ԲՈՂՈՔԻ ԿՐԿԻՆ ՑՈՅՑ՝ «ՔԱՍՓԻԱՆ» Ի ԳՐԱՍԵՆԵԱԿԻ
ԱՌՋԵՒ ԹԵՀՐԱՆՈՒՄ

ՈՄԱՆՑ ՀԱՄՈԶՈՒՄՈՎ՝

ՏՐԱՄԱԲԱՆԱԿԱՆ Է ՀԱՐՑԸ ՀԵՏԱՊՆԴԵԼ ԻՐԱՒԱԿԱՆ –
ԴԱՏԱԿԱՆ ԳՈՐԾՕՆՆԵՐՈՎ
ՈՄՆ ՄԻ ՕԴԱՉՈՒ ՓՈՐՁԵՑ ԲԱՑԱՏՐԵԼ ԴԷՊՔԻ
ՄԱՆՐԱՄԱՍՈՒԹԻՒՆՆԵՐԸ, ՍԱԿԱՅՆ ՆԵՐԿԱՆԵՐԸ ՊԱՀԱՆՋԵՑԻՆ
ԴՐԱՆՔ ԼՍԵԼ ՊԱՏԱՍԽԱՆԱՏՈՒՆԵՐԻ ԿՈՂՄԻՑ
Այսօր, կիրակի ՅՈՒԼԻՍԻ 26–ի առաւօտեան ժամը 11.30–ին, կրկին անգամ բողոքի ցոյց տեղի ունեցաւ օդանաւային «Քասփիան» ընկերութեան գրասենեակւի առջեւ։
Չորեքշաբթի՝ Յուլիսի 15– ին այս ընկերութեան վարձակալութեան տակ գտնւող «Թոփոլով– Տու–154» մակնիշի օդանաւի Թեհրան – Երեւան թիւ 7908 չւերթի վթարի հետեւանքով զոհւեցին դրա 168 ուղեւորներն ու չւերթն իրականացող անձնակազմը՝ ընդւորում՝ 47 հայեր, որոնց մեծամասնութիւնը իրանահայեր էին։
Ցուցարարները, որոնց միացել էին նաեւ զոհւած Մուսուլման հարենակիցների հարազատները, պահանջում էին բացատրութիւններ ստանալ վթարի մանրամասութիւնների մասին։
Հայ վշտահարները անցեալ չորեքշաբթի օրը եւս, ճիշտ վթարի ժամին՝ 11։33 –ին խորհրդանշական ու բողոքի համահաւաք կազմակերպեցին նոյն վայրում, ու ժամադրւեցին որ յաջորդ շաբաթ (այսօր) եւս համախմբւել նոյն տեղում։
Ցոյցի ընթացքում, շէնքից դուրս եկաւ մի ոմն անձնաւորութիւն, որ իր ասութեամբ նոյն տեսակի օդանաւների օդաչու է, ու անգամներ չւերթ է կատարել Թեհրան – Երեւան – Թեհրան ուղղութեամբ։
Նա, որ նախ չէր համաձայնւում բարձրախօսով բացատրութիւններ տալ, երբ նկատեց ներկաների անուշադրութիւնը իր խօսքերի նկատմամբ, բարձրացաւ աստիճանին ու ձեռքի բարձրախօսով ցաւակցութիւն յայտնեց պատահած դէպքի համար։
Նա իր խօսքի շարունակութեամբ նախ հերքեց թռիչքի ուշացումը եւ ապա ակնարկեց մի շարք հարցերի, որոնք ըստ ցուցարարների չէին համապատասխանում իրականութեան հետ, ուստի եւ անուշադրութեամբ հեռացան իրենից։
Հայ ցուցարարները, ցաւակցելով Մուսուլման հայրենակիցների զոհերի պարագաներին, հանդարտ ու կարգապահութեամբ հեռացան վայրից։







0 Պատգամ: