Րաֆֆի Յովհաննիսեան.–
Վարչակարգն փորձում է լեգիտիմութեան պակասը կոծկել դիմելով արեւմտեան շահերի «քիմքին» հաճոյ քայլերի
«Երբ Թուրքիան, Հայաստանը եւ միջնորդ պետութիւնները գիտակցեն առանցքային այս մարտահրաւէրի լրջութիւնը, թերեւս փոխէն իրենց „արագութիւնները“, առաջնորդւեն ժողովրդավարութեան թելադրանքով եւ իրաւունքի իշխանութեամբ, դիմագրաւեն ու սրբագրէն պատմութիւնն ու անարդարութիւնների նրա ժառանգութիւնը:
13:46 / 04.12.2009
«Ժառանգութիւն» կուսակցութեան առաջնորդ Րաֆֆի Յովհաննիսեանը հանդէս է եկել յայտարարութեամբ, որտեղ անդրադառնում է Հայ-թուրքական զարգացումներին:
Նա մասնաւորապէս, նշում է, որ Թուրքիայում աստիճանաբար երեւան է գալիս թուրքերի պարկեշտ, ազատախոհ մի դաս եւ Թուրքիայում սկսում են ուշացումով գիտակցել, որ իրենց երկիրը երբէք չի կարող մուտք գործել քաղաքակիրթ աշխարհ, քանի դեռ դէմ-հանդիման չի ելել սեփական պատմութեան մութ, իր դաժանութեամբ աննախադէպ էջերին:
Այնուհետեւ անդրադառնալով հայ-թուրքական արձանագրութիւններին, Ր. Յովհաննիսեանն ասում է. «Արձանագրութիւնների պատմական նշանակութեան վերաբերեալ մակերեսային եւ ինքնագոհ գնահատականները` անկախ նրանից, թէ որտեղից են դրանք հնչում` Վաշինգտոնից, Բրիւսելից կամ Մոսկւայից, կարծես միտումնաւոր թաքցնում են հիմնարար մի քանի ճշմարտութիւններ:
Հայաստանի ներկայիս վարչակարգն իրաւունք չունի Հայ ժողովրդի անունից խօսելու դարակազմիկ այս հարցի շուրջ:
2007-2008թթ. իշխանութեան գալով կեղծարարութեան, խաբէութեան եւ տասնեակ քաղաքացիների արեան գնով, վարչակարգն այժմ փորձում է լեգիտիմութեան պակասը կոծկելու համար դիմել արեւմտեան շահերի „քիմքին“ հաճոյ արտաքին քաղաքական քայլերի` իրականում, սակայն, որոնելով փոխհատուցումներ աւտորիտար գործելակերպի դիմաց: Տրւելով „գէոպրագմատիզմի“ ծանր հրետանու պարտադրանքին, „միջազգային հանրութիւնը“ մէկ անգամ եւս վտանգաւոր քայլ կատարեց` անտեսելով ժողովրդավարութեան սկզբունքները եւ խնդիրներն ըստ այդ սկզբունքների լուծելու պատշաճ կարգը»:
Նա նաեւ ընդգծում է. «Հայ-թուրքական արձանագրութիւնները, որոնք այժմ քննարկւում եւ արժանանում են բուռն շնորհաւորանքների, պարունակում են անօրինական դէ-ֆակտօ սահմանի հաստատմանն առնչւող յղումներ` առանց միաժամանակ լուծելու Թուրքիայի կողմից` որպէս մարդկութեան դէմ ոճրագործութիւն (Ցեղասպանութիւնն ու դրան յաջորդած թուրք-ռուսական դաւադրութիւնը) կատարած երկրի, ապաշխարանքի ու հատուցման, վերականգնման ու վերադարձի իրաւախնդիրները:
Նա նաեւ ընդգծում է. «Հայ-թուրքական արձանագրութիւնները, որոնք այժմ քննարկւում եւ արժանանում են բուռն շնորհաւորանքների, պարունակում են անօրինական դէ-ֆակտօ սահմանի հաստատմանն առնչւող յղումներ` առանց միաժամանակ լուծելու Թուրքիայի կողմից` որպէս մարդկութեան դէմ ոճրագործութիւն (Ցեղասպանութիւնն ու դրան յաջորդած թուրք-ռուսական դաւադրութիւնը) կատարած երկրի, ապաշխարանքի ու հատուցման, վերականգնման ու վերադարձի իրաւախնդիրները:
Հետեւապէս` խնդրոյ առարկայ փաստաթղթերն ի սկզբանէ անվաւեր են, անբարոյ ու մեռելածին: Դժբախտաբար, որքան էլ բարի նպատակներ հետապնդեն սեղանին դրւած փաստաթղթերը, որքան էլ ոմանք փորձեն դրական լոյսով ներկայացնել կամ, երբեմն էլ, PR „միաւորներ“ հաւաքել, միեւնոյն է` դրանք յուսալի հիմք չեն Թուրքիա-Հայաստան յարաբերութիւնների ամբողջական ու յարատեւող կարգաւորման, ինչպէսեւ երկու երկրների ժողովուրդների միջեւ յիրաւի պատմական հաշտութեան համար: Դրանք ընդամէնն ախորժալուր, բայց խաբուսիկ ցուցափեղկ են, եւ ուրիշ ոչինչ»:
«Երբ Թուրքիան, Հայաստանը եւ միջնորդ պետութիւնները գիտակցեն առանցքային այս մարտահրաւէրի լրջութիւնը, թերեւս փոխէն իրենց „արագութիւնները“, առաջնորդւեն ժողովրդավարութեան թելադրանքով եւ իրաւունքի իշխանութեամբ, դիմագրաւեն ու սրբագրէն պատմութիւնն ու անարդարութիւնների նրա ժառանգութիւնը: Նոյն ոգով` թուրք-հայկական փոխառնչութիւնների բնականոնացումը Լեռնային Ղարաբաղի հիմնահարցի հանգուցալուծմամբ պայմանաւորելու փոխարէն շահագրգիռ կողմերն ի վերջոյ կը ճանաչեն Արցախի` յետ–ստալինեան ապագաղութացման, ազատութեան ու ինքնիշխան պետականութեան ի վերուստ տրւած օրինական իրաւունքը»,- նշել է նա:
«Երբ Թուրքիան, Հայաստանը եւ միջնորդ պետութիւնները գիտակցեն առանցքային այս մարտահրաւէրի լրջութիւնը, թերեւս փոխէն իրենց „արագութիւնները“, առաջնորդւեն ժողովրդավարութեան թելադրանքով եւ իրաւունքի իշխանութեամբ, դիմագրաւեն ու սրբագրէն պատմութիւնն ու անարդարութիւնների նրա ժառանգութիւնը: Նոյն ոգով` թուրք-հայկական փոխառնչութիւնների բնականոնացումը Լեռնային Ղարաբաղի հիմնահարցի հանգուցալուծմամբ պայմանաւորելու փոխարէն շահագրգիռ կողմերն ի վերջոյ կը ճանաչեն Արցախի` յետ–ստալինեան ապագաղութացման, ազատութեան ու ինքնիշխան պետականութեան ի վերուստ տրւած օրինական իրաւունքը»,- նշել է նա:
Posts
0 Պատգամ:
Post a Comment