Փորձագէտ.– 2010 թւականին Ղարաբաղեան հակամարտութեան կարգաւորման հարցում ճակատագրական փոփոխութիւններ սպասել չարժէ
09:01 / 01.01.2010
2009 թւականի ամենանշանակալի իրադարձութիւնը, անշուշտ, Հայաստանի եւ Թուրքիայի միջեւ «ճանապարհային քարտէզի» նախաստորագրումն էր, ապա եւ՝ Հայ-թուրքական արձանագրութիւնների ստորագրումը, ինչը լուրջ փոփոխութիւններ մտցրեց ոչ միայն երկու երկրների քաղաքական կեանքում, այլեւ մենթալիտետի կարծրատիպերում, հետագայում բոլոր ներքաղաքական եւ արտաքին քաղաքական իրադարձութիւնները 2009 թւականին զարգացան, եւ 2010 թւականին զարգանալու են այդ երկու առանցքային երեւոյթների շուրջ:
NEWS.am-ի թղթակցի հետ զրոյցում նման կարծիք յայտնեց քաղաքագէտ Արտակ Շաքարեանը:
Նրա խօսքով, 2010 թւականին հայկական քաղաքականութեան բաղադրիչը կարելի կը լինի յաջողւած համարել, եթէ մինչեւ ապրիլ Հայ-թուրքական արձանագրութիւնները վաւերացւեն, այդ թւում նաեւ հանրապետութեան միջազգային դերի ակտիւացման համար:
Նրա խօսքով, 2010 թւականին հայկական քաղաքականութեան բաղադրիչը կարելի կը լինի յաջողւած համարել, եթէ մինչեւ ապրիլ Հայ-թուրքական արձանագրութիւնները վաւերացւեն, այդ թւում նաեւ հանրապետութեան միջազգային դերի ակտիւացման համար:
«Եթէ արձանագրութիւնները մինչեւ ապրիլ չվաւերացւեն, հետեւանքներն անցանկալի կը լինեն»,- նկատեց քաղաքագէտը՝ յաւելելով, որ 2010թ. յունւարից յետոյ վաւերացման հետաձգման ամէն մի օրը ճակատագրական նշանակութիւն ունի փաստաթղթերի համար: Եւ հարցը միայն այն չէ, որ ապրիլի 24-ին լրանում է Հայոց Ցեղասպանութեան 95-ամեակը, այլ այն, որ 2010-ը Թուրքիայի համար նախընտրական տարի է, եւ ամէն օրը հեռացնում է վաւերացումից:
«Եթէ Թուրքիան հրաժարւի վաւերացնել արձանագրութիւնները, նրա վրայ ճնշում կը գործադրւի՝ Երեւանի բանակցային գործընթացից դուրս գալու տեսքով, բայց դժւար թէ Անկարայի վրայ ճնշելու համար կընտրւի Հայոց Ցեղասպանութեան միջազգային ճանաչման գործընթացի ակտիւացումը»,- նկատեց Շաքարեանը:
Ինչ վերաբերում է ղարաբաղեան հարցին, քաղաքագէտը չբացառեց հնարաւորութիւնը, որ 2010թ. Թուրքիայի ճնշման տակ հարցը կարող է շաղկապւել Հայ-թուրքական գործընթացի հետ: «Չի բացառւում, որ փոխզիջման գնալով Անկարայի հետ՝ միջազգային հանրութիւնը կողմերի վրայ ազդեցութիւն գործի խորհրդանշական ինչ-որ փաստաթուղթ ստրագրելու համար, Մայնդորֆի հռչակագրի նմանութեամբ՝ ցոյց տալու, թէ գործընթացը շարժւել է տեղից, բայց ղարաբաղեան հակամարտութեան կարգաւորման գործընթացում 2010թ.-ին արմատական փոփոխութիւններ ակնկալել չարժէ»,- յայտարարեց Շաքարեանը:
Ինչ վերաբերում է ղարաբաղեան հարցին, քաղաքագէտը չբացառեց հնարաւորութիւնը, որ 2010թ. Թուրքիայի ճնշման տակ հարցը կարող է շաղկապւել Հայ-թուրքական գործընթացի հետ: «Չի բացառւում, որ փոխզիջման գնալով Անկարայի հետ՝ միջազգային հանրութիւնը կողմերի վրայ ազդեցութիւն գործի խորհրդանշական ինչ-որ փաստաթուղթ ստրագրելու համար, Մայնդորֆի հռչակագրի նմանութեամբ՝ ցոյց տալու, թէ գործընթացը շարժւել է տեղից, բայց ղարաբաղեան հակամարտութեան կարգաւորման գործընթացում 2010թ.-ին արմատական փոփոխութիւններ ակնկալել չարժէ»,- յայտարարեց Շաքարեանը:
Լուրեր Հայաստանից
*Ինչպէս ընթերցողը նկատեց, վերոդրեալ նիւթը ո՛չ տեղեկատւական եւ ո՛չ էլ դիւանագիտական տեսութեան արժէք է ներկայացնում։ Այս նիւթը դրւեց ապացուցելու համար այն տխուր փաստը՝ որ նենգ արձանագրութիւնները արդարացնելու եւ նոյնիսկ Ապրիլին վաւերացւելու երեւոյթը կոծկելու համար իշխանութիւնները ինչ գումարներ են ծախսում՝ մանկամիտ «դիւանագղտ»ներ հրապարակ նետելու համար։ Վ.
Posts
0 Պատգամ:
Post a Comment