որ յունւարի 16-ից կրկնակի թանկացել են Թուրքիայից Հայաստան բեռնափոխադրումների ծախսերը: Դա պայմանաւորւած է բացառապէս Հայաստանի մաքսային ծառայութիւնների կողմից առաջ քաշւած պահանջներով:
Նշենք, որ առանց մաքսազերծման բեռները Ստամբուլից Հայաստան են գալիս 0,2 դոլարով մէկ կիլուգրամի-ի համար: Այսինքն բեռնափոխադրողները, ովքեր մաքսազերծում չեն անում, 17-18 տոննայ տեղափոխող մէկ բեռնատարի համար պահանջում են ընդամէնը 3500-4500 դոլար:
Այսպիսով, ստացւում է, որ Ստամբուլից Երեւան տեղափոխւող բեռի ծախսերի մէջ 97 տոկոսը կազմում են մաքսային ծախսերը: Բացի այդ, «Արարատեան» մաքսակէտում ներկայումս պարտադրում են բեռնատարներին ամբողջութեան թափել բեռը եւ առանձին առանձին մաքսազերծում իրականացել:
Յիշեցնենք, որ Հայ առեւտրականները յունւարի 17-ին բողոքի ակցիայ են անցկացրել Ստամբուլում, իսկ յունյարի 19-ին՝ արդէն Երեւանում:

Լուրեր Հայաստանից - NEWS.am

Չախալեանի պաշտպանութեան յանձնախումբը կոչ է անում նախագահներին լուծել ջաւախքահայ գործչի խնդիրը

2011-01-21T21:02:00.002+03:30

Չախալեանի պաշտպանութեան յանձնախումբը

կոչ է անում նախագահներին լուծել

ջաւախքահայ գործչի խնդիրը

«Վահագն Չախալեանը այն ջաւախքահայ գործիչներից է, որը հետևողականօրէն հանդէս է գալիս վրաց իշխանութիւնների կողմից ջաւախքահայութեան նկատմամբ իրականացւող խտրական քաղաքականութեան դէմ»

18:00 • 21.01.11

Վահագն Չախալեանի պաշտպանութեան յանձնախումբը յայտարարութիւն է տարածել Վրաստանի նախագահ Միխեիլ Սաակաշվիլիի՝ Հայաստան կատարելիք այցի կապակցութեամբ:
«2008թ. յուլիսի 21-ին վրացական իշխանութիւնների կողմից Ախալքալաքում ձերբակալւել է ջաւախքահայ քաղաքական գործիչ Վահագն Չախալեանը: 2009թ. ապրիլի 7-ին Վրաստանի առաջին ատեանի դատարանը ակնյայտ օրինախախտումներով ուղեկցւող դատավարութեան արդիւնքում դատապարտել է նրան 10 տարւայ ազատազրկման մի շարք շինծու մեղադրանքներով, որոնք ուղղակիօրէն առնչւում են Ջաւախքի Հայ բնակչութեան իրաւունքների պաշտպանութեանն ուղղւած նրա քաղաքական և հասարակական գործունէութեանը: Վրաստանի Վերաքննիչ և Գերագոյն դատարանները թողել են վճիռն անփոփոխ:
Վահագն Չախալեանը այն ջաւախքահայ գործիչներից է, որը հետևողականօրէն հանդէս է գալիս վրաց իշխանութիւնների կողմից ջաւախքահայութեան նկատմամբ իրականացւող խտրական քաղաքականութեան դէմ: Թէև նրա հանրային գործունէութիւնն ընթանում էր բացառապէս օրինականութեան սահմաններում, սակայն ժողովրդի մէջ նրա հեղինակութիւնը և անկախ ու անկաշառ գործչի նրա համբաւը ստիպեցին վրաց իշխանութիւններին կազմակերպել նրա չեզոքացման գործողութիւնը, որի արդիւնքում նա այսօր բանտում է:
Սոյն թւականի յունւարի 22-ին պաշտօնական այցով Հայաստան է ժամանում Վրաստանի նախագահ Միխեիլ Սաակաշվիլին: Վահագն Չախալեանի պաշտպանութեան մտաւորականների յանձնախումբը կոչ է անում Հայաստանի և Վրաստանի նախագահներին քննարկել և արդարացի լուծում տալ Վահագն Չախալեանի խնդրին` անյապաղ նրան ազատ արձակելով»,- ասւում է յայտարարութիւնում:
Յայտարարութիւնը ստորագրել են Վահագն Չախալեանի պաշտպանութեան մտաւորականների յանձնախմբի անդամներ Ալէք Ենիգոմշեանը, Երւանդ Մանարգանը, Լևոն Խեչոեանը, Կարինէ Խոդիկեանը, Աշօտ Ադամեանը, Տիգրան Խզմալեանը։

Tert.am

Ադրբեջանը կրկին կրակում է Ղարաբաղի վրայ Կան զոհեր

2011-01-21T20:24:00.002+03:30

Ադրբեջանը կրկին կրակում է Ղարաբաղի վրայ

Կան զոհեր

«Ադրբեջանական կողմի կորուստներն

աւելի մեծ են»

Յունւար 21, 2011 11:23

Լեռնային Ղարաբաղի եւ Ադրբեջանի զինւած ուժերի շփման գծում՝ սահմանի հարաւային ուղղութեամբ յունւարի 20-ին հրադադարի ռեժիմի խախտում է արձանագրւել ադրբեջանական կողմից:
Տեղական ժամանակով ժամը 10-ին Հորադիզի շրջանում ադրբեջանական կողմը սկսել է կրակել հայկական դիրքերի վրայ, արդիւնքում զոհւել է ԼՂՀ Պաշտպանութեան Բանակի զինծառայող Յովիկ Մկրտիչի Սուքիասեանը: Այդ մասին NEWS.am-ի թղթակցի հետ զրուցում յայտնել է ԼՂՀ պաշտպանութեան բանակի մամուլի քարտուղար Սենոր Հասրաթեանը:
ԼՂՀ Պաշտպատութեան Բանակի համարժէք պատասխանից յետոյ ադրբեջանական կողմը դադարեցրել է գնդակոծութիւնը: Նախնական տեղեկութիւններով, ադրբեջանական կողմի կորուստներն աւելի մեծ են: Միջադէպի հանգամանքները պարզւում են:

Լուրեր Հայաստանից - NEWS.am

Օրհան Փամուքի Սրի Լանկա կատարելիք այցը մտահոգիչ է. RSF

2011-01-21T09:19:00.002+03:30

RSF.–

Օրհան Փամուքի Սրի Լանկա կատարելիք

այցը մտահոգիչ է

09:39 • 21.01.11

«Լրագրողներ առանց սահմանների» (RSF) կազմակերպութիւնը յայտարարութիւն է տարածել՝ քննադատելով բոլոր այն գրողներին, ովքեր պատրաստւում են մասնակցել Սրի Լանկայում կայանալիք գրականութեան փառատօնին։ Այս մասին տեղեկացնում է թուրքական Zaman օրաթերթը։
«Սրի Լանկայում մեծ թւով գրողներ, լրագրողներ և ընդդիմադիրներ ենթարկւում են բռնութիւնների։ Այն դէպքում, երբ այդ երկրում օրէցօր մեծանում են խօսքի ազատութեան դէմ ուղղւած ճնշումները, ուղղակի մտահոգիչ է Փամուքի և միւս օտարերկրեայ գրողների՝ այդ փառատօնին մասնակցելու որոշումը»,– նշւում է յայտարարութիւնում։
Նշենք, որ Յունւարի 26–ին Սրի Լանկայում տեղի է ունենալու գրականութեան փառատօն, որին մասնակցելու են 10 օտարերկրեայ գրողներ, այդ թւում՝ Նոբելեան մրցանակակիր, թուրք գրող Օրհան Փամուքը։

Tert.am

Եւրայանձնաժողով. ԵՄ-ն լիովին աջակցում է Ղարաբաղեան հակամարտութեան բոլոր երեք սկբունքներին

2011-01-21T09:05:00.002+03:30

Եւրայանձնաժողով.-

ԵՄ-ն լիովին աջակցում է Ղարաբաղեան

հակամարտութեան բոլոր երեք սկբունքներին

Յունւար 20, 2011 20:15

Եւրամիութիւնը, իհարկէ, լիովին աջակցում է Ղարաբաղեան հակամարտութեան կարգաւորման բոլոր երեք սկզբունքները՝ ժողովուրդների ինքնորոշման իրաւունք, տարածքային ամբողջականութիւն եւ ուժի կամ ուժի սպառնալիքի կիրառման բացառում: Այդ մասին NEWS.am-ին յայտնել է Եւրայանձնաժողովի մամուլի քարտուղար Մայքլ Կարնիտշնիգը (Michael Karnitschnig):
«Մենք նաեւ լիովին աջակցում ենք ԵԱՀԿ Մինսկի խմբի ձեռնարկած ջանքերին եւ պատրաստ ենք աջակցել հակամարտութեան կարգաւորմանը»,- ասւած է յայտարարութեան մէջ:
Նշենք, որ ադրբեջանական լրատւամիջոցներից մէկում տեղադրւել էր Եւրոպական յանձնաժողովի ղեկավար Խոզէ Մանուել Բարոզուի` Բաքւի պետական համալսարանում ունեցած ելոյթի տեսագրութիւնը, որում եւրոպացի պաշտօնեան ասել էր, թէ «Եւրոպական Միութիւնը լիովին աջակցում է Ադրբեջանի տարածքային ամբողջականութիւնն ու այլ համաձայնեցւած սկզբունքները, նաեւ ԵԱՀԿ Մինսկի ջանքերին, մենք պատրաստ ենք ոչ միայն քաղաքական օգնութիւն ցուցաբերել, այլեւ օգնութիւն ցուցաբերել վերականգնողական աշխատանքներում, երբ հակամարտութիւնը կարգաւորւի»:
Չգիտես ինչու ադրբեջանցի լրագրողները որոշել են, որ այլ սկզբունքների տակ չեն հասկացւում Ղարաբաղեան հակամարտութեան միւս հիմնարար սկզբունքները:

Լուրեր Հայաստանից - NEWS.am

Elle հանդէսի թուրքական խմբագրութիւնը մոդելների ֆոտոսեսիայ է արել Անիի աւերւած եկեղեցիների ֆոնին

2011-01-20T23:07:00.001+03:30

Elle հանդէսի թուրքական խմբագրութիւնը

մոդելների ֆոտոսեսիայ է արել

Անիի աւերւած եկեղեցիների ֆոնին

Յունւար 20, 2011 12:49

Elle հանդէսի թուրքական խմբագրութիւնը մոդելների ֆոտոսեսիայ է արել հայկական Անի քաղաքում: Մոդելների լուսանկարները յայտնւել են դեկտեմբերեան համարում՝ կործանւած հայկական եկեղեցիների ֆոնին:
Մոդելների ֆոնին կարելի է տեսնել Տիգրան Հոնենցի, Սուրբ Փրկչի եկեղեցիները, Անիի Մայր Տաճարը:

News.am

Ստամբուլը սգում է Հրանտ Դինքի համար. Բոլորս Հայ ենք, մարդասպան պետութիւնը հաշիւ է տալու

2011-01-20T08:28:00.003+03:30

Ստամբուլը սգում է Հրանտ Դինքի համար.

Բոլորս Հայ ենք, մարդասպան

պետութիւնը հաշիւ է տալու

Յունւար 19, 2011 22:22

Պոլսահայ յայտնի գործիչ, «Ակօս» թերթի գլխաւոր խմագիր Հրանտ Դինքի նահատակութեան 4-րդ տարելիցի յիշատակման արարողութեանը «Ակօս»-ի խմբագրութեան դիմաց տեղի ունեցած ակցիային մասնակցել են հազարաւոր քաղաքացիներ:
Ինչպէս տեղեկացնում է NEWS.am-ի թղթակիցը Ստամբուլից, Հրանտ Դինքի յիշատակման արարողութեանը Դինքի ընտանիք հետ մէկտեղ ակցիային ներկայ են եղել պատգամաւորներ Ուֆուք Ուրասը, Աքըն Բիրդալը, Սեբահաթ Թունջելը, Milliyet-ի նահատակւած խմբագիր Աբդի Իփեքչիի դուստրը, մի շարք յայտնի լրագրողներ:
«Ակօս»-ի խմբագրութեան ուղղութեամբ մօտեցող խմբերը հնչեցրել են «Իշխող կուսակցութիւնը լռում է, մարդասպանին թաքցնում է», «Բոլորս Հայ ենք», «4 տարի է, ինչ արդարութիւն չկայ», «Մարդասպան պետութիւնը հաշիւ է տալու» կարգախօսները: Նրանց ձեռքին եղել են Դինքի նկարներով պաստառներ:
Յիշատակի միջոցառումը նախատեսւած էր 15:00-ին, սակայն 30 րոպէ առաջ արդէն «Ակօս»-ի առջեւ մեծ բազմութիւն էր հաւաքւած, իսկ թուրքական յայտնի հեռուստաընկերութիւնների մեքենաներն իրենց ուղիղ եթերի համար նախատեսւած սարքաւորումներով դեռեւս առաւօտեան ժամերից էին տեղ զբաղեցրել:
Յիշատակման միջոցառման աւարտից յետոյ հազարաւոր քաղաքացիները կարգախօսներ հնչեցնելով շարժւել են մինչեւ Թաքսիմի հրապարակ:

Լուրեր Հայաստանից - NEWS.am

Սերժ Սարգսեանը ստորագրեց Լեզւի մասին և Հանրակրթութեան մասին օրէնքները

2011-01-20T07:52:00.001+03:30

Սերժ Սարգսեանը ստորագրեց Լեզւի

մասին և Հանրակրթութեան

մասին օրէնքները

«Մենք դէմ ենք օտարալեզու դպրոցների

վերաբացմանը»

18:51 • 20.01.11

Սերժ Սարգսեանն երէկ ստորագրել է Ազգային Ժողովի ընդունած «Լեզւի մասին» ՀՀ օրէնքում լրացում կատարելու մասին և «Հանրակրթութեան մասին» օրէնքները։
Յիշեցնենք, որ «Լեզւի մասին» օրէնքում լրացում կատարելու մասին և «Հանրակրթության մասին» օրէնքները, որոնցով նախատեսւում է Հայաստանում բացել օտարալեզու դպրոցներ, ի սկզբանէ հասարակական դժգոհութեան ալիք էին բարձրացրել։ Մասնաւորապէս, «Մենք դէմ ենք օտարալեզու դպրոցների վերաբացմանը» նախաձեռնութիւնը բազմաթիւ ակցիաներ անցկացրեց ընդդէմ այդ օրէնքների փոփոխութիւնների ընդունման, իսկ յետոյ՝ նաև վաւերացման։
Սերժ Սարգսեանը ստորագրել է նաև «Քաղաքացիական ծառայութեան մասին» ՀՀ օրէնքներում լրացումներ կատարելու մասին, «Դիւանագիտական ծառայութեան մասին» ՀՀ օրէնքում փոփոխութիւններ և լրացումներ կատարելու մասին, «Քաղաքացիական ծառայողների վարձատրութեան մասին», «Ոստիկանութիւնում ծառայութեան մասին» ՀՀ օրէնքում փոփոխութիւններ և լրացումներ կատարելու մասին» ՀՀ օրէնքներում լրացում և փոփոխութիւն կատարելու մասին, «ՀՀ մաքսային օրէնսգրքում լրացումներ և փոփոխութիւններ կատարելու մասին», «ՀՀ մաքսային օրէնսգրքում փոփոխութիւններ կատարելու մասին», «Բնակչութեան զբաղւածութեան և գործազրկութեան դէպքում սոցիալական պաշտպանութեան մասին», «Հսկիչ-դրամարկղային մեքենաների կիրառման մասին» ՀՀ օրէնքներում փոփոխութիւններ և լրացումներ կատարելու մասին, «Զինծառայողների և նրանց ընտանիքների անդամների սոցիալական ապահովութեան մասին» ՀՀ օրէնքում լրացում կատարելու մասին, «Չափումների միասնականութեան ապահովման մասին» ՀՀ օրէնքում փոփոխութիւն և լրացում կատարելու մասին, «Համապատասխանութեան գնահատման մասին» ՀՀ օրէնքում լրացումներ և փոփոխութիւն կատարելու մասին, «Գանձապետական համակարգի մասին» ՀՀ օրէնքում փոփոխութիւններ կատարելու մասին, «Ներքին աուդիտի մասին», «ՀՀ քաղաքացիական օրէնսգրքում փոփոխութիւն կատարելու մասին», «Պետական տուրքի մասին» ՀՀ օրէնքում լրացում կատարելու մասին, «Դատական ակտերի հարկադիր կատարման մասին» ՀՀ օրէնքում լրացում և փոփոխութիւն կատարելու մասին, «Սնանկութեան մասին» ՀՀ օրէնքում փոփոխութիւններ և լրացումներ կատարելու մասին, «Վարչական իրաւախախտումների վերաբերեալ ՀՀ օրէնսգրքում լրացում և փոփոխութիւններ կատարելու մասին», «ՀՀ քրէական օրէնսգրքում փոփոխութիւններ և լրացումներ կատարելու մասին», «Վարչական իրաւախախտումների վերաբերեալ ՀՀ օրէնսգրքում փոփոխութիւններ և լրացում կատարելու մասին», «ՀՀ քրէական օրէնսգրքում փոփոխութիւն կատարելու մասին», «Ոստիկանութեան զօրքերի մասին» ՀՀ օրէնքում լրացումներ և փոփոխութիւններ կատարելու մասին, «Ոստիկանութեան մասին» ՀՀ օրէնքում լրացումներ և փոփոխութիւններ կատարելու մասին ՀՀ օրէնքները։

Tert.am

ՀՈԳԵՒՈՐ - ԿԱԹՈՂԻԿՈՍՈՒԹԻՒՆ ՀԱՅՈՑ ՄԵԾԻ ՏԱՆՆ ԿԻԼԻԿԻՈՅ

2011-01-19T17:58:00.005+03:30

ԿԱԹՈՂԻԿՈՍՈՒԹԻՒՆ ՀԱՅՈՑ ՄԵԾԻ ՏԱՆՆ

ԿԻԼԻԿԻՈՅ

2011 ՀԱՅ ՄԱՆՈՒԿԻ ՏԱՐԻ

ՊԱՏԳԱՄ Ն. Ս. Օ. Տ. Տ. ԱՐԱՄ Ա ԿԱԹՈՂԻԿՈՍԻ

ՄԵԾԻ ՏԱՆՆ ԿԻԼԻԿԻՈՅ

ԱՆԹԻԼԻԱՍ - Կիրակի, յունւարի 9-ին, Անթիլիասի Ս. Գրիգոր Լուսաւորիչ մայր տաճարում, յընթացս ս. պատարագի, մայր խորանից ընթերցւած հայրապետական հռչակագրով 2011 թւականը յայտարարւեց Հայ մանուկների տարի՝ հայ ժողովրդի զաւակների համար:

Ն.Ս.Օ.Տ.Տ. Արամ Ա կաթողիկոսի հայրապետական գիրն ընթերցեց Տ. Կոմիտաս արք. Օհանեանը՝ մայր տաճարում ներկայ հոծ բազմութեանը հաղորդակից դարձնելով Վեհափառ Հայրապետի մտածումներին՝ սոյն թւականը Հայ մանուկների տարի հռչակելու մասին: Առաջիկայ շաբաթներում բոլոր թեմերի եկեղեցիներում կընթերցւի Վեհափառ Հայրապետի հռչակագիրը, եւ ամբողջ տարւայ վրայ երկարող տարբեր նախաձեռնութիւններով կարժեւորւի 2011 թւականը՝ որպէս Հայ մանուկների տարի:Վեհափառ Հայրապետի երկարաշունչ պատգամը ստորեւ կցում ենք՝ որպէս ուղեցոյց հայ ժողովրդի բոլոր զաւակներին՝ այս տարւայ ընթացքում լուսարձակի տակ բերելու հայ մանկանը՝ որպէս հայ ազգի պայծառ ապագայի երաշխիքը:
Մեծի Տանն Կիլիկիոյ կաթողիկոսութեանթեմակալ առաջնորդներին,հոգեւոր դասին,ագգային իշխանութեանցեւ մեր ժողովրդի զաւակներինՀայրապետական օրհնութեամբ, քրիստոնէական ջերմ սիրով ու ազգային վառ ապրումներով ողջունում ենք ձեզ: Բացւող Նոր տարւայ սեմին ձեզ մաղթում ենք երջանկութեամբ, առողջութեամբ, յաջողութեամբ եւ աստւածային բարիքներով լեցուն տարի:

Ինչպէս յայտնի է ձեզ, ինը տարի առաջ մեր սկսած գեղեցիկ աւանդութեան համաձայն՝ իւրաքանչիւր տարւայ սկզբում մեր ժողովրդի զաւակներին հրաւիրում ենք՝ իրենց մտածողութեան առանցքն ու իրենց գործի սեւեռակէտը դարձնելու մի սրբազան արժէք, մի կենսական խնդիր կամ մի կարեւոր դէպք՝ մեր հաւաքական կեանքում ու մտահոգութիւնների հետ անմիջական աղերս ունեցող:

Անցնող տարիներում, երբ ընտանիքը, հայ դպրոցը, կրօնական ու հայեցի դաստիարակութիւնը հաւաքական խորհրդածութեան նիւթ դարձրեցինք՝ շեշտելով դրանց ունեցած առանցքային տեղը մեր քրիստոնէական ու ազգային կեանքում, բնականաբար, նա՛եւ հպանցիկ անդրադարձանք հայ մանկանը, նրա նկատմամբ մեր ունեցած մտահոգութեանն ու նախանձախնդրութեանը: Արդարեւ, մի անհատի կեանքում մանկութիւնը նկարագիր կերտող ու ապագայ կեանքի ընթացքը ճշտող մի ճակատագրական փուլ է:

Արդ, մանկան ու մանկութեան ունեցած կենսական կարեւորութիւնը նկատի ունենալով՝ ներկայ հայրապետական գրով 2011 տարին հռչակում ենք ՀԱՅ ՄԱՆԿԱՆ ՏԱՐԻ Հայ մանկան նկատմամբ մեր անհատական թէ հաւաքական պատասխանատւութեան մասին մեր հայրական թելադրանքները կատարելուց առաջ՝ եկէք, սիրելի հայորդիներ, նախ մի ընդհանուր ակնարկով տեսնենք մանկան ներկայութիւնը Աստւածաշնչում, եւ յետոյ ամփոփ գծերով պարզենք նրա նկատմամբ ներկայ հասարակութեան մօտեցումը:
Ա.– Մանուկը՝ Աստւածաշնչում ու եկեղեցու կեանքումԱստւածաշունչը աստւածային յայտնութեան աղբիւր է: Հետեւաբար՝ այն քրիստոնէական հաւատքի հիմքն է եւ եկեղեցու կեանքի ու առաքելութեան սիրտը: Քրիստոնէական կեանքին առնչւող որեւէ արժէք կամ մտածողութիւն, դէպք կամ երեւոյթ պէտք է արժեւորւի Աստւածաշնչի լոյսի տակ: Արդ, երբ խօսում ենք մանկան մասին, անհրաժեշտ է, որ նախ դառնանք Աստւածաշնչին, ուր յաճախակի առիթներով յիշւած է մանուկը: Երբ Աստւած ստեղծեց Ադամին ու Եւային, նրանց պարտաւորութիւն տւեց՝ բազմանալու: Այս ձեւով առաջացաւ ընտանիք եւ զաւակ-ծնող փոխյարաբերութիւն:

Այս մասին Հին կտակարանում հանդիպում ենք բազմաթիւ ակնարկների. այսպէս՝ «Թոռները ծերերի պսակն են. եւ որդիների պարծանքը իրենց հայրերն են» (Առակ. 17.6): Մի այլ տեղ կարդում ենք, թէ Աստւած «հայրերի սիրտը պէտք է վերադարձնի դէպի որդիները, եւ որդիների սիրտը՝ դէպի հայրերը» (Մաղ. 4.6): Հին կտակարանում մանուկների դաստիարակութիւնը համարւում է կարեւոր. «Կրթի՛՛ր մանկանը իր ճանապարհը սկսած ժամանակ, որպէսզի իր ծերութեան ժամանակ դրանցից չխոտորւի» (Առակ. 22.6): Որբերի հոգածութիւնը եւս յատուկ կարեւորութեամբ է յիշւում Հին կտակարանում. «Ո՛չ մի այրիի կամ որբի տառապանք մի պատճառէք» (Ելից 22.22):

Նոր կտակարանում մանուկների նկատմամբ ցուցաբերւած ուշադրութիւնը նոր շեշտ է ստանում: Աստծու Որդին, որպէս մանուկ, ծնւում է Բեթղեհէմի մսուրում: Մանուկ Յիսուսին ուղղւած խոր յարգանքն ու երկիւղածութիւնը, մոգերից սկսած մինչեւ Սիմէոն ծերունին, մի յատկանշական երեւոյթ է: Քրիստոսը, իր երկրաւոր առաքելութեան ընթացքում, ո՛չ միայն բազմաթիւ անգամներ մօտեցաւ մանուկներին եւ իր առակներում յաճախ յիշեց նրանց, այլ կարեւորութեամբ շեշտեց Աստծու ունեցած յատուկ սէրը՝ մանուկների նկատմամբ:

Աստծու Որդին մանուկներին համարեց պարզութեան ու խոնարհութեան խորհրդանիշ. «Ով որ իր անձը այս մանկան պէս է խոնարհեցնում, նա է մեծը Երկնքի Արքայութեան մէջ» (Մատթ. 18.4): Քրիստոսը նաեւ մանուկների ունեցած անմեղութիւնը համարեց Երկնքի Արքայութիւն մուտքի նախապայման. «Թողէք, որ մանուկները ինձ մօտ գան. մի արգելէք նրանց, որովհետեւ այդպիսիներինն է Երկնքի Արքայութիւնը» (Մատթ. 19.14): Այլ առիթով նա յիշեցրեց. «Եթէ դարձի չգաք եւ մանուկների պէս չլինէք, Երկնքի Թագաւորութիւնը բնաւ չէք մտնի» (Մատթ. 18.3):

Քրիստոսը այնքան կարեւորեց մանկան տեղը՝ հասարակական կեանքում, որ նոյնիսկ ժողովրդի դիմաց մի մանկան գրկելով՝ ասաց. «Ով որ այսպիսի մի փոքրիկի իմ անունով ընդունի, ինձ ընդունած կը լինի...» (Մարկ. 9.36-37):Քրիստոսի առաքեալները շարունակեցին նո՛յն հոգածութիւնը ցուցաբերել մանկան նկատմամբ՝ միշտ յիշեցնելով ծնողներին. «Մի՛ զայրացրէք ձեր զաւակներին, որպէսզի չյուսալքւեն» (Կողոս. 3.21): Քրիստոսի առաքելութիւնը շարունակելու կոչւած եկեղեցին իր հայրապետների թէ տիեզերական ժողովների, ուսուցումների թէ հաստատւած կանոնների ճանապարհով առանցքային կարեւորութիւն տւեց մանկանը եւ յատկապէս՝ նրա կրօնա-բարոյական դաստիարակութեանը:

Պատմութեան ընթացքում բոլոր եկեղեցիները իրենց մտածողութեան ու մտահոգութեան, դաստիարակութեան ու աւետարանչութեան մէջ առաջնահերթ տեղ վերապահեցին մանկանը՝ նրան համարելով եկեղեցու հիմքը եւ հասարակութեան շարունակականութիւնն ապահովող ու ապագան երաշխաւորող հիմնական տարր:Հայ Եկեղեցու կեանքում եւս հայ մանուկը միշտ կարեւոր տեղ գրաւեց: Մեր եկեղեցու ցուցաբերած բարձրագոյն աստիճանի հոգածութիւնը՝ մանուկների նկատմամբ, իր գործնական արտայայտութիւնն ունեցաւ յատկապէս հասարակական ծառայութեան եւ դաստիարակութեան ճանապարհով:
Բ.– Մանուկը՝ ներկայ հասարակութեան կեանքումՆերկայ աշխարհի ամենահրատապ խնդիրներից մէկը մանո՛ւկն է: Աստծու ստեղծագործութեան ամենափխրուն արարածը՝ մանուկը, անմիջականօրէն ենթակայ է պատերազմների առաջացրած վնասներին, կենսոլորտային ու բնական չարիքներին, հասարակական ու ֆիզիկական ախտերին եւ հասարակական կեանքում առաջացող բարոյական մոլութիւններին ու դրանց հետեւանքներին: Կատարւած հարցախոյզների համաձայն՝ մահացող մանուկների թիւը սկսել է զգալի աճ արձանագրել՝ հակառակ հասարակական, բժշկական ու տնտեսական մարզերում կատարւած հսկայ առաջադիմութեանը:

Արդարեւ, աշխարհի բոլոր կողմերում աղքատութեան եւ հիւանդութիւնների հետեւանքով՝ միլիոնաւոր մանուկներ են տառապում. համաճարակների պատճառով՝ միլիոնաւոր մանուկներ են մահանում, հասարակա-բարոյական չարիքների հետեւանքով՝ միլիոնաւոր մանուկներ են որբանում ու դառնում են փողոցների բնակիչ: Միւս կողմից՝ կազմակերպւած կերպով ու համաշխարհային մասշտաբով տեղի ունեցող մանուկների շահագործումը՝ գիշերային զբօսավայրերում եւ կամ պատերազմի դաշտում, մանուկների առեւանգումը եւ կամ վնասաբեր նպատակների օգտագործումը, փաստօրէն, մանկանը վերածել են ապօրէն ու ապաբարոյ առեւտրի առարկայի: Եւ, դժբախտաբար, նման երեւոյթներ շարունակւում ու աւելի՛ են տարածւում՝ հակառակ պետութիւնների խիստ հետապնդումներին:

Արդարեւ, մանուկների դէմ կատարւող բռնարարքները եւ նրանց նկատմամբ բարոյական իմաստով անվայել մօտեցման փորձերը լայն տեղ են գտել միջազգային մամուլի գլխաւոր լուրերի շարքում: Իսկ նման արարքների մէջ յերիւրածոյ հնարքներով անհատներ ու կառոյցներ ներառելու եւ իրաւական միջոցների դիմելով հսկայ գումարներ ապահովելու կամ հանգամանքներ վարկաբեկելու ճիգերը սկսել են դառնալ սովորական: Այսպէս՝ անզէն, անգիտակից ու անմեղ մանուկը այսօր դարձել է իր նկատմամբ հոգածութիւն ու պաշտպանութիւն ցոյց տալու կոչւած իր շրջապատի գերին ու շահագործման թիրախը: Արդ, կարող էք երեւակայել խեղճ մանուկների ահաւոր տառապանքն ու անձկութիւնը: Ահա թէ ինչու կրօնները, պետութիւններն ու կազմակերպութիւնները սկսել են առաջնահերթ կարեւորութիւն տալ մանկանը՝ իրենց բիւջէների կարեւոր բաժինը տրամադրելով մանուկներին առնչւող ծրագրերին:Այս շրջագծում արժէ յիշել Միացեալ ազգերի կազմակերպութեան (ՄԱԿ) հաստատած մանուկների յատուկ բաժանմունքը՝ ծանօթ ԻՒՆԻՍԵՖ անւամբ:

Արդարեւ, Միացեալ ազգերի կազմակերպութեան այս կառոյցի նպատակն է օգտակար հանդիսանալ մանուկներին՝ գործնական նախաձեռնութիւնների դիմելով, ինչպէս նաեւ մանուկների հետ աղերս ունեցող ծրագրերին ու աշխատանքներին նիւթապէս օժանդակելով: Եւ որպէսզի յիշեալ կառոյցի աշխատանքը դառնայ աւելի կազմակերպ ու հետեւողական, ինչպէս նաեւ պետութիւնների մասնակցութիւնը աւելի գործօն ու մանուկների նկատմամբ նրանց ունեցած յանձնառութիւնը աւելի հաստատ, 1989 թւականին, ՄԱԿ-ը միջազգային մի համագումար կազմակերպեց, որտեղ միաձայնութեամբ հռչակւեց Մանուկների իրաւունքների ուխտ-ը:Յիշեալ ուխտի նկատակն է՝

ա)– մանուկների իրաւունքը պաշտպանել,

բ)– մանուկների կարիքները հոգալ,

գ)– մանուկների աճման ու զարգացման համար լայն հնարաւորութիւններ ստեղծել: Այս հիմնական նպատակների լոյսի տակ, նոյն ուխտի մէջ նաեւ յիշւում է, թէ անհրաժեշտ է ամէն ճիգ ի գործ դնել, որպէսզի մանուկները առողջ ապրեն, վնասաբեր երեւոյթների ենթակայ չդառնան, շահագործումներից հեռու մնան, խտրականութեան զոհ չդառնան, նրանց արժանապատւութիւնը մնայ բարձր եւ առաւելագոյն չափով մասնակից դառնան հասարակա-մշակութային կեանքին:

ԻՒՆԻՍԵՖ-ի կենտրոնը գտնւում է Նիւ Եօրքում՝ ՄԱԿ-ի կենտրոնատեղիում: Նրա լայնածաւալ գործունէութեան տարբեր երեսներին առնչւող մասնագիտական կենտրոններ են գործում՝ Շւէյցարիայում, Դանիայում, Բելգիայում, Իտալիայում, Ճապոնիայում եւ բազմաթիւ գրասենեակներ՝ 190 երկրներում:Ներկայ հասարակութեան մէջ մանկանը յատուկ կարեւորութիւն տալու եւ այդ ուղղութեամբ կատարւող բազմատեսակ աշխատանքներում պակասողը կրօնա-բարոյական դաստիարակութիւնն է, որը Մենք համարում են հիմնական՝ մանկան առողջ կազմաւորման ու նրա նկարագրի կերտման համար:
Գ–. Հայ մանկան կրօնա-բարոյական դաստիարակութեան հրամայական անհրաժեշտութիւնըԱնցնող տարիներում, երբ մեր պատգամներում ու հրատարակութիւններում անդրադարձանք հայ ընտանիքին, հայ դպրոցին ու Հայ Եկեղեցու կեանքին ու առաքելութեանը, ընդգծեցինք հայ մանկան քրիստոնէական ու հայեցի դաստիարակութեան հրամայականը: Արդարեւ, մեր համայնական կեանքի այս երեք նւիրական միջավայրերում է, որ տեղի է ունենում վաղւայ քրիստոնեայի ու հայ մարդու կրօնական ու հայեցի կազմաւորումը: Այլ խօսքով՝ այս երեք հոգե-մտաւոր քուրաներում է, որ հայ մանուկը թրծւում է մեր հոգեւոր, բարոյական ու ազգային արժէքներով ու աւանդութիւններով:

Այստեղ արժէ առանձնաբար անդրադառնալ ընտանիքի, դպրոցի ու եկեղեցու ճշտորոշիչ դերին.

1)– Անցեալում, երբ քննարկման եւ արժեւորման նիւթ դարձրեցինք ընտանիքը, ասացինք թէ՝ հայ մանուկը իր աչքերը աշխարհին բացում է հայ ընտանիքում, ուր իր ֆիզիկական աճմանն ընկերանում է նաեւ իր հոգե-բարոյական աճումը: Ասենք նաեւ, թէ հայ ծնողը հայ մանկան հոգեկերտման ու հայակերտման առաջին ու մնայուն դաստիարակն է: Այսպէ՛ս է միշտ մեզ համար հայ ընտանիքը՝ իր կեանքով, միջավայրով ու կոչումով:

Ահա թէ ինչու հայ ընտանիքը մեր ժողովրդի համար որոշ իմաստով՝ եկեղեցի է, դպրոց է ու նաեւ հայրենիք: Գիտակից հայի հիմքը հայ ընտանիքում է դրւում, արմատները հայ ընտանիքում են նետւում: Հետեւաբար՝ կարող ենք երեւակայել, թէ որքա՜ն ճակատագրական է ընտանիքի դերը՝ մանկան կրթութեան մէջ: Արդ, ինչպիսի՞ նկարագիր կարող է ունենալ վաղւայ հայը, երբ հայ ընտանիքում օտար ու օտարացնող ներկայութիւն գոյութիւն ունի, երբ հայ ընտանիքը հեռու է հայ ընտանիք կոչւելու հոգեւոր թէ ազգային սրբութիւններից ու արժէքներից, երբ հասարակա-բարոյական ախտերը սկսել են թափանցել հայ ընտանիքից ներս, երբ հայ ընտանիքը անտարբեր է մեր ըմբռնումների ու աւանդութիւնների նկատմամբ: Արդարեւ, հայ ծնողը իր զաւակին դասագրքով չէ, որ պէտք է դաստիարակի, այլ՝ ընտանիքի նւիրական միջավայրից ճառագայթող արժէքներով ու առաքինութիւններով: Հայ ծնողն իր զաւակին ծեծով ու պատժով չէ, որ պէտք է կրթի, այլ՝ նրան տւած ծնողական սիրով ու հոգածութեամբ: Հայ ծնողը սոսկ ֆիզիկական սնունդի հայթայթումով չէ, որ պէտք է կազմաւորի իր զաւակին, այլ՝ հոգեւոր ու բարոյական ճշմարտութիւններից ու արժէքներից եկող կենսատու սնունդով:

Այսպէ՛ս են եղել մեր ծնողներն ու դարձել մեր բարձր յարգանքի ու խոր երկիւղածութեան առարկան: Կեանքի ամենադժւար պայմաններում իսկ, զաւակների դաստիարակութիւնը իրենց համար եղել է ամէն բանից առաջ ու վեր: Սպասում ենք, որ նո՛յնը լինեն նաեւ մեր ներկայ ծնողները: Մեզ համար ընդունելի չէ նիւթական հնարաւորութիւններից շփացած ու աշխարհիկ հաճոյքներից յղփացած ծնողների անտարբեր ու անհոգ վերաբերմունքը՝ իրենց զաւակների նկատմամբ: Արդարեւ, խորապէս ընդվզում ենք, երբ տեսնում ու լսում ենք, որ իր մօր գիրկը սնւելու կոչւած մանուկը օտար սպասուհիների խնամքի ենթակայ է դարձել. երբ տեսնում ու լսում ենք, որ իր կեանքի ամենազգայուն տարիներում գտնւող մանուկը մանուկների խնամակալ տիկիններին է յանձնւում, որպէսզի մայրերը չզրկւեն իրենց զւարթ պահերից: Այսօր, փաստօրէն, մանկան հետ աւելի ժամանակ է անցկացնում սպասուհին, քան՝ մայրը:

Ու դեռեւս, ընդունելի չէ, որ հայ ժողովրդի հարազատ ծնունդ մանուկը օտար անունով հայ եկեղեցու մկրտութեան աւազանը մտնի, օտար դպրոց յաճախի՝ ենթակայ դառնալով իր ճշմարիտ արմատներից ու հարազատ միջավայրից իրեն հեռացնող քայլերի: Մեր ընտանիքների մէջ հետզհետէ թափանցող այս կենցաղակերպը սկսել է ապականել հայ ընտանիքի կրօնաբոյր ու հայադրոշմ մթնոլորտը եւ խաթարել մանկան կազմաւորման ընթացքը

Հնարաւոր չէ անտարբեր մնալ մեր ազգային ըմբռնումներին չհամապատասխանող եւ հետզհետէ տարածւող այս յոռի երեւոյթների դիմաց: Նման միջավայրում իր մանկութիւնն ապրած հայը իր չափահասութեամբ, վստահաբար, կընդվզի՝ նման պայմաններում իր կազմաւորումը ստացած լինելու համար:

Եւ ո՞վ է յանցաւորը. միայն ու միայն ծնողը: Արդարեւ, մեր ազգի ապագայի կերտման մէջ ծնողը առանցքային դեր ունի: Նա կարող է վերոնշեալ միջոցներին դիմելով՝ իր զաւակին հեռացնել իր ազգից. եւ, դժբախտաբար, կան նման ծնողներ: Ծնողը նաեւ կարող է մեծ ծառայութիւն մատուցել հայ ժողովրդին՝ բազմաթիւ զաւակների ծնունդ տալով ու նրանց հայօրէն կրթելով: Մեր խոր ցանկութիւնն է, որ նման ծնողների թիւը բազմանայ:

2)– Երբ դպրոցի մասին յաճախակի առիթներով ենք անդրադառնում, միշտ յիշեցնում ենք մեր կրթական պատասխանատուներին թէ՝ հայ դպրոցի կոչումը սոսկ ծանօթութիւն փոխանցել չէ, գիտութիւն ջամբել չէ, այլ հայ մանկան հոգեւոր ու բարոյական կրթութիւնն է: Այստե՛ղ է հայ դպրոցի գոյութեան պատճառը, նրա նպատակը: Մեր ժողովրդի համար հայ դպրոցը է՛ եւ մնո՛ւմ է, ընտանիքի ու եկեղեցու կողքին, վաղւայ հայ մարդուն քրիստոնէական ու հայեցի դաստիարակութեամբ շաղախելու կոչւած սրբազան առաքելութիւն:

Արդ, ընդունելի չէ, բոլոր պայմաններում, որե՛ւէ նահանջ կամ զիջում՝ այս ուղղութեամբ: Հայ ուսուցչի առաջնահերթ պարտաւորութիւնն է հայ մանկան դաստիարակութիւնը: Ուսուցիչը հայ մանկան երկրորդ ծնողն է: Մանկապարտէզի փոքր դասարաններից սկսած՝ մանուկը իր ծնողների կողքին՝ իր դիմաց տեսնում է իր ուսուցչհուն ու հետեւում է նրան՝ եւ նո՛յնիսկ նրա խօսելակերպին ու շարժումներին: Արդ, ուսուցչուհին մանկան տիպարն է: Նրա դերը մանկան դաստիարակութեան մէջ այնքան ազդեցիկ է, որ երբ մանուկը մեծանայ, նոյնիսկ իր առաջացած տարիքում չի մոռանայ իր դպրոցի ուսուցիչներին:

Մենք բարձր ենք գնահատում հայ դպրոցի ցուցաբերած հոգածու խնամքը՝ հայ մանկան նկատմամբ: Սակայն, սպասում ենք աւելի՛ն: Քաջ գիտենք, որ ներկայ պայմաններում մանկան կրթելը հեշտ չէ. սա լուրջ մարտահրաւէր է: Հայ մանկան անմիջական միջավայրը այնքա՜ն լեցուն է ախտավարակ երեւոյթներով. երբեմն նրա աչքերի դիմաց պարզւում են այնպիսի տեսարաններ ու ականջներին հասնում այնպիսի արտայայտութիւններ, որոնք մանկան կողմից սպունգի նման ծծւելով՝ իրենց ժխտական հետեւանքներն են ունենում նրա նկարագրի կազմաւորման մէջ: Հետեւաբար՝ բաւական չէ՛ միայն մանկավարժական նոր մեթոդների դիմել կամ միայն ծնողական ժողովների ճանապարհով յիշեցումներ կատարել: Անհրաժեշտ է մեր ճիգը կրկնապատկել հայ մանկան կրթութեան աշխատանքներում:

3)– Հայ Եկեղեցու համար հայ մանկան դաստիարակութիւնը՝ իր կրօնական թէ ազգային տարածքներով, շարունակում է մնալ առաջնահերթութիւն: Այս ծիրում Մեծի Տանն Կիլիկիոյ կաթողիկոսութիւնը իր հիմնած Կիրակնօրեայ դպրոցների ճանապարհով անցեալում բարերար դեր է կատարել ու շարունակում է կատարել վերանորոգ թափով: Անցեալ տարի Կիրակնօրեայ դպրոցների հիմնադրութեան ու գործունէութեան 80-ամեակն էր:

Այս առիթով մեր հրապարակած հայրապետական սրբատառ կոնդակում ասացինք հետեւեալը.«Կիրակնօրեայ դպրոցներն անցնող տարիներում կրօնական դաստիարակութեան մարզում հսկայ գործ կատարեցին ընդհանրապէս Սփիւռքի գաղթօջախներում ու մասնաւորաբար՝ Մեծի Տանն Կիլիկիոյ կաթողիկոսութեան թեմերում: Կիրակնօրեայ դպրոցները սովորական ու պատահական նախաձեռնութիւններ չեղան, այլ դարձան թեմերի վարչա-կազմակերպչական դրութեան մէջ կարեւոր կառոյցներ՝ իրենց յատուկ կանոնադրութեամբ, ուսուցչական կազմով ու կրթական-դաստիարակչական ծրագրով:

Մեր Սուրբ Աթոռի հայրապետները ո՛չ միայն քաջալերեցին Կիրակնօրեայ դպրոցների գործունէութիւնը, այլ նաեւ Կիրակնօրեայ դպրոցների ընդհանուր վարիչ տնօրէնութիւն հաստատեցին Անթիլիասի մայրավանքում, որպէսզի մօտկից հետեւեն նրանց աշխատանքին: Արդ, 80 տարիների ընթացքում կատարւած նւիրւած ծառայութեան ու ձեռք բերւած իրագործումների դիմաց այսօր կոչւել ենք ո՛չ միայն արդարօրէն ուրախանալու, այլ նաեւ վերանորոգ յանձնառութեամբ շարունակելու նոր սերունդի կրօնա-բարոյական դաստիարակչութեան այնքան հրամայական առաքելութիւնը:

Այսօր շրջապատւած ենք համաշխարհայնացած աշխարհից եկող այնպիսի հոսանքներով, որոնք ամէն օր խաթարում են մեր քրիստոնէական դիմագիծը, ապականում են մեր ազգային ինքնութիւնը եւ մոլորեցնում են մեր զաւակներին: Հետեւաբար՝ որեւէ ժամանակից աւելի այսօ՛ր մենք սուր կարիքն ենք տեսնում հոգեւոր ու բարոյական արժէքներով թրծելու մեր նոր սերունդի կեանքը: Ահա այս սրբազան առաքելութեան է լծւած Կիրակնօրեայ դպրոցը»:

Մանկան դաստիարակութեան նկատմամբ մեր մօտեցումը անհրաժեշտ է, որ դառնայ համապարփակ: Նեղ հայեցակէտով, դոգմատիկ ոգով եւ ժամանակավրէպ մեթոդներով կատարւող դաստիարակութիւնը կարող է հակառակ արդիւնքը տալ: Պէտք է իմանանք, որ հանգրւանային մօտեցումով ու առաջատւական ընթացքով ի՛նչ պէտք է փոխանցենք մանկանը եւ ի՞նչ բանից հեռու պահենք նրան՝ թէ՛ ընտանիքում, թէ՛ դպրոցում, եւ թէ՛ Կիրակնօրեայ դպրոցներում: Պէտք է նաեւ իմանանք, որ ինչպէ՛ս պէտք է դաստիարակենք մանկանը՝ դիմելով այնպիսի միջոցների, որոնք համահունչ են կեանքի ներկայ պայմաններին եւ մտահոգութիւններին ու նաեւ՝ գրաւիչ եւ ազդու: Այս ծիրում արդի չափանիշերին ու մերօրեայ կարիքներին համապատասխանող մանկական գրականութեան մշակումը, լսողա-տեսողական հնարաւորութիւնների ճիշտ օգտագործումը, մանուկներին հետաքրքրող հրապուրիչ ծրագրերի պատրաստութիւնը, մանուկներին յատուկ հաւաքների կազմակերպումը եւ այլ գրաւիչ նախաձեռնութիւնները կարող են մեծապէս օգտակար հանդիսանալ մանուկների դաստիարակութեան աշխատանքներում:
Դ)– Մանուկների դաստիարակութեան ընդհանուր ուղեգիծՄանուկը մեզ ապագային բացող ու առաջնորդող մեր յոյսն ու ապաւէնն է: Եթէ ցանկանում ենք պայծառացնել մեր եկեղեցին, հզօրացնել մեր հայրենիքը եւ երաշխաւորել մեր ազգի ապագան, պէտք է դառնանք մանկանն ու Քրիստոսի պատգամին հետեւելով՝ բարձրագոյն աստիճանի կարեւորութիւն ընծայենք նրան՝ ընտանիքում, դպրոցում ու եկեղեցում եւ ընդհանրապէս մեր հաւաքական կեանքում:Մանուկը չի կարող ճիշտ ու ամբողջական կերպով արտայայտել իր սպասումները, մտահոգութիւնները, կարիքները, նախասիրութիւնները, իր ցաւն ու ուրախութիւնը: Հարկ է մօտենալ նրան եւ գործնապէս ցոյց տալ, թէ նա շրջապատւած է իրեն սիրող ու հոգացող անձերով: Հարկ է գտնել մանկան հետ խօսելու, յարաբերւելու եւ գործակցելու ճի՛շտ եղանակները:

Մանկան ապագայ կեանքի առջեւ ճանապարհ բացողն իր ծնողն է եւ ապա՝ դպրոցն ու եկեղեցին: Այդ ճանապարհին մանուկը կարիք ունի խնամքի. հարկ է խնամել իրեն, մանուկը կարիք ունի դաստիարակութեան. հարկ է դաստիարակել նրան, մանուկը կարիք ունի պաշտպանութեան. հարկ է պաշտպանել իրեն. մանուկը կարիք ունի գուրգուրանքի, հարկ է գուրգուրալ նրա վրայ:

Բազմազան ու այլազան չարիքներով լեցուն ներկայ աշխարհում՝Անհրաժեշտ է մանկանը դաստիարակել՝ նրան հեռու պահելով վնասաբեր միջավայրերից, շռայլ կենցաղակերպերից, շփացած վարւելակերպերից, այլասերիչ յարաբերութիւններից, տհաճ խօսակցութիւններից ու քանդիչ բռնարարքներից:Անհրաժեշտ է մանկանը դաստիարակել՝ իր մէջ սիրոյ ու յարգանքի յարաբերութիւն ստեղծելով՝ ծնողների, ընկերների, հակառակ սեռի, անծանօթի ու կենսոլորտի նկատմամբ: Անհրաժեշտ է մանկանը դաստիարակել՝ իր մէջ սէր ու նախանձախնդրութիւն առաջացնելով մեր հոգեւոր, բարոյական, մշակութային ու ազգային արժէքների եւ աւանդութիւնների, մեր եկեղեցու ու հայրենիքի, մեր համահայկական ձգտումների ու երազների նկատմամբ:

Ա՛յս մօտեցումով ու հեռանկարով միայն կը կարողանանք մանկան մէջ կերտել վաղւայ՝Գիտակի՛ց մարդը,Ճշմարի՛տ քրիստոնեան,Յանձնառո՛ւ հայը:
ԵԵկէք միա՛սնաբար տէր կանգնենք հայ մանկանը2011 տարին հռչակելով Մանուկների տարի՝ մեր սպասումն է, որ մանուկներին առնչւող յիշեալ մտածումները, մտահոգութիւններն ու սպասումները լուրջ ու համապարփակ քննարկման նիւթ դառնան մեր կառոյցների ու ժողովրդի զաւակների կողմից: Տարբեր միջավայրերում ապրելով, բնականաբար, հայ մանուկը տարբեր ազդեցութիւնների ենթակայ է: Արդ, մեր քննարկումների ընթացքում միասնական մտահոգութիւնների ու մօտեցումների կողքին՝ անհրաժեշտ է տարբերութիւնները մատնանշել եւ համապատասխան մօտեցումներ ճշտել ու գործընթացներ որդեգրել՝ ի խնդիր հայ մանկան հոգեւոր, բարոյական ու ազգային առողջ կազմաւորման:

Արդ, կոչ ենք ուղղում մեր առաջնորդ Սրբազաններին ու ազգային իշխանութիւններին, մեր ընտանիքներին ու կրթական պատասխանատուներին եւ ընդհանրապէս մեր ժողովրդի կեանքում գործող կառոյցներին, բարձրագոյն աստիճանի հոգածութիւն ու նախանձնախնդրութիւն ցուցաբերելու մեր մանուկների նկատմամբ: Մեր հոգածու վերաբերմունքը՝ հայ մանկան նկատմամբ, պէտք է գործնապէս արտայայտւի մասնաւորաբար հետեւեալ միջոցների դիմելով.

ա).– Մեր մատնանշած մտահոգութիւնների լոյսի տակ, ծնողները պէտք է պարտաւորութիւն համարեն առաջնահերթութիւն տալ իրենց զաւակների ֆիզիկական աճման կողքին՝ նաե՛ւ նրանց քրիստոնէական ու հայեցի կրթութեանը՝ ընտանեկան յարկի տակ:

բ).– Մեր դպրոցները, յատկապէս մանկապարտէզի ու նախակրթարանի բաժիններում, պէտք է վերանայման ենթարկեն իրենց ջամբած դաստիարակութիւնը՝ կրօնա-բարոյական ու հայեցի երեսներով, դիմելով այնպիսի միջոցների ու մեթոդների, որոնք գրաւիչ լինեն՝ մեր մանուկների համար:

գ).– Ծնողներն ու կրթական պատասխանատուները պէտք է հետեւողական ճիգ թափեն, որ մեր մանուկները արտաընտանեկան ու արտադասարանային ծրագրերին բերեն իրենց հետեւողական ու գործօն մասնակցութիւնը: Այս ծիրում յատուկ կարեւորութիւն պէտք է տրւի Կիրակնօրեայ դպրոցին:

դ).– Մեր ազգային առաջնորդարանները պէտք է նոր մղում տան թեմերում կատարւող քրիստոնէական դաստիարակութեանը՝ յատկապէս մանուկներին առնչւող ծրագրերի մշակման ծխային մակարդակում:

ե).– Վերջապէս, սրտագին կոչ ենք ուղղում մեր բարերարներին եւ ունեւոր ազգայիններին՝ իրենց լաւագոյնն ու գերագոյնը տալու հայ մանկանը՝- Մանուկներին յատուկ արդիական սարքաւորումներով օժտւած մանկամսուրներ եւ մանկապարտէզներ հաստատելով:

- Մանկական գրականութիւն մշակել ու հրատարակութիւններ կատարելու կոչւած հիմնադրամներ հաստատելով:

- Հիւանդ, աղքատ ու որբ մանուկներին յատուկ օգնութեան հիմնադրամներ հաստատելով:Հայ մանուկը ազգի ու եկեղեցու զաւակն է: Եկէք, միա՛սնաբար տէր դառնանք հայ մանկանը, սրբենք հայ մանկան արցունքը, ամոքենք իր ցաւը, նւազեցնենք իր տառապանքը եւ գործնապէս նպաստենք նրա ֆիզիկական թէ բարոյական, հոգեւոր թէ ազգային առողջ կազմաւորմանն ու դաստիարակութեանը: Երբեք չմոռանանք Քրիստոսի պատւէրը՝ «Ով որ մի մանուկ է իմ անունով ընդունում՝ ինձ ընդունած է լինում» (Մատթ. 18.5):

Աղօթում ենք առ Բարձրեալն Աստւած, որ Իր օրհնութեամբ խնամի ու աճեցնի մեր ազգի մանուկներին:

ԱՂՕԹԱՐԱՐ՝

ԱՐԱՄ Ա ԿԱԹՈՂԻԿՈՍ ՄԵԾԻ ՏԱՆՆ ԿԻԼԻԿԻՈՅ

1 ՅՈՒՆՒԱՐԻ 2011 Թ.ԱՆԹԻԼԻԱՍ, ԼԻԲԱՆԱՆ

(ԱՐԵՒԵԼԱՀԱՅԵՐԷՆԻ ՎԵՐԱԾՒԱԾ)

«ԱԼԻՔ»
***– Լուսանկարում՝ Վեհափառը Թեհրանի Սրբոց Վարդանանց եկեղեցում։ Վ.

Ռուսական ֆաշիզմի հերթական զոհը. Սամարայում Յունւարի 15-ին սպանւել է Հայ ուսանող Արմէն Սահակեանը

2011-01-19T14:33:00.002+03:30

Ռուսական ֆաշիզմի հերթական զոհը.

* Սամարայում Յունւարի 15-ին սպանւել

է Հայ ուսանող Արմէն Սահակեանը

Յունւար 19, 2011 10:28

Յունւարի 15-ին, երբ ամբողջ Ռուսաստանում ակցիաներ էին ընթանում ի յիշատակ հիւսիսկովկասցիների կողմից սպանւած «Սպարտակի» երկրպագու Եգոր Սվիրիդովի, Սամարայում մէկ այլ սպանութիւն է կատարւել։
Անյայտ յանցագործի զոհ է դարձել Սամարայի պետական համալսարանի իրաւաբանական ֆակուլտետի երրորդ կուրսի 19-ամեայ ուսանող Արմէն Սահակեանը։ Չարագործը դանակով հարւածել է Արմէնի կրծքավանդակին, ինչից յետոյ փախուստի է դիմել։ Արմէնն ինքն է կանգնեցրել պատահական մի աւտոմեքենայ, որպէսզի հասնի հիւանդանոց, սակայն հիւանդանոցի ճանապարհին մահացել է։
Ինչպէս յայտնում է «Կոմսոմոլսկայա պրաւդան», քննարկւում են բոլոր տարբերակները՝ ամենապարզունակից մինչեւ մահացածի անձնական կոնֆլիկտները։ «Առայժմ յանցագործութիւնը բացայայտւած չէ»,- ասել են թերթին։
Պարբերականը ներկայացնում է կատարւածի մանրամասները։ Յունւարի 15-ի երեկոյեան Արմէն Սահակեանը գնում է ընկերոջ մօտ։ Արմէնը նստում է տրամւայ։ Երիտասարդը չի նկատում, թէ ինչպէս են վագոնում մի քանի հետաքրքրասէր աչքեր հետեւում իրեն։ Երբ նա կանգառում իջնում է, հինգ տականքներ սկսում են հետեւել նրան։ Նրանցից մէկը դանակը խրում է ուղիղ նրա սիրտը։
«Եւ ինչպէ՞ս պէտք է տղաս պաշտպանէր իրեն։ Փոքր տարիքում նա կարատէի էր գնում, շատ մեդալներ ուներ»,- արտասւելով պատմել է Արմէնի հայրը՝ Անդրանիկ Սահակեանը։
Արմէնն ուղղակի չի հասցրել խուսափել իր վրայ յարձակւողներից: Անյայտ անձինք յարձակւել են յետեւից եւ տապալել գետնին: Փողերին ձեռք չեն տւել, հեռախօսը չեն վերցրել: Արիւնաքամ լինող Արմէնն մի կերպ ոտքի է կանգնել եւ վազել դէպի փողոց՝ տաքսի կանգնեցնելու համար, սակայն ոչ մի վարորդ չի ցանկացել իր մեքենան նստեցնել վիրաւոր տղային, այն էլ ոչ ռուսի: Ամէն դէպքում մի տաքսիստ խղճացել է արնաքամ լինող հային եւ տեղափոխել հիւանդանոց, սակայն արդէն ուշ է եղել: Արմէնը մահացել է հէնց մեքենայի մէջ, գրում է «Կոմսոմոլսկայա պրաւդան»:
Ինչպէս հաղորդում է «Նովոստի Տոլյատիի»-ն, Վլադիսլավ Վոլկովի բլոգում տեղադրւած է Սամարայի պետական համալսարանի դասախօս Վիկտոր Պոլեանսկիի հետ հարցազրոյցի ամբողջական տարբերակը: Նրա հետ զրուցել է տեղի հեռուստաալիքներից մէկի թղթակիցը, սակայն ինչ-ինչ պատճառներով այդ տեսանիւթը թոյլ չեն տւել եթեր հեռարձակել: Ինչպէս գրել է մեկնաբաններից մէկը, «վերեւից թոյլ չեն տւել»: Հարցազրոյցի տեսանիւթը տեղադրւել է YouTube-ում:
«Հիմնականում նրանք հանգիստ, բարեկիրթ եւ աշխատասէր ուսանողներ են: Նրանք բացասական զգացումներ չեն առաջացնում, քանի որ պարտաճանաչ եւ դաստիարակւած տղաներ են: Նման ուսանողների թւին էր պատկանում նաեւ Արմէնը: Ինձ դժւար է պատկերացնել, որ այդ յանցագործութիւնը տեղի է ունեցել ազգային հողի վրայ: Ինքը՝ Արմէնը, տարբերւում էր հանգիստ վարքով, քանի որ դաստիարակւած երիտասարդ էր: Նա երբէք ագրեսիւ չի եղել եւ իր կարգավիճակի հետ կապւած անհանգստանալու տեղիք երբէք չի տւել: Անհասկանալի է, թէ ինչ կարող էր տեղի ունեցած լինել: Դեռ բաւարար տւեալներ չկան: Ինչպէս ես եմ հասկանում, գործի հետաքննութիւնը նոր է սկսւում:
Արմէնը խաղաղասէր ընկեր էր, ինտերնետում կան նրա լուսանկարները, որոնք վկայում են, որ նա ընկերութիւն էր անում ռուս տղաների հետ: Ֆակուլտետում ոչ Արմէնի, ոչ էլ այլ «ոչ տեղացու» հանդէպ ոչ մի խնդիր չի եղել:
Արմէն Սահակեանի յուղարկավորութիւնը կկայանայ Յունւարի 19-ին ժամը 12:00-ին:

Լուրեր Հայաստանից - NEWS.am

Հրանտ Դինքի սպանութեան օրը Թուրքիայում տեղի կունենան յիշատակի մի շարք միջոցառումներ

2011-01-19T09:16:00.002+03:30

Հրանտ Դինքի սպանութեան օրը

Թուրքիայում տեղի կունենան յիշատակի

մի շարք միջոցառումներ

Յունւար 19, 2011 09:07

Ստամբուլահայ յայտնի գործիչ, «Ակօս» թերթի խմագիր Հրանտ Դինքի սպանութեան 4-րդ տարելիցը տարբեր միջոցառումներով կնշեն Թուրքիայի մի քանի քաղաքներում:
Ինչպէս տեղեկացնում է NEWS.am-ի թղթակիցը Ստամբուլից, թուրքական մի շարք կուսակցութիւնների, հասարակական կազմակերպութիւնների կողմից յունւարի 19-ին Ստամբուլում կազմակերպւելու է երկու միջոցառում՝ «Առանց Հրանտի 4 տարի: Հաշիւ ենք պահանջում իրական մարդասպանից» կարգախօսի ներքոյ: Նախատեսւած է սգոյ միջոցառում «Ակօս»-ի դիմաց 15:00-ին եւ ջահերով երթ՝ 19:00-ին Թաքսիմի հրապարակից:
Յիշեալ նախաձեռնող խմբի յայտարարութեան մէջ նշւում է. «Հրանտ Դինքի եւ պետութեան կողմից իրագործւած նման միւս սպանութիւնների իրական պատւիրատուներին դատապարտելու համար, իրական պատւիրատուներից հաշիւ պահանջելու համար բոլորին հրաւիրում ենք Թաքսիմի հրապարակ»:
Անկարայում կցուցադրւի Դինքին նւիրւած ֆիլմ, որից յետոյ՝ երեկոյեան կիրականացւի երթ՝ «4 տարի է, ինչ Հրանտը չկայ» կարգախօսով:
Թուրքիայի Բոդրումի քաղաքապետարանի դիմաց եւս սգոյ միջոցառում տեղի կունենայ, որի ընթացքում խօսքով հանդէս կգայ Taraf թերթի սիւնակագիր Մարկար Եսայեանը:

Լուրեր Հայաստանից - NEWS.am

واريز 60 ليتر بنزين 400 توماني در

2011-01-19T08:35:00.001+03:30

واريز 60 ليتر بنزين 400 توماني

دركارت‌هاي سوخت از جمعه

http://vartandav.blogspot.com/2011/01/60-400.html

Հայաստանն ու Յունաստանը ստորագրել են ռազմական համագործակցութեան վերաբերեալ համաձայնագիր

2011-01-19T08:19:00.002+03:30

Հայաստանն ու Յունաստանը ստորագրել

են ռազմական համագործակցութեան

վերաբերեալ համաձայնագիր

18:38 • 18.01.11

Սերժ Սարգսեանը տիկնոջ` Ռիտա Սարգսեանի հետ, Յունաստանի նախագահ Կարոլոս Պապուլիասի հրաւէրով, երէկ պետական այցով ժամանել է Յունաստանի Հանրապետութիւն:
Հայաստանի նախագահի դիմաւորման պաշտօնական արարողութիւնից յետոյ Սերժ Սարգսեանն առանձնազրոյց է ունեցել Յունաստանի նախագահ Կարոլոս Պապուլիասի հետ: Այնուհետև տեղի է ունեցել երկու երկրների պատւիրակութիւնների մասնակցութեամբ ընդլայնւած կազմով հանդիպումը:
Երկու երկրների նախագահները քննարկել են Հայ-Յունական բարձր մակարդակի քաղաքական երկխօսութեան շարունակաբար զարգացման, առևտրատնտեսական, ռազմական, մշակութային և այլ ոլորտներում համագործակցութեան խորացման, ԵՄ Արևելեան գործընկերութեան ծրագրի շրջանակներում փոխգործակցութեան ակտիւացման, ինչպէս նաև տարածաշրջանային և փոխադարձ հետաքրքրութիւն ներկայացնող միջազգային հարցեր, անդրադարձել` ԼՂ հիմնախնդրի կարգաւորման վերջին զարգացումներին:
ՀՀ նախագահի Յունաստան կատարած պետական այցի շրջանակներում տեղի է ունեցել նաև փաստաթղթերի ստորագրման արարողութիւն` ուղղւած մի շարք ոլորտներում երկկողմ կապերի ամրապնդմանն ու համագործակցութեան խորացմանը:
Մասնաւորապէս, ստորագրւել են «Հայաստանի Հանրապետութեան պաշտպանութեան նախարարուեյան և Յունաստանի Հանրապետութեան ազգային պաշտպանութեան նախարարութեան միջև ռազմական համագործակցութեան վերաբերեալ համաձայնագիր», «ՀՀ կառավարութեան և Յունաստանի Հանրապետութեան կառավարութեան միջև կրթութեան, գիտութեան և մշակոյթի բնագաւառներում 2011-2013թթ. համագործակցութեան մասին ծրագիր», «Հայաստանի Հանրապետութեան մշակոյթի նախարարութեան և Յունաստանի Հանրապետութեան մշակոյթի և զբօսաշրջութեան նախարարութեան միջև 2012 թւականին` Յունաստանի Հանրապետութիւնում «Հայկական մշակոյթի օրեր» և 2013 թւականին` Հայաստանի Հանրապետութիւնում «Յունական մշակոյթի օրեր» կազմակերպելու և անցկացնելու մասին փոխըմբռնման յուշագիր»:
Սերժ Սարգսեանը և Կարոլոս Պապուլիասը հանդիպման արդիւնքներն ամփոփել են ԶԼՄ ներկայացուցիչների հետ ունեցած համատեղ ճեպազրոյցում:
Սերժ Սարգսեանը և Ռիտա Սարգսեանն այսօր կայցելեն նաև «Ակրոպոլիս» թանգարան, իսկ երեկոյեան Յունաստանի նախագահ Կարոլոս Պապուլիասի անունից` ի պատիւ Հայաստանի նախագահ Սերժ Սարգսեանի և տիկին Ռիտա Սարգսեանի, կտրւի պետական ընթրիք:

Tert.am

Wikileaks. Թուրքիան աջակցել է Գուանտանամոյի բանտարկյալների խոշտանգումներին

2011-01-18T14:46:00.002+03:30

Wikileaks.-

Թուրքիան աջակցել է Գուանտանամոյի

բանտարկեալների խոշտանգումներին

Յունւար 18, 2011 11:36

Թուրքիան 2002թ. թոյլատրել է Միացեալ Նահանգներին օգտագործել Ինջիրլիքի աւիաբազան ահաբեկչութեան մէջ կասկածւող անձանց Գուանտանամոյի բանտ տեղափոխելու համար, «Յանցագործների արտակարգ յանձնում» ծրագրի շրջանակներում (ԿՀՎ-ի եւրոպական բանտերում պահւող անձանց տեղափոխումը երկրներ, որտեղ խոշտանգումները սովորական երեւոյթ են), գրում է «Guardian»-ը:
Թուրքիայի ներգրաււածութիւնը կասկածելի ծրագրին բացայայտել է Wikileaks-ը 2006թ. յունիսի 8-ի գաղտնի հեռագրի հրապարակմամբ: Հեռագրի հեղինակը Թուրքիայում ԱՄՆ դեսպան Ռոսս Վիլսոնն է:
«Թուրքիայի ռազմական օդուժը թոյլատրել է Fundamental Justice ծրագրով օգտագործել Ինջիրլիքի ռազմակայանը, սակայն 2006թ-ին թոյլտւութիւնը չեղեալ է յայտարարւել»,- ասւած է նամակում:
Յատկանշական է, որ հեռագիրը հակասում է Թուրքիայի իշխանութիւնների յայտարարութիւններին: 2006թ. թուրքական ԱԳՆ-ի մամուլի քարտուղարը յայտարարում էր, որ «թուրքական կառավարութիւնն ու Թուրքիան երբէք չեն մասնակցել գաղտնի տեղափոխումներին»: Վերջերս Թուրքիան յայտնւել էր եւրոպական 14 երկրների շարքում, որոնք զբաղւած են դատապարտեալների գաղտնի տեղափոխումներով:

Լուրեր Հայաստանից - NEWS.am

Լատւիան սատարում է ԵԱՀԿ Մինսկի խմբի շրջանակներում ընթացող ԼՂ բանակցային գործընթացին

2011-01-18T14:11:00.001+03:30

Լատւիան սատարում է ԵԱՀԿ Մինսկի

խմբի շրջանակներում ընթացող

ԼՂ բանակցային գործընթացին

13:37 • 18.01.11

Լատւիան ամբողջովին սատարում է ԵԱՀԿ Մինսկի խմբի շրջանակներում ընթացող բանակցային գործընթացին և որևիցէ նպատակ չունի խանգարելու այդ գործընթացին: Այս մասին ասել է Լատւիայի ԱԳՆ երկկողմ յարաբերութիւնների վարչութեան տնօրէն Եանիս Զլամեցը՝ պատասխանելով հայաստանեան լրատւամիջոցների ՝Լատւիայի և Ադրբեջանի նախագահների համատեղ հռչակագրում Ղարաբաղեան հիմնախնդրի վերաբերեալ տեղ գտած մի շարք աղաւաղւած ձևակերպումների մասին հարցին։
Լատւիացի բարձրաստիճան դիւանագէտը նաև յաւելել է, որ իր երկրի դիրքորոշումն ամբողջովին համընկնում է ԵՄ դիրքորոշմանը, որը տարբեր առիթներով արտայայտւել է ԵՄ նախագահ Հերման վան Ռոմպույի, Եւրոպական յանձնաժողովի փոխնախագահ, ԵՄ ընդհանուր արտաքին և պաշտպանական միասնական քաղաքականութեան բարձր ներկայացուցիչ Քաթին Էշթոնի կողմից առ այն, որ Ղարաբաղեան հիմնախնդիրը պէտք է կարգաւորւի ՄԱԿ-ի կանոնադրութեան և միաջազգային իրաւունքի ուժի կամ ուժի սպառնալիքի չկիրառման, տարածքային ամբողջականութեան և ժողովուրդների իրաւահաւասարութեան ու ինքնորոշման սկզբունքների հիման վրայ: Եզրափակելով լատւիացի բարձրաստիճան դիւանագէտն ասել է, որ Լատւիան միացել է ԵԱՀԿ արտգործնախարարների խորհրդի հելսինկեան և աթենքեան յայտարարութիւններին, ինչպէս նաև Աստանայի հռչակագրին, որտեղ ամէն ինչ յստակ ամրագրւած է:

Tert.am

Ադրբեջանի նախագահի պաշտոնական կայքն ապատեղեկատւութիւն է տարածել

2011-01-18T08:32:00.001+03:30

Ադրբեջանի նախագահի պաշտոնական

կայքն ապատեղեկատւութիւն

է տարածել

Յունւար 17, 2011 18:03

Բաքւում Ադրբեջանի նախագահ Իլհամ Ալիեւի հետ համատեղ ասուլիսում Եւրոպական յանձնաժողովի նախագահ Խոզէ մանուել Բարոզուի յայտարարութիւնը խիստ հաւասարակշռւած է եղել եւ համահունչ միջազգային հանրութեան կարծիքին: Այս մասին «Արմէնպրէս» գործակալութեանը յայտնել է Եւրոպական յանձնաժողովի նախագահի մամուլի խօսնակ Մայքլ Կատնիչնիկը:
Յիշեցնենք, որ 2011-ի յունւարի 13-14-ը Եւրոպական յանձնաժողովի նախագահ Բարոզուն պաշտօնական այցով գտնւել է Բաքւում, որտեղ իր անհանգստութիւնն է կիսել Ադրբեջանի նախագահի հետ` կապւած Լեռնային Ղարաբաղի հակամարտութեան կարգաւորման գործընթացում առաջընթացի պակասի հետ: Ադրբեջանի նախագահի պաշտօնական կայքում նշւած է, թէ իբր Խ. Բարոզուն ասել է, որ ԼՂ հակամարտութեան կարգաւորումը պէտք է ընթանայ տարածքային ամբողջականութեան սկզբունքի համաձայն, եւ թէ իբր իրենք ցանկանում են, որ Ադրբեջանի տարածքային ամբողջականութիւնը վերականգնւի: Հետաքրքրական է, որ Եւրոպական յանձնաժողովի պաշտօնական կայքում նման յայտարարութեան մասին խօսք անգամ չկայ:
Այս հակասութեան առնչութեամբ, Մայքլ Կատնիչնիկը նշել է. «Ես չեմ տեսել այն տեքստը, որը դրւել է Ադրբեջանի նախագահի կայքում, սակայն պէտք է հաշւի առնել այն, ինչ մեր կայքում է տեղադրւած, այլ ոչ թէ ուրիշների ասածները»: Նա յաւելել է, որ, իհարկէ, Խ.Բարոզուն տարբեր առիթներով նշել է տարածքային ամբողջականութիւնը` որպէս հակամարտութիւնների կարգաւորման սկզբունքներից մէկը, որը պէտք է յարգւի բանակցային գործընթացում:
«Ինչպէս գիտէք, դա այն կարեւորագոյն սկզբունքներից մէկն է, որի շուրջ համաձայնութեան է եկել համաշխարհային հանրութիւնը. միւս երկու սկզբունքները ազգերի ինքնորոշումն ու հակամարտութիւնների խաղաղ կարգաւորումն են»,- ընդգծել է Մ.Կատնիչնկիը` շեշտելով, որ նախկինում եւս Եւրոպական յանձնաժողովի նախագահը մի քանի անգամ շեշտել է հակամարտութիւնների դիւանագիտական կարգաւորման կարիքը, եւ այն, որ ռազմատենչ հռետորաբանութիւնը կողմերին էլ օգտակար չի լինի:
«Բացի այդ, մենք ամբողջովին աջակցում ենք Մինսկի խմբի ջանքերին, որը գործում է ԵԱՀԿ հովանու ներքոյ, եւ Եւրոպական Միութիւնը աւելի օգտակար գտնւել գործընթացում, եթէ նման դիմում լինի կողմերից»,- ասել է Մ.Կատնիչնիկը:

Լուրեր Հայաստանից - NEWS.am

Ջիւան Գասպարեան. Ինչպէ՞ս կարող են մի քանի ժամ շարունակ հեռարձակել մի անտաղանդ երգչի համերգը

2011-01-18T07:54:00.002+03:30

Ջիւան Գասպարեան.-

Ինչպէ՞ս կարող են մի քանի ժամ

շարունակ հեռարձակել մի անտաղանդ

երգչի համերգը

14:32 • 17.01.11

«Պէտք է ռեստորանը տարբերել իրական արւեստից»,- այսօր «Ուրբաթ» ակումբում հրաւիրւած ասուլիսի ժամանակ ասաց դուդուկահար Ջիւան Գասպարեանը՝ դժգոհութիւնը յայտնելով մերօրեայ «արւեստագէտներից» ու նրանց եթեր տրամադրող հեռուստաընկերութիւններից ։
«Հեռուստատեսութիւնը ամենամեծ պրոպագանդիստն է: Ինչպէ՞ս կարող են մի քանի ժամ շարունակ եթեր տալ մի անտաղանդ երգչի համերգը: Դա սարսափելի մասշտաբներ է կրում յատկապէս տօնական օրերին: Բանական մարդը անգամ Շառլ Ազնաւուրին կամ Մայքլ Ջեքսոնին այդքան երկար չի կարող լսել: Հեռուստաընկերութիւնները այդքանով փչացնում են մեր ճաշակը: Թող հասկանան` ում և ինչու են ցոյց տալիս»,- ասաց վարպետը:
Լրագրողներին պատմելով իր երազանքի մասին՝ Ջիւան Գասպարեանն ասաց. «Ես որբ եմ մեծացել և գիտեմ, թէ ինչ է նշանակում լինել ծնողազուրկ: Այդ է պատճառը, որ ուզում եմ բարեգործական երաժշտական դպրոց բացել, որտեղ անվճար հիմունքներով կսովորեն մանկատներում ապրող տաղանդաւոր երեխաները»:
Վարպետը պատրաստւում է անձամբ պարապել երեխաների հետ, որոնք կուսանեն երգ, պար, դաշնամուր, բայց շեշտը, իհարկէ, կդրւի դուդուկի վրայ: «Դպրոցի շէնքը արդէն կայ: Դա իմ սեփական եռայարկ շինութիւնն է: Մնում է գտնել հուանաւորներ: Նաև կազմակերպում ենք բարեգործական համերգներ, որոնց հասոյթը տրամադրւելու է դպրոցին: Պլանաւորում ենք, որ դպրոցը կսկսի գործել 2012 թւականից: Իսկ ինձանից յետոյ այդ գործը կշարունակի թոռս` Ջիւան Գասպարեանը»:
Վարպետը նշեց, որ շուրջ 12 տարի է՝ պարապում է թոռան հետ, նրա համար բացել է դուդուկի գաղտնիքներն ու նրբութիւնները, և նա է իր գործի իրական կրողը, իրական աշակերտն ու ժառանգողը:

Tert.am

Սերժ Սարգսեան. Ադրբեջանի հայատեաց եւ ագրեսիւ վարքը հաստատում է համոզմունքը, որ ԼՂ-ն ոչ մի կերպ ապագայ չունի Ադրբեջանի կազմում

2011-01-17T21:52:00.003+03:30

Սերժ Սարգսեան.-

Ադրբեջանի հայատեաց եւ ագրէսիւ վարքը

հաստատում է համոզմունքը, որ ԼՂ-ն

ոչ մի կերպ ապագայ չունի

Ադրբեջանի կազմում

«Ադրբեջանը փորձեց բացայայտ էթնիկական զտումների եւ զինւած

ագրէսիայի միջոցով խեղդել Լեռնային Ղարաբաղի անկախութիւնը»

«Եթէ Ադրբեջանը դիմի արկածախնդրութեան,

ապա մեր պատասխանը վճռական է լինելու»

Յունւար 17, 2011 20:31

«Ադրբեջանի հայատեաց եւ ագրեսիւ վարքագիծը հաստատում է մեր այն համոզմունքը, որ Լեռնային Ղարաբաղը ոչ մի կերպ ապագայ չունի Ադրբեջանի կազմում»,- այսօր՝ Յունւարի 17-ին Կիպրոսի ներկայացուցիչների պալատում իր ելոյթի ժամանակ յայտարարել է Հայաստանի նախագահ Սերժ Սարգսեանը:
Նրա խօսքով, տոտալիտար ռեժիմի կողմից Ադրբեջանին բռնակցւած Լեռնային Ղարաբաղի ժողովուրդը երբէք չի հաշտւել իրեն պարտադրւած կարգավիճակի հետ:
«Նրա աչքի առաջ են եղել մեկ այլ բռնակցւած տարածքի՝ Նախիջեւանի հայերի ճակատագիրը, որոնք չդիմանալով Ադրբեջանի իշխանութիւնների բռնաճնշումներին, ստիպւած էին լքել այն հողը, որի վրայ ապրել էին հազարամեակներ: Ուստի պատահական չէր, որ խորհրդային շրջանի ողջ ընթացքում, եւ յատկապէս` ազատականացման գործընթացներին զուգընթաց Լեռնային Ղարաբաղի բնակչութիւնը պարբերաբար բարձրացնում էր իր անկախութեան հարցը: Իսկ 1991թ. հաստատեց այն հանրաքւէի միջոցով, որը լիովին համապատասխանում էր Խորհրդային Միութեան գործող օրէնսդրութեանը»,- նշել է ՀՀ նախագահը:
Նրա ներկայացմամբ, Ադրբեջանը փորձեց բացայայտ էթնիկական զտումների եւ զինւած ագրէսիայի միջոցով խեղդել Լեռնային Ղարաբաղի անկախութիւնը: «Չկարողանալով յաղթել իր իսկ կողմից սանձազերծած պատերազմում` Ադրբեջանը ստիպւած եղաւ 1994 թւականին ստորագրել հրադադարի եռակողմ համաձայնագիր Լեռնային Ղարաբաղի եւ Հայաստանի հետ: Ցաւօք, տեւական խաղաղութիւն հաստատելու այդ բացառիկ հնարաւորութիւնը, որը կարող էր սկիզբ դառնալ տարածաշրջանային ժողովուրդների խաղաղ գոյակցութեան եւ զարգացման համար, Ադրբեջանի կողմից մինչեւ այսօր օգտագործւում է նոր ռազմական ագրէսիայ նախապատրաստելու նպատակով:
Ակտիւ պետական հովանաւորչութեամբ Ադրբեջանում մոլեգնող` Հայաստանի եւ հայերի դէմ ուղղւած թշնամական քարոզչութիւնը եւ պատմութեան ակնյայտ կեղծարարութիւնը, այդ երկրի սպառազինումն ու սպառազինութիւնների մրցավազքի հրահրումն ապացուցում են, որ Բաքուն պատրաստ չէ խաղաղութեան: Բանը հասնում է նրան, որ Ադրբեջանի իմ գործընկերը յայտարարում է, թէ իբր մեր երկրի մեծ մասը նւիրաբերւել է Հայաստանին Ադրբեջանի կողմից, իսկ մայրաքաղաք Երեւանը ադրբեջանական քաղաք է: Համոզւած եմ, որ պատմութեան խեղաթիւրման այսօրինակ զաւեշտի հետ առնչւել է նաեւ Կիպրոսը»,- ընդգծել է Սերժ Սարգսեանը:
«Ադրբեջանը չունի Լեռնային Ղարաբաղի նկատմամբ հաւակնութիւնների ո՛չ իրաւական, ո՛չ քաղաքական եւ ո՛չ էլ բարոյական հիմքեր: Ճիշտ է, մենք վճռական ենք խնդիրը լուծել բացառապէս խաղաղ եւ բանակցային ճանապարհով, բայց եթէ Ադրբեջանը դիմի արկածախնդրութեան, ապա մեր պատասխանը վճռական է լինելու»,- ասել է Հայաստանի ղեկավարն ու յաւելել. «Ցաւալին այն է, որ մեր առանց այն էլ խոցելի տարածաշրջանում որոշ երկրներ, գայթակղւելով էներգետիկ շահերով, վարում են կարճատես, օրւայ շահից բխող քաղաքականութիւն: Դա ամենեւին չի նպաստում տարածաշրջանային կայունութեանը: Աւելին, պարզ տրամաբանութիւնը յուշում է, որ տարածաշրջանային կայունութեան խախտման դէպքում առաջին հերթին վնասւելու են հէնց այդ նոյն տնտեսական շահերը»:

Լուրեր Հայաստանից - NEWS.am

اطلاعات جديد از سقوط بويينگ 727 در اروميه

2011-01-17T21:19:00.002+03:30

اطلاعات جديد از سقوط بويينگ 727 در اروميه

قطعا علت سقوط هواپيما به مشکلات خود آن

برمي‌گردد نه فرودگاه

Դիտել Պարսկերէն Բաժնում.–
http://vartandav.blogspot.com/2011/01/blog-post_4537.html

ԱԳՆ. Հայ-վրացական բանակցութիւնների ընթացքում մշտապէս քննարկւել են վիրահայութեան խնդիրները

2011-01-17T16:53:00.002+03:30

ԱԳՆ.-

Հայ-վրացական բանակցութիւնների ընթացքում

մշտապէս քննարկւել են վիրահայութեան խնդիրները

Յունւար 17, 2011 15:45

Հայ-վրացական բանակցութիւնների ընթացքում մշտապէս քննարկւել են վիրահայութեանը յուզող խնդիրները: Այդ մասին ասւած է Հայաստանի ԱԳՆ-ի 2010 թւականի գործունէութեան վերաբերեալ հաշւետւութեան մէջ:
Ըստ հաշւետւութեան՝ 2010 թ. Հայաստանի եւ Վրաստանի միջեւ կայացել են մի շարք բարձրաստիճան շփումներ, այդ թւում` յունւարի 26-ին Վրաստանի վարչապետ Ն. Գիլաուրիի աշխատանքային այցը Հայաստան, փետրւարի 22-23-ը Հայաստանի նախագահ Սերժ Սարգսեանի աշխատանքային այցը Վրաստան, յունիսի 13-15-ը ԱԳ նախարար Էդւարդ Նալբանդեանի աշխատանքային այցը Վրաստան, իսկ սեպտեմբերի 3-4-ը Վրաստանի ԱԳ նախարար Գրիգոլ Վաշաձէի աշխատանքային այցը Հայաստան:
2010թ. մարտի 1-ին, Հայաստանի միջնորդութեամբ ընթացած բանակցութիւնների արդիւնքում, վերաբացւել է Վրաստանի եւ ՌԴ միջեւ աւտոմոբիլային «Կազբէգի»-«Վերին Լարս» սահմանային անցակէտը, որը չէր գործում 2006թ. օգոստոսից:
Հաշւետւութեան մէջ առանձին կէտով ներկայացւել է նաեւ Իրանի հետ փոխ–յարաբերութիւնների խնդիրը: Ըստ այդմ, հաշւետու ժամանակաշրջանը հայ-իրանական յարաբերութիւնների համագործակցութեան առումով նշանաւորւել է մի շարք գերատեսչութիւնների միջեւ տեղի ունեցած փոխադարձ այցերի առատութեամբ եւ շփումներով: Իրան են այցելել Հայաստանի պաշտպանութեան, կրթութեան եւ գիտութեան, էներգետիկայի եւ բնական պաշարների նախարարները:
Տարւայ ընթացքում տեղի ունեցած կարեւորագոյն իրադարձութիւններից էր 2010 թ. հոկտեմբերի 25-26-ը Հայաստանի վարչապետ Տիգրան Սարգսեանի գլխաւորած պատւիրակութեան Թեհրան կատարած այցը: Հոկտեմբերի 8-10-ը Երեւան ժամանեց Իրանի մեջլիսի նախագահ Ալի Լարիջանիի գլխաւորած պատւիրակութիւնը:
Յաջողութեամբ շարունակւել են հայ-իրանական միջկառավարական յանձնաժողովի աշխատանքները: 2010 թ. յունւարի 26-27-ը Երեւանում տեղի ունեցաւ Հայաստանի եւ Իրանի միջկառավարական յանձնաժողովի հերթական` 9-րդ նիստը, որին մասնակցելու նպատակով Երեւան էր ժամանել ԱԳ նախարար Մ. Մոթթաքին:
Քաղաքական խորհրդակցութիւններ անցկացնելու նպատակով 2010 թ. սեպտեմբերի 15-16-ը Թեհրանում էր գտնւում Հայաստանի ԱԳ նախարար Է. Նալբանդեանի գլխաւորած պատւիրակութիւնը:

Լուրեր Հայաստանից - NEWS.am

Հ.Մ.Ա.Կ.-ի Թաւրիզի մասնաճիւղի միջոցառումները՝ Նոր տարւայ առիթով

2011-01-17T14:42:00.003+03:30

Հ.Մ.Ա.Կ.-ի Թաւրիզի մասնաճիւղի

միջոցառումները՝ Նոր տարւայ առիթով

Հ.Մ.Ա.Կ.-ի Թաւրիզի մասնաճիւղի Արւեստից բաժանմունքի նախաձեռնութեամբ 2010 թ. դեկտ. 24-ի կէսօրից յետոյ ժամը 3-ից մինչեւ երեկոյեան ժամը 9-ը, Հ.Մ.Ա.Կ.-ի Թաւրիզի մասնաճիւղի հաւաքատեղիում, տեղի ունեցաւ Նոր տարւայ առիթով կազմակերպւած ճոխ բազար, ուր վաճառւում էին տնային խմորեղէններ, Նոր տարւայ տարբեր տեսակի զարդարանքներ, օրացոյցներ եւ այլն:Նոր տարւայ առիթով կազմակերպւած այդ բազարն ունեցաւ լայն ընդառաջում:Նոյն բազարն այցելեցին Ատրպատականի հայոց թեմի կաթողիկոսական փոխանորդ Տ. Եղիշէ ծ. վրդ. Մանճիկեանը, Տ. Ներսէս քհնյ. Պասիլեանը, Պատգ. ժողովի եւ Թեմական խորհրդի անդամները:Հ.Մ.Ա.Կ.-ի Թաւրիզի մասնաճիւղի ամանորեայ միջոցառումների շրջագծում արդէն աւանդոյթ է դարձել Հ.Մ.Ա.Կ.-ի Ձմեռ պապիկների այցելութիւնները՝ թաւրիզահայ համայնքի տներ:Այս տարի եւս Հ.Մ.Ա.Կ.-ի Թաւրիզի մասնաճիւղը, հաւատարիմ մնալով այդ աւանդոյթին, մասնաճիւղի Արւեստից բաժանմունքի նախաձեռնութեամբ, իր Ձմեռ պապիկների այցելութիւնները կազմակերպելով՝ շնորհաւորեց թաւրիզահայերի Նոր տարւայ եւ Ս. Ծննդեան տօները:Թւականիս յունւարի 3-ին եւ 4-ին Ձմեռ պապիկները այցելելով իւրաքանչիւր հայ ընտանիքի՝ Հ.Մ.Ա.Կ.-ի Թաւրիզի մասնաճիւղի անունից նւէրներով եւ բացիկներով շնորհաւորեցին 21-րդ դարի երկրորդ տասնամեակի մեկնարկը՝ բոլորին մաղթելով արեւշատութիւն եւ յաջողութիւններ:

ԹՂԹԱԿԻՑ

(ԹԱՒՐԻԶ)

«ԱԼԻՔ»

Սեւանի մայրուղում Range-Rover-ը գլորւել է ձորը. մէկ զոհ, մէկ վիրաւոր

2011-01-17T14:23:00.002+03:30

Սեւանի մայրուղում Range-Rover-ը

գլորւել է ձորը.

Մէկ զոհ, մէկ վիրաւոր

Յունւար 16, 2011 20:51

Յունւարի 16-ին, ժամը 18.30-ի սահմաններում, Երեւան-Սեւան աւտոճանապարհի 25-րդ կիլոմետրի հատւածում, Range-Rover մակնիշի 50 LU 501 համարանիշի աւտոմեքենայի վարորդը մեքենան վարելու ընթացքում դուրս է եկել ճանապարհի երթեւեկելի հատւածից եւ գլորւել ձորը: Ինչպէս դէպքի վայրից NEWS.am-ին յայտնեց ֆոտոլրագրող Գագիկ Շամշեանը, մեքենան գլորւել է մօտ 100-150 մետր:
Շամշեանի փոխանցմամբ, վթարի հետեւանքով մէկը տեղում մահացել է, իսկ մէկը մարմնական տարբեր աստիճանի վնասւածքներ է ստացել: Դէպքի վայր են ժանաել Հայաստանի Ճանապարհային ոստիկանութեան 2-րդ գումարտակի 3-րդ վաշտի 1-ին դասակի աշխատակիցները, դասակի հրամանատար Արսէն Գրիգորեանի գլխաւորութեամբ: Մահացածի դին եւ վիրաւորին ձորից դուրս բերելու համար դէպքի վայր են ժամանել Հայաստանի Արտակարգ իրավիճակների նախարարութեան Փրկարար ծառայութեան յատուկ փրկարար ջոկատի աշխատակիցները: Փրկարարները մահացածի դին եւ վիրաւորին ձորից դուրս բերելուց յետոյ յանձնել են բժիշկներին:
Դէպքի վայրում Ոստիկանութեան քննչական գլխաւոր վարչութեան Կոտայքի քննչական վարչութեան քննիչն ու փորձագէտը տեղազննման աշխատանքներ են կատարել, որից յետոյ քննիչը մեկնեց Երեւան Սուրբ Գրիգոր Լուսավորիչ բժշկական կենտրոն ճշտելու մահացածի եւ վիրաւորի ինքնութիւնը: Պարզւել է, որ վիրաւորը Երեւանի Էրեբունու փողոցի 22 շէնքի բնակիչ 38-ամեայ Արթուր Ռազմիկի Ֆիդանեանն է, ով ծանր վիճակում գտնւում է վերակենդանացման բաժանմունքում: Իսկ մահացածը Երեւանի Պուշկինի փողոցի բնակիչ Արման Ռուբիկի Վարդանեանն է: Ոստիկանութեան Կոտայքի մարզային քննչական բաժնում նիւթեր են նախապատրասւում:

Լուրեր Հայաստանից - NEWS.am

Սահմանին երկու զինւոր է վիրաւորւել

2011-01-17T11:10:00.001+03:30

Սահմանին երկու զինւոր է վիրաւորւել

10:24 • 17.01.11

Ղարաբաղա-ադրբեջանական զօրքերի շփման գծում հակառակորդը տարբեր տրամաչափի հրաձգային զէնքերից շարունակում է պարբերաբար խախտել հրադադարի պահպանման ռեժիմը: Միայն անցած շաբաթւայ ընթացքում ադրբեջանական բանակի առաջապահ ստորաբաժանումները Պաշտպանութեան Բանակի դիրքերի ուղղութեամբ արձակել են աւելի քան 550 կրակոց, որի հետևանքով հայկական կողմն ունեցել է վիրաւորներ:
Ինչպէս յայտնում են ԼՂՀ Պաշտպանութեան Բանակից, Յունւարի 14-ին ժամը 12.25-ի սահմանում շփման գծի հարաւարևելեան (Մարտունու) ուղղութեամբ հակառակորդի կողմից արձակւած գնդակից ձախ անրակի շրջանում հրազէնային վիրաւորում է ստացել շարքային զինծառայող 1992թ. ծնւած Վարդան Անդրանիկի Յարութիւնեանը:
Ժամը 12.50-ին տեղափոխւել է զինւորական հիւանդանոց: Վիճակը բաւարար է:
Դրանից մէկ օր անց` յունւարի 15-ին ժամը 17.20-ի սահմանում նմանատիպ մէկ այլ միջադէպ է արձանագրւել Ղարաբաղա-ադրբեջանական զօրքերի շփման գծի արևելեան (Ասկերանի) ուղղութեամբ: Հակառակորդի կողմից ձեռնարկւած հերթական հրաձգութեան արդիւնքում ձախ բազկի շրջանում հրազէնային վիրաւորում է ստացել Պաշտպանութեան Բանակի շարքային զինծառայող 1992թ. ծնւած Խաչատուր Մուրադի Ասլանեանը:
Ժամը 18.00-ին տեղափոխւել է զինւորական հիւանդանոց: Վիճակը բաւարար է: Վերոնշեալ միջադէպերի հետ կապւած միւս մանրամասները ճշտւում են:

Tert.am

Թուրքիայում եղբայրը 60 տեղից դանակահարել է հարազատ քրոջը

2011-01-17T10:19:00.002+03:30

Թուրքիայում եղբայրը

60 տեղից

դանակահարել է

հարազատ քրոջը

Յունւար 17, 2011 00:05

Թուրքիայի Ադանա քաղաքում հոգեկան խնդիրներ ունեցող Մեհմեդ Դեւրիմը 2 դանակով 60 տեղից դանակահարել եւ սպանել է 33-ամեայ հարազատ քրոջը:
Թուրքական Posta-ի փոխանցմամբ՝ ոստիկանութեանը յաջողւել է ձերբակալել դէպքի վայրից փախչող Մեհմեդին, ով յայտարարել է, թէ քրոջ մէջ մտել էր Լէյլա անունով մի ջին, եւ ինքն արել է այն, ինչ անհրաժեշտ էր:

Լուրեր Հայաստանից - NEWS.am

NY Times. Իսրայէլն իր ԱԷԿ-ում փորձարկել է Stuxnet վիրուսը

2011-01-17T09:52:00.002+03:30

NY Times.-

Իսրայէլն իր ԱԷԿ-ում փորձարկել է

Stuxnet վիրուսը

17:05 • 16.01.11

Իսրայէլն իր սեփական ԱԷԿ-ում անցկացրել է հզօր համակարգչային Stuxnet վիրուսի փորձարկում, որը կարող է շարքից հանել ատոմակայանը:
Ինչպէս յայտնում է The New York Times թերթը, դա դարձել է Իրանի կողմից միջուկային սպառնալիքի կանխարգելմանն ուղղւած ամերիկա–իսրայէլական համատեղ ջանքերի մի մասը:
Դրա համար իսրայէլական «Դիմոնա» գաղտնի ձեռնարկութիւնում ստեղծւել են ուրանի հարստացման իրանական Նաթանզ կենտրոնում առկայ պայմանները:
Թերթի տւեալներով` ամերիկացի և իսրայէլցի մասնագէտները երկու տարւայ ընթացքում խնամքով պահպանւող «Դիմոնեում» փորձարկել են համակարգչային «որդը»:
Թերթը մէջբերում է անանուն ռազմական փորձագէտների և «Դիմոնային» ծանօթ հետախուզութեան մասնագէտների յայտարարութիւնները, ըստ որոնց` այնտեղ տեղակայւած են ցենտրիֆուժներ, որոնք գործնականում համարժէք են Նաթանզում օգտագործւողներին:
Արևմտեան առաջնորդները մտավախութիւն ունեն, որ իրանական միջուկային ծրագիրը միայն ատոմային զէնք ստեղծելու համար քաղածածկոյթ է, չնայած Թեհրանը վստահեցնում է, որ իր նպատակը էլեկտրաէներգիայի արտադրութիւնն է:
Փորձագէտների կարծիքով` Իրանի միջուկային ծրագիրը, հաւանաբար, դարձել է պետական մասնակցութեամբ Stuxnet վիրուսի կիրառմամբ յարձակման թիրախ:

Tert.am

Սաադ Հարիրին Անկարայում

2011-01-17T09:06:00.002+03:30

Սաադ Հարիրին Անկարայում

Նրա այցի գլխաւոր առաջադրանքը Թուրքիայի միջնորդութեամբ կառավարական ճգնաժամի յաղթահարումն է Լիբանանում:

