Բաքուն կարգելի ԼՂ ընտրութիւններին մասնակցած դիտորդների մուտքը Ադրբեջան


17:34 • 26.05.10
Ադրբեջանը կարգելի Լեռնային Ղարաբաղի խորհրդարանական ընտրութիւններում որպէս դիտորդ մասնակցած օտարերկրեայ քաղաքացիների մուտքը ադրբեջանական տարածք։ Այդ մասին հաղորդում է АПА գործակալութիւնը՝ վկայակոչելով Ադրբեջանի ԱԳՆ մամուլի խօսնակ Էլհան Պոլուխովի յայտարարութիւնը։
Ըստ նրա՝ «սև ցուցակում» են, մասնաւորապէս, ռուսական Պետդումայի հինգ պատգամաւորներ՝ Իգոր Չեռնիշենկոն, Կիրիլ Չերկասովը, Տատեանա Վոլոժինսկայան, Մաքսիմ Միշչենկոն և Կոնստանտին Զատուլինը։ Այդ ցուցակում են յայտնւել նաև Արգենտինայի խորհրդարանի պատգամաւոր Ժոզէ Արբոն և Սլովակիայից՝ պատգամաւոր Ֆրանտիկեշ Միկլոշկոն և այլ երկրների մի շարք դիտորդներ։
Ինչպէս յայտնել է Ադրբեջանի ԱԳՆ ներկայացուցիչը, «սև ցուցակը» դեռ համալրւում է. նա չի յստակեցրել, թէ երբ արգելքն ուժի մէջ կմտնի։
Դիտորդներն առայժմ չեն արձագանքել այս տեղեկութեանը։Յիշեցնենք, որ ԼՂՀ խորհրդարանական ընտրութիւններն անցկացւել են ընթացիկ տարւայ մայիսի 23-ին, որոնցում յաղթանակել է ԼՂ վարչապետի «Ազատ հայրենիք» կուսակցութիւնը։
Օտարերկեայ դիտորդներից ամենամեծաթիւը ռուսական դիտորդական պատւիրակութիւնն էր։ Ըստ դիտորդների, ընտրութիւնները, ընդհանուր առմամբ, համապատասխանել են ժողովրդավարական չափանիշներին։
Tert.am

0 Պատգամ: