Հայաստանի Ազգային ժողովը կը քննարկի հայ-թուրքական յարաբերութիւնների հարցը
14:33 / 05.09.2009
Առաջիկայ շաբաթ Հայաստանի Հանրապետութեան Ազգային ժողովում լսումներ կը կազմակերպւեն հայ-թուրքական յարաբերութիւնների շուրջ։ Այս հարցը քննարկւել է նախօրէին Ազգային Ժողովի արտաքին յարաբերութիւնների յանձնաժողովում։ Լսումների անցկացմանը կողմ են արտայայտւել «Ժառանգութեան» եւ Հ. Յ. Դաշնակցութեան խմբակցութիւններ պատգամաւորները։
Հարկ է նշել, որ Հ. Յ. Դաշնակցութիւնը մի անգամ արդէն հանդէս է եկել հայ-թուրքական հարցի շուրջ լսումներ անցկացնելու առաջարկով, սակայն այն ժամանակ առաջարկը չանցավ, քանի որ կողմ էր քւէարկել միայն «Ժառանգութիւնը»։ Այն ժամանակ Հ.Յ.Դ.-ից պատգամաւոր Արմէն Ռուստամեանը յայտարարել էր, որ իրենք կարծում են, թէ հայ-թուրքական եւ հայ-ադրբեջանական յարաբերութիւնների հետ մէկտեղ պէտք է քննարկւի նաեւ թուրք-ադրբեջանական յարաբերութիւնների խնդիրը, որպէսզի բոլոր ուղղութիւններով էլ գործուն քայլեր ձեռնարկւեն ազգային անվտանգութեան ապահովման տեսանկիւնից։
News.am
Posts
0 Պատգամ:
Post a Comment