ԱՄՆ փոխպետքարտուղար.–

Թուրքիան պէտք է ցոյց տայ իր հաւատարմութիւնն
Արեւմուտքին


Յունիս 26, 2010 14:19
Թուրքիան իրենից վանում է ԱՄՆ-ի կողմնակիցներին եւ պէտք է ցոյց տայ Արեւմուտքին իր հաւատարմութիւնը եւ համագործակցելու պատրաստակամութիւնը:
Նման կարծիք է յայտնել Եւրոպայի եւ Եւրասիայի հարցերով ԱՄՆ պետքարտուղարի տեղակալ Ֆիլիպ Գորդոնը:
«Մենք կարծում ենք, որ Թուրքիան նախկինի պէս հաւատարիմ է ՆԱՏՕ-ին, Եւրոպային եւ Միացեալ Նահանգներին, սակայն անհրաժեշտ է որ դա ցոյց տայ: ԱՄՆ-ի համար բարդ է աջակցել որոշ բաների, որոնց համար աջակցութիւն է ակնկալում Թուրքիան»,- ըստ Rbc.ru-ի ասել է նա:
ԱՄՆ-ում Թուրքիայի դեսպան Նամըք Թանը, մեկնաբանելով Գորդոնի յայտարարութիւնը, դրանք «ոչ օբյէկտիւ» է գնահատել: «Թուրքիան հաւատարիմ է ՆԱՏՕ-ին եւ չպէտք է կասկածի տակ յայտնւի»,- ասել է նա:
Նշենք, որ ՄԱԿ-ի Անվտանգութեան խորհուրդը քւէարկել էր Իրանի դէմ նոր պատժամիջոցների օգտին, իսկ Թուրքիան եւ Բրազիլիան դէմ էին արտայայտւել:


Լուրեր Հայաստանից - NEWS.am

0 Պատգամ: