Ստեփան Սաֆարեան.–
Ֆիլիպ Գորդոնի յայտարարութիւնը բաւականին լուրջ եւ վտանգաւոր զգուշացում է
14:37 / 23.01.2010
«ԱՄՆ պետքարտուղարի տեղակալ Ֆիլիպ Գորդոնի յայտարարութիւնը բաւականին լուրջ եւ վտանգաւոր զգուշացում է»,- NEWS.am-ի թղթակցի հետ զրոյցում ասաց «Ժառանգութիւն» խմբակցութեան ղեկավար Ստեփան Սաֆարեանը՝ մեկնաբանելով ամերիկեան կողմի արձագանքն այն հարցի առնչութեամբ, թէ ՀՀ Սահմանադրական դատարանի վճիռը չի հակասում Հայ-թրքական արձանագրութիւնների ոգուն։
Նրա կարծիքով, ամերիկեան կողմն իր յայտարարութեամբ հասկացնել է տւել, որ պէտք է վաւերացնել այն, ինչն ի սկզբանէ ստորագրւած է եղել, եւ ոչ մի բան աւել։ «Այսինքն Հայաստանին յստակ ուղերձ է եկել, որ վաւերացման գործընթացում որեւէ վերապահում չլինի։ Այս կերպ յօդս են ցնդում բոլոր այն յոյսերը, թէ արձանագրութիւնները ԱԺ-ում վաւերացնելիս կարող են ինչ-ինչ վերապահումներ կիրառւել»։
Հարցին, թէ Ֆիլիպ Գորդոնի յայտարարութիւնը նախազգուշացում էր աւելի շատ հայկակա՞ն, թէ, այնուամենայնիւ, թուրքական կողմի համար, Ստեփան Սաֆարեանը համոզմունք յայտնեց, որ երկու կողմերի համար էլ. «Որովհետեւ եթէ մի կողմը նախապայմաններ կամ վերապահումներ առաջ քաշի, դա կանի նաեւ միւս կողմը։ Հետեւաբար նախազգուշացումը հաւասարապէս վերաբերում է երկու կողմերին էլ»,- ամփոփեց նա։

Լուրեր Հայաստանից

0 Պատգամ: