Կարևորւել է
Հայ-Իրանական
տնտեսական համագործակցութիւնը
2010թ. հոկտեմբերի վերջին նախատեսւում է ՀՀ վարչապետի այցը Իրանի
Իսլամական Հանրապետութիւն
Վարչապետ
Տիգրան Սարգսեանը երէկ ընդունել է Իրանի Իսլամական Հանրապետութեան առևտրի, արդիւնաբերութեան և հանքերի պալատի նախագահ Մոհամմադ Նահավանդիանի գլխաւորած պատւիրակութեանը։ Հանդիպմանը ներկայ էին նաև Հայաստանի Հանրապետութիւնում Իրանի Իսլամական Հանրապետութեան արտակարգ և լիազօր դեսպան Սէյէդ Ալի Սաղայիանը ու Հայաստանի Հանրապետութեան առևտրա–արդիւնաբերական պալատի նախագահ Մարտին Սարգսեանը։Ողջունելով հիւրերին` վարչապետը բարձր է գնահատել երկու երկրների միջև ձևաւորւած բարեկամական յարաբերութիւնների մակարդակը և կարևորել տնտեսական փոխգործակցութեան խորացումը։
Զրուցակիցները քննարկել են տնտեսական համագործակցութեան ընդլայնման հնարաւորութիւնները` ընդգծելով ոլորտում առկայ մեծ ներուժի լիարժէք իրացման անհրաժեշտութիւնը։ Մասնաւորապէս, Մոհամմադ Նահավանդիանը առաջնային է համարել երկկողմ ապրանքա–շրջանառութեան ծաւալի մեծացումը ու գործակցութեան խորացումը արդիւնաբերութեան, զբօսաշրջութեան ու ենթակառուցւածքների զարգացման ուղղութեամբ, ինչը ողջունել է կառավարութեան ղեկավարը։ Երկուստէք կարևորւել է Հայաստանի և Իրանի մասնաւոր հատւածների միջև կապերի ակտիւացումը ու առևտրային ծառայութիւնների մատուցման բնագաւառում համագործակցութեան սերտացումը։ Այդ համատեքստում քննարկւել են Հայ-Իրանական համատեղ ձեռնարկութիւնների ստեղծման հեռանկարները։
Հանդիպման ընթացքում կողմերն անդրադարձել են առաջիկայ բարձր մակարդակի պաշտօնական այցերին։ Նշւել է, որ 2010թ. հոկտեմբերի վերջին նախատեսւում է ՀՀ վարչապետի այցը Իրանի Իսլամական Հանրապետութիւն։ Մոհամմադ Նահավանդիանը հրաւիրել է Տիգրան Սարգսեանին Թեհրան կատարելիք այցի շրջանակներում այցելել Իրանի առևտրի, արդիւնաբերութեան և հանքերի պալատ` իրանցի գործարարներին Հայաստանի տնտեսական հնարաւորութիւնները ներկայացնելու համար։
ArmAr.am
Posts
0 Պատգամ:
Post a Comment