Saturday, September 18, 2010

Հրայր Կարապետեան.–


Հրայր Կարապետեան.–

Հայ–թրքական սահմանի

բացմանը Սերժ Սարգսեանն էլ

չի հաւատում


17:24 • 17.09.10
«Շատ քիչ մարդ է մնացել, որ հաւատում է, որ Թուրքիան սահմանը կբացի մեր նախաձեռնութեան շնորհիւ, և կարծում եմ, այդ թւում նաև ՀՀ նախագահը»,– այսօր խորհրդարանում կայացած ճեպազրոյցների ժամանակ յայտարարեց ՀՅԴ–ական պատգամաւոր Հրայր Կարապետեանը՝ լրագրողների խնդրանքով անդրադառնալով ուկրաինական թերթին ՀՀ նախագահի տւած հարցազրոյցին։
«Իհարկէ, նախագահը միշտ էլ պէտք է ձգտի, որպէսզի հարևանների հետ յարաբերութիւնները լաւացնի, և նաև ճանապարհները բացւեն, տնտեսութիւնը զարգանայ։ Սա, իհարկէ, որևէ երկրի նախագահի պարտականութիւնն է, բայց թէ ինչ գնով, սա է խնդիրը»,– շարունակեց պատգաւորը, միաժամանակ, յիշեցնելով, որ Դաշնակցութիւնը հէնց այդ գնի մասին էր ահազանգում։«Կեանքը ցոյց տւեց, որ Թուրքիան փորձում է մեր ազգային, պետական շահերի գնով այս խնդիրն առևտրի առարկայ դարձնել և դրանում, չեմ կարծում, կայ մէկը, որը կասկածի»,– ասաց նա։
Դաշնակցական պատգամաւորն այն կարծիքին է, որ Հայ–թրքական արձանագրութիւններն ընդհանրապէս պէտք է հանւեն ՀՀ ԱԺ օրակարգից, քանի որ ակնյայտ է, որ Թուրքիան պատրաստ չէ դրանք քննարկել, քանի որ մնացել է իր նոյն դիրքորոշմանը ու երկու երկրների յարաբերութիւնների կարգաւորումը շարունակում է պայմանաւորել ԼՂ խնդրով։
Հրայր Կարապետեանի խօսքով, Թուրքիան և Ադրբեջանն այսօր ցանկանում են ԼՂ խնդրին կրօնական երանգ հաղորդել, ինչը յղի է անկանխատեսելի հետևանքներով և ինչի մասին Հայաստանը պէտք է ահազանգի միջազգային ատեաններում։


Tert.am

0 Պատգամ: