Երեւանում այրել են թուրքական դրօշը
ՀՅԴ–ի
հերով երթը շարունակւում է
21:40 / 23.04.2010
Երեւանում ապրիլի 23-ի երեկոյեան սկսւել է ջահերով սգոյ երթը դէպի1915-23 թւականների Հայոց Ցեղասպանութեան զոհերի յուշահամալիր:
Այս տարի, ինչպէս եւ անցած տարիներին, երիտասարդութիւնն այրել է թուրքական դրօշը: Այդ աւանդական քայլով էլ սկսւել է երթը: Չնայած եղանակային վատ պայմաններին՝ մառախուղին եւ անձրեւին, հազարաւոր մարդիկ՝ ջահերով, պաստառներով եւ ազգային խորհրդանիշներով, քաղաքի կենտրոնական փողոցներով քայլում են դէպի Ծիծեռնակաբերդի յուշահամալիր՝ ի նշան յարգանքի առ 1,5 միլիոն հայերը, որ սպանւեցին թուրքերի ձեռքով: Շատ տներում հանգցւած է լոյսը, իսկ պատուհաններին մոմեր են վառւում:Նշենք, որ այսօր երեկոյեան Երեւանում տեղի է ունեցել հանրահաւաք՝ Հայ-թրքական յարաբերութիւնների կարգաւորման արձանագրութիւնների դէմ: Մարդիկ պաստառներով եւ հայկական եռագոյնով հաւաքւել էին Մատենադարանի շէնքի մօտ՝ իրենց ձայնը բարձրացնելու 20-րդ դարի առաջին Ցեղասպանութիւնը՝ Հայոց Ցեղասպանութիւնը ժխտելու Թուրքիայի քաղաքականութեան դէմ, նաեւ «Ոչ» ասելու Հայ-թրքական փաստաթղթերին եւ Թուրքիայի գործողութիւններին:
Լուրեր Հայաստանից
Posts
0 Պատգամ:
Post a Comment