Նեստերենկոն յիշեցնում է.–
Մոսկւան չի ճանաչում Ղարաբաղի անկախութիւնը
12:44 • 24.05.10
Մոսկւան ընդունում է Ադրբեջանի տարածքային ամբողջականութեան սկզբունքը, չի ճանաչում Լեռնային Ղարաբաղը որպէս անկախ պետութիւն։ Այս մասին այսօր յայտարարել է Ռուսաստանի ԱԳՆ պաշտօնական ներկայացուցիչ Անդրէյ Նեստերենկոն՝ մեկնաբանելով Արցախում մայիսի 23-ին անցկացւած խորհրդարանական ընտրութիւնները։
«Մոսկւան ընդունում է Ադրբեջանի տարածքային ամբողջականութեան սկզբունքը, ինչպէս և միջազգային իրաւունքի միւս հիմնարար նորմերն ու սկզբունքները (նկատենք, որ ազգերի ինքնորոշման իրաւունքը նոյնպէս համարւում է միջազգային իրաւունքի հիմնարար սկզբունքներից մէկը,- Tert.am): Ինչպէս յայտնի է, մենք չենք ճանաչում Լեռնային Ղարաբաղը որպէս անկախ պետութիւն։ Մեր համոզմամբ՝ նրա հետագայ կարգավիճակը պէտք է որոշւի առանց ուժի կիրառման՝ մինսկեան գործընթացի շրջանակում հակամարտութեան բոլոր կողմերի միջև քաղաքական բանակցութիւնների արդիւնքում»,- ասւում է գերատեսչութեան կայքում տեղադրւած մեկնաբանութիւնում։«Միաժամանակ, Մոսկւայում չեն կարծում, որ հակամարտութեան կարգաւորման ընթացքը կարող է կախւած լինել Լեռնային Ղարաբաղում ընտրութիւնների անցկացումից»,- յայտարարել է Նեստերենկոն։
Ըստ Նեստերենկոյի՝ Ռուսաստանը ԵԱՀԿ Մինսկի խմբի համանախագահութեան իր բոլոր գործընկերների հետ սերտ համագործակցութեամբ այսուհետ ևս եռանդով կօգնի հայերին ու ադրբեջանցիներին՝ որքան հնարաւոր է շուտ հասնել Ղարաբաղեան հանգոյցի փոխզիջումային հանգուցալուծման։ Այս մասին յայտնում է Взгляд-ը:
Tert.am
Posts
0 Պատգամ:
Post a Comment