Մարութեանին իր կերպարների հետ են շփոթել, Դերասանը հերքում է
11:40 • 20.05.10
«Ես ոչ մի մեկնաբանութիւն չունեմ տալու, անկեղծ եմ ասում՝ այդ մասին չէի էլ իմանայ, եթէ ինձ լուրեր չհասնէին»,- այսօր լրագրողների հետ հանդիպմանն ասաց ճանաչւած դերասան Արմէն Մարութեանը՝ անդրադառնալով Ուսանողական այգու շինարարութեանը։
Յիշեցնենք, որ երէկ մամուլում լուրեր տարածւեցին, թէ Ուսանողական այգում կառուցւող սրճարանը պատկանում է Արմէն Մարութեանին։ Դերասանը հերքեց այդ լուրերը՝ նշելով. «Ես տեղեակ էլ չեմ, թէ այնտեղ ինչ են սարքում։ Դրանից քիչ հեռու ես փորձասրահ-սրճարան ունեմ, գուցէ դա է թիւրիմացութիւն առաջացրել»։«Այդ դէպքում ինչո՞ւ են իր անունը կապում այդ շինարարութեան հետ» հարցին Մարութեանը պատասխանեց. «Ես մտածում եմ՝ մէկը կատակով է ասել, իմ կերպարների հետ են կապել, մտածել են՝ շատ փող ունեմ։ Շատ փող ունենալը, իհարկէ, վատ բան չէ, ես ցանկանում եմ, որ բոլորն էլ ունենան»,- մեկնաբանեց Մարութեանը։
Նա նաև լրագրողներին խորհուրդ տւեց խորամուխ չլինել նման լուրերի մէջ. «Այդ պատմութիւնները հետաքրքիր չեն, եկէք թատրոն՝ իսկական կռիւ անենք»։
Tert.am
Posts
0 Պատգամ:
Post a Comment