Համաշխարհային մամուլն անդրադարձել է Թուրքիայի եւ Հայաստանի միջեւ նախաստորագրւած արձանագրութիւններին
ԵՐԵՒԱՆ, 1 ՍԵՊՏԵՄԲԵՐԻ, ԱՐՄԷՆՊՐԵՍ: Թուրքիայի եւ Հայաստանի` դիւանագիտական յարաբերութիւններ ստեղծելու նպատակով ներքին քաղաքական խորհրդակցութիւններ սկսելու մասին արած համատեղ յայտարարութիւնը մեծ անդրադարձ է ունեցել աշխարհում:
Օտարերկրեայ մամուլը իրադարձութիւնը մեկնաբանել է «Տասնեակ տարիներ շարունակւող անվստահութիւնից յետոյ մերձենում են», «Հարիւրամեայ թշնամութիւնը աշխարհի ամենացաւալի խռովքներից մէկն է», «Բանակցութիւնները դեռեւս կանգնած են մի շարք սպառնալիքների առաջ», «Կարեւոր քայլ», «Դժւար վերականգնելի ճեղքւածքի լուծումը», «Երկու երկրները կանգնած են սահմանները բացելու առաջ», «Հայաստանի նախագահի Թուրքիա այցի համար Անկարան անակնկալ քայլեր է կատարում» վերտառութիւններով յօդւածներով: Այսպէս`
NEW YORK TIMES. «Հարիւրամեայ թշնամութիւնից յետոյ, աշխարհի ամենաերկարատեւ եւ ցաւալի միջազգային վէճերից մէկը` Թուրքիան եւ Հայաստանը համաձայնութեան են եկել դիւանագիտական յարաբերութիւններ ստեղծելու հարցում»:
TIMES. «Բանակցութիւնները դեռեւս կանգնած են սպառնալիքների առաջ. Հայոց ցեղասպանութեան միջազգային ճանաչման խնդիրը դիմադրութեան է արժանանում թուրքական ընդդիմութեան կողմից: Հայաստանի հետ դիւանագիտական յարաբերութիւնների ստեղծումը կը մեծացնի Թուրքիայի Եւրամիութեանն անդամակցութեան հնարաւորութիւնը»:
TRIBUNE DE GENEVE. «Հայաստանի եւ Թուրքիայի` դիւանագիտական յարաբերութիւններ ստեղծելու եւ սահմանները բացելու հարցում ձեռք բերած համաձայնութիւնը տասնյակ տարիներ շարունակւող անվստահութեան եւ փոխադարձ մեղադրանքներից յետոյ երկու հարեւաններին հաշտեցնելուն ուղղւած կարեւոր քայլ է»:
WALL STREET JOURNAL. «Հայաստանն ու Թուրքիան Օսմանեան կայսրութեան շրջանում հայերի կոտորածների պատճառով թշնամանալուց յետոյ, համաձայնութեան են եկել դիւանագիտական կապեր ստեղծելու եւ փակ սահմանները բացելու հարցերում»։
:BBC. «Տասնեակ տարիներ տեւած անվստահութիւնից յետոյ Հայաստանն ու Թուրքիան մերձենում են»:
NOVOSTI. «Հայաստանն ու Թուրքիան համաձայնւել են յարաբերութիւններ ստեղծել Շւէյցարիայի միջնորդութեամբ»:
EURONEWS. «Թշնամի հարեւանների միջեւ յարաբերութիւնները գնում են լաւացման»:D
EUTSCHE WELLE. «Անկարան անակնկալ քայլեր է կատարում Հայաստանի նախագահ Սերժ Սարգսեանի` Թուրքիայում ֆուտբոլ դիտելու համար»:
LE MONDE. «Թուրքիան եւ Հայաստանը կանգնած են դիւանագիտական յարաբերութիւններ ստեղծելու ճանապարհին»:
«Ամերիկայի ձայն». «Յարաբերութիւնները նորմալացնելու նպատակով Թուրքիան եւ Հայաստանը ներքին քաղաքական խորհրդակցութիւնների գործընթաց են սկսել»:
Posts
0 Պատգամ:
Post a Comment