«Ակօսի» խմբագիր.–
Թուրք-իսրայէլական յարաբերութիւնների վատթարացումը հայերի հետ բնաւ կապ չունի
Յունիս 02, 2010 22:58
«Մինչ այս պահը չէի էլ մտածել, թէ Թուրքիայի Հայ համայնքի վրայ ի՞նչ ազդեցութիւն կարող էր ունենալ թուրք-իսրայէլական յարաբերութիւնների վատթարացումը,քանի որ մէկը միւսի հետ բնաւ կապ չունի»,- NEWS.am-ի թղթակցի հետ զրոյցում յայտնեց «Ակօս» թերթի խմբագրի տեղակալ Սարգիս Սերոբեանը՝ խօսելով թուրք-իսրայէլական՝ վերջին ժամանակներս սրւած յարաբերութիւնների եւ դրանց՝ հայկական համայնքի վրայ ունեցած հնարաւոր ազդեցութեան մասին։
«Մինչ այս պահը չէի էլ մտածել, թէ Թուրքիայի Հայ համայնքի վրայ ի՞նչ ազդեցութիւն կարող էր ունենալ թուրք-իսրայէլական յարաբերութիւնների վատթարացումը,քանի որ մէկը միւսի հետ բնաւ կապ չունի»,- NEWS.am-ի թղթակցի հետ զրոյցում յայտնեց «Ակօս» թերթի խմբագրի տեղակալ Սարգիս Սերոբեանը՝ խօսելով թուրք-իսրայէլական՝ վերջին ժամանակներս սրւած յարաբերութիւնների եւ դրանց՝ հայկական համայնքի վրայ ունեցած հնարաւոր ազդեցութեան մասին։
Նրա խօսքով, թուրք-իսրայէլական լարւածութիւնը Հայ համայնքի հետ որեւէ կապ չունի. «Այդ առումով մեր համայնքն ամբողջութեամբ զերծ է որեւէ վտանգից»,- հաւաստիացրեց Սերոբեանը։ Նա չափազանցւած համարեց Հայաստանում շրջանառւող այն խօսակցութիւնները, ըստ որոնց թուրք-իսրայէլական յարաբերութիւների վատթարացմամբ Իսրայէլի խորհրդարանում կարող են ակտիւանալ Հայոց ցեղասպանութեան ճանաչման մասին քննարկումները։ «Ես այնքան հեռատես չեմ, որ մտածեմ, թէ դէպքերի նման դասաւորութիւնը կարող է նպաստել Իսրայէլում Ցեղասպանութեան ճանաչման գործընթացի առաջխաղացմանը»,- նշեց «Ակօսի» խմբագրի տեղակալը։Հարցին, թէ թուրք-իսրայէլական՝ ճգնաժամ ապրող յարաբերութիւնների ֆոնին ի՞նչ դիրք է գրաւել թուրքական կառավարութիւնը տեղի հրէական համայնքի նկատմամբ եւ նախաօրէին տեղի ունեցած դէպքերից յետոյ ինչպիսի՞ն են տրամադրութիւնները հրէական շրջանակներում, Սերոբեանը պատասխանեց։ «Որքան որ ճանաչում եմ տեղի հրէական համայնքին, այն Թուրքիայի ամենալուռ համայնքն է, լուռ անգամ յունական համայնքից։ Հրէաները բոլորվին լուռ են իսրայէլական զինուժի կողմից գրոհի ենթարկւած միջազգային նաւատորմի թեմայի շուրջ»,- տեղեկացրեց Սերոբեանը՝ յաւելելով, որ կատարւածի մասին Թուրքիայում խօսել է միայն ազգութեամբ հրէայ մի լրագրող, ով, Սերոբեանի խօսքով, դէմ է արտայայտւել կատարւածին՝ այն որակելով որպէս Իսրայէլի կողմից արւած անմարդկային արարք։ «Նա բոլորովին դէմ էր իսրայէլական բանակի կողմից կատարւած նմանօրինակ քայլին եւ երէկւայ իր յօդւածում խիստ քննադատութեան էր ենթարկել իր հայրենակիցներին»,- ամփոփեց նա։
Յիշեցնենք, որ իսրայէլացի զինւորականները մայիսի 31-ին գրոհով վերցրել էին միջազգային նաւատորմը, որը Գազայի հատւած էր տեղափոխում հարիւրաւոր իրաւապահների եւ հազարաւոր տոննա մարդասիրրական բեռներ։ Գրոհի արդիւնքում զոհւել էր 9 մարդ՝ նրանցից չորսը Թուրքիայի քաղաքացիներ։
Կատարւածի առնչութեամբ Թուրքիան Իսրայէլից հետ էր կանչել իր դեսպանին։
«Լուրեր Հայաստանից»
Posts
0 Պատգամ:
Post a Comment