Վահագն Չախալեանի յայտարարութիւնը Ռուսթավիի
քրէակատարողական հիմնարկից
13:24 • 16.07.10
«2010թ. յուլիսի 5-ին Վրաստանի Գերագոյն դատարանը որոշում ընդունեց, որով հրաժարւեց իմ հօր՝ Ռուբէն Չախալեանի, կրտսեր եղբօր՝ Արմէն Չախալեանի և իմ գործն ընդունել վարոյթ՝ թողնելով մեր նկատմամբ կայացւած դատավճիռներն անփոփոխ: Այս որոշումը սպասելի էր. գերագոյն դատարանը, ինչպէս մինչ այդ՝ առաջին ատեանի ու վերաքննիչ դատարանները, հլու հնազանդ ենթարկւեց վրացական իշխանութիւնների կամքին՝ ոտնահարելով արդար դատավարութեան տարրական սկզբունքները:
Դատարանի այս որոշումը համահունչ է Ջաւախքահայութեան քաղաքական, քաղաքացիական, լեզւա-կրթական, կրօնական և մշակութային իրաւունքների ոտնահարման վրացական իշխանութիւնների քաղաքականութեանը վերջին շրջանում նոր թափ հաղորդելու միտումներին.
* Քաղաքական և տնտեսական ճնշման են ենթարկւում, ոստիկանութեան հսկողութեան տակ են գտնւում Ջաւախքում գործող հայկական հասարակական-քաղաքական կազմակերպութիւնների ակտիւ անդամները, ազգային գործիչները, Հայ ակտիւիստներին ստիպում են հեռանալ երկրից.
* Նոր դրսևորումներ է ստանում Վրաստանի հայաբնակ շրջանների (Սամցխէ-Ջաւախք-Ծալկա) ցաղային-ժողովրդագրական պատկերի փոփոխման վրացական իշխանութիւնների աւանդական քաղաքականութիւնը. վերսկսւել է աջարների Ջաւախք վերաբնակեցման գործընթացը,
* Վրացերէնի իմացութեան բարելաւման պատրւակով միջոցներ են ձեռնարկւում հայկական դպրոցների վրացականացման գործընթացի արագացման ուղղութեամբ, աշխատանքից են ազատւում իշխանութիւններին անցանկալի Հայ ուսուցիչները,- Նոր անուններով է համալրւում ջաւախքահայութեան իրաւունքների պաշտպանութեամբ զբաղւող գործիչների Վրաստան մուտքն արգելող «սև ցուցակը»:
Առկայ իրավիճակից միջազգային հանրութեան հետզհետէ աճող մտահոգութեանը իշխանութիւնները պատասխանում են ապատեղեկատւութիւն տարածելով և կտրականապէս ժխտելով Հայ բնակչութեան նկատմամբ խտրականութեան փաստերը: Այս պայմաններում ջաւախքահայութեան շրջանում հետզհետէ ուժեղանում են դժգոհութեան, օտարւածութեան, հիասթափութեան և անտարբերութեան տրամադրութիւնները: Դրա վերջին և ամենավառ վկայութիւնը մայիսի 30-ի Վրաստանի ՏԻՄ ընտրութիւնների ջաւախքահայութեան կողմից փաստացի բոյկոտն էր, ինչը վրացական իշխանութիւններին ստիպեց կեղծել Ջաւախքում դրանց արդիւնքները՝ «նկարելով» 75-78% մասնակցութիւն և ստեղծելով իշխող կուսակցութեան օգտին քւէարկած «մեռեալ հոգիների» ստւար բանակ:
Հաշւի առնելով վերոնշեալը՝ ես վերահաստատում եմ իմ և իմ ընտանիքի անդամների նկատմամբ արդարութեան վերականգնման համար միջազգային բոլոր ատեաններում պայքարելու վճռականութիւնը:
Մնում եմ այն համոզման, որ բանտերի ու հալածանքների միջոցով ջաւախքահայութեան բողոքը լռեցնելու միտւած բոլոր քայլերը չեն հասնելու իրենց նպատակին: Մեր պայքարը յանգեցնելու է նրան, որ վրացական իշխանութիւնները վաղ թէ ուշ ստիպւած են լինելու ենթարկւել առկայ խնդիրները երկխօսութեան միջոցով լուծելու հրամայականին:
Երկխօսութեան դաշտ ստեղծելու համար վրացական իշխանութիւնները առաջին հերթին պարտաւոր են վերջ տալ ճնշումների, սպառնալիքների ու բռնութիւնների լեզւով ջաւախքահայութեան հետ խօսելու իրենց քաղաքականութեանը և մասնաւորապէս`
* Դադարեցնել ջաւախքահայ հասարակական- քաղաքական գործիչների հետապնդումները,
* Բեկանել իմ հօր, կրտսեր եղբօր և իմ նկատմամբ ընդունւած անարդար դատավճիռները, փոխհատուցել այս անօրինական գործընթացների հետևանքով առաջացած բոլոր վնասները,
* Թոյլ տալ վերադառնալ հալածանքների արդիւնքում երկրից հեռացած բոլոր Հայ ակտիւիստներին,
* Կատարել իմ ձերբակալութեանը նախորդած դէպքերի արդար և անկողմնակալ հետաքննութիւն,
* Վերացնել Վրաստան մուտք գործելու վրայ արգելք դրւած Հայ գործիչների «սև ցուցակը»:
Ջաւախքահայութեանը յուզող քաղաքական, քաղաքացիական, լեզւա-կրթական, կրօնական եւ մշակութային խնդիրներին պէտք է տրւեն ազգային փոքրամասնութեան պաշտպանութեան գործող միջազգային նորմերի տառից և ոգուց բխող լուծումներ:
Վրաստանի հայաբնակ շրջանների ցեղային-ժողովրդագրական պատկերի արհեստական փոփոխմանն ուղղւած բոլոր ծրագրերը պէտք է կասեցւեն:
Միջազգային կառոյցները պարտաւոր են յստակ կեցւածք որդեգրել Հայ բնակչութեան նկատմամբ վրացական իշխանութիւնների կողմից իրականացւող խտրական քաղաքականութեան անհանդուրժելիութեան վերաբերեալ: Երկակի չափանիշները, անորոշ և լղոզւած քայլերը միմիայն աւելի են խորացնելու խնդիրները, մեծացնելու են անկայունութիւնը և անկանխատեսելի զարգացումների հաւանականութիւնը»:
Tert.am
Դատարանի այս որոշումը համահունչ է Ջաւախքահայութեան քաղաքական, քաղաքացիական, լեզւա-կրթական, կրօնական և մշակութային իրաւունքների ոտնահարման վրացական իշխանութիւնների քաղաքականութեանը վերջին շրջանում նոր թափ հաղորդելու միտումներին.
* Քաղաքական և տնտեսական ճնշման են ենթարկւում, ոստիկանութեան հսկողութեան տակ են գտնւում Ջաւախքում գործող հայկական հասարակական-քաղաքական կազմակերպութիւնների ակտիւ անդամները, ազգային գործիչները, Հայ ակտիւիստներին ստիպում են հեռանալ երկրից.
* Նոր դրսևորումներ է ստանում Վրաստանի հայաբնակ շրջանների (Սամցխէ-Ջաւախք-Ծալկա) ցաղային-ժողովրդագրական պատկերի փոփոխման վրացական իշխանութիւնների աւանդական քաղաքականութիւնը. վերսկսւել է աջարների Ջաւախք վերաբնակեցման գործընթացը,
* Վրացերէնի իմացութեան բարելաւման պատրւակով միջոցներ են ձեռնարկւում հայկական դպրոցների վրացականացման գործընթացի արագացման ուղղութեամբ, աշխատանքից են ազատւում իշխանութիւններին անցանկալի Հայ ուսուցիչները,- Նոր անուններով է համալրւում ջաւախքահայութեան իրաւունքների պաշտպանութեամբ զբաղւող գործիչների Վրաստան մուտքն արգելող «սև ցուցակը»:
Առկայ իրավիճակից միջազգային հանրութեան հետզհետէ աճող մտահոգութեանը իշխանութիւնները պատասխանում են ապատեղեկատւութիւն տարածելով և կտրականապէս ժխտելով Հայ բնակչութեան նկատմամբ խտրականութեան փաստերը: Այս պայմաններում ջաւախքահայութեան շրջանում հետզհետէ ուժեղանում են դժգոհութեան, օտարւածութեան, հիասթափութեան և անտարբերութեան տրամադրութիւնները: Դրա վերջին և ամենավառ վկայութիւնը մայիսի 30-ի Վրաստանի ՏԻՄ ընտրութիւնների ջաւախքահայութեան կողմից փաստացի բոյկոտն էր, ինչը վրացական իշխանութիւններին ստիպեց կեղծել Ջաւախքում դրանց արդիւնքները՝ «նկարելով» 75-78% մասնակցութիւն և ստեղծելով իշխող կուսակցութեան օգտին քւէարկած «մեռեալ հոգիների» ստւար բանակ:
Հաշւի առնելով վերոնշեալը՝ ես վերահաստատում եմ իմ և իմ ընտանիքի անդամների նկատմամբ արդարութեան վերականգնման համար միջազգային բոլոր ատեաններում պայքարելու վճռականութիւնը:
Մնում եմ այն համոզման, որ բանտերի ու հալածանքների միջոցով ջաւախքահայութեան բողոքը լռեցնելու միտւած բոլոր քայլերը չեն հասնելու իրենց նպատակին: Մեր պայքարը յանգեցնելու է նրան, որ վրացական իշխանութիւնները վաղ թէ ուշ ստիպւած են լինելու ենթարկւել առկայ խնդիրները երկխօսութեան միջոցով լուծելու հրամայականին:
Երկխօսութեան դաշտ ստեղծելու համար վրացական իշխանութիւնները առաջին հերթին պարտաւոր են վերջ տալ ճնշումների, սպառնալիքների ու բռնութիւնների լեզւով ջաւախքահայութեան հետ խօսելու իրենց քաղաքականութեանը և մասնաւորապէս`
* Դադարեցնել ջաւախքահայ հասարակական- քաղաքական գործիչների հետապնդումները,
* Բեկանել իմ հօր, կրտսեր եղբօր և իմ նկատմամբ ընդունւած անարդար դատավճիռները, փոխհատուցել այս անօրինական գործընթացների հետևանքով առաջացած բոլոր վնասները,
* Թոյլ տալ վերադառնալ հալածանքների արդիւնքում երկրից հեռացած բոլոր Հայ ակտիւիստներին,
* Կատարել իմ ձերբակալութեանը նախորդած դէպքերի արդար և անկողմնակալ հետաքննութիւն,
* Վերացնել Վրաստան մուտք գործելու վրայ արգելք դրւած Հայ գործիչների «սև ցուցակը»:
Ջաւախքահայութեանը յուզող քաղաքական, քաղաքացիական, լեզւա-կրթական, կրօնական եւ մշակութային խնդիրներին պէտք է տրւեն ազգային փոքրամասնութեան պաշտպանութեան գործող միջազգային նորմերի տառից և ոգուց բխող լուծումներ:
Վրաստանի հայաբնակ շրջանների ցեղային-ժողովրդագրական պատկերի արհեստական փոփոխմանն ուղղւած բոլոր ծրագրերը պէտք է կասեցւեն:
Միջազգային կառոյցները պարտաւոր են յստակ կեցւածք որդեգրել Հայ բնակչութեան նկատմամբ վրացական իշխանութիւնների կողմից իրականացւող խտրական քաղաքականութեան անհանդուրժելիութեան վերաբերեալ: Երկակի չափանիշները, անորոշ և լղոզւած քայլերը միմիայն աւելի են խորացնելու խնդիրները, մեծացնելու են անկայունութիւնը և անկանխատեսելի զարգացումների հաւանականութիւնը»:
Tert.am
Posts
0 Պատգամ:
Post a Comment