Հայերը Ֆրանսիայի Սենատի առջեւ ցոյցով յորդորելու են Ցեղասպանութեան ժխտումը դատապարտող օրինագիծը ընդունել
16:22 / 03.05.2010
Ֆրանսիայի հայկական կազմակերպութիւնների համակարգող խորհուրդը հայկական արմատներ ունեցող բոլոր ֆրանսիացիներին եւ բարի կամքի բոլոր մարդկանց կոչ է արել մայիսի 18-ին հաւաքւել Լիւքսեմբուրգեան պալատի առջեւ եւ Սենատի անդամներից պահանջել 1915 թ. Հայոց Ցեղասպանութեան փաստը ժխտողներին քրէական պատասխանատւութեան ենթարկել, յայտնում է ֆրանսիական «Les Nouvelles d’Arménie» ամսագիրը։
Ինչպէս նշում է թերթը, Ֆրանսիայի Ազգային ժողովն արել է առաջին քայլը՝ 2006-ին ընդունելով այդ օրինագիծը։ Այդ ժամանակւանից գործընթացը Սենատում սառեցւել է՝ չնայած նրան, որ խորհրդարանում ներկայացւած բոլոր կուսակցութիւնները լաւ են վերաբերում դրա քննարկմանը խորհրդարանի վերին պալատում։ Այդուհանդերձ, ոչ ոք տեղից չի շարժւում։ Ոչ ոք քաջութիւն չի ունենում հարցը Սենատի օրակարգ մտցնել։«Այն դէպքում, երբ Ֆրանսիան դառնում է ասպարէզ, որտեղից Ցեղասպանութիւնը ժխտող յայտարարութիւններ աւելի յաճախ են լսւում, փաստաթղթի ընդունումը հասարակական կարգուկանոնի եւ սոցիալական համերաշխութեան կոչ կլինի։ Ֆրանսիան պարտաւոր է լսել իր քաղաքացիներին»,- գրում է թերթը։
Լուրեր Հայաստանից
Posts
0 Պատգամ:
Post a Comment