ՆԱՏՕ-ում ՀՀ Առաքելութեան ղեկավարը Անտվերպենում պատմել է հայերի դէմ Ադրբեջանի ագրէսիայի մասին
11:56 • 27.03.10
Մարտի 25-ին ՆԱՏՕ-ում ՀՀ Առաքելութեան ղեկավար Սամւէլ Մկրտչեանը Հայաստանի անվտանգութեան քաղաքականութեանը և Հարաւային Կովկասի անվտանգութեան խնդիրներին նւիրւած դասախօսութեամբ հանդէս եկաւ Անտվերպենի «Լեսիուս» համալսարանական քոլեջում: Միջոցառմանը մասնակցեցին դասախօսներ, ուսանողներ, Եւրոպական յանձնաժողովի և այլ միջազգային կազմակերպութիւնների ներկայացուցիչներ։
![](https://blogger.googleusercontent.com/img/b/R29vZ2xl/AVvXsEjtJJt2H1CqjG_nz9Qb7btrb3qLfbQa3ybw8-5N3ULcfRUBRD6QF6_k-f5CizBpb2ht5PZdUuKWqut3hUQ34M2EsBGBuJp21mYShfvNbuN2bS9gG4jbowbjmfIlUtJHrIMEUVVTPY6sqHE/s400/Gayl.jpg)
Ներկայացնելով Հայաստանի անվտանգութեան քաղաքականութեան ընդհանուր դրոյթները, որոնք միտւած են տարածաշրջանում առկայ հակասութիւնների յաղթահարմանը, ընդհանուր շահերի շեշտադրմանը, բաժանարար գծերից ազատմանը` առաքելութեան ղեկավարը անդրադարձաւ ՀԱՊԿ-ին անդամակցութեանը, ՆԱՏՕ-ի հետ գործընկերային յարաբերութիւնների զարգացմանը, անմիջական հարեւանների` Վրաստանի եւ Իրանի հետ յարաբերութիւններին:
Սամւէլ Մկրտչեանը հանգամանալից ներկայացրեց Ղարաբաղեան հակամարտութեան պատմական ակունքները, Ադրբեջանի վարած խտրական քաղաքականութիւնը, ԼՂ ժողովրդի դէմ Ադրբեջանի սանձազերծած ագրէսիան և դրա հետևանքները, հիմնախնդրի կարգաւորման ջանքերը:
Հիւսիս–ատլանեան դաշինքում ՀՀ դեսպանը ներկայացրեց նաև Հայաստանի և Թուրքիայի յարաբերութիւնների կարգաւորման գործընթացը ինչպէս նաև այն արհեստական պատրւակներով ձգձգելու թուրքական կողմի փորձերը։
Tert.am
0 Պատգամ:
Post a Comment