ՀՅԴ.–


Խորհրդարանում ԼՂՀ անկախութեան մասին օրինագծի


տապալումն անուղղելի վնաս կհասցնի ԼՂՀ-ի


միջազգային ճանաչմանը



«Աշխարհը միայն կարձանագրի, որ ՀՀ Ազգային Ժողովը հանդէս է եկել

Լեռնային Ղարաբաղի անկախութեան դէմ»



Հոկտեմբեր 20, 2010 01:16
«Ժառանգութիւն» խմբակցութեան հեղինակած Լեռնային Ղարաբաղի անկախութեան ճանաչման մասին օրինագծին կողմ չքւէարկելու ցանկութիւնը Հայաստանի խորհրդարանական մեծամասնութիւնը պատճառաբանում է նրանով, որ դա կարող է վնասել բանակցութիւնների ԵԱՀԿ-ի Միսնկի խմբի շրջանակներում, բայց այդ փաստաթղթի մերժումը խորհրդարանական քւէարկութիւնների ժամանակ կրկնակի վնաս կհասցնի գործընթացին: Այդ մասին NEWS.am-ի թղթակցի հետ զրոյցում ասաց ՀՅԴ Գերագոյն մարմնի անդամ Արմէն Ռուստամեանը:
«Այդ փաստաթղթի մերժումը խորհրդարանի կողմից անուղղելի վնաս կհասցի նաեւ Ղարաբաղի միջազգային ճանաչմանը: Ողջ աշխարհը չի զննելու, թէ ինչու եւ ինչ պատճառներով Հայաստանի խորհրդարանական մեծամասնութիւնը մերժեց փաստաթուղթը, աշխարհը միայն կարձանագրի, որ ՀՀ Ազգային Ժողովը հանդէս է եկել Լեռնային Ղարաբաղի անկախութեան դէմ»,- յայտարարեց Ռուստամյանը: Նա նաեւ իր տարակուսանքը յայտնեց ինչպէս «Ժառանգութիւն» կուսակցութեան համառութեան առնչութեամբ, որ վերջինս քւէարկութեան է դնում փաստաթուղթը, այնպէս էլ խորհրդարանական մեծամասնութեան հետ կապւած, որ վերջինս չի ցանկանում որեւէ համաձայնութեան գալ այդ հարցի շուրջ:
«Վերջիվերջոյ կարելի էր ընդունել ՀՅԴ-ի առաջարկը փաստաթուղթը մեծ օրակարգում ընդգրկելու մասին`բոլոր քաղաքական ուժերի ստորագրութեամբ: Մի՞թէ խորհրդարանական մեծամասնութիւնն ու «Ժառանգութիւնը» չեն հասկանում, որ քւէարկութեան ժամանակ փաստաթղթի ձախողումը կըդնի հայկական կողմին շատ անյարմար դրութեան մէջ»,- ասաց Ռուստամեանն, ընդգծելով, որ ՀՅԴ փորձել է հանդիսանալ որպէս «միջնորդ» խորհրդարանական մեծամասնութեան եւ «Ժառանգութիւն» կուսակցութեան միջեւ, սակայն, փոխադարձ զիջումների հասնել չի յաջողւել:
Նշենք, որ «Ժառանգութիւն» կուսակցութիւնը յայտարարել է, որ մտադիր է օրէնքի նախագիծը քւէարկութեան դնել խորհրդարանի առաջիկայ քառօրեայում: ՀՅԴ-ն յայտարարել է, որ այդ դէպքում իրենք «կողմ» կքւէարկեն նախագծին: Իսկ Հայաստանի Հանրապետական կուսակցութեան ներկայացուցիչ Սամւէլ Նիկոյեանը NEWS.am-ի թղթակցի հետ զրոյցում խոստացել է, որ քւէարկութեան ժամանակ ՀՀԿ կվարւի շատ էֆեկտիւ կերպով, սակայն չի մանրամասնել այդ էֆեկտների մասին:

Լուրեր Հայաստանից - NEWS.am

0 Պատգամ: