Քոքս.–
Երևանի զուսպ արձագանքը Բաքւին մոլորութեան հնարաւորութիւն է տալիս
ՀՀ նախագահ Սերժ Սարգսեանն այսօր ընդունել է Մեծ Բրիտանիայի Լորդերի պալատի նախկին փոխխօսնակ, բարոնուհի Քերոլայն Քոքսին:
Ինչպէս յայտնում է ՀՀ Նախագահի մամլոյ գրասենեակը, հանդիպման ժամանակ Սերժ Սարգսեանն ասել է, որ բարոնուհու և նրա համախոհների աւանդական դարձած այցելութիւնները Հայաստան և Արցախ, հայկական կողմի հետ նրանց արդիւնաւէտ համագործակցութիւնը բարձր գնահատանքի են արժանի:«Մէկ անգամ ևս շնորհակալութիւն Ձեզ և Ձեր ընկերներին` երկար տարիների հետևողական աշխատանքի համար»,- ասել է նախագահը:
Բարոնուհի Քոքսը նախագահ Սարգսեանին պատմել է իր` թւով արդէն 70-րդ այցելութեան ընթացքում ստացած տպաւորութիւնների մասին: Նա ասել է, որ ինչպէս նախորդ այցերին, այնպէս էլ այս անգամ ուրախութեամբ արձանագրել է, որ թէ Երևանում, և թէ Ստեփանակերտում մեծ դրական փոփոխութիւններ են կատարւում:
Զրուցակիցներն անդրադարձել են նաև Լեռնային Ղարաբաղի հիմնախնդրի և Հայաստան-Թուրքիա յարաբերութիւնների վերջին զարգացումներին: Քերոլայն Քոքսն ասել է, որ միջազգային հանրութիւնը միանշանակ բարձր է գնահատում Հայաստանի` հարևան երկրների հետ խնդիրները բանակցութիւնների և համագործակցութեան միջոցով լուծելու դիրքորոշումը: Սակայն, բարոնուհու խօսքով, Հայաստանի զուսպ արձագանքը Ադրբեջանի ստայոդ ակտիւ քարոզչութեանը վերջինիս հնարաւորութիւն է տալիս յաճախ մոլորութեան մեջ գցելու նոյն այդ հանրութեանը:
ԱՅՍՕՐ, 19:25
Aysor.am
Posts
0 Պատգամ:
Post a Comment