Լեռնային Ղարաբաղի մասին Hurriyet–ի հրապարակումը բարկացրել է Բաքւին


14:57 • 26.05.10
Ադրբեջանի նախագահի աշխատակազմի քաղաքական վերլուծութեան և տեղեկատւութեան ապահովման բաժնի պետ Էլնուր Ասլանովը, ի պատասխան թուրքական Hurriyet Daily News պարբերականում «Լեռնային Ղարաբաղի վիճահարոյց տարածքը նոր խորհրդարան է ընտրում» վերնագրով հրապարակմանը, բողոքի նամակ է յղել՝ պաշտօնական Բաքւի դիրքորոշման պարզաբանումներով։
Նամակում նշւում է, որ 2010թ. մայիսի 23-ին պարբերականի օնլայն տարբերակի «Թուրքիա/դիւանագիտութիւն» բաժնում լոյս տեսած հրապարակման մէջ ԼՂ-ն ներկայացւած է որպէս «վիճահարոյց» տարածք, ինչը, Բաքւի կարծիքով, «տարածքային ամբողջականութեան միջազգային իրաւունքի սկզբունքի խախտում է»։
Ինչպէս յայտնում է 1news.az-ը, նամակում ասւում է նաև, որ Ադրբեջանը երբէք չի ընդունել, և աւելին, «երբէք չի խաբւի ընտրութիւնների քողի տակ Հայաստանի քաղաքական անվանարկումներին»։
Նամակում նաև նշւում է, որ Ադրբեջանի տւեալ դիրքորոշումը ենթակայ չէ քննարկումների և չի փոփոխւի, այնուամենայնիւ, «Ադրբեջանը շարունակում է հաւատարիմ մնալ հակամարտութեան խաղաղ կարգաւորմանը կառուցողական մթնոլորտում՝ գործելով հանդուրժողաբար և մասնակցելով հայկական կողմի հետ երկխօսութեանը»։
Նշւում է նաև, որ «Ադրբեջանը չի շարունակի խաղաղ բանակցութիւններն ի վնաս իր տարածքային ամբողջականութեան և չի ընդունի որոշումներ Հայաստանի կողմից պարտադրւող ստատուս քվոյի հիման վրայ»։

Tert.am

0 Պատգամ: