Թուրք
ազգայնականը
զառանցում է
«Անին երբէք հայկական չի եղել...»
Հոկտեմբեր 01, 2010 12:29
Թուրքիայի «Ազգայնական շարժում» կուսակցութեան Կարսի նահանգային կառոյցի ղեկավար Օքթայ Աթքաշը թուրքական NTV-ի ուղիղ եթերում թ
ուրքական հասարակութեանն է ներկայացել ծաղրածուի կարգավիճակով` յայտարարելով, թէ՝ Անիում երբէք հայկական թագաւորութիւն չի եղել:Թուրքական «Ազգայնական շարժում» կուսակցութեան առաջնորդն իր կուսակիցներով պատրաստւում է այսօր` հոկտեմբերի 1-ին, ի հակադրութիւնում Աղթամարի Ս. Խաչ եկեղեցում իրականացւած պատարագի, Անիի Մայր տաճարում նամազ անել: Այդ կապակցութեամբ, թուրք ազգայնականները արդէն գնել են Անի մտնելու 500 տոմս եւ պատրաստել 2 հազար թուրքական դրօշ:
Թուրք ազգայնականները չեն դադարում թուրք հանրութեանը զարմացնել իրենց տեղեկացւածութեան ցածր աստիճանով: Թուրքական NTV-ի ուղիղ եթերում «Ազգայնական շարժում» կուսակցութեան Կարսի նահանգային կառոյցի ղեկավար Օքթայ Աթքաշը յայտարարել է, թէ Անին երբէք հայկական չի եղել: «Անիում երբէք հայկական թագաւորութիւն չի եղել: Սակայն, հայերը միշտ փորձում են տէր կանգնել ԱՆիին: Այստեղ սելջուկներից մնացած աւելի շատ յուշարձաններ կան»- ուղիղ եթերում իրեն յոյս է տւել Օքթայ Աքթաշը:
Նշենք, որ շատ մասնագէտների կողմից Կովկասի ճարտարապետութեան զարդը համարւող Անիի մայր տաճարի շինարարութիւնն սկսւել է Հայոց արքայ Սմբատ 2-րդի օրօք՝ 989 թւականին եւ աւարտւել Գագիկ 1-ինի օրօք՝ նրա կնոջ՝ Կատրամիդէ թագուհու օժանդակութեամբ 1001 թւականին։ Անիի մայր տաճարի ճարտարապետն էր Տրդատը, ով նաեւ վերակառուցել էր Կոստանդնուպոլսի Ս. Սոֆիա տաճարի գմբէթը:
Արթուր Յակոբեան
Լուրեր Հայաստանից - NEWS.am
Posts
0 Պատգամ:
Post a Comment