Յունւար 16, 2011թ. 16:18
Երէկ Անկարայումՙ վարչապետ Ռեջեփ Թայիփ Էրդողանի գլխաւորութեամբ Թուրքիայի ղեկավարութեան հետ հանդիպումներ է ունեցել Լիբանանի վարչապետ Սաադ Հարիրին: Հանդիպումներում, որպէս առաջնահերթ խնդիր, քննարկւել է կառավարական ճգնաժամի յաղթահարումը: Կյաջողւի՞ Թուրքիայի միջնորդութեամբ յաղթահարել այս ճգնաժամը Լիբանանում, ցույց կտայ ժամանակը: Բայց որ Լիբանանը 2005-ին Սաադի հօրՙ նախկին վարչապետ Ռաֆիկ Հարիրիի սպանութիւնից յետոյ ապակայունացել է, եւ անկայունութիւնը երկրի համար մշտական գործօն է դարձել, ակնյայտ է:
Այլ կերպ, Լիբանանի խնդիրը ոչ այնքան Սաադ Հարիրիի գլխաւորած կառավարութեան ճգնաժամն է, որքան ճգնաժամային այն իրավիճակը, որից երկիրը արտաքին միջամտութիւնների պատճառով ոչ մի կերպ դուրս չի գալիս: Ըստ երեւոյթին ոչ էլ դուրս կգայ, քանի որ ճգնաժամի յաղթահարումը երկրի ներքին գործերին միջամտելու հնարաւորութիւնից կզրկի ինչպէս միջազգային ուժերին, այդպէս էլ այս ուժերի միջնորդութեամբ Լիբանանում քաղաքական ներկայութիւն ապահովող Իսրայէլին:
Յամենայն դէպս, յունւարի 12-ին, երբ Վաշինգտոնում Սաադ Հարիրին բանակցում էր նախագահ Բարաք Օբամայի հետ, նրա կառավարութեան 11 նախարարներ, որոնք ներկայացնում էին «Հէզբօլլահին», «Ամալին» եւ «Ազատ հայրենասիրական շարժումը», հրաժարական էին տւել: Հրաժարականի պատճառաբանութիւնը Ռաֆիկ Հարիրիի սպանութիւնը հետաքննող միջազգային յանձնաժողովի յատուկ դատարանի սպանութեան մէջ «Հէզբօլլահին» մեղաւոր ճանաչելու հետեւութիւնն էր:
Թէեւ «Հէզբօլլահը», համարելով սպանութիւնը ամերիկա-իսրայէլական դաւադրութիւն, հերքել էր մեղադրանքը, սակայն ո՛չ ԱՄՆ-ի, ո՛չ Իսրայէլի, ո՛չ էլ Սաուդեան Արաբիայի միջնորդութեամբ Վաշինգտոնի վերահսկողութեան տակ գտնւող վարչապետ Սաադ Հարիրիի եւ նրա կառավարութեան խնդիրը սպանութեան գործի բացայայտումը չէ, այլ սպանութիւնը հետաքննող յանձնաժողովի յատուկ դատարանի հետեւութիւնը Լիբանանում «Հէզբօլլահին» չեզոքացնելու նպատակով օգտագործելու չարանենգ նկրտումը:
Այսինքն, Սաուդեան Արաբիայի միջնորդութեամբ ԱՄՆ-ի վերահսկողութեան տակ գտնւող Սաադ Հարիրիի կառավարութիւնը փլուզւել է հէնց «Հէզբօլլահին» չեզոքացնելու այդ նկրտման պատճառով, որը միաժամանակ Լիբանանի անկայունութեան գլխաւոր պատճառն է նաեւ: Հետեւաբար, քանի դեռ Միացեալ Նահանգները, միջազգային միւս ուժերն ու Իսրայէլը չեն հրաժարւել «Հէզբօլլահին» չեզոքացնելու ծրագրից, որն, ի տարբերութիւն ԱՄՆ-ի եւ Սաուդեան Արաբիայի դրածոյ համարւող Սաադ Հարիրիի կառավարութեան, մեծ ժողովրդականութիւն է վայելում երկրում եւ ամուր դիրքեր ունի, Լիբանանը կայունանալ չի կարող:
Սակայն խնդիրն ինքնին «Հէզբօլլահին» չեզոքացնելու ամերիկա-իսրայէլական ծրագիրն էլ չէ, այլ Լիբանանում Իրանի Իսլամական Հանրապետութեան դէմ «Հէզբօլլահի» պատրւակով ծաւալւող ԱՄՆ-ի եւ նրա դաշնակիցների չյայտարարած պատերազմը: 2006-ին Լիբանանի դէմ սանձազերծած պատերազմում Իսրայէլը խայտառակ պարտութիւն կրեց «Հէզբօլլահից»: Չի բացառւում, որ Լիբանանում պատերազմ սանձազերծելու դէպքում Իրանն էլ «Հէզբօլլահի» օրինակով պարտութեան մատնի ԱՄՆ-ին եւ նրա դաշնակիցներին:
Դրանով իսպառ կձախողւի ոչ միայն Լիբանանում «Հէզբօլլահին» չեզոքացնելու ամերիկա-իսրայէլական ծրագիրը, այլեւ զուգահեռաբար ի չիք կդառնայ նաեւ տարածաշրջանում Սաուդեան Արաբիայի գլխաւորութեամբ հակաշիական կոալիցիայ ձեւաւորելու եւ դա Իրանի Իսլամական Հանրապետութեանը հակադրելու Վաշինգտոնի միւս ծրագիրը:
Այս զարգացումը, ինչ խօսք, կյանգեցնի տարածաշրջանում Իրանի ազդեցութեան աննախադէպ ամրապնդմանն ու խթան կհանդիսանայ հակաամերիկեան տրամադրութիւնների հետագայ ծաւալման համար: Այսպիսով, Մ. Նահանգները դիրքեր կկորցնեն Մերձաւոր եւ Միջին Արեւելքում, ամերիկեան ծրագրերի ձախողման պայմաններում կսպառւեն Վաշինգտոնի միջինարեւելեան քաղաքականութեան դիրքերը, վերջինն այսպիսով կզրկւի ոչ միայն որդեգրած քաղաքականութիւնը վերանայելու, նոյնիսկ արդիւնաւէտ նոր քաղաքականութիւն մշակելու հնարաւորութիւնից:
Այլ կերպ, եթէ «Հէզբօլլահը» վտանգում է Լիբանանում ԱՄՆ-ի եւ Իսրայէլի ծրագրերը, ապա Իրանի Իսլամական Հանրապետութիւնն էլ տարածաշրջանում լուրջ վտանգ է ներկայացնում ամերիկեան քաղաքականութեան հետագայ ընթացքի համար: Սակայն «Հէզբօլլահը» Լիբանանում, իսկ Իրանըՙ Մերձաւոր եւ Միջին Արեւելքում պաշտպանողական մեծ ներուժ ունեն, հակառակ դրան, Մ. Նահանգներըՙ բազում անհետաձգելի խնդիրներ: Թերեւս տարածաշրջանում Իրանի դիրքերի աննախադէպ ամրապնդման հանգամանքը կարող է կառավարական ճգնաժամի յաղթահարման հարցում Թուրքիայի առջեւ միջնորդութեան հեռանկարներ բացել Լիբանանում, սակայն այդ միջնորդութիւնը նախ պէտք է փոխհամաձայնեցւած լինի Վաշինգտոնի հետ եւ դրան նախապէս հաւանութիւն տայ նաեւ Իսրայէլը: Մինչդեռ Թուրքիան ե՛ւ ԱՄՆ-ի, ե՛ւ Իսրայէլի հետ ներկայիս ունի լուրջ տարաձայնութիւններ:

ՅԱԿՈԲ ՉԱՔՐԵԱՆ ,

«Ազգ»
ArmAr.am

يخبندان تا پايان هفته در پايتخت ادامه دارد

2011-01-17T08:13:00.002+03:30

يخبندان تا پايان هفته در پايتخت ادامه دارد

تهراني‌ها سردترين سه‌شنبه را تجربه مي‌كنند

Դիտել Պարսկերէն Բաժնում.–

http://vartandav.blogspot.com/2011/01/blog-post_9477.html

Չինացիներն ուրախ են ներդրում կատարել հայկական հանքավայրերում

2011-01-17T07:59:00.002+03:30

Չինացիներն ուրախ են ներդրում կատարել

հայկական հանքավայրերում

Յունւար 16, 2011 00:24

Չինական Fortune Oil-ի գործադիր տնօրէն Տի Կիամ Պունը յայտարարել է, որ ընկերութիւնն ուրախ է ներդրում կատարել Հայաստանի երեք երկաթահանքերում եւ իրացնել նոր ռեսուրսային ռազմավարութիւն:
NEWS.am-ը տեղեկացրել էր, որ Հոնկոնգում գտնւող Fortune Oil ընկերութիւնը, որը նեդրումներ է իրականացնում Չինաստանի նաւթային եւ գազային նախագծերում, Յունւարի 12-ին 24 միլիոն դոլար է ներդրել Bounty Resources Armenia Limited ընկերութեան կապիտալի 35 տոկոսը ձեռք բերելու համար: Bounty Resources Armenia Limited-ին են պատկանում Աբովեանի, Հրազդանի եւ Սւարացի երկաթահանքերը: Fortune Oil-ի պաշտօնական կայքը հաղորդում է, որ այդ հանքավայրերի լիցենզիան տրւել է Nagin ՍՊԸ-ին, որը Caspian Bounty Steel Limited-ի դուստր ընկերութիւնն է: Caspian Bounty Steel Limited-ն էլ Bounty Resources Armenia Limited-ի դուստր ընկերութիւնն է:
Fortune Oil-ը նաեւ 2 միլիոն դոլարով գնել է փոքրամասնութիւնում մնացած CBSL-ի 16,7 տոկոս բաժնէտոմսերը: BRAL-ում եւ CBSL-ում արւող ներդրումները ֆինանսաւորւում են ընկերութեան կանխիկ պահուստային միջոցներով:
Պայմանագրի համաձայն` Fortune Oil-ն ունի հնարաւորութիւն BRAL-ի կապիտալի եւս 15 տոկոսի դիմաց կատարել լրացուցիչ 16 միլիոն դոլարի ներդրում: Դրա արդիւնքում ամբողջ ներդրումը կկազմի 40 միլիոն դոլար, որով Fortune Oil-ին կանցնի BRAL-ի կապիտալի 50 տոկոսը:
BRAL-ն այժմ ունի միայն մէկ երկրորդ բաժնետէր` Bounty Investment Holdings Limited, որը ներդրումային հոլդինգային ընկերութիւն է: Այն տարբեր նախագծեր է իրականացնում էներգետիկայի եւ ռեսուրսային ոլորտներում: Fortune Oil-ը բոլոր ներդրումները Հայաստանում իրականացնում Giant Global Development Limited դուստր-ընկերութեան միջոցով:
Չինական Fortune Oil-ի գործադիր տնօրէն Տի Կիամ Պունը յայտարարել է, որը Չինաստանում գրանցւում է ռեսուրսների պահանջարկի մշտական աճ եւ հայկական հանքավայրերի զգալի պաշարները համագործակցութիւնը գրաւիչ են դարձնում եւ առաջիկայ տարիներին այս դրական ներդրման շնորհիւ ընկերութիւնը թռիչքաձեւ առաջընթաց է սպասում:
2000-2010թթ. երկաթահանքի ներկրումը Չինաստան 69 միլիոն տոննայից հասել է 619 միլիոն տոննայի: 2011-ին սպասւում է երկաթահանքի ներկրման աճ մինչեւ 712 միլիոն տոննայ:
Հայկական հանքավայերի մասին.
***– Հրազդանի հանքավայրի շահագործումը կսկսւի առաջինը: Երկաթահանքն ունի բարձ որակ` 40% երկաթ, շատ մօտ է գտնւում երկրի մակերեսին: Ենթակառուցւածքների` ջրագծերի, երկաթգծի, աւտոմայրուղիների, լոկալ էլեկտրակայանի առկայութիւնը հնարաւորութիւն է տալիս արագ շահագործել հանքավայրը: Սկիզբը նախատեսւում է 2014-ին` տարեկան 1,5-2,0 միլիոն տոննայ հզօրութեամբ: Երկաթահանքային խտանիւթի քանակը կկազմի տարեկան 800 հազարից մինչեը 1 միլիոն տոննայ: Հրազդանի պաշարները կազմում են 77 միլիոն տոննայ: Դրանցից 37 միլիոնը հաստատւած է, 40 միլիոնը` հաւանական: Շահագործումը նախատեսւում է իրականացնել 15 տարում: Արտադրանքը երկաթգծով կտեղափոխւի կամ Վրաստանի, կամ Թուրքիայի, կամ Իրանի նաւահանգիստ: Վերջնական շուկան կլինի Չինաստանը:
***– Աբովեանի հանքավայրի շահագործումը կսկսւի երկրորդը: Պաշարներն աւելի խորադիր են, քան Հրազդանում: Աբովեանի հանքավայրի պաշարները գնահատւում են 255 միլիոն տոննայ` 84 միլիոն տոննայ հաստատւած եւ 171 միլիոն տոննայ հավանական, ինչը թոյլ կտայ տարեկան մօտ 20 միլիոն տոննայ երկաթահանք մշակել եւ արտադրել 8 միլիոն տոննայ խտանիւթ: Աբովեանի ենթակառուցւածքային բազան նոյնն է, ինչ Հրազդանում: Աբովեանի հանքավայրը նախատեսւում է շահագործել 10 տարում:
*** – Սւարանցի հանքավայրի շահագործումը կսկսւի վերջինը: Դրա գնահատումը գտնւում է սկզբնական փուլում: Սւարանցի պոտենցիալ պաշարները գնահատւում են 1500 միլիոն տոննայ:
BRAL ընկերութիւնը գրանցւել է 2010թ. յունիսին: BRAL-ի միակ ակտիւն անուղղակի մասնակցութիւնն է նշւած հանքերի կապիտալում: Ընկերութիւնը դեռեւս շահոյթ չի գրանցել:

Լուրեր Հայաստանից - NEWS.am