ԻՐԱՆԱՀԱՅ ԶՈՅԳ ՊԱՏԳԱՄԱՒՈՐՆԵՐԻ
ՄԻՋՈՑԱՌՈՒՄՆԵՐԸ՝«ՔԱՍՓԻԱՆ – ԹՈՓՈԼՈՎ» ԱՂԷՏԻ
ՀԱՐՑԻ ԿԱՊԱԿՑՈՒԹԵԱՄԲ
ԻՍԼ. ԽՈՐՀՐԴԱՐԱՆԻ 200 ՊԱՏԳԱՄԱՒՈՐՆԵՐ ՍՏՈՐԱԳՐԵՑԻՆ
«ՔԱՍՓԻԱՆ – ԹՈՓՈԼՈՎ»Ի ԽՆԴԻՐԸ ՀԵՏԱՊՆԴԵԼՈՒ
ՊԱՀԱՆՋԱԴՐՈՒԹԵԱՆ ՀԱՂՈՐԴԱԳՐՈՒԹԻՒՆԸ
ՏԵՂԻ ՈՒՆԵՑԱՒ «ՔԱՍՓԻԱՆ – ԹՈՓՈԼՈՎ» –Ի ՀԵՏԱԽՈՒԶՈՒԹԵԱՆ ԱՌԱՋԻՆ
ՆԻՍՏԸ
«Քասփիան– Թոփոլով»ի Յուլիսի 15 ի տխուր եւ աղէտալի դէպքից անմիջապէս յետոյ, Իսլամական Խորհրդարանում, իրանահայութեան զոյգ պետգամաւորներ՝ Ճրտգ. Գէորգ Վարդանեան եւ Ռոբերտ Բեգլարեանը, գործնական միջոցառումների դիմեցին, աղէտի պատճառները գտնելու եւ յայտարարելու, ինչպէս նաեւ զոհերի ու նրանց ընտանիքների իրաւունքներն ապահովելու համար։
Այդ գործընթացի շարանում, Կիրակի Յուլիսի 26–ին նոյն հարցով ազդարարել են ճանապարհների ու փոխադրութեան նախարար՝ Բեհբեհանիին, որ թերացել է այդ հարցով զբաղւելու եւ յարմար կեցւածք ցուցաբերելու համար։
Զոյգ պատգամաւորները երքշաբթի Յուլիսի 28–ին յաջողել են 200 պատգամաւորների հովանաւորութիւնը շահելով, ազդարարական հաղորդագրութիւն հրապարակել բողոքելու համար ցուցաբերւած անուշադրութեան դէմ ընդհանրապէս, եւ Յուլիս 15–ի «Քասփիան– Թոփոլով»ի տխուր վթարի հարցը արագօրէն քննարկելու եւ արդիւնքը յայտարարելու առընչութեամբ, մասնաւորապէս։
Իրանահայ զոյգ պատգամաւորներ՝ Ճրտգ. Գէորգ Վարդանեան եւ Ռոբերտ Բեգլարեանը նաեւ երէկ չորեքշաբթի Յուլիսի 29–ին, հարցաքննութեան են կանչել ճանապարհների ու փոխադրութեան նախարար՝ Բեհբեհանիին, նրան 6 հիմնական հարցումներ ուղղելով՝ Թեհրան – Երեւան չւերթի հարցով։
Նրանք նախարարից պահանջել են բացատրութիւններ տայ նաեւ վերջին ամսւայ ընթացքում տեղի ունեցած աննախընթաց օդանաւային վթարների մասին։
ՏԵՂԻ ՈՒՆԵՑԱՒ «ՔԱՍՓԻԱՆ – ԹՈՓՈԼՈՎ» –Ի ՀԵՏԱԽՈՒԶՈՒԹԵԱՆ
ԱՌԱՋԻՆ ՆԻՍՏԸ
Այօր Իրանական եւ Ռուս մասնագէտների պատւիրակութիւնները իրենց առաջին նիստն ունեցան քննելու համար Թեհրան – Երեւան չւերթի, «Քասփիան– Թոփոլով»ի վթարի պատճառները։ Մասնագէտները 11 գլուխների տակ քննելու են վթարի պատճառների մանրամասնութիւնները։
Նամակները մեծ չափով տեսնելու համար, քլիքը սեղմէք նրանց վրայ
Posts
0 Պատգամ:
Post a Comment