Facebook-ում ընկերութիւնը աւարտւել է դանակահարութեամբ


Յունիս 23, 2010 09:50
Թուրքիայի Իզմիր քաղաքի բնակիչ 23-ամեայ Ջենգիզը սոցիալական Facebook ցանցում ծանօթացել է 32-ամեայ մի աղջկայ հետ, սակայն նրանց վիրտուալ շփումը իրական կեանքում դանակարութեամբ է աւարտւել։
Թուրքական Milliyet-ի փոխանցմամբ՝ Իզմիրի սրճարաններից մէկում մատուցող աշխատող Ջենգիզը որոշում է հանդիպել ինտերնէտով ծանօթացած աղջկայ հետ, ով դասաւանդում է Թեքիրդաղ քաղաքի Նամըք Քեմալ համալսարանում։ Ջենգիզը գալով համալսարան, տեսնում է ինտերնէտի իր զրուցակցին, սակայն նրանց միջեւ վէճ է ծագում եւ Ջենգիզը դանակահարում է աղջկան։
Ոստիկանութիւնում Ջենգիզը պատմել է, որ այդ աղջկայ հետ 2 ամիս առաջ Facebook-ում է ծանօթացել, եւ իրենց միջեւ զգացմունքային կապ է առաջացել։ «Տեղեկացել էի, որ նա այլ տղաների հետ էլ շփւում է։ Համալսարանում նրան տղաների հետ տեսնելուն պէս ինձ կորցրեցի եւ դանակահարեցի»,- նշել է Ջենգիզը։
Լուրեր Հայաստանից - NEWS.am

0 Պատգամ: