Saturday, November 27, 2010

Հայազգի տնտեսագէտը յայտնւել է աշխարհի 100 ինտելեկտուալների ցանկում

Posted by Vartan at 5:29 PM

Հայազգի տնտեսագէտը յայտնւել է


աշխարհի 100 ինտելեկտուալների ցանկում




Նոյեմբեր 27, 2010 13:22
Ամերիկեան յայտնի Foreign Policy ամսագրի կողմից ներկայացրած համաշխարհային ինտելեկտուալների 100 հոգանոց ցուցակի մէջ է յայտնւել ստամբուլահայ Տարօն Աջեմօղլուն, ով ներկայումս դասախօսում է Մասաչուսեթսի տեխնոլոգիական ինստիտուտում։
Թուրքական մամուլը ուշադրութիւն է դարձնում այն հանգամանքի վրայ, որ Foreign Policy-ի ցուցակում 2 Թուրքիայի քաղաքացի կայ՝ Թուրքիայի ԱԳ նախարար Ահմեդ Դաւութօղլուն եւ ստամբուլահայ Տարօն Աջեմօղլուն։
NEWS.am-ը աւելի վաղ յայտնել էր, որ Թուրքիայի արտգործնախարար Ահմեդ Դաւութօղլուն Թուրքիա էր հրաւիրել ԱՄՆ-ի Մասաչուսեթի տեխնոլոգիական ինստիտուտի տնտեսագիտութեան պրոֆեսոր, հայազգի Տարօն Աջեմօղլուին։
Milliyet-ի հետ հարցազրոյցի ժամանակ, Տարօն Աջեմօղլուն նշել էր, թէ երբէք Դաւութօղլուի հետ չի հանդիպել, միայն հեռախօսով է հետը խօսել։ «Յոյսով եմ, առաջիկայում Թուրքիա կվերադառնամ եւ նրա հետ մօտիկից կծանօթանամ»-նշել էր հայազգի տնտեսագէտը:
Տարօն Աջեմօղլուն ծնւել է 1967-ին, Ստամբուլում։ 1986-ին աւարտել է Գալաթասարայի աւագ դպրոցը։ Այնուհետ, աւարտել Լոնդոնի «Եորք» համալսարանը եւ դոկտորական պաշտպանել Լոնդոնի Տնտեսագիտութեան դպրոցում։ 1993-ին համալրել է Մասաչուսեթսի տեխնոլոգիական ինստիտուտի մասնագէտների շարքը՝ 2000-ին ստանալով պրոֆեսորի կոչում։
Տարօն Աջեմօղլուն, IDEAS/RePec տնտեսագիտական վերլուծական կազմակերպութեան կողմից հրապարակւած տւեալների համաձայն, աշխարհում ամենաշատ վկայակոչւող 20 տնտեսագէտների մէջ է մտնում՝ զբաղեցնելով 8-րդ տեղը, երբ Նոբելեան մրցանակի դափնեկիր պրոֆ. Փոլ Կրուգմանը այդ ցուցակում 13-րդ տեղն է։
Լուրեր Հայաստանից - NEWS.am


 

Թեմա :

0 Պատգամ:

Post a Comment

Subscribe to: Post Comments (Atom)