Վահան Յովհաննիսեան.–
«Հայաստանը մնում է Արցախի
անկախութեան երաշխաւորը»
-Կոսովոյի անկախութեան ճանաչման վերաբերեալ Հաագայի դատարանի որոշումը ապացոյց է, որ այդ հարցում մենք չպէտք է քաղաքական քննարկումների ճանապարհով գնայինք, այլ աւելի ճիշտ էր իրաւական ճանապարհը։ Դատարանի վճիռը յստակ ասում է, որ ինքնուրոյնութիւն, անկախութիւն հռչակելը միջազգային օրէնքներին և կանոններին չի հակասում, այսինքն այդ իրաւունքը Ղարաբաղը ունէր և դա արել է։ Հիմա փաստօրէն այդ իրաւունքը դրւում կասկածի տակ, իսկ մնացած բոլոր մանր-մունր խօսակցութիւնները՝ այստեղ մի կտոր տարածք, այնտեղ էսքան փախստական, այդ ամէնը բացարձակապէս ոչ մի նշանակութիւն չունի ինքնորոշման սկզբունքի առջև,-«7օր»-ի հետ զրոյցում ասել է ԱԺ ՀՅԴ խմբակցութեան ղեկավար Վահան Յովհաննիսեանը։
Նա նշել է, որ իրենք այդ որոշումը ոչ միայն դրական են գնահատում, այլև համարում են, որ այն այսույետև ուղեցույց է ՀՀ արտաքին յարաբերութիւնների պատասխանատուների համար։
Վ. Յովհաննիսեանի խօսքերով' քանի որ բանակցութիւններն ընթանում էին այն ձևաչափով, որով ընթանում էին, Հայաստանը չէր ճանաչում ԼՂՀ անկախութիւնը, որպէսզի գործըթացի համար խոչընդոտներ չստեղծէր, սակայն եթէ գործընթացը փակուղի է մտած, Հայաստանն այլևս նման վերաբերմունքի որևէ պատճառ չունի։
-Կարծում եմ, այստեղ մեզ համար աւելի կարևորը ոչ այնքան ճանաչումն է, որքան ռազմական փոխօգնութեան պայմանագիր կնքելը, այսինքն՝ եթէ Հայաստանը չի կարող Ղարաբաղին ամբողջութեամբ փոխարինել բանացութիւնների մէջ, բայց Հայաստանը, այնուամենայնիւ, մնում է նրա անկախութեան և անվտանգութեան երաշխաւորը, և այդ երաշխաւոր լինելու հանգամանքը պէտք է ամրագրւի համապատասխան պայմանգրում,-ասել է Վահան Յովհաննսեանը։
Նրա կարծիքով՝ Հայաստանը նախ և առաջ պէտք է լուրջ աղմուկ բարձրացնի այս հարցով։ Խօսքը, սակայն, ցուցադրական գործողութիւնների մասին չէ, ուղղակի այսույետև ԵԱՀԿ ՄԽ-ի հետ որևէ հանդիպում պէտք է սկսի այդ թեմայի քննարկումից։
7or.am
Posts
0 Պատգամ:
Post a Comment