ՀՅԴ Բիւրոյի ներկայացուցիչ Հրանտ Մարգարեան.–
«Եթէ արձանագրութիւնները փոփոխութեան ենթակայ չեն, ուրեմն պարտադրւած են»
16.09.2009
Ռուզաննա ՍտեփանեանՀայ Յեղափոխական Դաշնակցութեան Բիւրոի ներկայացուցիչ Հրանտ Մարգարեանը չորեքշաբթի օրը «Ազատութիւն» ռադիոկայանի հետ զրոյցում ասաց, թէ նախագահ Սերժ Սարգսեանը, իր իսկ շահերից ելնելով, պէտք է զգաստանայ եւ չստորագրի Հայ-թուրքական յարաբերութիւններին առնչւող փաստաթղթերը, այլապէս «կը կորցնի իր պաշտօնը»:
«Որքան խորանում ենք այս արձանագրութիւնների տեքստի մէջ, թւում է, որ սա պարտադրւած պայմանագիր է, թւում է, որ հայկական կողմը չի բանակցել, ընդունել է փաստաթուղթը: Կարծում եմ, որ ինքը [Սերժ Սարգսեանը] հէնց իր շահերից ելնելով, պէտք է վերջապէս զգաստանայ եւ հրաժարւի ստորագրելուց: Պատասխանատւութեան հարց գոյութիւն ունի: Այդ պատասխանատւութիւնը ինքը պէտք է կրի: Այս ժողովուրդը վերջ ի վերջոյ այդ պատասխանատւութեան կանչելու է իրեն, եւ գինը ծանր է լինելու»:«Այս ամբողջ դժգոհութիւնները, որ այս երկրում կան՝ սոցիալական վիճակ, անարդարութիւններ... Այս ամբողջ իրավիճակը, որ գոյութիւն ունի, սա [հայ-թուրքական արձանագրութիւններին առնչւող հարցը] այն կաթիլն է, որ յորդելու է բաժակը», - շարունակեց Մարգարեանը՝ յաւելելով, որ հաւատում է, թէ արձանագրութիւնները ստորագրելու դէպքում նախագահը կը կորցնի իր պաշտօնը:
ՀՅԴ Գերագոյն մարմնի ներկայացուցիչ Արմէն Ռուստամեան.–
Դաշնակցութիւնը վաղը Սերժ Սարգսեանի հրաւիրած խորհրդակցութեան ընթացքում, ինչպէս «Ազատութիւն» ռադիոկայանին ասաց կուսակցութեան Գերագոյն մարմնի ներկայացուցիչ Արմէն Ռուստամեանը, փորձելու է պարզել, թէ փաստաթղթերում փոփոխութիւններ կատարելու հնարաւորութիւն կայ՞, թե՞ ոչ:
Իսկ եթէ պարզւի, որ փաստաթղթերը փոփոխութիւնների ենթակայ չեն, ապա Ռուստամեանի համոզմամբ, դա կը նշանակի, որ դրանք պարտադրւած են:
Իսկ եթէ պարզւի, որ փաստաթղթերը փոփոխութիւնների ենթակայ չեն, ապա Ռուստամեանի համոզմամբ, դա կը նշանակի, որ դրանք պարտադրւած են:
«Ուրեմն մեր գնահատականն էլ պէտք է ելնի հէնց դրանից. ինչո՞ւ հասանք նրան, որ մեզ հնարաւոր եղաւ այսպիսի բան պարտադրել», - յաւելեց Արմէն Ռուստամեանը:
Հրանտ Մարգարեանն ու Արմէն Ռուստամեանը «Ազատութիւն» ռադիոկայանի հարցերին պատասխանեցին Հանրապետութեան հրապարակում, որտեղ մի քանի տասնեակ Դաշնակցականներ հացադուլ եւ նստացոյց են անում՝ այդ կերպ իրենց բողոքն նախաստորագրւած արձանագրութիւնների դէմ:
Արմէն Ռուստամեանն ասաց, որ ինքը հացադուլին չի մասնակցի, բայց նստացոյցին մասնակցելու է:
Դաշնակցութիւնը երէկ սկսած բողոքի ակցիաները ծրագրում է շարունակել մինչեւ հոկտեմբերի 13-ը՝ արձանագրութիւնների քննարկումների համար նախատեսւած 6-շաբաթեայ ժամկէտի աւարտը։
Հրանտ Մարգարեանն ու Արմէն Ռուստամեանը «Ազատութիւն» ռադիոկայանի հարցերին պատասխանեցին Հանրապետութեան հրապարակում, որտեղ մի քանի տասնեակ Դաշնակցականներ հացադուլ եւ նստացոյց են անում՝ այդ կերպ իրենց բողոքն նախաստորագրւած արձանագրութիւնների դէմ:
Արմէն Ռուստամեանն ասաց, որ ինքը հացադուլին չի մասնակցի, բայց նստացոյցին մասնակցելու է:
Դաշնակցութիւնը երէկ սկսած բողոքի ակցիաները ծրագրում է շարունակել մինչեւ հոկտեմբերի 13-ը՝ արձանագրութիւնների քննարկումների համար նախատեսւած 6-շաբաթեայ ժամկէտի աւարտը։
Posts
0 Պատգամ:
Post a Comment