Էդւարդ Նալբանդեանի յայտարարութեան տեքստը, որն այդպէս էլ չհնչեց Ցիւրիխում
11:27 / 13.10.2009
Յայտնի է դարձել այն յայտարարութեան տեքստը, որը ՀՀ ԱԳ նախարար Էդւարդ Նալբանդեանը պէտք է կարդար Ցիւրիխում հոկտեմբերի 10-ին հայ-թուրքական արձանագրութիւնների ստորագրումից անմիջապէս յետոյ, սակայն թուրքական կողմի հետ տարաձայնութիւնների պատճառով կողմերը զերծ մնացին յայտարարութիւններ անելուց:
Այդ տեքստը տպագրւել է «Առաւօտ» թերթում, որը ներկայացնում ենք ստորեւ:
«Յարգելի գործընկերներ, Տիկնայք և պարոնայք, Մենք հաւաքւել ենք Շվեյցարիայի հիւրընկալ հողում` ստորագրելու արձանագրութիւնները, որոնք դնելու են այն հիմնաքարը, որի վրայ գալիք տարիներին պէտք է կառուցւեն Հայաստանի և Թուրքիայի միջև յարաբերութիւնները:
Սա առանձնայատուկ օր է, նոր մեկնարկի, նոր յարաբերութիւնների և նոր հեռանկարների իւրատեսակ նախաշեմ: Դա կարող է օգտակար լինել մեր ժողովուրդների համար, եթէ մենք այս փաստաթղթերը կեանքի կոչենք ինչպէս և պայմանաւորւել ենք` ճշտապահօրէն, առանց նախապայմանների և խելամիտ ժամկէտներում իրականացնենք դրանց դրոյթները: Գործընթացի սկզբից և եթէ մենք գիտակցում էինք այն դժւարութիւններն ու խոչընդոտները, որոնք առկայ են դէպի ապագայ տանող այս փշոտ, բայցեւ այսքան անհրաժեշտ ճանապարհին: Սակայն, մենք նաեւ գիտակցում էինք, որ այս ծանր բեռը յաջորդ սերունդներին թողնելը անպատասխանատու և չարդարացւած կը լինի:
Այսօր մենք ջանքեր ենք գործադրում մեր ժողովուրդներին երկար ժամանակ բաժանող փակ դուռը բացելու համար։ Մենք ճանապարհ ենք հարթում գալիք սերունդների խաղաղ և բարգաւաճ ապրելու հնարաւորութիւնն ապահովելու համար: Ամէնօրեայ ինտենսիվ բանակցութիւնները հնարաւորութիւն ընձեռեցին գտնելու այն բանալին, որը պէտք է բացի դռան փականը եւ աննախադէպ հնարաւորութիւն ընձեռի վստահութեամբ քայլելու դէպի ապագայ:
Այսօրւայ Եւրոպայի կայունութիւնը, անվտանգութիւնը և բարեկեցութիւնը հիմնւած է մի քանի տասնամեակ առաջ ժամանակի երկու հեղինակաւոր առաջնորդների խորհրդանշական ձեռքսեղմման վրայ: Նրանք խիզախութիւն ունեցան ոչ միայն հաշտեցման տանելու իրենց ժողովուրդներին, այլև տեսլական ունեցան ստեղծելու այնպիսի պայմաններ, որ Եւրոպայի ժողովուրդներն ապրեն խաղաղ եւ անվտանգ:
Նման խորհրդանշական ձեռքսեղմում տեղի ունեցաւ 2008թ. սեպտեմբերի 6-ին Երևանում, որտեղ Հայաստանի ղեկավարի նախաձեռնութեամբ հանդիպեցին Հայաստանի և Թուրքիայի նախագահները:
Բարձր գնահատելով մեր առաջնորդների քաղաքական կամքը եւ երկու կողմից գործադրւած հսկայական ջանքերը` ես ցանկանում են դրւատանքի խօսքեր ասել միջազգային հանրութեանը՝ այս գործընթացին շատ կարեւոր հաստատակամ աջակցութեան համար: Այդ սատարումը կենսական էր գործընթացը առաջ տանելու գործում: Այսօր դուք կանգնած էք մեր կողքին` մասնակից լինելով Արձանագրութիւնների ստորագրմանը և արդարացիօրօն կիսում եք ձեռք բերւած արդիւնքի վաստակը, ինչպէս նաեւ՝ ապագայ նւաճումների պատասխանատւութիւնը»: Այնուհետեւ նախարար Նալբանդեանն իր շնորհակալութիւնն է յայտնում այս գործընթացի մասնակից երկրներին ու նրանց ներկայացուցիչներին, որոնք ներկայ էին արձանագրութիւնների ստորագրմանը:
«Յարգելի գործընկերներ, Տիկնայք և պարոնայք, Մենք հաւաքւել ենք Շվեյցարիայի հիւրընկալ հողում` ստորագրելու արձանագրութիւնները, որոնք դնելու են այն հիմնաքարը, որի վրայ գալիք տարիներին պէտք է կառուցւեն Հայաստանի և Թուրքիայի միջև յարաբերութիւնները:
Սա առանձնայատուկ օր է, նոր մեկնարկի, նոր յարաբերութիւնների և նոր հեռանկարների իւրատեսակ նախաշեմ: Դա կարող է օգտակար լինել մեր ժողովուրդների համար, եթէ մենք այս փաստաթղթերը կեանքի կոչենք ինչպէս և պայմանաւորւել ենք` ճշտապահօրէն, առանց նախապայմանների և խելամիտ ժամկէտներում իրականացնենք դրանց դրոյթները: Գործընթացի սկզբից և եթէ մենք գիտակցում էինք այն դժւարութիւններն ու խոչընդոտները, որոնք առկայ են դէպի ապագայ տանող այս փշոտ, բայցեւ այսքան անհրաժեշտ ճանապարհին: Սակայն, մենք նաեւ գիտակցում էինք, որ այս ծանր բեռը յաջորդ սերունդներին թողնելը անպատասխանատու և չարդարացւած կը լինի:
Այսօր մենք ջանքեր ենք գործադրում մեր ժողովուրդներին երկար ժամանակ բաժանող փակ դուռը բացելու համար։ Մենք ճանապարհ ենք հարթում գալիք սերունդների խաղաղ և բարգաւաճ ապրելու հնարաւորութիւնն ապահովելու համար: Ամէնօրեայ ինտենսիվ բանակցութիւնները հնարաւորութիւն ընձեռեցին գտնելու այն բանալին, որը պէտք է բացի դռան փականը եւ աննախադէպ հնարաւորութիւն ընձեռի վստահութեամբ քայլելու դէպի ապագայ:
Այսօրւայ Եւրոպայի կայունութիւնը, անվտանգութիւնը և բարեկեցութիւնը հիմնւած է մի քանի տասնամեակ առաջ ժամանակի երկու հեղինակաւոր առաջնորդների խորհրդանշական ձեռքսեղմման վրայ: Նրանք խիզախութիւն ունեցան ոչ միայն հաշտեցման տանելու իրենց ժողովուրդներին, այլև տեսլական ունեցան ստեղծելու այնպիսի պայմաններ, որ Եւրոպայի ժողովուրդներն ապրեն խաղաղ եւ անվտանգ:
Նման խորհրդանշական ձեռքսեղմում տեղի ունեցաւ 2008թ. սեպտեմբերի 6-ին Երևանում, որտեղ Հայաստանի ղեկավարի նախաձեռնութեամբ հանդիպեցին Հայաստանի և Թուրքիայի նախագահները:
Բարձր գնահատելով մեր առաջնորդների քաղաքական կամքը եւ երկու կողմից գործադրւած հսկայական ջանքերը` ես ցանկանում են դրւատանքի խօսքեր ասել միջազգային հանրութեանը՝ այս գործընթացին շատ կարեւոր հաստատակամ աջակցութեան համար: Այդ սատարումը կենսական էր գործընթացը առաջ տանելու գործում: Այսօր դուք կանգնած էք մեր կողքին` մասնակից լինելով Արձանագրութիւնների ստորագրմանը և արդարացիօրօն կիսում եք ձեռք բերւած արդիւնքի վաստակը, ինչպէս նաեւ՝ ապագայ նւաճումների պատասխանատւութիւնը»: Այնուհետեւ նախարար Նալբանդեանն իր շնորհակալութիւնն է յայտնում այս գործընթացի մասնակից երկրներին ու նրանց ներկայացուցիչներին, որոնք ներկայ էին արձանագրութիւնների ստորագրմանը:
Posts
0 Պատգամ:
Post a Comment