Բաց Նամակ՝ Հայաստանի Նախագահ Սերժ Սարգսեանին
Քաջ գիտակցելով այն, որ դէպքերի վերջին զարգացումներն չեն հանդիսանում միայն Ձեր բարի կամքի արտայայտումը, այլ նաեւ շօշափելի ճնշման արդիւնք են, մենք կոչ ենք անում վերանայել արձանագրութիւններում տեղ գտած հիմնական կէտերին, որոնք ոչ մի կերպ չեն կարող ընդունելի լինել հայ ազգի համար։
Համայն աշխարհի հայութեան ուշադրութիւնն այսօր սեւեռւած է չարաբաստիկ երկու արձանագրութիւնների եւ դրանցից բխող հայակործան հետեւանքների վրայ։
Ինչպէս երբեւէ, այսօր մենք կանգնած ենք լինել-չլինելու հարցի առջեւ։ Այսօր, ինչպէս երբեք, կայ իրական վտանգ կորցնելու այն, ինչ ձեռք է բերւել տարիներով մղւած պայքարի, արեան, արցունքի եւ ամենակարեւորը՝ միասնութեան շնորհիւ։ Աշխարհասփիւռ հայութեան կարծիքն անտեսւած է, մեր ձայնը չի լսւում կարծես, մեր ձայնը չէք ուզում լսել։
Սոյն նամակը հետապնդում է մէկ նպատակ՝ ցոյց տալ, որ մենք կանք, ցոյց տալ, որ մենք անմասն չենք մնայ մեր հայրենիքի ճակատագրից, տեղ հասցնել մեր ձայնն ու մտահոգութիւնը մեր հայրենակիցներին եւ ցոյց տալ, որ մենք նրանց կողքին ենք։ Հանդիսանալով մի մասնիկն աշխարով մէկ սփռւած հայութեան՝ Շւէդիայի հայ գաղութն իր դժգոհութիւնն ու բողոքն է յայտնում ՀՀ նախագահ Ս. Սարգսեանին եւ արտգործնախարար Է. Նալբանդեանին։
Սոյն նամակը հետապնդում է մէկ նպատակ՝ ցոյց տալ, որ մենք կանք, ցոյց տալ, որ մենք անմասն չենք մնայ մեր հայրենիքի ճակատագրից, տեղ հասցնել մեր ձայնն ու մտահոգութիւնը մեր հայրենակիցներին եւ ցոյց տալ, որ մենք նրանց կողքին ենք։ Հանդիսանալով մի մասնիկն աշխարով մէկ սփռւած հայութեան՝ Շւէդիայի հայ գաղութն իր դժգոհութիւնն ու բողոքն է յայտնում ՀՀ նախագահ Ս. Սարգսեանին եւ արտգործնախարար Է. Նալբանդեանին։
Մենք աւելի քան վստահ ենք, որ վերոյիշեալ տխրահռչակ արձանագրութիւնները կործանիչ կը լինեն մեր ազգի եւ հայրենիքի համար։ Քաջ գիտակցելով այն, որ դէպքերի վերջին զարգացումներն չեն հանդիսանում միայն Ձեր բարի կամքի արտայայտումը, այլ նաեւ շօշափելի ճնշման արդիւնք են, մենք կոչ ենք անում վերանայել արձանագրութիւններում տեղ գտած հիմնական կէտերին, որոնք ոչ մի կերպ չեն կարող ընդունելի լինել հայ ազգի համար։ -
Ճանաչելով Թուրքիայի ներկայիս ապօրինի սահմանները՝ Դուք ակամայից վաւերացնում էք Կարսի պայմանագիրը, եւ թէեւ Դուք պարբերաբար փորձում էք վստահեցնել մեզ, որ դրանք հիմնապէս տարբեր բաներ են, Ձեր փաստարկներն համոզիչ չեն։ Աւելին, ճանաչելով Թուրքիայի ներկայիս սահմանները, Դուք սեպ էք խրում Սփիւռքի եւ Հայրենիքի միջեւ՝ հիմնայատակ խորտակելով տարիների իղձերն ու սպասումները։
Վստահ եղէք, որ դա չպէտք է ներւի։ - Հանդէս գալով նման աւելի քան սարսափելի առաջարկով, այն է՝ստեղծել «պատմական հարթութեամբ զբաղւող ենթայանձանաժողով», որը պէտք է զբաղւի «երկու ժողովուրդների միջեւ գոյութիւն ունեցող խնդիրների յստակեցմամբ», աւելին, արխիւների գիտական անկողմնակալ ուսումնասիրութեամբ, Դուք կասկածի տակ էք դնում Հայոց Ցեղասպանութիւնը։ Պարո՛ն նախագահ եւ արտգործնախարար, կա՞յ արդեօք մէկ այլ պատմական խնդիր մեր ազգերի միջեւ։
