اظهارات آیت الله خزعلی در مورد انتخابات
(Դիտել Պարսկերէն բաժնում)



Հայ Եկեղեցին՝ «Եունէսքօ»ի Հրատարակութեան Մէջ

ԱՆԹԻԼԻԱՍ.- Վերջերս «Եունէսքօ»ն կարեւոր մի գիրք հրատարակեց՝ «Մշակութային արժէքները Քրիստոնեայ ու Իսլամ կրօններուն մէջ» խորագրով։Արաբերէն լեզւով հրատարակուած այս գործի մէջ կարեւոր տեղ է յատկացուած Հայ եկեղեցու եւ յատկապէս Մեծի Տանն Կիլիկիոյ կաթողիկոսութեանը։ Յիշեալ գործի հրատարակութեան մէջ իր նպաստն է ունեցել կաթողիկոսարանի Միջ-եկեղեցական յարաբերութեանց յանձնախումբը եւ մանաւանդ նոյն յանձնախմբի անդամ դոկտ. Ժան Սալմանեանը։




شوراي نگهبان:


در چهارمين روز مهلت مجدد هم هيچ
نامزدي مراجعه نکرد
Թեկնածուներից ոչ մէկը չդիմեց Պահապան Խորհուրդ
(Դիտել Պարսկերէն բադնում)


نامه کروبی به شورای نگهبان



مشاهده در بخش فارسی

Քեառուբիի նամակն
ուղղւած՝ Պահապան
Խորհրդին
(Դիտել Պարսկերէն
բաժնում)

جوابیه آیت الله العظمی صانعی به نامهء میر حسین موسوی
Այաթօլլա Սանէի–ի պատասխանը՝ Միր Հոսէյն Մուսաւիի
նամակին
(ԴԻՏԵԼ ՊԱՐՍԿԵՐԷՆ ԲԱԺՆՈՒՄ)

ԸՍՏ ԿԻՐՕ ՄԱՆՈՅԵԱՆԻ՝

«Թուրքիոյ Հետ Բանակցութեանց Ներկայ Ընթացքը Կը Վնասէ Հայաստանին »

ԵՐԵՒԱՆ.- «Ասպարէզ» Ուրբաթ օր տեղի ունեցած մամլոյ ասուլիսի ընթացքին, ՀՅԴ Բիւրոյի Հայ Դատի եւ քաղաքական հարցերու գրասենեակի պատասխանատու Կիրօ Մանոյեան, գնահատական տալով հայ-թրքական բանակցութեանց ներկայ հանգրուանին՝ յայտնեց, որ «Թուրքիան շարունակում է անընդհատ խօսել նախապայմաններով:
Մեր կուսակցութեան կեցուածքն այն է, որ Հայաստանը պէտք է յայտարարի, որ, քանի որ Թուրքիան սկսել է նախապայմաններով խօսել, մենք այս բանակցութիւններում չկանք: Փաստօրէն, Թուրքիան սառեցրել է բանակցութիւնները, բայց շարունակում է իր աշխատանքները՝ Հայաստանի վրայ Արցախի հարցով ճնշում բանեցնելու: Եւ այդ նախաձեռնութիւնները փաստօրէն կարող են ի վերջոյ ունենալ վատ հետեւանք»:

Վատ հետեւանքի մասին, Կիրօ Մանոյեանի խօսքերով, յայտարարած է ԵԱՀԿ Մինսկի խումբի ամերիկացի համանախագահ Մէթիու Պրայզան, ըստ որուն, հաւանական է, որ Հայաստանի եւ Ատրպէյճանի նախագահները այս տարի ստորագրեն համաձայնագիր մը՝ Արցախի հարցի կարգաւորման սկզբունքներուն շուրջ:

Սակայն, քանի որ նման համաձայնագիր չի բխելու Արցախեան խնդիրի տրամաբանութիւնից, դա ինքնաբերաբար, նշանակում է, որ այդ բանակցութիւններին վնաս կը հասցնի, եւ ուրեմն Հայաստանը վայրկեան առաջ պէտք է ասի, որ Թուրքիայի հետ նման նախապայմաններով մենք բանակցութիւններ չենք շարունակում: Այն օրը, որ Թուրքիան հրաժարուի նախապայմաններից, մենք կը շարունակենք», յայտնեց Կիրօ Մանոյեան:
Այսուհանդերձ, ըստ ՀՅԴ ներկայացուցիչին, Սերժ Սարգսեան պիտի չդադրեցնէ Հայաստանի համար վնասակար այս բանակցութիւնները: «Բայց կասկածում եմ, որ նախագահը այդ քայլին կը գնայ, որովհետեւ կարծես նախագահը բանակցում է նաեւ երրորոդ կողմի համար, այսինքն՝ ոչ թէ միայն Հայաստան-Թուրքիա հարցեր լուծելու, այլ նաեւ աշխարհին ցոյց տալու, թէ՝ տեսէ՛ք, մենք բանակցութիւնների կողմնակից պետութիւն ենք, որը, կարծում եմ, աշխարհը բաւական տեսաւ, եւ սրանից յետոյ պէտք է բանակցութիւնների տրամաբանութիւնից բխող կեցուածքներ որդեգրենք եւ ոչ թէ երրորդ կամ չորրորդ կողմերին ինչ որ բան ցոյց տալու կեցուածք որդեգրենք», աւելցուց Մանոյեան:
Անդրադառնալով Հայոց Ցեղասպանութեան միջազգային ճանաչման գործընթացին՝ Մանոյեան նշեց, որ գործընթացը չէ սառեցուած, եւ Հայ Դատի Ամերիկայի յանձնախումբը կը շարունակէ աշխատիլ, որպէսզի ԱՄՆ Ներկայացուցիչներու տան մէջ Ցեղասպանութեան հարցը արծարծուի: Հայաստանին վերաբերող ԵԽԽՎի ընդունած վերջին բանաձեւին մասին խօսելով՝ Մանոյեան յայտնեց, որ այդ բանաձեւը «բաւական ճիշդ գնահատում է ներկայ իրավիճակը:
Կարծում եմ՝ լաւ է, որ մոնիտորինգի տակ են պահում մեզ, որովհետեւ կարծես թէ մենք ուրիշ լեզուով չենք հասկանում»: Ըստ Կիրօ Մանոյեանի, Եւրոխորհուրդը ի վերջոյ հասկցաւ, որ Հայաստանը կարիք ունի աջակցութեան եւ ոչ թէ «մտրակի, որովհետեւ երբ մարդիկ սկսեն մտրակ ցոյց տալ, առաջին հակազդեցութիւնը կը լինի ինքնապաշտպանութիւնը, եւ մնացած բաները աւելի կը տուժեն»:
Ջաւախքի մէջ տիրող իրադրութեան անդրադառնալով՝ Մանոյեան յայտնեց, որՎրաստանի անկախութենէն ի վեր եւ առաջին նախագահէն սկսեալ, վրացական իշխանութիւնները տարբեր հնարքներ կը փորձեն գտնել, որպէսզի փոխեն շրջանի ժողովրդագրական պատկերը:
Սահակաշվիլիի Երեւանի մէջ կատարած այն յայտարարութիւնը, թէ՝ æաւախքի մէջ ջրելեկտրակայան պիտի կառուցուի, որուն համար դուրսէն երկուքէն երեք հազար աշխատողներ պիտի հրաւիրուին, նման հնարքներէն մէկն է միայն: Մանոյեան յիշեցուց, որ Ախալքալաքով անցնող երկաթագիծի ներկայիս դանդաղած կառուցման համար եւս աշխատուժ բերած էին Վրաստանի այլ շրջաններէ, առանց ճիգ թափելու, որ օգտագործեն տեղի մարդուժը:
Այս պայմաններուն տակ, Կիրօ Մանոյեան տարակուսանք արտայայտեց Հայաստան կատարած վերջին այցին ընթացքին՝ Վրաստանի նախագահին պատուոյ շքանշան շնորհելու առիթով: Անդրադառնալով Հինգշաբթի օր «Արմէնիա Մարիոթ» հիւրանոցին առջեւ կազմակերպուած բողոքի ցոյցին՝ Կիրօ Մանոյեանը նշեց, որ ոստիկանութեան վերաբերմունքը պէտք եղածից շատ աւելի խիստ էր: «Կարծում եմ՝ երէկ հաւաք կազմակերպողների տեսակէտները բաւական բարձր հնչեցին եւ լրատուամիջոցների միջոցով հասան Վրաստանի նախագահին:
Կարծէք ինչ որ տեղ կար քաղաքական որոշում, որ Սահակաշվիլին յանկարծ չհանդիպի որեւէ ցուցարարների, եւ ոստիկանութեան ամբողջ նպատակը այն էր, որ հրապարակը դատարկ լինի ցուցարարներից:
Բայց կարծեմ ոստիկանութեան քայլերը նպաստեցին, որ աւելի շատ արձագանգ լինի, քան կարող էր հաւանաբար լինել մինչ այդ: Հետաքրքրական է, սակայն, թէ ինչո՞ւ էր պէտք Սահակաշվիլուն զրկել այդ իրականութիւնը տեսնելուց», յայտնեց ՀՅԴ ներկայացուցիչը:


ՀԱՅ ԵԿԵՂԵՑԻՆ ԵՒ ՀԱՅ ԵՐԻՏԱՍԱՐԴԸ ԴԷՄ ԱՌ ԴԷՄ

«Կարդացածդ Կը Հասկնա՞ս»

ԳՐԻԳՈՐ Ծ. ՎՐԴ. ՉԻՖԹՃԵԱՆ


Քրիստոսի նորակազմ եկեղեցին, առաջին շրջանին բաւական դժուարութիւններ ունեցաւ թէ՛ կազմակերպական իմաստով եւ թէ՛ քարոզչական: Կազմակերպական ամէնէն յայտնի դժուարութիւններէն մէկն էր՝ կերակուրի եւ օժանդակութեան մատակարարումը կարիքաւորներուն: Այդ աշխատանքը առաքեալները իրենք կը կատարէին, որովհետեւ յունախօս հրեաները, կամ հելլենները, սկսած էին դժգոհելու ու բողոքելու արամերէն խօսող եբրայեցիներուն դէմ, ըսելով, որ իրենց այրիները եւ աղքատները կ՛անտեսուին: Առաքեալները սկզբնապէս ուզեցին բաւարարել յունախօս հրեաները, սակայն տեսան, որ Աստուծոյ խօսքին մատակարարումը պիտի տուժէ այս ձեւով: Ուստի, հաւատացեալներուն ըսին, որ իրենց մէջէն բարեհամբաւ եօթը անձեր ընտրեն, որպէսզի անոնք ըլլան իրենց օգնականները այդ մասնաւոր պաշտօնին համար, ու իրենք ամբողջութեամբ նուիրուին Աստուծոյ խօսքի քարոզութեան:
Համաձայն «Գործք Առաքելոց» գիրքի հեղինակ Ղուկաս աւետարանիչին, ժողովուրդը եօթը ծառայասէր ու աստուածավախ անձեր բերաւ առաքեալներուն դիմաց: Անոնք, իրենց կարգին աղօթեցին անոնց վրայ, ու ընդունեցին զանոնք իբրեւ իրենց օգնականները: Յունախօս հրեաները այսպիսով բաւարարուած զգացին, որ իրենց աղքատներն ու որբեւայրիները երեսի վրայ պիտի չթողուէին այնուհետեւ:
Կազմակերպական իմաստով, եկեղեցւոյ դժուարութիւններէն մէկն ալ նիւթական հարստութեան կեդրոնացումէն յառաջ կու գար: Այսպէս, առաքեալներու հաստատած կանոններուն համաձայն, ամէն մարդ իր նիւթական հարստութիւնը ամբողջութեամբ պէտք է դնէր անոնց տրամադրութեան տակ, իսկ առաքեալներ, հաւատացեալներուն կարիքին համաձայն պիտի բաշխէին զայն: Սակայն ամէն ոք նուիրաբերման նոյն ոգին չէր ցուցաբերեր: Անանիա եւ Սափիրա զոյգը, իր ագարակը ծախեց եւ իրարու միջեւ համաձայնելով՝ մարդը եկաւ եւ միայն մէկ մասը յանձնեց առաքեալներուն: Պետրոս առաքեալի հարցումին, թէ՝ ա՞յս է ամբողջ ագարակին գումարը, զոր ստացաք երբ ծախեցիք զայն, մարդը հաստատական պատասխանեց եւ նոյն պահուն գետին ինկաւ ու մեռաւ: Այնտեղ կանգնած երիտասարդներ եկան, Անանիան վերցուցին եւ տարին թաղեցին: Քիչ ետք անոր կինը՝ Սափիրան եկաւ: Կինը ոչ մէկ տեղեկութիւն ունէր պատահածէն: Առաքեալը միեւնոյն հարցումը անոր ուղղեց: Ան ալ հաստատական պատասխան տուաւ, եւ ինք ալ ինկաւ ու մեռաւ, ու նոյն երիտասարդները զինք ալ տարին թաղեցին:
Առաջին շրջանի եկեղեցւոյ այս միատեղ գանձանակը տակաւին շատ դժուարութիւններու դուռ պիտի բանար ընկերային կեանքէ ներս, ուստի հետզհետէ վերցուեցաւ եւ իւրաքանչիւր հաւատացեալի խիղճին թողուեցաւ կարօտեալներուն օգնելու աստուածահաճոյ բարեգործութիւնը: Այդ եօթը սարկաւագներէն մէկն էր Փիլիպոս, որ իր ընկերակիցներուն նման, Սուրբ Հոգիով լեցուն անվեհեր քարոզիչ մըն էր Աւետարանին: Հրեաներ սամարացիներուն հետ իրենց յարաբերութիւնները խզած էին, արդէն դարերէ ի վեր անոնք տարբեր պաշտամունքային ծիսակարգ ունէին եւ հակառակ նոյն ազգութեան պատկանելուն, օտար կը նկատէին զանոնք: Փիլիպոս եղաւ Քրիստոսէ ետք առաջին առաքեալը, որ ուղղուեցաւ Սամարիա, եւ Աստուծոյ օգնութեամբ Աստուածորդիին հաւատքը սերմանեց սամարացիներու հոգիին մէջ: Քրիստոս իր քարոզութեան ընթացքին, երբ առիթով մը սամարացի կնոջմէ մը ջուր խնդրեց, կինը զարմացաւ թէ ինչպէ՞ս կը պատահի, որ եբրայեցի մը սամարացիի ձեռքէն ջուր խնդրէ (Յհ 4խ7-10): Ուրիշ առիթով մը, երբ Յիսուս Երուսաղէմ պիտի երթար, ուզեց Սամարիոյ գիւղերէն մէկուն մէջ իջեւանիլ, եւ իր աշակերտները ղրկեց պատրաստութիւն տեսնելու համար: Սակայն, սամարացիները գիտնալով, որ Երուսաղէմ պիտի երթայ իրենց մօտէն անցնելով՝ չընդունեցին զինք: Աշակերտները ըսին անոր, որ երկինքէն կրակ տեղացնեն ու պատժեն սամարացիները: Սակայն Յիսուս անոնց ըսաւ, թէ Մարդու Որդին եկած է մարդիկը փրկելու եւ ոչ թէ կորսնցնելու (Հմմտ Ղկ 9.53-55):
Փրկագործական առաքելութեան մէջ ազգութեանց ու պատկանելիութեանց միջեւ խտրականութիւն չդնելու Քրիստոսի միեւնոյն ուղղութեան բարացուցիչ մէկ օրինակն է Փիլիպոսի քարոզութիւնը: Սամարիոյ մէջ կատարած իր աւետարանչութեան ընթացքին, Սուրբ Հոգիէն առաջնորդուեցաւ հարաւ իջնել, Երուսաղէմէն Կազա տանող ամայի ճամբով:
Ճամբու ընթացքին տեսաւ եթովպիացի բարձրաստիճան պալատական պաշտօնեայ մը, որ եթովպիացիներու Կանդակին, այսինքն՝ թագուհիին սպասաւորներէն էր, եւ իր ձիակառքին մէջ նստած՝ Եսայի մարգարէին գիրքը կը կարդար: Սուրբ Հոգին Փիլիպոսի ըսաւ, որ մօտենայ կառքին եւ անոր քովէն քալէ: Երբ Փիլիպոս վազելով կառքին հասաւ, լսեց պալատականը Եսայիի մարգարէութիւնը կը կարդայ բարձրաձայն: Փիլիպոս առանց հաշուի առնելու անոր օտարական ըլլալը, հարցուց անոր.- Կարդացածդ կը հասկնա՞ս:
Մարդը անոր կը պատասխանէ ըսելով, որ եթէ մէկը չի բացատրէ՝ ինչպէ՞ս կրնայ հասկնալ: Ապա կը խնդրէ, որ Փիլիպոս կառք ելլէ ու քովը նստի: Եւ Փիլիպոս անոր կը բացատրէ ճիշդ այն հատուածը, զոր ան կը կարդար առանց հասկնալու. «Ոչխարի պէս մորթուելու տարուեցաւ. եւ ինչպէս գառնուկ մը անմռունչ կը կենայ զինք խուզողին դիմաց, այնպէս՝ իր բերանը չբացաւ: Անիկա նուաստացաւ եւ չունեցաւ մէկը, որ զինք պաշտպանէր» (Հմմտ Ես 53.7-8): Եթովպիացիին հարցումին, թէ՝ որո՞ւ մասին է այս հատուածը, Փիլիպոս պատասխանեց՝ աւետարանելով Յիսուսը: Բարձրաստիճան պալատականը այնքան բաւարարուած էր տրուած բացատրութիւններով, որ երբ ջուրի մը եզերքը հասան, ոչ մէկ արգելք տեսաւ կառքէն իջնելու եւ տեղւոյն վրայ Փիլիպոսի ձեռքով մկրտուելու խիզախ արարքին մէջ: Երբ ջուրէն դուրս ելաւ, հեղինակը կÿըսէ, թէ Սուրբ Հոգին իջաւ եթովպիացիին վրայ, իսկ Փիլիպոս հրեշտակի կողմէ յափշտակուեցաւ ու ինքզինք գտաւ Ազոտոսի մէջ, Կեսարիոյ ճամբուն վրայ:
Հեթանոսներու քրիստոնէացման պարագան, առաջին շրջանի եկեղեցւոյ համար լուրջ դժուարութիւններ կը յարուցէր: Մարդիկ, որոնք չէին հետեւեր Մովսիսական օրէնքին, ինչպէ՞ս կրնային Յիսուսի հետեւիլ: Այս մարտահրաւէրն ալ սակայն, առաքեալներ իրենց ունեցած տեսիլքներով ու Սուրբ Հոգիին ազդեցութեամբ լուծեցին, ու Աստուծոյ սուրբ նկատածը իրենք անսուրբ ու անմաքուր չնկատեցին: Երկնային, աստուածային պատուիրանները համամարդկային տարողութիւն ունին, եւ Սուրբ Գիրքի ճշմարտութեանց մասին սահմանագծումները մարդկային կարողութենէն վեր կը մնան: Ուստի, զայն պէտք է բացատրել հրեային թէ հեթանոսին, հարուստին թէ աղքատին, մեծին թէ փոքրին: Փիլիպոս չարհամարհեց եթովպիացին, որ հակառակ հեթանոս մը ըլլալուն՝ Եսայիի մարգարէութիւնը կը կարդար, սակայն առանց հասկնալու:
Կարդացածը հասկնալու դժուարութիւնը եւս լուծուեցաւ Սուրբ Հոգիին ներգործութեամբ եւ Փիլիպոսի տուած մեկնաբանութեամբ
:




ՎԱԽՃԱՆՒԵԼ Է ՆԵՐՍԷՍ ԱՐՔ. ՊՈԶԱՊԱԼԵԱՆԸ


Յիշատակն արդարոյն օրհնութեամբ եղիցի

Յունիսի 27-ի առաւօտեան, Նայիրի բժշկական կենտրոնում կեանքի 72-րդ տարում վախճանւեց Մայր Աթոռ Սուրբ Էջմիածնի երիցագոյն միաբաններից Հայ Առաքելական Սուրբ Եկեղեցու նւիրեալ և բազմավաստակ սպասաւոր Գերաշնորհ Տ. Ներսէս Արքեպիսկոպոս Պոզապալեանը:


Սրբազան Հայրը սոյն թւականի փետրւարի 18-ին Մայր Աթոռ Սուրբ Էջմիածնի միաբանական իր կացարանում իրեն ծանօթ անձնաւորութեան կողմից կողոպուտի նպատակով ենթարկւել էր յարձակման, որի հետևանքով ծանր վնասւածք էր ստացել և անգիտակից վիճակում փոխադրւել հիւանդանոց:


Միջադէպից մինչ իր վախճանը Տ. Ներսէս Արքեպիսկոպոս Պոզապալեանը եղել է Երևանի Նայիրի բժշկական կենտրոնում բժիշկների հոգատար խնամքի ներքոյ: Հանգուցեալ Սրբազանի աճիւնը երկուշաբթի` յունիսի 29-ին, ժամը 17։00-ին կը դրւի Ս. Գայանէ վանքում վերջին հրաժեշտի համար, ժամը 19։00-ին կը կատարւի հոգեհանգստեան արարողութիւն:


Երեքշաբթի` յունիսի 30-ին, ժամը 11։00-ին Թեղենիքի իր իսկ կառուցած Սրբոց Նահատակաց եկեղեցում (Կոտայքի մարզ) կը մատուցւի Ս. Պատարագ, որի ընթացքում կը կատարւի վերջին օծման և թաղման կարգը: Յաւարտ Ս. Պատարագի` եկեղեցու բակում տեղի կունենայ Սրբազանի յուղարկակորութեան արարողութիւնը: Յիշատակն արդարոյն օրհնութեամբ եղիցի:


Կենսագրական


Տ. Ներսէս արքեպիսկոպոս Պոզապալեանը (աւազանի անունը` Յակոբ) ծնւել է 1937 թ. Կիլիկիայում` Գըրգխան աւանում, որտեղից 1939 թ. գաղթել է Բէյրութ: Սովորել է Բէյրութի Նուբարեան հայկական վարժարանում, Անթիլիասի դպրեվանքում, այնուհետեւ Բէյրութի կենտրոնական բարձրագոյն վարժարանում:


1957 թ. ընտանիքով տեղափոխւել է Հայրենիք:


Ուսումը շարունակել է Մայր Աթոռ Սուրբ Էջմիածնի Գէորգյան Հոգեւոր Ճեմարանում: 1957 թ. Ս. Ստեփանոս նախավկայի տօնին երանաշնորհ Տ. Հայկազուն արքեպս. Աբրահամեանի ձեռամբ ձեռնադրւել է սարկաւագ: 1960-1961 թթ. ուսանել է Ռուս Ուղղափառ Եկեղեցու Զագորսկի ակադեմիայում: 1961 թ. Վազգէն Ա Հայրապետի ձեռամբ ձեռնադրւել է կուսակրօն քահանայ` վերանւանւելով Ներսէս:


1962 թ. Վազգէն Ա Կաթողիկոսի կողմից ստացել է վարդապետական, ապա 1965 թ. ծայրագոյն վարդապետութեան աստիճան:


1963-1965 թթ. ուսանել է Անգլիայի Եօրքշեր նահանգի Յարութեան քոլեջի աստկածաբանական բաժնում, որի ընթացքում մասնակցել է Քեմբրիջի համալսարանի անգլիական գրականութեան եւ մշակոյթի ամառային դասընթացներին: 1965-1969 թթ. վարել է Ս. Էջմիածնի Հոգեւոր ճեմարանի տեսչի պաշտօն: 1969-1970 թթ. ուսանել է Եկեղեցիների Համաշխարհային Խորհրդի Բոսսէի Էկումենիկ ինստիտուտում:


1969-72 թթ. եղել է Շւէյցարիայի հայոց հոգեւոր հովիւ: 1973 թ. ընտրւել է Անգլիայի թեմի առաջնորդ: 1974 թ. ձեռամբ Վազգէն Ա Կաթողիկոսի ձեռնադրէել է եպիսկոպոս: 1982 թ. Վազգէն Ա երջանկայիշատակ կաթողիկոսի կողմից հրաւիրւել է Մայր Աթոռ եւ նշանակւել Մայր Աթոռի դիւանապետ:


Եղել է նաև Գերագոյն Հոգևոր Խորհրդի անդամ:1983 թ. ընտրւել է Եկեղեցիներ Համաշխարհային Խորհրդի Կենտրոնական Կոմիտէի անդամ: 1982-1995 հիմնել և ղեկավարել է Հայաստանի Աստւածաշնչային Ընկերութիւնը: 1986 թ. ձեռամբ Վազգէն Ա Կաթողիկոսի ստացել է արքութեան պատիւ:


1991 թ. ի վեր Եւրոպայի և Միջին Արևելքի Աստւածաշնչային Ընկերութեան Գործադիր Կոմիտէի անդամ է: 1993-2001 թ. Ջինիշեան Հիշատակի բարեգործական հիմնադրամի Հիմնադիր մարմնի անդամ է եղել և ծառայել է որպէս ատենապետ: 1999 թ. ընտրւել է Ռուսաստանի Հումանիտար Ակադեմիայի իսկական անդամ:


1999 թ. յուլիսի 4-ին ընտրւել է կաթողիկոսական տեղապահ և կազմակերպել է կաթողիկոսական ընտրութիւնները 1999 թ. հոկտեմբերի 27-ին: 2000-2003 թթ. իր հոգեւոր գործունէութեան 40-ամեակի առիթով Կոտայքի շրջանի Թեղենիք գիւղում կառուցել է Սրբոց Նահատակաց եկեղեցի` իր ծնողների` Գրիգոր եւ Մաքրուհի Պոզապալեանների յիշատակին, որի առիթով Վեհափառ Հայրապետի կողմից պարգևատրւել է Հայ Եկեղեցու բարձրագոյն` Ս. Գրիգոր Լուսաւորիչ շքանշանով:


Ներսէս Սրբազանը հրատարակել է 10 անուն բանաստեղծական և քարոզխօսական գրքեր: Դասախօսել է Գէորգեան Հոգեւոր Ճեմարանում: 2000-2006 թթ. եղել է Մայր Աթոռ Ս. Էջմիածնի Հրատարակչական մարմնի տնօրէն:

ՍԻՐՒԱԾ ՔՐԷԱԿԱՆՆԵՐ` ԷԿՐԱՆԻՆ, ԿԱՐԳԻՆ ՏՂԱՆԵՐ` ԿԵԱՆՔՈՒՄ.


ԵՐԿՐՊԱԳՈՒՆԵՐԻ ԽՕՍՔՈՎ` ՍԵՐԻԱԼԸ «ՆՈՅՆԸ ՉԻ ԼԻՆԻ ԱՌԱՆՑ ԳՈՔՈՐԻ ՈՒ ԳԱՐԻԿԻ»•


Շարունակւում են երկրպագուների ցաւակցութիւնները երկուշաբթի կէսգիշերի մօտ Երևանի մերձակայքում աւտովթարից զոհւած երկու սիրւած դերասանների մահւան առնչութեամբ:

Լուրերը 35-ամեա Գեղամ Խանդիլեանի և 36-ամեա Արամ Միսկարեանի մահւան մասին, որոնք շատերին յայտնի էին պարզապէս որպէս սիրւած «Որոգայթ» սերիալի քրէական կերպարներ՝ Գոքոր և Գարիկ, երկուշաբթի արագօրեն տարածւեցին Հայաստանով մէկ:

Մարդիկ տարբեր վայրերում ծաղիկներ էին դնում` ի նշան յարգանքի, այդ թւում`մահաբեր աւտովթարի վայրում` Արմաւիր-Էջմիածին մայրուղու վրայ` մայրաքաղաք Երևանից մօտ 35 կմ դէպի արևմուտք:

Գիշերւայ ընթացքում զոհւածների ընտանիքներին ուղղւած 140-ից աւելի ցաւակցութիւն է ստացել նաև «ԱրմենիաՆաուն»: Երկու դերասանները տեղում մահացել են, երբ նրանց «ԲեԷմՎե»-ն, դեռևս չպարզւած հանգամանքներում, դուրս է եկել ճանապարհից և մխրճւել ծառերի մեջ:
Մեքենայում գտնւող երրորդ անձը` օպերատոր Էդգար Տէր-Ադամեանը, ըստ Նոր Նորքի շտապօգնութեան հիւանդանոցից «ԱրմենիաՆաուի» ստացած վերջին տեղեկութիւնների, ծայրայեղ ծանր վիճակում է:

Եւ մինչ շատերը Հայաստանում ու արտերկրում իրենց ցաւակցութեան ու աղօթքի խօսքերն են արտայայտում դերասանների մահւան առնչութեամբ, մարդկանց մտահոգում է նաև` արդեօ՞ք «Շանթ» հեռուստաընկերութիւնը կշարունակի Հայաստանի քրէական աշխարհի կեանքը ներկայացնող սերիալի նկարահանումները, որում այդ երկու դերասաններն առանցքային դեր էին կատարում:
Ոչ Խանդիլեանը, ոչ էլ Միսկարեանը պրոֆեսիոնալ դերասաններ չէին, երբ ներգրաււեցին սերիալի նկարահանումներին` ճանաչում ձեռք բերելով Հայաստանում ու սփիւռքում:
Միսկարեանը (Գարիկ) մարզիկ էր, Հայաստանի թեքվանդոյի ֆեդերացիայի նախագահը, իսկ Խանդիլեանը (Գոքոր) մասնագիտութեամբ ոսկերիչ էր: «Որոգայթը» ծնւել է հայկական առաջին ընտանեկան սերիալի` «Վերվարածների» սիւժետային գծերից մէկից, որը չափից աւելի կենտրոնացաւ քրէական կեանքի արտացոլման վրայ: Այդ ժամանակ սերիալի հեղինակները որոշեցին այդ գիծն առանձնացնել և նոր սերիալ նկարահանել:
Այդպիսով, հիմնականում ընտանեկան կատակերգական սերիալ «Վերվարածների» շատ երկրպագուներ դարձան նաև «Որոգայթի» նւիրւած հեռուստադիտողներ: «Շանթ» հեռուստաընկերութիւնը երեքշաբթի երեկոյան յայտարարեց, որ որոշ ժամանակով դադարեցնում է «Որոգայթի» ցուցադրումը` հետագայ քայլերի մասին այլ տեղեկութիւններ չյայտնելով:
Հեռուստադիտողները, մինչդեռ, չեն պատկերացնում սիրւած սերիալն առանց հարազատ դարձած հերոսների: Երևանի միակ կին տրոլեյբուսավար (ելեկտրական հոսքով շարժւող հանրակառք) 57-ամեայ Էմմա Մանեանի տրոլեյբուսի անբաժան մասն է վարորդի հայելու մօտ փակցւած Գոքորի նկարը:
Տիկին Էմման երկուշաբթի առաւօտեան է իմացել սիրւած դերասանի մահւան մասին: «Տեղս չեմ գտնում, չգիտեմ` ինչպէս արտայայտեմ ապրումներս: Ես նրան երբեք չեմ տեսել իրական կեանքում, չեմ ճանաչել, անձամբ հետը չեմ խօսել, բայց նրա խաղը, նրա անմիջականութիւնն ինձ գրաւել են: Չգիտեմ` վաղը կկարողանա՞մ աշխատել, թէ՞ ոչ,- ասում է Խանդիլեանի երկրպագուհին: - Ինձ թւում է` սերիալն այն էֆեկտը չի ունենայ առանց նրանց:
Մարդիկ նայում էին այն յատկապես Գոքորի համար: Նոյնիսկ երեխաները, երբ տրոլեյբուսիս մէջ տեսնում էին նրա նկարը, ասում էին` մամա, պապա, տես`Գոքորի նկարը»: Արամ Միսկարեանի` Գարիկի երկրպագուհի Յասմիկ Առաքելեանը նոյնպէս չի պատկերացնում սերիալն առանց սիրւած դերասանի:
«Ոչ միայն ես, այլև հարևաններս, բոլորն են մտածում, որ առանց նրանց սերիալը նոյնը չի լինի: Նրանք էին սերիալի համն ու հոտը: Ես անձամբ Գարիկին շատ էի հաւանում: Իսկապէս ցաւում եմ»,- ասում է 24-ամեայ Յասմիկը:
Սերիալի մէկ այլ դերակատար` Արմէն Մարութեանը, «ԱրմենիաՆաուին» ասաց, որ Խանդիլեանն ու Միսկարեանը կեանքում ու նկարահանման հրապարակում նման չէին իրենց մարմնաւորած քրէական կերպարներին:
«Կիրթ, համեստ, սուս ու փուս տղաներ էին, նման բան ուղղակի չպիտի լինէր,- ասաց Մարութեանը:
Ոչ պրոֆեսիոնալ դերասաններ լինելով` նրանք կարողանում էին իսկապէս շատ լաւ խաղալ ու կերտել իրենց կերպարները»:

• Սառա Խոջոեան

ԴԻՒԱՆԱԳԻՏՈՒԹԻՒՆՆ ԸՆԴԴԷՄ ԽՌՈՎՈՒԹԻՒՆՆԵՐԻ.

ՀԱՅԱՍՏԱՆԻ ՊԱՏՒԻՐԱԿՈՒԹԵԱՆ ԱՅՑԸ ԻՐԱՆ ՉԿԱՅԱՑԱՒ, ԹԵՀՐԱՆՈՒՄ ՇԱՐՈՒՆԱԿՒՈՂ ԲՌՆԱՐԱՐՔՆԵՐԻ ՊԱՏՃԱՌՈՎ•


Երեւան, ARMTOWN Լրատու կենտրոն.– 26/06/09 Հայաստանի պաշտօնական պատւիրակութեան այցը Իրան չեղեալ յայտարարւեց հիւրընկալող երկրի կողմից, քանի որ Իրանում շարունակւում են հետընտրական անկարգութիւնները:

Հայաստանի Հանրապետութեան Ազգային Ժողովի նախագահ Յովիկ Աբրահամեանի գլխաւորած պատւիրակությունը պէտք է Յունիսի 20-ին երկօրեայ այցով մեկնէր Իրանի Իսլամական Հանրապետութիւն:

Պատւիրակութիւնը կազմում էին Ա.Ժ. և Հ.Հ. կառավարութեան ինը բարձաստիճան պաշտօնեաներ և պաշտօնատար այլ անձինք: Ինչպէս տեղեկացնում են Հ.Հ. Ա.Ժ. հասարակայնութեան հետ կապերի վարչութիւնից, այցը յետաձգւել է անժամկէտ: Հ.Հ. Ա.Ժ.–ի նախագահի մամուլի քարտուղար Նաիրի Պետրոսեանը «ԱրմենիաՆաուին» ասաց, որ ճիշտ չի լինի այցի յետաձգման պատճառները յայտնել:

Ուժգին խռովութիւնները խաթարել են Հայաստանի հարաւային հարևանի առօրեայ կեանքը: Ինչպէս հաղորդւում է, ոստիկանութեան և ընդդիմադիրների բախումների հետևանքով առնւազն 19 մարդ է զոհւել: Չհաստատւած տեղեկատւութեան համաձայն` զոհերի թիւը աւելին է :

Թեհրանում Հայաստանի պատւիրակութիւնը հանդիպումներ պէտք էր ունենար վերջերս վերընտրւած Իրանի նախագահ Մահմուդ Ահմադինեժադի, խորհրդարանի նախագահ Ալի Լարիջանիի և Անւտանգութեան բարձրագոյն խորհրդի քարտուղար Սայիդ Ջալիլիի հետ:

Երևանում գործող Ռազմավարական և ազգային հետազօտութիւնների հայկական կենտրոնի (www.acnis.am) տնօրէն Ռիչարդ Կիրակոսեանը կարծում է, որ հայկական պատւիրակության այցի հետաձգումը ճիշտ էր, քանի որ «Իրանում այժմ շատ վատ ժամանակներ են»: «Իրանում այժմ այնքան ներքին տագնապ կայ, որ պէտք է սպասել, մինչև ներքին իրավիճակը կարգաւորվի այնտեղ:

Նույնիսկ ԱՄՆ իշխանությունները մինչև այժմ խստօրեն չեն արձագանքել Իրանի իրադարձութիւններին, քանի որ դա կդիտւէր, որպէս Իրանի ներքին գործերին միջամտելու փորձ»,- ասում է Կիրակոսյանը:


• Սիրանոյշ Գևորգեան


کدخدايی: شورای نگهبان هيئت ويژه بررسی انتخابات تشکيل می دهد


عباسعلی کدخدايی، سخنگوی شورای نگهبان : برای جلب اعتماد بيش‌تر دو نامزد معترض هيئت ويژه ای برای بررسی روند برگزاری انتخابات تشکيل می شود و همچنين ۱۰ درصد از آراء بازشماری خواهد شد.


Պահապան Խորհուրդը, թեկնածուների վստահութիւնը ապահովելու համար յատուկ մարմին է կեանքի կոչել,


(Դիտել Պարսկերէն բաժնում)

«Իրանից հայերի ներկայիս արտագաղթը թուլացնում է համայնքը»
վկայում է իրանահայ ճարտարապէտ Վարուժան Առաքելեանը


(Լուսանկարները՝ DPTNEWS–ից)


Իրանահայ ճարտարապէտ Վարուժան Առաքելեանը ծնւել է 1934 թւականին Թաւրիզում: Պատանեկան տարիքից անդամակցել է ամենատարբեր հասարակական, խմբակցային եւ գրադարանային կազմակերպութիւնների։ Եղել է Թաւրիզի ազգային տարբեր մարմինների անդամ եւ նախագահ:

Հայ ճարտարագէտների եւ ճարտարապէտների միութեան փոխնախագահն է: Ակտիւօրեն մասնակցում է Իրանի տարածքում իրականացւող հայ մշակութային կոթողների վերականգնողական եւ վերանորոգման աշխատանքներին:

«Հայերն Այսօր» էլեկտրոնային թերթի հետ ունեցած հարցազրոյցում Վարուժան Առաքելեանը ներկայացրեց որոշ մանրամասներ` կապւած իրանահայ համայնքի ներկայիս իրավիճակին:
Հարցում.– Պարոն Առաքելեան, ինչպէ՞ս կբնութագրէք իրանահայ համայնքը: Ի՞նչ խնդիրներ ունի հայկական գաղութը:




-Վարուժան Առաքելեան.– Իրանահայ գաղութը շատ հին է, դարերի պատմութիւն ունի, ուստի դժւար է այն Սփիւռք հասկացութեան մէջ «տեղաւորել», քանի որ Սփիւռքը, որպէս այդպիսին, ձեւաւորւել է յատկապէս Մեծ Եղեռնից յետոյ: Իսկ Նոր Ջուղայի եւ Ատրպատականի պատմութեանն անդրադարձել է դեռեւս պատմիչ Առաքել Դաւրիժեցին:

Նշեմ նաեւ, որ սկզբում այդ տարածքները միանգամայն հայաբնակ էին: Նախկինում հայ համայնքն իրեն ամենեւին էլ ազգային փոքրամասնութիւն չէր զգում, քանի որ բաւական մեծ էր եւ ամուր, սակայն վերջին երկու տասնամեակներում իրավիճակը լիովին փոխւեց: Նախկին ուժեղ համայնքը թուլացաւ յատկապէս մեծ ծաւալների հասնող արտագաղթի պատճառով:


Համայնքն այսօր, իհարկէ, ունի ե'ւ խնդիրներ, ե'ւ դժաւարութիւններ, սակայն հիմնական մտահոգութիւնն արտագաղթն է:

Արտագաղթը (առաւելեւս, որ չափազանց պակասել է նաեւ ծնելիութիւնը) բաւական բացասաբար է անդրադառնում ինչպէս համայնքի մեծութեան (որից էլ, հասկանալի է, թուլանում է նրա սոցիալական, քաղաքական ամրութիւնը), այնպէս էլ հզօրութեան վրայ:

Ներկայիս արտագաղթը դէպի ԱՄՆ, Եւրոպա, Կանադա եւ այլուր բաւական վատ է անդրադառնում յատկապես մնացողների վրայ: Ստեղծւած վիճակն ազդում է գաղութի թէ' հասարակական, թէ' միութենական կեանքի, թէ' բարեգործական կազմակերպութիւնների, համալսարանական միութիւնների եւ այլ կառոյցների վրայ:
- Հարցում.– Որպէս քաղաքաշինարար եւ ճարտարապէտ, ինչպէ՞ս կգնահատէք Իրանի տարածքում առկայ հայ պատմամշակութային կոթողների, յուշարձանների վիճակն ու դրանց պահպանութիւնը: Արդեօ՞ք, ոչ քրիստոնյա երկրում դրանք չեն պղծւում կամ ոչնչացւում:

-Վարուժան Առաքելեան.– Պարսկաստանը հազարամեակներ եղել է մշակոյթի օրրան եւ ազատ երկիր կրօնական ու տարբեր դաւանանքների համար: Պատմութիւնը գալիս է վկայելու, որ հայերն այստեղ ապրել են ոչ թէ որպէս եկւորներ, այլ բնիկներ` իրենց բոլոր իրաւունքներով: Թերեւս այս է պատճառը, որ դժւար է իրանահայութեանն ընդգրկել «Սփիւռք» եզրագծում: Հայերը, կարելի է ասել, իր բնօրրանում ապրել են դարեր ի վեր, որի կենդանի վկաներն են այս տարածքի հարիւրաւոր յուշահամալիրներն ու կոթողները` որպէս հայ ժողովրդի մշակութային ժառանգութիւն:

Այստեղ յուշակոթողները պահւում եւ պահպանւում, ինչպէս նաեւ վերանորոգւում են Իրանի իշխանութիւնների բարեխնամ վերաբերմունքի արդիւնքում, եւ պատահական չէ, որ երկար տարիների յամառ ու քրտնաջան աշխատանքի շնորհիւ հնարաւոր եղաւ 2008 թւականի յունիսին Կանադայի Քվեբեք քաղաքում կայացած ԻՒՆԵՍԿՕ-ի համաժողովում հայ պատմական երկու վանքեր` սրբ. Թադէն ու սրբ.Ստեփանոսը եւ Ծոր-Ծորի սրբ. Աստւածածին եկեղեցին յարակից եօթ կառոյցներով, ներառեալ Տղմուտի եւ Արաքսի հատման կէտում հայկական Դարաշամբ բնակավայրի աւերակները, գիւղի եկեղեցին, գերեզմանատունը եւ այլ մատուռներ, հաստատագրել որպէս միջազգային արժէք ներկայացնող յուշակոթողներ:


Իրականում Իրանի Իսլամական Հանրապետութիւնը բաւական ազատ երկիր է դաւանական եւ ազգային փոքրամասնութիւնների իրաւունքների պաշտպանութեան առումով, դրա վառ ապացոյցներից է այն, որ մենք` հայերս, մեծ շուքով նշում ենք սբ.Վարդանանց տօնը, որն, ինչպէս գիտենք, փառաբանում է հայերի յաղթանակն ընդդէմ Սասանեան Պարսկաստանի:

Հարցում.– - Բազմիցս լսել եմ Իրանի տարբեր հայկական սրբավայրերում կազմակերպւող եւ իրականացւող ուխտագնացութիւնների մասին: Ինչպէ՞ս են դրանք կազմակերպւում:

Վարուժան Առաքելեան.– Ուխտագնացութիւնը որպէս այդպիսին սկիզբ է առել է 1954 թւականին` ճիշտ 55 տարի առաջ: Այն առանձնապէս մարդաշատ էր յատկապեէ քրիստոնէութեան 1700-ամեակին նւիրւած միջոցառումների շրջանակներում: Կազմակերպւեց մեծ տօնախմբութիւն: Այս ուխտագնացութիւնների հիմնական նպատակը, թերեւս, հայ սրբավայրերն անընդհատ ուշադրութեան կենտրոնում պահելն է եւ հայ երիտասարդութեանը հայկական մշակոյթին ու յատկապս հոգեւոր մշակոյթին հաղորդակից դարձնելն է:


Հարցում.– Պարոն Առաքելեան, իսկ ինչպիսի՞ն էք տեսնում Երեւանում իրականացւող շինարարութեան ճարտարապետական լուծումները: Ի՞նչ կասէք ժամանակակից հայ ճարտարապետութեան մասին:
-Վարուժան Առաքելեան.– Խախտումներն անտանելի շատ են, բաւական խաթարվել է մայրաքաղաքի դէմքը, վնասւել է մայրաքաղաքի սրտի` հրապարակի, պանորաման: Չգիտեմ ո՞վ եւ ինչո՞ւ է անտեսել, թւում է, ամենատարրական քաղաքաշինական նորմերը, սակայն այսօր դրանք վերականգնելն անհամեմատ աւելի բարդ է լինելու, քան, եթէ դրանք արւած չլինէին:


Սա, թերեւս վկայում է քաղաքաշինական օրէնքների կամ բացակայութեան, կամ դրանց անլիարժէք կամ գոնէ թերի լինելու մասին: Ասեմ, որ նման բնոյթի եւ քանակութեան քաղաքաշինական նորմերի խախտումներ աշխարհի եւ ոչ մի երկրում հնարաւոր չէ տեսնել:
Նորակառոյց թաղամասերում չեն պահպանւած ինչպէս քաղաքաշինական, այնպէս էլ շինարարական նորմերը, հաշւի չեն առնւած մարդու բարեկեցութեան համար անհրաժեշտ անհատական պահանջները: Հասկանալի է, որ միանգամից ամէն ինչ հնարաւոր չէ շտկել եւ, բնականաբար, այլ երկրներում, ասնեք, ԱՄՆ-ում, գործող օրէնքներն այստեղ միանգամից ներդնել չենք կարող:


Բայց անպայման պէտք է վերանայել նորմերը, յստակեցնել դրանք ու իրականացնել: Երեւանն այսօր, կարելի է ասել, խեղդւում է, քանի որ սարսափելի պակասել են կանաչ տարածքները: ՀՀ գլխաւոր ճարտարապետ Նարեկ Սարգսեանի հետ զրոյցում խօսեցինք քաղաքի շահադիտական դրւածքի, շէնքերի դասաւորութեան մասին:
Հարցում.– Ի՞նչ կասէիք ՀՀ սփիւռքի նախարարութեան կողմից կազմակերպւած ճարտարապետների համահայկական հաւաքի մասին: Ի՞նչ ակնկալիքներ ունէք այս հաւաքից:
Վարուժան Առաքելեան.– Կարծում եմ, նախ պէտք է շնորհաւորել նորաստեղծ այս կառոյցի` ՀՀ սփիւռքի նախարարութեան կազմաւորումը, քանի որ մինչ այդ այն կոմիտէի կարգավիճակ ուներ, իսկ այժմ արդէն նախարարութիւն է: Ուրախ ենք նաեւ, որ Սփիւռքի համար այսքան կարեւոր կառոյցի ղեկավար է նշանակւել այսքան հմուտ, բանիմաց եւ խելացի մէկը` տիկին Յակոբեանը:

Կարծում եմ, սփիւռքի նախարարության հիմնական խնդիրը հայութեան տունդարձն է, նրանց վերադարձը Հայրենիք` «վերադարձ դէպի Հայրենիք» կարգախօսով: Չմօռանանք Սիլւա Կապուտիկեանի խօսքերը «Ո՞ւմ ենք թողնում մեր շիրիմները եւ գնում»: Նորից նոր-նոր գաղութներ են ստեղծւում, մենք չպէտք է մեր ունեցածը թողնենք ուրիշներին ու գնանք ուրիշների սարքածի վրայ:
Կարծում եմ, այս` ճարտարապետների համահայկական հաւաքը, կարեւոր նշանակութիւն ունեցաւ աշխարհի հայ ճարտարապետներին համախմբելու, ինչու չէ` նաեւ ծանօթացնելու եւ բարեկամացնելու գործում: Այս հաւաքի ամենակարեւոր ձեռքբերումն այն էր, որ ստեղծւեց ճարտարապետների համահայկական միութիւն: Եթէ այս միութիւնն իրականում գործի ու յստակ կատարի իր առաքելութիւնը, վստահ եմ, շատ բաներ իրենց դրական լուծումը կստանան:
ՐԱՖՖԻ Ն.Մ.
22/06.2009
***
Կարիք եմ զգում աւելացնել, որ 2007 թւականի դեկտեմբերին, Իրանի Իսլամական Հանրապետութեան տարածքում գոյութիւն ունեցած Հայկական յուշակոթողներին այցելութիւն տալու նպատակով, Ճրտգ. Գէորգ Վարդանեանի եւ ճրտպ. Վարուժան Առաքելեանի ընկերակցութեամբ, այցելեցինք Իրանի կառավարութեան միջոցով վերանորոգւող Հայկական վանքերը, դրանց շարքում՝ Ս. Թադէի, Ս. Ստեփանոս Նախավկայի ու Ծոր–Ծորի վանքերը, որոնց վերանորոգման աշխատանքներին հսկում է՝ ճրտպ. Վարուժան Առաքելեանը։ Լուսանկարները պատւանում են այդ այցելութեան։

ՎԱՐԴԱՆ


«ՀԱՅԵՐԻՑ ՆԵՐՈՂՈՒԹԻՒՆ ԽՆԴՐԵԼՈՒ ԱՐՇԱՒԸ

ԸՆԴԱՄէՆԸ ԱՌԱՋԻՆ ՔԱՅԼՆ Է»


Ըստ ««Հայերն այսօր» էլեկտրոնային պարբերականի, թուրք առաջադէմ լրագրող եւ մտաւորական, 2008-ի դեկտեմբերին հայերից ներողութիւն խնդրելու արշաւը նախաձեռնող՝ Ջենքիզ Աքթարն անցած շաբաթ Բարեգործականի «Ասպետ» կոմիտեի հրաւէրով գտնւել է Լոս Անջելեսում:
Ինչպէս հաղորդում է «Մարմարան», Աքթարն իր դասախոսութիւնը սկսել է հետեւեալ խօսքերով. «Տարիներ ի վէր հայերի հետ կատարւածը գաղտնիք չի եղել ինձ համար:
Թուրքիայում այդ հարցը հանրային քննարկման առարկայ է դարձել վերջին տարիներին: Երբ ասում են խօսքի ազատութիւն, նշանակում է, որ արգելւած թեմաները նոյնպես պէտք է քննարկւեն:
Հայկական հարցն անշուշտ այդ տաբուներից մէկն էր, եթէ ոչ ամենագլխավորը: Գալով այն հարցին, թէ՝ ի՞նչն է ինձ ստիպել նախաձեռնել հայերից ներողութիւն խնդրելու արշաւը, ապա դա, անտարակոյս, իմ ընկերոջ` Հրանտ Դինքի սպանութիւնն էր: Այդ ոճիրը ցնցող էր, եւ ես հասկացայ, որ մի բան պիտի անեմ` այնքան ցնցող, որքան Հրանտի սպանութիւնը»:
Աքթարը յայտնել է, որ ներողութեան արշաւն ինքը միայնակ չի կազմակերպել, ընդհանուր առմամբ այս աշխատանքին լծւած են 360 մտաւորականներ, գիտնականներ ու գործարարներ:



ՄԱՀԱՑԱՒ ՄԱՅՔԸԼ


ՋԱՔՍԸՆԸ


50 տարեկանում մահացաւ փօփ երաժշտութեան արքան


Ոստիկանութիւնը հետախուզական քննութիւններ է սկսել նրա մահւան

պատճառները գտնելու համար։



Լոս Անջէլեսի կենտրոնական հիւանդանոցի պատասխանատուներն յայտնել են թէ Ջաքսընը մահացել է իր բնակարանում (Լոս Անջելես) սրտի տագնապի հետեւանքով։


From Times Online June 26, 2009


Michael Jackson death 'linked to painkiller injection'

Philippe Naughton Speculation mounted today that Michael Jackson's fatal heart attack might have been brought on by an injection of painkilling drugs after a rehearsal at a Los Angeles arena for the star's comeback concerts in London.
As thousands of fans gathered outside the Ronald Reagan UCLA Medical Center, where Jackson was pronounced dead yesterday afternoon, LAPD detectives searched the rented mansion in the Holmby Hills area of the city where the singer had been living.
Jackson's death was confirmed by his brother Jermaine in an emotional press conference at the hospital. “We believe he suffered a cardiac arrest at his home, however the cause of his death is unknown until the results of the autopsy are known," he said.
"The personal physician who was with him at the time attempted to resuscitate him.” From Times Online June 26, 2009
Michael Jackson death 'linked to painkiller injection'From Times Online June 26, 2009
Michael Jackson death 'linked to painkiller injection'Paramedics were called to the Jackson home at 12.21pm local time to respond to a "50-year-old male" who was "not breathing at all". He was rushed to the UCLA hospital but doctors were unable to revive him and his death was confirmed at 2.26pm.
The star's sudden death shocked the world of music and entertainment. Elizabeth Taylor, a close friend, was said to be "devastated" while Madonna said: "I can't stop crying over the sad news."
By any reckoning, Jackson was the King of Pop, a former child star with the Jackson Five who went on to create the world's bestselling album with his 1982 release Thriller, which sold up to 57 million copies. Among those paying tributes was his ex-wife Lisa Marie Presley, whose father Elvis Presley met a drug-induced death in 1977 at the age of 42.
Ms Presley said that she was "sad and confused with every emotion possible" and "heartbroken" for the singer's three children.
Last night his body was flown by helicopter to the coroner's office and an autopsy is scheduled later today. But officials warned that it could take weeks to determine a cause of death because of the complicated toxicology tests needed to determine if Jackson had any drugs, alcohol or prescription medications in his system.
The Sun newspaper today reported that Jackson aides told medics at the UCLA emergency room that the star had collapsed after an injection of the drug Demerol, a powerful painkiller which is similar to morphine and which is known to come with the risk of cardiac arrest.
“Shortly after taking the Demerol he started to experience slow shallow breathing," the newspaper quoted one source as saying. “His breathing gradually got slower and slower until it stopped."
No confirmation was immediately available on that report, but the celebrity website TMZ said that Jackson had on Wednesday night attended a rehearsal at LA's Staples Center to prepare for the series of 50 concerts scheduled for London's O2 dome that had been due to start next month and last into next year.


ԵՐԵՒԱՆՆ ԱՅՍՕՐ ՀՐԱԺԵՇՏ ՏՒԵՑ ՍԻՐՒԱԾ ՍԵՐԻԱԼԻ ՀԵՐՈՍՆԵՐԻՆ

«ՊԱՆՈՐԱՄԱ»Երեւան.– Այսօր յունիսի 25–ին, Երեւանի Սրբոց նահատակաց եկեղեցում, որը գտնւում է Դաւիթաշէն համայնքում` կամրջի հարևանութեամբ, տեղի ունեցաւ Որոգայթ հեռուստասերիալի դերասանների հոգեհանգստեան արարողութիւնը:
Այս մասին տեղեկացանք «Շանթ» հեռուստաընկերութիւնից, որով եթեր էր հեռարձակւում շատերի սիրած հեռուստասերիալը:

Այս օրերին և հեռուստաընկերութեան, և այլ լրատւամիջոցների էլեկտրոնային փոստերի հասցէներին ստացւում են ցաւակցական նամակներ տարբեր երկրներից, ցաւակցական խօսքեր է հեղեղւած ինտերնէտը: Արամ Միսկարեանը` սերիալի Գարիկը, ծնւել է 1973 թւականին Երևանում։ 1979-ից սկսել է զբաղւել արևելեան մարտարւեստով:
2008-ին նա հիմնադրել և ղեկավարել է թուայ թայ բոքսինգի ֆեդերացիան: Գեղամ Ղանդիէլեանը` ֆիլմից յայտնի Գոքորը, ծնւել է 1974 թ., Երևանում։ Աւարտել է Չարենցի անւան դպրոցը, աւարտել Երևանի էլեկտրատեխնիկական քոլեջը: Նրանց ողբերգական մահը ցնցեց շատերին:

Ուժերի ծաղկման շրջանում մեզանից հեռացան երկու վառ անհատականութիւններ, որոնք իրենց կարճատև ստեղծագործական կեանքի ընթացքում հասցրել էին սիրւել և ընդունւել բազմամիլիոն հեռուստադիտողների կողմից Հայաստանում և Սփիւռքում:


Ասում են, որ դերասանը պէտք է մի քիչ նման լինի իր կերպարին, որպէսզի առաւելագոյնս կարողանայ կերտել իր դերը: Իսկ նրանք մասնագիտութեամբ դերասաններ չէին, բայց կարողանում էին չափազանց ճշմարտացի խաղալ իրենց յատկացւած անձնազոհ, նւիրեալ ու հաւատարիմ հերոսների կերպարները: Այդ պատճառով է, որ նրանց սիրում ու նոյնացնում էին իրենց հերոսների հետ:

«Նրանց կորուստն իրօք անդառնալի է, բայց մենք կը շարունակենք կատարել այն գործը, որի նւիրեալներն էին նրանք, և դա կը լինի իւրայատուկ յարգանքի տուրք այդ մարդկաց յիշատակին»։ Նշւած է «Շանթ» հեռուստաընկերութեան կոլեկտիւի ցաւակցական խօսքում:

Շանթ հեռուստաընկերութիւնից նաև յայտնեցին, որ Որոգայթ հեռուստասերիալի ցուցադրութիւնը առժամանակ դադարեցւում է: Հերթական մասը եթերում կը լինի երկուշաբթի օրը` Յունիսի 28-ին: Չեն ցուցադրւելու այն սերիաները, որոնցում կան Գոքորն ու Գարիկը:

Հետագայում նկարահանւող սերիաներում այդ երկու կերպարները չեն լինելու: Յիշեցնենք, որ Յունիսի 22-ին ժամը 22.55-ին ոստիկանութիւնից ստացւած տեղեկութեան համաձայն` Վաղարշապատ-Արմաւիր աւտոճանապարհի 5-րդ կիլոմետրում (հարաւսլաւացի զոհւած փրկարարների յուշարձանի մօտ) տեղի է ունեցել աւտովթար:

Դեռևս չպարզւած հանգամանքներում` BMW -745 մակնիշի 11 ԼՏ 602 պետհամարանիշի աւտոմեքենան դուրս է եկել ճանապարհի երթևեկելի մասից ու շրջւել:

Ժամը 23.15-ին փրկարարները Գոհար Տէր-Ադամեանին պատկանող աւտոմեքենայից դուրս են բերել ուղևորներ` 1973 թ. ծնւած Արամ Միսկարեանի (հեռուստասերիալում` Գարիկը) և 1974 թ. ծնւած Գեղամ Խանդիլեանի (սերիալում` Գոքորը) դիակները, ինչպէս նաև տուժած վարորդին` Երևանի Սողոմոն Տարոնցու փողոցի 1/3 շէնքի թիւ 19 բնակարանի բնակիչ, 1983 թ. ծնւած Էդգար Տէր-Ադամեանին, որը տարբեր աստիճանների մարմնական վնասւածքներով տեղափոխւել է Վաղարշապատի հիւանդանոց:

Նշենք, որ կինո օպերատոր Էդգար Տէր-Ադամեանը գանգի կոտրւածքով և ներքին արիւնազեղմամբ տեղափոխւել է Էջմիածնի հիւանդանոց, տեղում վիրահատւել է և յաջորդ օրը տեղափոխւել Սուրբ Գրիգոր Լուսաւորիչ հիւանդանոց։
Ըստ ոստիկանութեան լրատւական ծառայութեան, կատարւում է նախաքննութիւն:


ՀՅԴ Բիւրոյի ներկայացուցիչ Հրանտ Մարգարեան.–

«Պարտութիւնները Դաշնակցութեան համար նախադէպ չեն դառնում»


«Ես ուզում եմ «Ժառանգութեան»-ը աւելի լուրջ վերաբերւել: Դրա համար պէտք է նախ հասկանամ իրենց ներքին խնդիրները, այսինքն՝ ո՞վ է Րաֆֆի Յովհաննիսեանը՝ «Ժառանգութեան» մէջ, եւ առանց Րաֆֆի Յովհաննիսեանի՝ ի՞նչ է «Ժառանգութիւն»-ը:Այս հարցերի պատասխանը մինչեւ վերջ պէտք է հասկանանք»։



Հ.- Պրն. Մարգարեան, ՀՅԴ-ն արդէն որոշե՞լ է, թէ ինչպէս է արձագանգելու Հայ ազգային կոնգրեսի պլատֆորմ ստեղծելու առաջարկին:

Պ.- Մենք այդպիսի առաջարկ չենք ստացել: Դա հրապարակաւ արւած առաջարկ է, որն աւելի շատ քարոզչական նպատակ ունի: Կարթի ծայրին դրւած է մի քանի կտոր շաքար. դա վերաբերում է Հայոց Ցեղասպանութեանը, մեզ հետաքրքրող թեմաներին, այն էլ կիսատ-պռատ, բայց հիմնականը կարթն է, որը նկատելի է, եւ կարծում եմ, թէ դա միայն քարոզչական հնարք է, որ իրենց է պէտք:
Հ.- Իսկ ո՞ր դէպքում առաջարկը կը համարէիք Ձեզ արւած:

Պ.- Այդ տեսակ առաջարկը, եթէ լուրջ է լինում, նախ ունենում է կուլիսների յետեւում մի ընթացք, որի արդիւնքն է դրսեւորւում, եւ ոչ թէ նախ արդիւնքն է դրսեւորւում, եւ յետոյ ընթացքն է սկսւում: Կարծում եմ՝ սա համագործակցութեան լուրջ առաջարկ չէ: Ամէն դէպքում՝ մենք մեր ուղղութիւնն ունենք:

Մենք, վերջին հաշւով, շատ իւրօրինակ կուսակցութիւն ենք, չենք եկել ընդդիմութեան դաշտ, որ ընդդիմութեան հետ կռւենք, այդ պատճառով էլ առաջարկի պատասխանը շատ չենք ծաղկացնում եւ փորձում ենք լռութեամբ անցնել: Որեւէ հարց մեր աչքից չի վրիպում, բոլոր հարցերն են քննարկւում, նաեւ այդ հարցը, բայց ինչ-որ յատուկ քննարկում դրա համար չի եղել:
Հ.-Կարելի՞ է ասել, որ այս պահին արդէն որոշւած է, որ արւած առաջարկին ընթացք չէք տալու:

Պ.- Մենք մեր ընթացքն ունենք: Ով կուզի՝ թող մեզ միանայ: Մենք երկու հիմնական նպատակ ենք հետապնդում՝ կանխել հայ-թրքական յարաբերութիւնների այս ընթացքը եւ պարտւողականութիւնը՝ Ղարաբաղի հարցում, երկրորդ՝ հետամուտ լինել Հայաստանում սոցիալական արդարութեանը: Մենք պէտք է ձեւաւորւենք, կայանանք որպէս այլընտրանքային կուսակցութիւն եւ շարունակենք մեր պայքարը:
Հ.- Այլընտրանք ո՞ւմ՝ ընդդիմութեա՞նը թէ՝ իշխանութեանը:

Պ.- Բոլորին: Որեւէ կուսակցութիւն միւսների նկատմամբ այլընտրանք է:
Հ.- Ասելով՝ ով կուզի, թող միանայ մեզ, ո՞ւմ միացումն էք ակնկալում:

Պ.- Ժողովրդի:
Հ.- Քաղաքապետի ընտրութիւնների արդիւնքներն արդեօք ցոյց չտւեցին, որ ՀՅԴ-ի համար դժւար է լինելու նաեւ ժողովրդին իրեն միացնելը:

Պ.- Ամէն մի ընտրութեան ամէն մի կուսակցութիւն մասնակցում է յատուկ հասկացողութեամբ: Մենք այս ընտրութեանը մասնակցեցինք մեզ համար ամենադժւար պահին, մենք կատարեցինք ճամբարի փոփոխութիւն եւ փոփոխութեան պահին էինք դիմագրաւում այս ընտրութեանը:

Այս ընտրութիւնն էլ այնպիսն չէր, որ մենք մեր ամէն ինչը դնէինք այս ընտրապայքարի մէջ: Ընդունում ենք, որ նաեւ մենք լաւ չենք աշխատել, եւ այս ընտրութիւններով չի կարելի չափել Դաշնակցութեան իրական տեղը:

Մենք մասնակցում էինք՝ հասկանալով, որ մեծ տեղ չենք ունենալու: Այդ առումով՝ ես ողբերգական չեմ նայում, շատ հանգիստ եմ նայում այդ հարցին, համարում եմ մեր հիմնական ընթացքի մէջ թեթեւ մի գործ, որն արեցինք, եւ չիրականացաւ:
Հ.- Իսկ վտանգ չկա՞յ, որ դա կարող է նախադէպ դառնալ:

Պ.- Պարտութիւնները դաշնակցութեան համար նախադէպ չեն դառնում, անցնում- գնում են եւ չեն ազդում մեր ընթացքի վրայ:
Հ.- «Ժառանգութեան» հետ համագործակցութեան ի՞նչ տարբերակներ էք հաւանական համարում:

Պ.- Բնականաբար, բոլորի հետ էլ համագործակցելու հնարաւորութիւն կայ՝ նայած ինչի համար, բայց ես ուզում եմ «Ժառանգութեան»-ը աւելի լուրջ վերաբերւել: Դրա համար պէտք է նախ հասկանամ իրենց ներքին խնդիրները, այսինքն՝ ո՞վ է Րաֆֆի Յովհաննիսեանը՝ «Ժառանգութեան» մէջ, եւ առանց Րաֆֆի Յովհաննիսեանի՝ ի՞նչ է «Ժառանգութիւն»-ը: Այս հարցերի պատասխանը մինչեւ վերջ պէտք է հասկանանք:
Հ.- Ե՞րբ կը լինի դա:

Պ.- Կարծում եմ՝ հասկանալու ընթացքի վրայ ենք:
Հ.- Հնարաւո՞ր համարում էք Հայաստանում արտահերթ ընտրութիւններ:

Պ.- Դա կապւած է շատ բաների հետ: Ես ոչինչ չեմ բացառում քաղաքական կեանքում, բայց եւ դրա հասարակական պահանջն ու հասունացումը չեմ տեսնում:
Հ.- Կոալիցիայից դուրս գալուց յետոյ՝ հայ-թրքական յարաբերութիւնների ընթացքի փոփոխութիւն նկատո՞ւմ էք:

Պ.- Դատելով երեւոյթների արտաքին կողմից՝ մի բան պարզ է. այդ բանակցութիւնների ընթացքը այսօր դադարած է: Այն պէտք է շարունակւէր մայիսի սկզբից, այսօր յունիսի 18-ն է, եւ ընթացք չկայ:

Սա դեռ չի նշանակում, որ հարցն ամբողջութեամբ լուծւել է: Վտանգը առջեւում է: Վատատես լինելու համար ես պէտք է ասեմ, որ սա ընդամէնը յետաձգում է, բայց ինչ-որ լաւ բանի մասին էլ է խօսում. առնւազն, այս 48 օրւայ ընթացքում իշխանութիւնները մի քանի անգամ մտածելու հնարաւորութիւն եւ առիթ են ունեցել:



«Ի-Չաննըլ»

Իսլ. յեղափոխութեան առաջնորդը հանդիպում է ունեցել խորհրդարանի պատգամաւորների հետ .

