ՏԻՐԱԿԱՆ ԷՐ ՏՐԱՄԱԲԱՆԱԿԱՆ ՏՐԱՄԱԴՐՈՒԹԻՒՆԸ
Նախապէս կատարւած յայտարարութեան համաձայն, այսօր, երեքշաբթի յունիսի 16–ի կէսօրից յետոյ, պետութեան հրաւէրով, համերաշխութեան համահաւաք տեղի ունեցաւ Թեհրանի կանտրոնական Վալիասր հրապարակում։ Համահաւաքը կազմակերպւել էր դատապարտելու համար վերջին օրերի ընթացքում մայրաքաղաքի ու տարբեր քաղաքներում տեղի ունեցած ընդվզումները դատապարտելու համար։Թէեւ յեղափոխութեան առաջնորդի յորդորով համերաշխութեան ու միաբանութեան մթնոլորտ պիտի տիրի երկրում ու նաեւ պիտի խուսափել պառակտիչ գրգռութիւններից, սակայնհամահաւաքի բանախօս Իսլ. Խորհրդարանի նախկին նախագահ՝ Հադադէ Ադելը առիթը չփախցրեց Միր Հոսէյն Մուսաւիին հարւածելու համար։Անկախ դրանից, թէ՛ հրապարակում եւ թէ՛ հաւաքից յետոյ մանաւանդ հաւաքից ոչ շատ հեռաւորութեան վրայ գտնւող 7Թիր հրապարակում համախմբւածները (Միր Հոսէյն Մուսաւիին համակրողները) եւ քայլող ցուցարարները բախման փոխարէն սկսեցին տրամաբանական ու «տրամաբանական» խաղաղ վիճաբանութիւններով զբաղւել։Ամէն տեղ էլ, վիճաբանութիւնների բնաբանն այն էր թէ՝ ովքե՞ր են վերջին խառնակիչների հեղինակները, եւ այն՝ որ արդեօք կա՞յ դրսից հրահրողներ թէ ոչ։ Յամենայն դէպս ի բացառութիւն մի քանի դէպքերի, մինչեւ այս ժամ, որեւէ լուրջ միջադէպ տեղի չի ունեցել։ Սակայն անցնող գիշերների նման, այսօր եւս տանիքնեից լսւում էին բողոքի աղաղակներ։Հարկաւոր է կարեւորութեամբ նշել, որ ինտերնետային համացանցի խանգարման ու աննախընթաց դանդաղեցման պատճառով, հնարաւոր չի լինում ժամանակին թարմացնել նաեւ այս կայքէջը։
Posts
0 Պատգամ:
Post a Comment