Ի՞նչ է ուսումնասիրելու վերոյիշեալ ենթայանձանաժողովը։ Պարզ է, որ խօսքն ամենեւին էլ չի գնում հիթիթների կամ շումերների պատմական անցեալը քննարկելու մասին։ Կա՞յ արդեօք մէկ այլ պատմական հարթութիւն, որ պէտք է դիտարկւի։ Ի հարկէ Ոչ։ Արդեօք հրէաներն գերմանացիների հետ յարաբերութիւններն կարգաւորելու ժամանակ որեւէ կասկածի տակ առի՞ն հոլոքոսթը։ Ի հարկէ Ոչ։ Ապա ինչու՞ մենք պէտք է նոյնիսկ «անկողմնակալ» ուսումնասիութեան յանձնենք մեր անցեալի ամենաապացուցւած եւ ամենացաւալի հարցը։
Քննարկելով իսկ՝ Դուք անմիջականօրէն կասկածի տակ էք դնում այն ամէնը ինչ արդէն արւել է ի շահ Ցեղասպանութեան ճանաչման եւ դատապարտման։ Նման կէտն այդ արձանագութիւններում վերջ կը դնի յետագայ որեւէ ջանքի՝ լրջօրէն խօսելու Հայոց Ցեղասպայութեան մասին։ Ստեղծելով վերոյիշեալ ենթայանձանաժողովը՝ Դուք զրոյի էք հաւասարեցնում տասնամեակների պայքարն ու յետագայ քայլերը։ Եւ իզուր են Ձեր փորձերն՝ ներկայացնելու այս ամէնն այլ լոյսի ներքոյ։ Սոյն ենթայանձանաժողովը կը լինի սկիզբը վերջի։
Վստահ եղէք, որ սա էլ չպէտք է ներւի։ - Լռութեան մատնելով ժողովուրդների ինքնորոշման իրաւունքը՝ Դուք ակամայից բաւարարում էք Թուրքիայի մէկ այլ նախապայման, այն է՝ Ղարաբաղի հարցը լուծել միմիայն տարածքային ամբողջականութեան սկզբունքի հիման վրայ : Անգլերէնից հայերէն ոչ ճշգրիտ թարգմանութիւններն կարող են լրջագոյնս վտանգի ենթարկել ազատ Արցախի ճակատագիրը։
Արդեօք պատրաստ է՞ք այս պատասխանատւութիւնն էլ վերցնել Ձեզ վրայ։ Ո՞վ պատասխան կը տայ բոլոր այն հոգիների առջեւ, ովքեր իրենց կեանքն չխնայեցին յանուն Արցախի ազատագրման։ Արցախի անկախութեան, ապահովութեան հարցն իսկ կասկածի տակ դնելն կը նշանակի, որ մենք կը կորցնենք այն։ Որեւէ, նւազագոյն զիջումն իսկ, կը լինի կործանարար մեզ համար։
Ի՞նչ պատասխան էք տալու սերունդներին։ Հայորդիների իրաւունքով՝ մենք պահանջում ենք վերանայել արձանագրութիւններն ու դրանք բարենպաստ դարձնել մեր ազգի համար։
Եթէ վերը նշւածները բաւարարարումը չեն Թուրքիայի նախապայմանների, որոնց իսպառ բացակայութեան մասին այդքան բարձրաձայնում էք, ապա ի՞նչ են դրանք։ Դուք պատասխանատու էք համասփիւռ հայութեան եւ դեռեւս մեր հողի վրայ ապրող մեր հայրենակիցների համար։
Դուք պատասխանատու էք գալիք սերունդների առջեւ։ Պատմութիւն կարելի է մտնել ու ազգանպաստ գործով։ Այլոց շահերը բաւարարելը մեզ կը տանի դէպի անխուսափելի կործանում։ Այսօր Դուք էք պատասխանատու մեր ապագայ յոյսերի, երազած երկրի եւ հայրենիքի համար։
Թոյլ մի տւէք, որ դարերի երազանքը անուղղելիօրէն կործանւի։ Այս դժւար պահին, Սփիւռքը կանգնած է իր ազգի կողքին։
Մենք պատրաստ ենք սատարել Ձեզ եւ միասին յաղթահարել բոլոր դժւարութիւնները, որոնք քիչ չեն եւ վստահաբար պէտք է շատանան։ Սակայն պէտք է կանգ առնել ժամանակին, քանի որ յետոյ շատ ուշ կլինի։
Posts
0 Պատգամ:
Post a Comment