ՀԱՇԵՄԻ ՌԱՖՍԱՆՋԱՆԻՆ
ՔՆՆԱԴԱՏԵԼՈՒ ՀԵՏ ՄԻԱՍԻՆ`

ՀԱՄԵՐԱՇԽՈՒԹԵԱՆ ԿՈՉ ՈՒՂՂԵՑ


Թեհրանի Ուրբաթօրեայ հաւաքական ժամանակաւոր աղօթապետ, Համակարգի Նպատակայարմարութիւնը Բնորոշող Ժողվի եւ Առաջնորդութեան Բանիմացների Ժողովի նախագահ՝ այաթօլլահ Հաշեմի Ռաֆսանջանին, շուրջ երկու ամիս բացակայութիւնից յետոյ այսօր թեհրանի աղօթքն առաջնորդեց։

Նա իր քարոզի ընթացքում քննադատելով վերջին կոպտութիւններն ու բրտութիւնները ու մանաւանդ այն պարագան, որ Պահապան Խորհուրդը չկարողացաւ օգտւել յեղափոխութեան առաջնորդի կողմից ընձեռաց առիթից՝ իր որոշումները վերանայելու համար, պահանջեց, որ ազատ արձակւեն վերջին դէպքերի ընթացքում ձերբակալւածները։
Հաշեմի Ռաֆսանջանին, որի խօսքը անգամներ ընդհատւեց ներկայ հոծ բազմութեան քաջալերական կարգախօսներով ու լոզունգներով, հանգամանօրէն անդրադարձաւ ընտրութիւններին կապւող խնդիրներին, ասաց թէ ժողովրդնի քւէների հովանաւորութիւնը չվայելող իշխանութիւնը չի կարող գրաւի ժողովրդի վստահութիւնը։
Առաջնորդութեան Բանիմացների Ժողովի նախագահը քննադատելով պետական ռադիո–հեռուստատեսութեան կիրառած ընթացքը ընտրութիւններից առաջ եւ յետոյ՝ համերաշխութեան կոչ ուղղելով բոլորին առաջարկներ ներկայացրեց յարկ եղած վարկն ու վստահութիւնը վերադարձնելու համար։

0 Պատգամ: