Օրը օրին
«Միամիտ»-ի վաստակը
(Արեւելահայերէնի վերածւած)
«Միամիտ»-ը Հայ Յեղափոխական Դաշնակցութիւնն է՝ ըստ Հայաստանի արտաքին գործոց նախարարի:Հայաստանի գլխաւոր դիւանագէտի կողմից այսպիսի բնութագրում՝ խորհրդարանական մի կուսակցութեան, առնւազն «ոչ դիւանագիտական» է:
Իսկ եթէ միամտութիւն են Ղարաբաղեան հարցի բանակցութիւնների վերաբերեալ ոչ-հայկական կողմերի հրապարակած Մադրիդեան սկզբունքների նկատմամբ ընդվզումն ու բողոքի արտայայտութիւնները, եթէ միամտութիւն են Լեռնային Ղարաբաղի Հանրապետութեան մասնակցութեան անհրաժեշտութեան վերաբերեալ շարժումն ու պահանջները։
Ապա՝ այո՛, Դաշնակցութիւնը միամիտ է ու պիտի շարունակէ միամտաբար արծարծել իր արմատական ընդդիմութիւնը Մադրիդեան սկզբունքների մէջ տեղ գտած վտանգաւոր դրոյթներին, ինչպէս նաեւ անտեղիտալիօրէն, բուռն կերպով պիտի շարունակէ պահանջել, որ Լեռնային Ղարաբաղի Հանրապետութիւնը մաս դառնայ ղարաբաղեան հակամարտութեան լուծման ուղղութեամբ տարւող բանակցութիւններին, նոյնիսկ եթէ մեղադրւի «դիւանագէտ» նախարարի կողմից, թէ՝ Դաշնակցութիւնը «պղտոր ջրի մէջ ձուկ» է, որ կուզէ որսայ:
Դաշնակցութեան սկսած վերջին արշաւը, որին արձագանգեցին Արցախի բոլոր քաղաքական եւ հասարակական կազմակերպութիւնները եւ Լեռնային Ղարաբաղի Հանրապետութեան արտաքին գործոց նախարարութիւնը, իր արդիւնքները որոշ չափով տւել է:
Արդարեւ, ԵԱՀԿ-ի Մինսկի խմբի համանախագահների վերջին արտայայտութիւններից պարզւում, որ համանախագահներ մօտ արդէն յստակացած է, թէ առանց Ղարաբաղի համաձայնութեան՝ որեւէ լուծում չի կարելի գործադրել, եւ որ, ըստ իրենց, աւելի ուշ հանգրւանում Ղարաբաղը անպայման պէտք է ներգրաււի բանակցութիւնների մէջ:
«Միամիտ» եւ «պղտոր ջրի մէջ ձուկ որսալ» փորձող Դաշնակցութիւնը գտնում է, թէ այս արշաւը պէտք է շարունակւի, մինչեւ որ բոլոր կողմերը համոզւեն, որ Ղարաբաղը հիմա՛ պէտք է մասնակից լինի բանակցութիւններին եւ ոչ թէ աւելի ուշ կամ բանակցութիւնների վերջին հանգրւանում:
ԱԲՕ ՊՕՂԻԿԵԱՆ
«Ասպարէզ» օրաթերթ, Լոս Անջելես
Posts
0 Պատգամ:
Post a Comment