Ազգայի ժողովի պատգամաւոր (ՀՅԴ) Արծւիկ Մինասեանը.–
Խորհրդարանական յանձնաժողովի դաշնակցական անդամները պահանջում են լրացուցիչ քննութիւն
Խորհրդարանական յանձնաժողովի դաշնակցական անդամները պահանջում են լրացուցիչ քննութիւն
16.09.2009
Իրինա Յովհաննիսեան
Մարտի 1-2-ի իրադարձութիւններն ու դրանց պատճառներն ուսումնասիրող խորհրդարանական յանձնաժողովի եզրակացութեան վերաբերեալ հրապարակած յատուկ կարծիքում յանձնաժողովի դաշնակցական անդամներ Արծւիկ Մինասեանն ու Արտիւշ Շահբազեանը անհամաձայնութիւն են յայտնել մարտի 1-ի առաւօտեան իրաւապահների գործողութիւններին տրւած գնահատականին՝ պահանջելով լրացուցիչ քննութիւն:
Յանձնաժողովը իրաւաչափ եւ համաչափ է որակել Ազատութեան հրապարակում, յարակից տարածքներում եւ Երեւանի քաղաքապետարանին յարող տարածքում ոստիկանութեան գործողութիւնները։ Դաշնակցական պատգամաւորները, մինչդեռ, կարծում են, որ առնւազն մասնակի դէպքերում կիրառւել է անհարկի ուժ եւ կասկածելի է ոստիկանութեան գործողութիւնների համաչափութիւնը:
Անհամաչափութեան դրսեւորման եւ ոչ իրաւաչափութեան մասին է արդէն իսկ խօսում «Չերեոմուխա – 7» յատուկ միջոցի ոչ իրաւաչափ կիրառումը:
«Երբ «Չերեոմուխա – 7» յատուկ միջոցներից մարդիկ են զոհւել, որը ընդհանրապէս մարդու դէմ չպիտի կիրառւէր, սա կարելի՞ է իրաւաչափ համարել», - «Ազատութիւն» ռադիոկայանի հետ զրոյցում ասաց Շահբազեանը:
Արձանագրելով, որ չեն բացայայտւել 10 զոհերի մահւան հանգամանքները՝ Դաշնակցութեան ներկայացուցիչները յատուկ կարծիքում պահանջում են լրացուցիչ քննութիւն։
Եթէ Դաշնակցութիւնը նման մտահոգութիւններ եւ առարկութիւններ ունէր, այդ դէպքում ինչո՞ւ ստորագրեց զեկոյցի տակ։ Ժամանակաւոր յանձնաժողովում ՀՅԴ-ի միւս ներկայացուցիչ Արծւիկ Մինասեանը այս հարցին պատասխանեց. - «Մեր խնդիրը ամենեւին ամէն պահի հակադրւելը չէ: Մենք շարժւում ենք այն մօտեցումով, որ հարկաւոր է լինել պահանջատէր… Մենք շարժւել ենք խորհրդարանի որոշմամբ սահմանւած կարգով, որը հնարաւորութիւն է տալիս անհամաձայնութիւնները յատուկ կարծիքի ձեւով կցել զեկոյցին»:
Ժամանակաւոր յանձնաժողովի զեկոյցը խորհրդարանական խմբակցութիւններին բաժանւել էր այսօր առաւօտեան, ինչը յարուցել էր յատկապէս «Ժառանգութիւն» խմբակցութեան դժգոհութիւնը։ Խմբակցութեան ղեկավար Ստեփան Սաֆարեանը «Ազատութիւն» ռադիոկայանի հետ զրոյցում կարծիք յայտնեց, որ դա պատահական չէ. նման կարեւորագոյն զեկոյցները, ըստ նրա՝ «ուղղակի հապշտապ սղացւում են»։ Իսկ զեկոյցը գնահատեց անբաւարար. - «Առաւել եւս՝ եզրակացութիւնները տւեալ պարագայում համաչափ չեն անգամ զեկոյցում տեղ գտած որոշ փաստերին եւ եզրայանգումներին»:
Անընդունելի համարելով սպանութիւնների բացայայտմանը կոչւած յանձնաժողովի այն փաստարկները, որ իրենք նախաքննական մարմնի իրաւասութիւնները չունէին եւ բացայայտելը իրենց խնդիրը չէր՝ Սաֆարեանը ասաց, որ զեկոյցի անաչառութեան մասին խօսելը «անիմաստ է»:
«Ժառանգութիւն»-ը եւս անընդունելի է համարում ոստիկանութեան գործողութիւնների համաչափութեան մասին ձեւակերպումները:
Մինչդեռ իշխող Հանրապետական խմբակցութեան քարտուղար Էդւարդ Շարմազանովը «Ազատութիւն» ռադիոկայանի հետ զրոյցում զեկոյցը որակեց «օբյեկտիւ». - «Մարդիկ ազնիւ աշխատեցին եւ արեցին այն, ինչ հնարաւոր էր»:
Ինչ վերաբերում է մահւան հանգամանքների չբացայայտմանը եւ լրացուցիչ քննութիւն անցկացնելու առաջարկներին, ապա Շարմազանովի կարծիքով, դա նախաքննական մարմնի գործն է:
«Բարգաւաճ Հայաստան» խմբակցութեան պատգամաւոր Նաիրա Զոհրաբեանն ասաց, որ պաշտօնական դիրքորոշումը կը յայտնեն զեկոյցի ամբողջական հրապարակումից յետոյ:
Անհամաչափութեան դրսեւորման եւ ոչ իրաւաչափութեան մասին է արդէն իսկ խօսում «Չերեոմուխա – 7» յատուկ միջոցի ոչ իրաւաչափ կիրառումը:
«Երբ «Չերեոմուխա – 7» յատուկ միջոցներից մարդիկ են զոհւել, որը ընդհանրապէս մարդու դէմ չպիտի կիրառւէր, սա կարելի՞ է իրաւաչափ համարել», - «Ազատութիւն» ռադիոկայանի հետ զրոյցում ասաց Շահբազեանը:
Արձանագրելով, որ չեն բացայայտւել 10 զոհերի մահւան հանգամանքները՝ Դաշնակցութեան ներկայացուցիչները յատուկ կարծիքում պահանջում են լրացուցիչ քննութիւն։
Եթէ Դաշնակցութիւնը նման մտահոգութիւններ եւ առարկութիւններ ունէր, այդ դէպքում ինչո՞ւ ստորագրեց զեկոյցի տակ։ Ժամանակաւոր յանձնաժողովում ՀՅԴ-ի միւս ներկայացուցիչ Արծւիկ Մինասեանը այս հարցին պատասխանեց. - «Մեր խնդիրը ամենեւին ամէն պահի հակադրւելը չէ: Մենք շարժւում ենք այն մօտեցումով, որ հարկաւոր է լինել պահանջատէր… Մենք շարժւել ենք խորհրդարանի որոշմամբ սահմանւած կարգով, որը հնարաւորութիւն է տալիս անհամաձայնութիւնները յատուկ կարծիքի ձեւով կցել զեկոյցին»:
Ժամանակաւոր յանձնաժողովի զեկոյցը խորհրդարանական խմբակցութիւններին բաժանւել էր այսօր առաւօտեան, ինչը յարուցել էր յատկապէս «Ժառանգութիւն» խմբակցութեան դժգոհութիւնը։ Խմբակցութեան ղեկավար Ստեփան Սաֆարեանը «Ազատութիւն» ռադիոկայանի հետ զրոյցում կարծիք յայտնեց, որ դա պատահական չէ. նման կարեւորագոյն զեկոյցները, ըստ նրա՝ «ուղղակի հապշտապ սղացւում են»։ Իսկ զեկոյցը գնահատեց անբաւարար. - «Առաւել եւս՝ եզրակացութիւնները տւեալ պարագայում համաչափ չեն անգամ զեկոյցում տեղ գտած որոշ փաստերին եւ եզրայանգումներին»:
Անընդունելի համարելով սպանութիւնների բացայայտմանը կոչւած յանձնաժողովի այն փաստարկները, որ իրենք նախաքննական մարմնի իրաւասութիւնները չունէին եւ բացայայտելը իրենց խնդիրը չէր՝ Սաֆարեանը ասաց, որ զեկոյցի անաչառութեան մասին խօսելը «անիմաստ է»:
«Ժառանգութիւն»-ը եւս անընդունելի է համարում ոստիկանութեան գործողութիւնների համաչափութեան մասին ձեւակերպումները:
Մինչդեռ իշխող Հանրապետական խմբակցութեան քարտուղար Էդւարդ Շարմազանովը «Ազատութիւն» ռադիոկայանի հետ զրոյցում զեկոյցը որակեց «օբյեկտիւ». - «Մարդիկ ազնիւ աշխատեցին եւ արեցին այն, ինչ հնարաւոր էր»:
Ինչ վերաբերում է մահւան հանգամանքների չբացայայտմանը եւ լրացուցիչ քննութիւն անցկացնելու առաջարկներին, ապա Շարմազանովի կարծիքով, դա նախաքննական մարմնի գործն է:
«Բարգաւաճ Հայաստան» խմբակցութեան պատգամաւոր Նաիրա Զոհրաբեանն ասաց, որ պաշտօնական դիրքորոշումը կը յայտնեն զեկոյցի ամբողջական հրապարակումից յետոյ:
Posts
0 Պատգամ:
Post a Comment