«Օսմանեան կառավարութիւնը շուրջ 100 տարի առաջ՝
1915 թւականին, ցեղասպանութիւն է իրականացրել»
«ԱԼԻՔ» Թեհրան– «Նոյեան տապան»-ը վկայակոչելով «ԻՌՆԱ» գործակալութեան հաղորդմանը՝ յայտնել է, որ Իրանի նախագահի օգնական, Մշակութային ժառանգութեան, ձեռարւեստի եւ զբօսաշրջութեան կազմակերպութեան նախագահ Համիդ Բաղային «Իրան. յաղթանակի կամուրջ» համաժողովի ժամանակ յայտարարել է. «Օսմանեան կառավարութիւնը շուրջ 100 տարի առաջ՝ 1915 թւականին, ցեղասպանութիւն է իրականացրել որոշ քանակութեամբ հայերի նկատմամբ, ու թէեւ ներկայում վերացել է Օսմանեան կառավարութիւնը, Հայաստանը դեռեւս Թուրքիայից պահանջում է, որ վերջինս այդ խնդրի համար պաշտօնապէս ներողութիւն խնդրի եւ փոխհատուցում վճարի»:* ԻՌՆԱ-ի համաձայն՝ Իրանի Մշակութային ժառանգութեան կազմակերպութիւնը յիշեալ կազմակերպութեան նախագահ Համիդ Բաղայիի վերոնշեալ արտայայտութեան մասին նշել է, թէ «Օսմանեան կառավարութեան եւ հայերի յարաբերութիւնների մասին Բաղայիի արտայայտութիւնները ճիշտ ձեւով չեն արտացոլւել»: Հաղորդագրութեան մէջ, որ ուրբաթ գիշեր է տրամադրւել ԻՌՆԱ-ին, նշւել է. «Իրան. յաղթանակի կամուրջ» համագումարի ընթացքում պրն. Բաղայիի արտայայտութիւնները ճիշտ ձեւով չեն արտացոլւել զանգւածային լրատւամիջոցներում եւ կամ որոշ լրատւամիջոցներ իրենց ընկալումն են արտացոլել Օսմանեան կառավարութեան ու հայերի միջեւ յարաբերութիւնների հարցով»:Հաղորդագրութիւնը շեշտում է. «Բաղային յիշեալ խնդրին անդրադարձել է լոկ որպէս Թուրքիայի ու Հայաստանի միջեւ առգոյ թեմայի՝ առանց որեւէ վերլուծական կամ իւրայատուկ տեսակէտ նշելու»:Նշենք, որ «Իրան. յաղթանակի կամուրջ» համաժողովը կայացել է Երկրորդ համաշխարհային պատերազմում Դաշնակիցների կողմից Իրանի գրաւման 70-րդ տարելիցի կապակցութեամբ:
Posts
0 Պատգամ:
Post a Comment