«ՀՈՒՍԿ» հաստատութեան եւ Թեհրանի Հայ կանանց բարեգործական
ընկերութեան նախաձեռնութեամբ
Մեծարանքի երեկոյ՝ նւիրւած Իրանի
աստղագիտութեան մայր
դոկտ. Ալենուշ Տէրեանին
10 ՆՈՅԵՄԲԵՐԻ 2010
* Թեհրանի հայոց թեմի առաջնորդ Տ. Սեպուհ արք. Սարգսեան. «Ալենուշ Տէրեանը որպէս գէոֆիզիկայի հիմնադիր, այլեւ աստղագէտ ու գիտնական՝ իր մտքի եւ հոգու գանձն ու իմաստութիւնը ներդրեց յանուն իր հայրենիքի եւ նոր սերունդի գիտական մակարդակի զարգացման»
* Սպահանի հայոց թեմի առաջնորդ Տ. Բաբգէն եպս. Չարեան. «Իսկապէս յուզիչ եւ միաժամանակ հպարտութեան եւ ուրախութեան պահ էր, եւ պատիւ է իրանահայութեան եւ ողջ հայութեան համար, որ Թեհրանում ծնւած ու հասակ առած եւ ապա «Սորբոն»-ում իր ուսումը կատարելագործած դոկտ. Տէրեանը վերադարձել է Իրանեան իր հայրենիքը՝ գիտութեան ճամբով ծառայելու իր հայրենիքին»
* ՀՀ արտակարգ եւ լիազօր դեսպան Գրիգոր Առաքելեան. «Բարձր եմ գնահատում դոկտ. Ալենուշ Տէրեանի վաստակը եւ այն կարծիքին եմ, որ նա պատկանում է ոչ միայն իրանահայութեանը եւ Իրանին, այլեւ՝ համաշխարհային գիտութեանը»
«ԱԼԻՔ» - Իրանի աստղագիտութեան երկնակամարում շողացող աստղ, Իրանի առաջին կին ֆիզիկոս եւ Իրանում աստղագիտութեան մայր կոչմանն արժանացած դոկտ. Ալենուշ Տէրեանը բոլորեց իր 90-ամեակը: Այդ առիթով նախաձեռնութեամբ Հայկական հարցերի ուսումնասիրութեան կենտրոնի («ՀՈՒՍԿ» հաստատութեան) եւ Թեհրանի Հայ կանանց բարեգործական ընկերութեան երէկ երեկոյեան կազմակերպւել էր գնահատանքի ու ծննդեան 90-րդ տարեդարձի հանդիսութիւն՝ «Արարատ» մարզաւանի «Վաչիկ Ղարաբէգեան» սրահում:
* Թեհրանի հայոց թեմի առաջնորդ Տ. Սեպուհ արք. Սարգսեան. «Ալենուշ Տէրեանը որպէս գէոֆիզիկայի հիմնադիր, այլեւ աստղագէտ ու գիտնական՝ իր մտքի եւ հոգու գանձն ու իմաստութիւնը ներդրեց յանուն իր հայրենիքի եւ նոր սերունդի գիտական մակարդակի զարգացման»
* Սպահանի հայոց թեմի առաջնորդ Տ. Բաբգէն եպս. Չարեան. «Իսկապէս յուզիչ եւ միաժամանակ հպարտութեան եւ ուրախութեան պահ էր, եւ պատիւ է իրանահայութեան եւ ողջ հայութեան համար, որ Թեհրանում ծնւած ու հասակ առած եւ ապա «Սորբոն»-ում իր ուսումը կատարելագործած դոկտ. Տէրեանը վերադարձել է Իրանեան իր հայրենիքը՝ գիտութեան ճամբով ծառայելու իր հայրենիքին»
* ՀՀ արտակարգ եւ լիազօր դեսպան Գրիգոր Առաքելեան. «Բարձր եմ գնահատում դոկտ. Ալենուշ Տէրեանի վաստակը եւ այն կարծիքին եմ, որ նա պատկանում է ոչ միայն իրանահայութեանը եւ Իրանին, այլեւ՝ համաշխարհային գիտութեանը»
«ԱԼԻՔ» - Իրանի աստղագիտութեան երկնակամարում շողացող աստղ, Իրանի առաջին կին ֆիզիկոս եւ Իրանում աստղագիտութեան մայր կոչմանն արժանացած դոկտ. Ալենուշ Տէրեանը բոլորեց իր 90-ամեակը: Այդ առիթով նախաձեռնութեամբ Հայկական հարցերի ուսումնասիրութեան կենտրոնի («ՀՈՒՍԿ» հաստատութեան) եւ Թեհրանի Հայ կանանց բարեգործական ընկերութեան երէկ երեկոյեան կազմակերպւել էր գնահատանքի ու ծննդեան 90-րդ տարեդարձի հանդիսութիւն՝ «Արարատ» մարզաւանի «Վաչիկ Ղարաբէգեան» սրահում:
Հանդիսութեանը ներկայ էին՝ Սպահանի հայոց թեմի առաջնորդ Տ. Բաբգէն եպս. Չարեանը, Իրանում ՀՀ արտակարգ եւ լիազօր դեսպան Գրիգոր Առաքելեանը եւ դեսպանութեան անձնակազմը, Հանր. նախագահութեան հիմնարկի ընտանիքի եւ կանանց կենտրոնի հասարակական հարցերով տնօրէն տկն. Շահրթաշը, Իսլ. խորհրդարանի դիւանի անդամ Հասան Ղաֆուրիֆարդը, խորհրդարանի պատգամաւորներ եւ իրանահայ զոյգ պատգամաւորները, Թ. Հ. Թ. Պատգամաւորական ժողովի ատենապետը, պետական հիւրեր, համալսարանների հայ ու պարսիկ դասախօսներ, երեք թեմերի ազգային իշխանութեան մարմինների ու միութիւնների եւ «Ալիք» հաստատութեան ներկայացուցիչներ:
Անւաթոռով դահլիճ ուղեկցւող դոկտ. Տէրեանին բոլորը դիմաւորեցին յոտնկայս ծափողջոյններով: Ծրագիրը սկսւեց Իրանի պետական հիմնով եւ Տէրունական աղօթքով: Ծրագիրը յագեցած էր՝ բանախօսութեամբ, մեծարման ու գնահատանքի արտայայտութիւններով եւ գեղարւեստական կատարումներով:
Ծրագրի ընթացքում իրենց պատգամները յղեցին ու արտայայտւեցին՝ Թեհրանի հայոց թեմի առաջնորդ Տ. Սեպուհ արք. Սարգսեանը, Սպահանի հայոց թեմի առաջնորդ Տ. Բաբգէն եպս. Չարեանը, Իրանում ՀՀ արտակարգ եւ լիազօր դեսպան Գրիգոր Առաքելեանը, Հանր. նախագահութեան հիմնարկի ընտանիքի եւ կանանց կենտրոնի հասարակական հարցերով տնօրէն տկն. Շահրթաշը, Իսլ. խորհրդարանի դիւանի անդամ դոկտ. Հասան Ղաֆուրիֆարդը, Իսլ. խորհրդարանում Թեհրանի եւ հիւսիսային իրանահայութեան պատգամաւոր ճրտգ. Գէորգ Վարդանեանը, Թեհրանի Աստղագիտութեան կենտրոնի գիտական կազմի անդամ եւ բարձրաստիճան խորհրդական Սէյէդ Հոջաթօլլահ Հոսէյնին, Թեհրանի Պետական համալսարանի գիտական կազմի անդամ դոկտ. Մանիժէ Ռահբարը:
«ԱԼԻՔ»
Posts
0 Պատգամ:
Post a Comment