Լրատու ցանց - Չորեքշաբթի, յունիսի 24-ին Իրանի Իսլ. յեղ. առաջնորդ այաթ. Խամենէին ընդունեց Իսլ. խորհրդարանի նախագահին, նախագահական կազմին ու խորհրդարանի պատգամաւորներին եւ իր տեսակէտները յայտնեց խորհրդարանում քննարկւող եւ վաւերացւող օրինագծերի, հասարակական հիմնական կարիքների եւ դրանց մշակութային ու կրթա-դաստիարակչական հետեւանքների եւ երկրում տիրող ընթացիկ իրադարձութիւնների մասին, ապա լսեց խորհրդարանի նախագահ Լարիջանիի զեկոյցը եւ տեսակէտները՝ արծարծւած հարցերի շուրջ:
Այաթ. Խամենէին իր խօսքում շեշտեց, որ խորհրդարանը պէտք է հանդիսանայ երկրի մտաւոր ուժը եւ մարմնաւորւի օրէնքի տարազում ու տարածւի երկրով մէկ, ուստի՝ օրէնքների ամենահրամայական կարիքներն են մի կողմից դրանց պատշաճեցումն Իսլ. յեղափոխութեան հիմնադրոյթների եւ արժէքների հետ եւ միւս կողմից՝ հանրութեան շտապ կամ երկարատեւ կարիքների բաւարարումը:
Այդ երկու կէտի լրացումով՝ օրէնքները անթերի ու ճիշտ հիմունքներով կը կրեն նաեւ գործունեայ բնոյթ. հակառակ դէպքում՝ կորցնելով իրենց ճշմարտացի կարեւորութիւնը՝ կը դադարեն համոզիչ լինելուց:
Նախագահական ընտրութիւններին յաջորդած ընթացիկ իրադարձութիւններին անդրադառնալով՝ Իսլ. յեղ. առաջնորդը գնահատեց խորհրդարանի դիրքորոշումներն ու պատգամաւորների ստորագրած գրութիւնը եւ շեշտեց. «Այն պահին, երբ թշնամիները պատեհապաշտօրէն ուզում են մատնանշել մեր թոյլ կողմերը եւ չարաշահել դրանք. քաղաքական միացեալ դիրքորոշումն ու միաձայն կեցւածքը ամենակարեւոր ու յարմար քայլը պէտք է համարել»։
Իսլ. խորհրդարանի նախագահ Լարիջանին 8-րդ Իսլ. խորհրդարանի նստաշրջանի աշխատանքների մակարդակի մասին բացատրութիւնների ընթացքում նշեց, որ նախագահական ընտրութիւններին յաջորդած խնդիրների մասին խորհրդարանը համոզւած է, որ ընթացիկ խնդիրները լուծելի են միմիայն օրէնքի շրջագծում եւ պատգամաւորները արգելելու են անօրինական գործընթացներն ու արծարծւած բոլոր հարցերը միմիայն կաւարտւեն Պահապան խորհրդի տեսակէտների գործադրումով եւ բախւող կողմերը պէտք է ըմբռնեն, որ օրէնքը միայն խաղաղ ժամանակների համար չի հաստատւում, այլեւ՝ բոլոր ժամանակների:
«ԱԼԻՔ»


زهرا رهنورد : دستگیر نشده ام


دكتر زهرا رهنورد در گفت‌وگو با
قلم‌نيوز: دستگیر نشده‌ام/به وظایف علمی‌ام در
دانشگاه ادامه می‌دهم/درکنار مردم،ملتزم به
قانون ودرعین حال معترضم
.
Զահրա Ռահնաւարդ.–« Չեմ
ձերբակալւել եւ կը բողոքեմ
Օրէնքի սահմաններում»
(Դիտել Պարսկերէն բաժնում)

«ՇԱՆԹ» Ի ՎՇՏԱԿՑԱԳԻՐԸ՝ ԻՐ ԿՈՐՑՐԱԾ ԳՈՐԾԸՆԿԵՐՆԵՐԻ ԿՈՐՍՏԻ ԿԱՊԱԿՑՈՒԹԵԱՄԲ


«Շանթ» հեռուստաընկերութեան ողջ կոլեկտիւը և «Որոգայթ» հեռուստասերիալի ողջ անձնակազմը խորապէս ցնցնւած են «Որոգայթ» հեռուստասերիալում հանդէս եկող Արամ Միսկարեանի` Գարիկի դերակատարի, և Գեղամ Խանդիլեանի` Գոքորի դերակատարի, ողբերգական մահւան կապակցութեամբ։
Ուժերի ծաղկման շրջանում մեզանից հեռացան երկու վառ անհատականութիւններ, որոնք իրենց կարճատև ստեղծագործական կեանքի ընթացքում հասցրել էին սիրւել և ընդունւել բազմամիլիոն հեռուստադիողների կողմից Հայաստանում և Սփիւռքում:
Ասում են, որ դերասանը պէտք է մի քիչ նման լինի իր կերպարին, որպէսզի առաւելագոյնս կարողանայ կերտել
իր դերը:
Իսկ նրանք մասնագիտութեամբ դերասաններ չէին, բայց կարողնում էին չափազանց ճշմարտացի խաղալ իրենց յատկացւած անձնազոհ, նւիրեալ ու հաւատարիմ հերոսների կերպարները:
Այդ պատճառով է, որ նրանց սիրում ու նոյնացնում էին իրենց հերոսների հետ:Նրանց կորուստն իրօք անդառնալի է, բայց մենք կշարունակենք կատարել այն գործը, որի նւիրյալներն էին նրանք, և դա կլինի իւրահատուկ յարգանքի տուրք այդ մարդկաց յիշ
ատակին:
Մենք ցաւակցում ու մեր բարոյական աջակցութիւն ենք յայտնում Արամի ու Գեղամի հարազատներին, մտերիմներին ու բոլոր այն մարդկանց, ովքեր գնահատում ու սիրում էին նրանց արւեստը:


ՑԱՑԱԿՑՈՒԹԻՒՆ...


mailto:vorogayt@shanttv.am

«Շանթ» հեռուստաընկերութիւնը տեղեկացնում է, որ «Որոգայթ» հեռուստասերիալի ցուցադրութիւնը առժամանակ դադարեցւում է: Հերթական մասը եթերում կլին երկուշաբթի օրը Յունիսի 28-ին:

غیبت سران مجلس در دیدار با احمدی‏نژاد
مشاهده در بخش فارسی
(ԴԻՏԵԼ ՊԱՐՍԿԵՐԷՆ ԲԱԺՆՈՒՄ)



ԻՆՉՊԷՍ ԾՆՒԵՑ՝
ՎԵՐՎԱՐԱԾՆԵՐՆ ԸՆՏԱՆԻՔՈՒՄ»
ՀԵՌՈՒՍՏԱՍԵՐԻԱԼԸ


2003 թւականին հայկական հեռուստատեսութեան և կինոյի պատմութեան մէջ առաջին անգամ «Շանթ» հեռուստաընկերութիւնը ձեռնամուխ եղաւ հայկական առաջին հեռուստասերիալի արտադրութեանը, որով ժխտեց այն համոզմունքը, որ Հայաստանում հնարաւոր չէ սեփական ուժերով նման լայնածաւալ նախագծի իրագործումը:

«Վերվարածները», ինչպէս կոչւեց երգիծական հեռուստասերիալը, իր առաջ խնդիր էր դրել երգիծանքի և հիւմորի լեզւով վեր հանել մեր կեանքի բացասական երևոյթներն ու դրսևորումները և ներկայացնել այն խնդիրները, որոնք շատ հաճախ դուրս են մնում մեր տեսադաշտից:

Ցուցադրման առաջին իսկ օրւանից «Վերվարածները» երգիծական հեռուստասերիալը ոչ միայն սիրւեց ու գնահատւեց հեռուստադիտողի կողմից, այլև մինչ օրս համարւում է հայկական հեռուստատեսութեան ամենայաջողւած նախագծերից մէկը:

Իւրաքանչիւր տարի «Վերվարածները» իր հեռուստալսարանին ներկայանում է նոր ասելիքով և հետաքրքիր մտայղացումներով: Եթէ իր գոյութեան առաջին տարում սերիալը պատմում էր աւտոտեսուչ–վարորդ փախյարաբերութիւնների մասին, ապա ողջ 2005թ. ընթացքում հեռուստադիտողը հետևում էր բժիշկ–հիւանդ յարաբերութիւններին:

Սկսած 2006 թւականից «Շանթ» հեռուստաընկերութիւնն իր հեռուստադիտողին ներկայանում է «Վերվարածներն ընտանիքում» հերթական երգիծական հեռուստասերիլով, որի ստեղծագործական և սիրւած դերասանական կազմը, միայն իրեն յատուկ հիւմորի լեզւով և ոճով, ներկայացնում է հայկական ընտանիքում տեղ գտած երևոյթներն ու օրինաչափութիւնները` ծնող-երեխայ, հարս ու սկեսուր, հարևան-բարեկամ փոխյարաբերութիւնները:

Աւելորդ չէ նշել, որ «Վերվարածներն ընտանիքում» հեռուստասերիալը ևս հասցրել է դառնալ հայկական հեռուստատեսութեան ամենավարկանիշային և սիրւած հեռուստանախագծերից մէկը:

Դերասաններ` Արթուր Հակոբեան, Արտեոմ Կարապետեան, Աշոտ Եդիգարեան և

Սցենարի հեղինակ` Յարութիւն Ղուկասեան

Ռեժիսոր` Ռոման Մուշեղեան

Պրոդիւսեր` Յունան Սողոեան։


Սերիալը, յաջող լինելով հանդերձ ունէր նաեւ մի շարք կոպիտ սխալներ կապւած սփիւռքահայութեան ու մանաւանդ իրանահայութեան, որոնց մասին կը խօսեմ ուրիշ առիթով։