«Միանշանակ ո՛չ, քանի որ դրանք մենք ձեռք ենք բերել արեամբ և իրաւունք չունենք գրչով յանձնելու: Սերունդները մեզ չեն ների»
Եթէ մի քանի ամիս առաջ պատեհ-անպատեհ ամէն առիթով իւրաքանչիւրն իր պարտքն էր համարում յայտարարել, որ Արցախի խնդիրը պէտք է կարգաւորւի «փոխզիջումային» տարբերակով («Ազատագրւած տարածքները յանձնենք, որ Արցախը պահենք, ու պատերազմ չլինի» կարգախօսով), այժմ, սակայն, յաճախակի է հնչում այն կարծիքը, որ այդ հողերը պատմական Հայաստանի մի մասն են, և ոչ մի դէպքում չպէտք է լինեն Ադրբեջանի կազմում:
«Ինչպէ՞ս էք վերաբերւում Արցախը շրջապատող ազատագրւած տարածքներն Ադրբեջանին յանձնելու գաղափարին, և այն ընդունելի՞ է Ձեզ համար» հարցին Գիւմրու հասարակական-քաղաքական ուժերը տարբեր կերպ են արձագանքել:
«Միանշանակ ոչ, դա գաղափար չէ. դրանք Հայաստանի անբաժանելի մասն են»,- հարցի վերաբերեալ յստակ արտայայտւել է ՀՅԴ Շիրակի մարզային կոմիտէի ներկայացուցիչ Արտակ Աւետիսեանը:
«Ես՝ որպէս ազատամարտիկ, միանշանակ դէմ եմ արիւնով նւաճւած հողերը մէկ ստորագրութեամբ յանձնելուն: Դրանք սոսկ հողեր չեն, այլ մեր պատմական հայրենիքի մի մասնիկը, աւելին՝ այսօր ՀՀ-ի և ԼՂՀ-ի անվտանգութեան կարևորագոյն երաշխիքը: Սա իմ մասնաւոր կարծիքն է»,- ասել է ՀԱԿ Գիւմրու տարածքային կազմակերպութեան ղեկավար Աշոտ Զաքարեանը:
Նոյն հարցի կապակցութեամբ պատմաբան Արշաւիր Գասպարեանն ասել է. «Միանշանակ ոչ, քանի որ դրանք մենք ձեռք ենք բերել արեամբ և իրաւունք չունենք գրչով յանձնելու: Սերունդները մեզ չեն ների»:
Իսկ Գիւմրու հանրապետականների մամլոյ խօսնակ Սամւէլ Աղանյեանը պատասխանել է. «Մեր կուսակցութիւնը նման խնդիր չի դրել, և այդպիսի բան չկայ ու չի կարող լինել:
Posts
0 Պատգամ:
Post a Comment