ՅԱՅՏԱՐԱՐՈՒԹԻՒՆ ԵՒ ՏԵՂԵԿԱՆՔ
Այսու յայտնում ենք մեր սգաւոր ժողովրդին, որ այսօր՝ շաբաթ, յուլիսի 18-ին ազգային առաջնորդարանի դահլիճում հանդիպում տեղի ունեցաւ սգաւոր ընտանիքի անդամների հետ:
Հանդիպման ընթացքում նախ տեղի ունեցաւ աղօթք՝ զոհերի հոգիների խաղաղութեան համար, այնուհետեւ Սրբազան Հայրը մխիթարական խօսքերով իր եւ ազգային իշխանութեան վշտակցութիւնը յայտնեց բոլորին եւ ապա խնդրեց, որ Թեմական խորհրդի ատենապետ դոկտ. Աիդա Յովհաննիսեանը ներկաներին փոխանցի առաջիկայ օրերում կատարւելիք ծրագրերը:
Դոկտ. Աիդա Յովհաննիսեանը մէկ անգամ եւս ցաւակցութիւն յայտնեց սգաւորներին եւ ապա կարեւորութեամբ նրանց ուշադրութեանը յանձնեց հետեւեալ կէտերը.
ա- Կիրակի, յուլիսի 19-ին առ. ժամը 10-ից սկսած՝ ս. պատարագ եւ ապա հոգեհանգստեան արարողութիւն է տեղի ունենալու Ս. Սարգիս եկեղեցում, եւ խնդրեց, որ զոհերի հարազատները պատարագի սկզբից ներկայ լինեն՝ իրենց վերապահւած տեղերը գրաւելու համար:
բ- Երկուշաբթի, յուլիսի 20-ին, առ. ժամը 11-ին, տեղի է ունենալու թաղման կարգ. նկատի ունենալով, որ զոհերի հարազատները իրենց անձնական փոխադրամիջոցներով հնարաւորութիւններ են նախատեսել, բայց ազգային իշխանութիւնը յաւելեալ դրա՝ երեք կենտրոններից փոխադրամիջոցներ է նկատի առել հետեւեալ կարգով.
1- Ս. Սարգիս եկեղեցի
2- Ս. Գրիգոր Լուսաւորիչ եկեղեցի (Զէյթուն քաղաքամաս)
3- Հ. Մ «Սիփան» միութեան կենտրոնատեղիի դիմաց (Սասուն քաղաքամաս)
Հանրակառքերը կը շարժւեն առ. ժամը 9.30-ին:
գ- Թաղման արարողութիւնից յետոյ առաջնորդ Սրբազան Հայրը, ազգ. իշխանութեան ներկայացուցիչները ու զոհերի հարազատները ցաւակցութիւններ են ընդունելու «Արարատ» մարզաւանի «Վաչիկ Ղարաբէգեան» սրահում:
Յիշատակն արդարոց օրհնութեամբ եղիցի:

ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ ԹԵՀՐԱՆԻ ՀԱՅՈՑ ԹԵՄԻ

0 Պատգամ: