Ս.Սարգսեան.–
Թուրքիայի հետ ներկայ պահին խօսելիք չունենք
ՀՀ Նախագահ Սերժ Սարգսեանը, ելոյթ ունենալով Դոնի Ռոստովում Հայ համայնքի ներկայացուցիչների առջև, անդրադարձել է Հայաստանի ներկայ քաղաքական իրավիճակին:
«Դուք իհարկէ տեղեակ էք, որ մենք սառեցրել ենք Հայ-թուրքական արձանագրութիւնների վաւերացման գործընթացը: Դրա հիմնական պատճառը շատ պարզ է. Թուրքիան այսօր պատրաստ չէ վաւերացնել արձանագրութիւնները: Դրա տապալումն արդարացնելու նպատակով նա նորանոր նախապայմաններ է առաջ քաշում: Աւելին` նա փորձում է ներխուժել մի ոլորտ, ես նկատի ունեմ Արցախեան հարցի լուծման գործընթացը, որտեղ ակնյայտօրէն անելիք չունի: Ոչ յուսալի և անվստահելի գործընկերոջ հետ, որ պարբերաբար խախտում է նախնական պայմանաւորւածութիւնները, մենք ներկայ պահին խօսելիք չունենք», - շեշտել է Սերժ Սարգսեանը:Յիշեցնելով համահայկական ուղևորութեան ընթացքում Դոնի Ռոստովում իր ունեցած հանդիպման ժամանակ հնչած մտքերը, մտահոգութիւններն ու գաղափարները` ՀՀ նախագահը նշել է, որ «ժամանակը ցոյց տւեց, որ Եւրոպայի վերջին փակ սահմանը բացելու համար մենք մեր կողմից արեցինք առաւելագոյնը, իսկ Թուրքիան պատրաստ չէ դրան»:
«Ինչ վերաբերում է Լեռնային Ղարաբաղի խնդրին, ապա մենք աներկբայ հնչեցրել ենք, որ Արցախի ժողովրդի ինքնորոշման իրաւունքը մենք չենք պատրաստւում սակարկել որևէ մէկի հետ», - յայտարարել է Սերժ Սարգսեանը:
ԱՅՍՕՐ, 11:35
Aysor.am
Aysor.am
Posts
0 Պատգամ:
Post a Comment