Սոցինտերնի համաժողովն աւարտւած է
13 երկրների ներկայացուցիչների մասնակցութեամբ` առաջին անգամ Երևանում մեկնարկել է «Սոցինտերնի» ԱՊՀ, Կովկասի և Սև Ծովի յանձնախմբի ժողովը:
«Սոցինտերնը» սոցիալ դեմոկրատական, սոցիալիստական և աշխատաւորական կուսակցութիւնների համաշխարհային կառոյց է, որին անդամակցում են 170 կուսակցութիւններ և կազմակերպութիւններ` բոլոր մայրցամաքներից:
Թէժ հակամարտութիւններով լի տարածաշրջանում գաղափարական ընդհանրութիւնը կարող է այլընտրանքային լուծման հիմք լինել: Հէնց այս ակնկալիքով ԱՊՀ, Կովկասի և Սև Ծովի` սոցիալիստական կուսակցութիւնների ներկայացուցիչները հանդիպել են Երևանում:«Մենք պարտաւոր ենք մեր միջոցներով, խաղաղ պայմաններում լուծել տարածաշրջանում առկայ խնդիրները,- համժողովն ամփոփող ասուլիսի ժամանակ ասաց «Սոցինտերնի» գլխաւոր քարտուղար Լուիս Այալլան` Գլոբալ համատեքստում շատ դժւարութիւնների ենք բախւում: Մեզ վրայ խորապէս ազդում են հիմնարար զարգացումները` ֆինանսական, եղանակային, էներգետիկ ճգնաժամերը: Կանգնած ենք խաչմերուկում, որը պահանջում է առաջ գնալու ուղի փնտրել: Սոցիալ-դեմոկրատիան այդ ուղին է»:
«Սոցինտերնի» գլխաւոր քարտուղարի խօսքերով, երկօրեայ ժողովի ընթացքում քննարկւել են իւրաքանչիւր երկրի խնդիրներն ու դրանց առնչւող լուծումները, և «Սոցինտերնի» աշխատանքները ուղղւած են միայն ու միայն ժողովրդավարութեան տարածմանը:
Սոցինտերնի անդամներն առաջիկայում լինելու են Վրաստանում, Բելառուսում և այլ երկրներում:
ԱՅՍՕՐ, 16:00
Aysor.am
Posts
0 Պատգամ:
Post a Comment