Վրաստանի իշխանութիւնները
կրկին ի ցոյց են դրել իրենց
լկտի կեցւածքը
«Վրաստանի իշխանութիւնների նման պահւածքի վերաբերեալ, ՀՀ
իշխանութիւնները մինչ օրս հրապարակային որևիցէ կեցւածք չեն դրսևորել,
պահպանելով քար լռութիւն տեղի ունեցածի մասին»
Նոյեմբեր 12, 2010թ. 17:50
Վերջերս Հայ–վրացական սահմանային անցակէտում տեղի է ունեցել մի միջադէպ, որի ժամանակ Վրաստանի իշխանութիւնները կրկին անգամ ի ցոյց են դրել Հայաստանի ու Ջաւախքում բնակւող հայերի նկատմամբ իրենց լկտի կեցւածքը, համահունչ ՀՀ իշխանութիւնների վարած պարտւողական և ամորֆ քաղաքականութեան։
«Ոսկէ Աշուն» ամսօրեակի շրջանակներում Ջաւախքի Ախալքալաք շրջանում և քաղաքում կազմակերպւել էին մշակութային միջոցառումներ, որտեղ իրենց մասնակցութիւնը պէտք է ունենային նաև Երևանից հրաւիրւած ուսանողական–մշակութային խմբեր։
Նախատեսւած էր, որ հոկտեմբերի 24–ին Ախալքալաք քաղաքում կայանալիք գլխաւոր միջոցառմանը որպէս հրաւիրեալ պէտք է ներկայ գտնւէր նաև ՀՀ Սպորտի և երիտասարդութեան հարցերի նախարարի տեղակալ Արսէն Քարամեանը։ Վերջինիս այցելութեան կապակցութեամբ Վրաստանի պատկան մարմինները դիւանագիտական պատշաճ իրազեկում էին ստացել։ Նշւած օրը Բավրայի սահմանային անցակէտում վրացական կողմի աշխատակիցները Արսէն Քարամեանին թոյլ չեն տալիս ազատ տեղաշարժւել Վրաստանի տարածքով և երկար ժամանակ տեղում սպասեցնում են։
Որոշ ժամանակ անց Թբիլիսիից ժամանած յատուկ աւտոշարասիւնը իր մէջ ներառելով փոխնախարարի աւտոմեքենան շարժւում է Թբիլիսի, արգելելով փոխնախարարի մուտքը Ախալքալաք։
Մէկ–երկու օր փաստացի գտնւելով պատանդի կարգավիճակում, օգտւելով վրացական «յայտնի հիւրասիրութեան» վայելքներից, Արսէն Քարամեանը Բագրատաշէնի սահմանային անցակէտով վերադառնում է ՀՀ։
Վրաստանի իշխանութիւնների նման պահւածքի վերաբերեալ ՀՀ իշխանութիւնները մինչ օրս հրապարակային որևիցէ կեցւածք չեն դրսևորել, պահպանելով քար լռութիւն տեղի ունեցածի մասին, ինչը մէկ անգամ ևս խօսում է Վրաստանի իշխանութիւնների կողմից Հայաստանի Հանրապետութեան ու հայերի նկատմամբ ցուցաբերւող ակնյայտ արհամարհական և նւաստացուցիչ դրսևորման մասին։
Մի կողմից այս միջադէպը ապացոյց է այն իրողութեան, որ Վրաստանի իշխանութիւնները իրական շրջափակման մէջ են վերցրել Ջաւախքը և այնտեղ բնակւող հայութեանը, վերջինիս հայկականութիւնը խեղդելու և իրենց Հայատեաց նկրտումները անխափան շարունակելու գործելաոճով, միւս կողմից էլ Հայաստանի համար այս հերթական խայտառակութիւնն ուղղակի արդիւնք է ՀՀ իշխանութիւնների կողմից Վրաստանի նկատմամբ պարտւողական և մշտապէս զիջողական քաղաքականութեան, ինչպէս նաև Ջաւախքում բնակւող հայերի նկատմամբ նրանց աններելի կեցւածքի անփոփոխ շարունակման։
Իբր Հայաստանի «աշխարհագրական աննպաստ դիրքով» պատճառաբանւած, բայց իրականում իրենց սեփական տնտեսական գործարքներով ու շահերով պայմանաւորւած, ՀՀ իշխանական վերնախաւի կողմից իրականացւող այս քաղաքականութիւնը ընդամենը մի օրինակ է Հայաստանի ու Հայ ժողովրդի նկատմամբ այդ վերնախաւի ցինիկ և դաւաճանական վերաբերմունքի շղթայում։
«Ոսկէ Աշուն» ամսօրեակի շրջանակներում Ջաւախքի Ախալքալաք շրջանում և քաղաքում կազմակերպւել էին մշակութային միջոցառումներ, որտեղ իրենց մասնակցութիւնը պէտք է ունենային նաև Երևանից հրաւիրւած ուսանողական–մշակութային խմբեր։
Նախատեսւած էր, որ հոկտեմբերի 24–ին Ախալքալաք քաղաքում կայանալիք գլխաւոր միջոցառմանը որպէս հրաւիրեալ պէտք է ներկայ գտնւէր նաև ՀՀ Սպորտի և երիտասարդութեան հարցերի նախարարի տեղակալ Արսէն Քարամեանը։ Վերջինիս այցելութեան կապակցութեամբ Վրաստանի պատկան մարմինները դիւանագիտական պատշաճ իրազեկում էին ստացել։ Նշւած օրը Բավրայի սահմանային անցակէտում վրացական կողմի աշխատակիցները Արսէն Քարամեանին թոյլ չեն տալիս ազատ տեղաշարժւել Վրաստանի տարածքով և երկար ժամանակ տեղում սպասեցնում են։
Որոշ ժամանակ անց Թբիլիսիից ժամանած յատուկ աւտոշարասիւնը իր մէջ ներառելով փոխնախարարի աւտոմեքենան շարժւում է Թբիլիսի, արգելելով փոխնախարարի մուտքը Ախալքալաք։
Մէկ–երկու օր փաստացի գտնւելով պատանդի կարգավիճակում, օգտւելով վրացական «յայտնի հիւրասիրութեան» վայելքներից, Արսէն Քարամեանը Բագրատաշէնի սահմանային անցակէտով վերադառնում է ՀՀ։
Վրաստանի իշխանութիւնների նման պահւածքի վերաբերեալ ՀՀ իշխանութիւնները մինչ օրս հրապարակային որևիցէ կեցւածք չեն դրսևորել, պահպանելով քար լռութիւն տեղի ունեցածի մասին, ինչը մէկ անգամ ևս խօսում է Վրաստանի իշխանութիւնների կողմից Հայաստանի Հանրապետութեան ու հայերի նկատմամբ ցուցաբերւող ակնյայտ արհամարհական և նւաստացուցիչ դրսևորման մասին։
Մի կողմից այս միջադէպը ապացոյց է այն իրողութեան, որ Վրաստանի իշխանութիւնները իրական շրջափակման մէջ են վերցրել Ջաւախքը և այնտեղ բնակւող հայութեանը, վերջինիս հայկականութիւնը խեղդելու և իրենց Հայատեաց նկրտումները անխափան շարունակելու գործելաոճով, միւս կողմից էլ Հայաստանի համար այս հերթական խայտառակութիւնն ուղղակի արդիւնք է ՀՀ իշխանութիւնների կողմից Վրաստանի նկատմամբ պարտւողական և մշտապէս զիջողական քաղաքականութեան, ինչպէս նաև Ջաւախքում բնակւող հայերի նկատմամբ նրանց աններելի կեցւածքի անփոփոխ շարունակման։
Իբր Հայաստանի «աշխարհագրական աննպաստ դիրքով» պատճառաբանւած, բայց իրականում իրենց սեփական տնտեսական գործարքներով ու շահերով պայմանաւորւած, ՀՀ իշխանական վերնախաւի կողմից իրականացւող այս քաղաքականութիւնը ընդամենը մի օրինակ է Հայաստանի ու Հայ ժողովրդի նկատմամբ այդ վերնախաւի ցինիկ և դաւաճանական վերաբերմունքի շղթայում։
Posts
0 Պատգամ:
Post a Comment