Հայաստանի ազգային արխիւը բաց է բոլոր ցանկացողների համար
18:07 • 09.04.10
«Ազգային արխիւը բաց է բոլոր ցանկացողների, ինչպէս Հայաստանի, այնպէս էլ այլ երկրների քաղաքացիների համար»,- այսօրւայ ասուլիսին ասաց արխիւի տնօրէնի տեղակալ Էդգար Յովհաննիսեանը՝ հերքելով թուրքական կողմի յայտարարութիւնները, թէ իբր հայկական արխիւը հասանելի չէ փաստաթղթերի հետ ծանօթանալու համար։
Յովհաննիսեանը միևնոյն ժամանակ նշեց, որ 2005 և 2009թթ. Հայաստան են այցելել թուրք պատմաբաններ, ովքեր մէկական ամիս շարունակ աշխատել են Ազգային արխիւում պահւող փաստաթղթերի հետ, մասնաւորապէս, Հայոց Ցեղասպանութեան վերաբերեալ փաստաթղթերի։Խօսելով երկու երկրների պատմական հարցերի ուսումնասիրմամբ զբաղւող ենթայանձնաժողովի ստեղծման մասին` Յովհաննիսեանը մէջբերեց նախագահ Սերժ Սարգսեանի խօսքերը, որոնց համաձայն Հայոց Ցեղասպանութեան փաստը չի կարող լինել քննարկումների առարկայ։
Ինչ վերաբերում է Թուրքիայի հանդէպ պահանջատիրութեան հարցին, Ազգային արխիւի տնօրէնի տեղակալը նշեց. «Իւրաքանչիւր Հայ գիտի, թէ ինչ է կորցրել»։ Սակայն, ըստ նրա, պահանջատիրութիւնը պաշտօնական ձևակերպման կարիք ունի։ Այսպիսով, գլխաւոր նպատակը Ցեղասպանութեան միջազգային ճանաչումն է, ինչը կը յանգեցնի Թուրքիայի կողմից ընդունման, իսկ յետոյ նաև փոխհատուցման։
Tert.am
Posts
0 Պատգամ:
Post a Comment