«Իլհամ Ալիևը փող հաշւել գիտէ,
նա պատերազմ չի սկսի»
12:50 • 01.10.10
Ադրբեջանը պատերազմ չի սանձազերծի: Երևանում լրագրողների հետ զրոյցում այսպիսի կարծիք է յայտնել ռուս քաղաքական վերլուծաբան Մատվէյ Գանապոլսկին: Նա նշել է, որ Ադրբեջանի կողմից զինւած յարձակումը Լեռնային Ղարաբաղի վրայ անիմաստ քայլ է: Անիմաստ է՝
հէնց Ադրբեջանի տեսանկիւնից, քանի որ, ըստ վերլուծաբանի, ցանկացած պատերազմ իրենից նաև պարտութիւն է ներկայացնում: Բոլորն իրենց տնտեսական շահերն ունեն, որոնք շրջանցելը ճիշտ չէ, ուստի, ըստ Գանապոլսկիի, իրատեսական չէ կարծիքը, որ Ադրբեջանը պատերազմական գործողութիւններ կսկսի՝ անտեսելով այս ամէնը:
«Մի´ խանգարէք Իլհամ Ալիևին՝ ներշնչել իր հասարակութեանը, որ ինքը յաջողւած ու վճռական քաղաքական գործիչ է: Ինչո՞ւ էք դուք՝ հայերդ, խառնւում Ադրբեջանի ներքին գործերին: Կայ հզօր քաղաքական գործիչ Իլհամ Ալիև, նա բացատրում է իր հասարակութեանը, որ եթէ որևէ մէկը խանգարի իրեն, կպատժւի... Ինչո՞ւ էք նրան խանգարում, մարդն իր ժողովրդի համար մշակած ռազմավարութիւն ունի…»:
Գանապոլսկին խորհուրդ է տւել հաշւի առնել նաև այն հանագամանքը, որ յարձակմանը կը յաջորդի նաև միջազգային հանրութեան խիստ արձագանքը, իսկ Ադրբեջանը դա անտեսել չի կարող: «Ռուսաստանը մտաւ Վրաստան, և դուք տեսաք՝ այդ ամէնն ինչով աւարտւեց»,- նշել է Գանապոլսկին՝ շեշտելով նաև այն հանգամանքը, որ Եւրոպան ու ԱՄՆ-ն Իրանի կողքին հակամարտութիւնների հրահրման կողմնակից չեն: Իսկ Ադրբեջանն, այս ամէնից բացի, ըստ Գանապոլսկիի, չի կարող հաշւի չնստել նաև տնտեսական կորուստների հետ, որոնք անխուսափելի կլինեն զինւած յարձակման դէպքում: «3 քառակուսի մետր վիճելի տարածքը չարժէ 3 տրիլիոն կորսւած գումարի, իսկ ես կարծում եմ, որ Իլհամ Հէյդարովիչը շատ խելացի քաղաքական գործիչ է, ու նրա հիանալի յատկանիշներից մէկն այն է, որ նա փող հաշւել գիտէ»,- ասել է քաղաքական վերլուծաբանը:
հէնց Ադրբեջանի տեսանկիւնից, քանի որ, ըստ վերլուծաբանի, ցանկացած պատերազմ իրենից նաև պարտութիւն է ներկայացնում: Բոլորն իրենց տնտեսական շահերն ունեն, որոնք շրջանցելը ճիշտ չէ, ուստի, ըստ Գանապոլսկիի, իրատեսական չէ կարծիքը, որ Ադրբեջանը պատերազմական գործողութիւններ կսկսի՝ անտեսելով այս ամէնը:«Մի´ խանգարէք Իլհամ Ալիևին՝ ներշնչել իր հասարակութեանը, որ ինքը յաջողւած ու վճռական քաղաքական գործիչ է: Ինչո՞ւ էք դուք՝ հայերդ, խառնւում Ադրբեջանի ներքին գործերին: Կայ հզօր քաղաքական գործիչ Իլհամ Ալիև, նա բացատրում է իր հասարակութեանը, որ եթէ որևէ մէկը խանգարի իրեն, կպատժւի... Ինչո՞ւ էք նրան խանգարում, մարդն իր ժողովրդի համար մշակած ռազմավարութիւն ունի…»:
Գանապոլսկին խորհուրդ է տւել հաշւի առնել նաև այն հանագամանքը, որ յարձակմանը կը յաջորդի նաև միջազգային հանրութեան խիստ արձագանքը, իսկ Ադրբեջանը դա անտեսել չի կարող: «Ռուսաստանը մտաւ Վրաստան, և դուք տեսաք՝ այդ ամէնն ինչով աւարտւեց»,- նշել է Գանապոլսկին՝ շեշտելով նաև այն հանգամանքը, որ Եւրոպան ու ԱՄՆ-ն Իրանի կողքին հակամարտութիւնների հրահրման կողմնակից չեն: Իսկ Ադրբեջանն, այս ամէնից բացի, ըստ Գանապոլսկիի, չի կարող հաշւի չնստել նաև տնտեսական կորուստների հետ, որոնք անխուսափելի կլինեն զինւած յարձակման դէպքում: «3 քառակուսի մետր վիճելի տարածքը չարժէ 3 տրիլիոն կորսւած գումարի, իսկ ես կարծում եմ, որ Իլհամ Հէյդարովիչը շատ խելացի քաղաքական գործիչ է, ու նրա հիանալի յատկանիշներից մէկն այն է, որ նա փող հաշւել գիտէ»,- ասել է քաղաքական վերլուծաբանը:
Tert.am
Posts
0 Պատգամ:
Post a Comment