Դաշնակցութեան բողոքի միջոցառումները`
Նստացոյց եւ հացադուլ Երեւանի մէջ
Սեպտեմբեր 15ի ժամը 14:00ին, Երեւանի մէջ, կառավարութեան եւ արտաքին գործոց նախարարութեան շէնքերի դիմաց սկսել է ՀՅԴ Հայաստանի Գերագոյն մարմինի նախաձեռնած անժամկէտ նստացոյցն ու հացադուլը՝ հայ-թրքական արձանագրութիւնների դէմ:
50 հոգի, «Չուրանա՛նք, չզիջե՛նք, ընդվզե՛նք» եւ «Նախապայմաններին՝ ո՛չ» վերտառութեամբ պաստառներով նստած են շուրջօրեայ նստացոյցի, իսկ շուրջ 24 անձ՝ հացադուլի: Վերջիններս պարբերաբար վանկարկում են՝ «Ո՛չ մի զիջում թուրքերին. Նալբանդեան հեռացիր»:
«Հայաստանի եւ Թուրքիայի հանրապետութիւնների միջեւ Օգոստոս 31ին նախաստորագրւած արձանագրութիւնների յետագայ ճակատագիրը պիտի որոշուի երկու երկրների մէջ խորհրդարանական եւ հասարակական քննարկումներից յետոյ։
Վերոնշեալ ցոյցերը պիտի արտայայտեն այդ փաստաթղթերի շուրջ ՀՅԴի եւ համակիր հասարակութեան կարծիքը։ Բողոքի ցոյցեր պիտի կազմակերպւեն նաեւ Հայաստանի մարզերի, ինչպէս նաեւ Սփիւռքի մէջ։
Ըստ ՀՅԴ Հայաստանի ԳՄ ներկայա-ցուցիչ Արմէն Ռուստամեանի, նստացոյցը եւ հացադուլը պիտի շարունակւեն այնքա՛ն ժամանակ, երբ տակաւին չեն փոխւել արձանագրութիւնների բովանդակութիւնը:
«Այս գործողութիւնների նպատակն է մերժել պարտադրւող նախապայմանները, պահանջել հայութեան շահերը վտանգող փաստաթղթերի դրոյթների վերանայումը: Որքա՛ն էլ իշխանութիւնները յայտարարեն, որ նախապայմաններ չկան, մեր գնահատականը շատ յստակ է՝ այդ փաստաթուղթը կանխորոշում է յարաբերութիւնների կարգաւորում յօգուտ Թուրքիայի: Սա յստակ է:
Այսինքն, եթէ մենք սա ստորագրում ենք, ապա արդէն յաջորդ օրւանից այդ նախապայմաններն իրականացման գործընթացի մէջ են մտնում: Ասում են, թէ արձանագրութիւններում չկայ Կարսի պայմանագիրը. այդ դէպքում ինչո՞ւ է գրւած, որ ճանաչում ենք սահմանները:
Այդ սահմաններն ամրագրւած են միայն 1921 թւականի Կարսի պայմանագրով, ուրիշ որեւէ պայմանագիր նման սահման չի ամրագրում: Մեր նպատակն է ժողովրդին բացատրել, ներկայացնել խնդիրները, որպէսզի տպաւորութիւն չստեղծւի, թէ Դաշնակցութիւնը մերկապարանոց յայտարարութիւններ է անում, հակաթուրք կուսակցութիւն է, եւ թէ ի՛նչ էլ արւի, նրանց դուր չի գալու:
Մեր խնդիրը հանրութեանը իրական փաստեր ներկայացնելն է», Ասել է Ա. Ռուստամեանը՝ աւելցնելով, թէ իրենք անպայման կը մասնակցեն Սեպտեմբեր 17ին Հայաստանի նախագահի հրաւիրած քննարկումներին:
ՀՅԴ Բիւրոյի անդամ, ԱԺ ՀՅԴ խմբակցութեան ղեկավար Վահան Յովհաննիսեանը եւս յայտնել է, որ ցոյցերը պիտի շարունակւեն այնքան ժամանակ, որ պէտք է շարունակւեն: «Մեր այս բողոքը նաեւ երեւոյթի դէմ է. իրականում այսօր մեր երկրում բանավէճ չկայ այդ արձանագրութիւնների շուրջ, եւ այս միջոցառումները նաեւ նպատակ ունեն հասարակութեանը ներկայացնել այն փոփոխութիւնները, որոնք ՀՅԴ առաջարկում է անել այդ արձանագրութիւններում», ասել է Վահան Յովհաննիսեանը:
ՀՅԴ Բիւրոյի անդամ, ԱԺ ՀՅԴ խմբակցութեան ղեկավար Վահան Յովհաննիսեանը եւս յայտնել է, որ ցոյցերը պիտի շարունակւեն այնքան ժամանակ, որ պէտք է շարունակւեն: «Մեր այս բողոքը նաեւ երեւոյթի դէմ է. իրականում այսօր մեր երկրում բանավէճ չկայ այդ արձանագրութիւնների շուրջ, եւ այս միջոցառումները նաեւ նպատակ ունեն հասարակութեանը ներկայացնել այն փոփոխութիւնները, որոնք ՀՅԴ առաջարկում է անել այդ արձանագրութիւններում», ասել է Վահան Յովհաննիսեանը:
Նա չի բացառում նստացոյցի մասնակիցների նկատմամբ բռնութիւնները, սակայն վստահեցնում է, որ պատասխանը համարժէք պիտի լինի:
Միւս կողմից, ՀՅԴ Բիւրոյի Հայ Դատի գրասենեակի եւ քաղաքական հարցերի գրասենեակի պատասխանատու Կիրօ Մանոյեանի կարծիքով, իշխանութիւնները արձանագրութիւնների մէջ փոփոխութիւններ անելու ցանկութիւն չունեն եւ կը փորձեն իրենց տեսակէտները քարոզել ժողովրդին:
Միւս կողմից, ՀՅԴ Բիւրոյի Հայ Դատի գրասենեակի եւ քաղաքական հարցերի գրասենեակի պատասխանատու Կիրօ Մանոյեանի կարծիքով, իշխանութիւնները արձանագրութիւնների մէջ փոփոխութիւններ անելու ցանկութիւն չունեն եւ կը փորձեն իրենց տեսակէտները քարոզել ժողովրդին:
Ըստ նրա, Դաշնակցութիւնը մտահոգ է արձանագրութիւնների երկու կէտով՝ սահմանների ճանաչման վերաբերեալ դրոյթը եւ Ցեղասպանութեան հարցը ոսումնասիրող պատմաբանների յանձնաժողովի ստեղծումը:
«Զարմանում ենք՝ ինչպէս են կուրօրէն հետեւում Թուրքիայի այս դիւանագիտութեան խորամանկութեանը, ու պիտի մինչեւ վերջ բողոքենք ու ամէն քայլ էլ անելու ենք՝ հասնելու մեր նպատակին», նշել է նստացոյցին մասնակից Լիլիթ Լալայեանը, իսկ Արտակ Աւետիսեանը յայտնել է, թէ իրենց նպատակն է իշխանութիւներին մղել, որ հրաժարւեն իրենց մտքից՝ վերջնական ստորագրումից:
«Զարմանում ենք՝ ինչպէս են կուրօրէն հետեւում Թուրքիայի այս դիւանագիտութեան խորամանկութեանը, ու պիտի մինչեւ վերջ բողոքենք ու ամէն քայլ էլ անելու ենք՝ հասնելու մեր նպատակին», նշել է նստացոյցին մասնակից Լիլիթ Լալայեանը, իսկ Արտակ Աւետիսեանը յայտնել է, թէ իրենց նպատակն է իշխանութիւներին մղել, որ հրաժարւեն իրենց մտքից՝ վերջնական ստորագրումից:
«Մենք թերեւս լաւատես ենք, որ մի փոքր իշխանութիւնների մէջ մնացել է ազգասիրութեան, ողջամտութեան հատիկ: Ու էդ հատիկի վրայ մենք փորձում ենք կառուցել միւս տրամաբանութիւնները»:
Նշենք, որ նստացոյցին զուգահեռ կազմակերպւել է նաեւ ստորագրահաւաք:
Նշենք, որ նստացոյցին զուգահեռ կազմակերպւել է նաեւ ստորագրահաւաք:
Posts
0 Պատգամ:
Post a Comment